☄ #بقلم_فاطمه_خالد☄
🌻عشق الزين للعذراء 🌻
❄ البارت السادس❄
**********
لقد بدأ قلبي في النبض من جديد
كلما سمعت دقاته اخاف كثيرا
فعندما اعشق اعشق بجنون
اخاف ان يتركني من احب
اخاف ان يرحل بعد ان
يكسر قلبي اوعدني يا
من احببته ان تبقي
بجانبي❤
********
كان يتوجهون جميعا الي السياره حتي اوقفهم صوت ساره:انا بجد هركب مع الجدع ده
فارس:ليه يا ماما شيفاني كلب هكلك دا حتي يبقي طعمك وحش
ساره:نننننننني بارد
زين:خلاص اسكتوا ممكن تركبي يا ساره معلش امسحيها فيا
ساره: عشان خاطر عذراء بس
فارس: لا دي بتتمسكن صبرني يا رب
ساره: مش هرد عليك عشان مش من مستواي
فارس: انتي رايحه فين
ساره: هركب مبتشوفش
فارس: لا يا ماما قدام زين وعذراء ال هيركبوا ورا
ساره:وانا مش هركب جمبك
فارس: لا يا به اصل انا هموت وتركبي جنبي اوي
ساره: انت تطول اصلا هركب يا خويا مش عشان حباب عيونك عشان خاطرهم بس
فارس:ماشي ياختي خفي اتزفتي بقا عشان نتحرك
ساره بصوت غير مسموع:عيل بارد تلاجه بتتكلم اول مره اشوف تلاجه بتتكلم
فارس: سمعتك علي فكره
زين: ايه ما تتخنقوا كمان اصل مورناش حاجه احنا.
ركبوا كلهم في العربيه وهما في الطريق
ساره:ايه الملل ده ما تشغل اغنيه يا عم
فارس: لاحظي ان صاحبتك تعبانه ونايمه وزين كذلك فا لمي نفسك وحسي
ساره: خلاص يا عم متزقش انا عايزه انوم اصلا
فارس: يلا في داهيه صدعتيلي دماغي
ساره: قولت عيل رخم محدش صدقني
كانت ساره تضع دماغها علي الزجاج وتضع السماعات في اذنها وهي في ثبات عميق
فارس زننانه بس مزه اوي يا جدعان كان يقولها وهو ينظر لها
زين:نظراتك يا عم الحبيب
فارس :زين!
زين: انت خليت فيها زين
فارس:هفهمك بس استني
زين:هتفهمني ايه وعمال تقول عليا واقع واقع ومعرفش ايه دا انت ال طلعت واقع وانا اقول الولا اتجنن سايب النسوان ال يعرفها وواقف معايا في المستشفي ليه طلعت واقع وقعه محدش وقعها قبل كدا
فارس:اسكت الله يخربيتك هنموت كلنا الحيطان ليها ودان البت هتصحي
كانوا يتحدثون وغافلون عن من يسمعهم ويبتسم بخبث نعم لقد كانت ساره فهي لم تنم ولكن كانت تغمض اعينها فقط وقد فرحت كثيرا عندما سمعت هذا الحديث ولكن لا تعلم لماذا؟؟
مر الكثير من الوقت المرهق علي الجميع فقد كانت عذراء تنام في حضن زين منذ خروجهم وهذا قد ارهق زراعه قليلا ولكنه لم يكن يهتم الا انها بالقرب منها فقط وكانت ساره مازلت علي وضعها وفارس الذي يتولي سياقه السياره منذ خروجهم من المستشفي
فارس: زين احنا وصلنا صحي عذراء وصحي الزفته ال جنبي دي
ساره:متقولش زفته يا متخلف
فارس: يا لهوي خضتيني هتموتيني بسكته قلبيه اقسم بالله
زين:خلاص بطلوا هتصحوا عذراء
فارس:ما هو ده ال لازم يحصل احنا وصلنا
زين:لا احنا نوصل ساره الاول وبعدين لما نوصل هبقا اصحيها متنساش انها طالعه من عمليه وغيبوبه هتتعب مننا كدا
فارس:يا حنين يا خويا من امتي ده
زين: نقطني بسكوتك بقا بدل ما ازعلك
ساره: في منتصف الجبهه
فارس: بس يا ماما يلا يا حبيبتي وصلنا
ساره:مو لما ياكلك انا نازله ابقي طمني علي عذراء يا زين
زين: تمام يا ساره هبقي اخليها تتصل بيك
تركتهم ساره وذهبت وهم اكملوا طريقهم حتي وصلوا الي فيله شديده الجمال تبقي لها القليل حتي تصبح كالقصر الذي يكون في افلام الاميرات
فارس: وصلنا يا حنين هتصحيها ولا لا
زين: حرام عليك يا اخي انت مش شايف عامله ازاي
فارس: اه يعني مش فاهم هتناموا في العربيه ولا ايه
زين:خلاص يا عم انت هتموتنا هنزل اهه
تركه زين دون الرد عليه وقام بحمل عذراء بين يديه ونزل بها
زين:روح ناملك شويه كمان ساعتين تكون عندي في الشركه فاهم
فارس:حرام عليك يا عم حرام والله انا بقالي يومين او اكتر منمتش
زين:فاهم ولا لا
فارس:فاهم فاهم حسبي الله ونعم الوكيل فيك يمفتري يا ظالم
زين:بتقول حاجه
فارس: لا لا مبقولش
تركه وغادر بسيارته اما زين كان يتحرك بعذراء الي داخل القصر
عذراء: اممممممم زين انت شايلني كدا ليه احنا فين
زين:نامي يا حبيبتي احنا وصلنا وانا مطلعك الاوضه عشان ترتاحي انتي لسه تعبانه. انها جملته وهو يدخل من باب الفيله وهو ينادي: داده سميحه يا داده
داده سميحه:نعم يا بني خير ومين دي
زين:دي عذراء مراتي هي تعبانه شويه انا هطلعها اوضتي وانتي اعملها حاجه تكلها
الداده:من عنيا يا ابني دي شكلها تعبان يا حبه عيني
زين وهو يرد بحزن: ايوه يا داده هي فعلا تعبانه
داده:يا حبيبتي يا بنتي روح يا زين طلعها انت عشان متتعبش وانا هعملها اكل واجيبه
زين: ماشي يا داده بسرعه بس لانها من امبارح مكلتش حاجه .انهي كلماته وتركها وذهب
وصل الي جناحه الخاص وقام بوضعها علي السرير وخلع جاكته باهماله وقام بالجلوس بجانبها
عذراء وهي تستيقظ ببطئ:امم زين
زين: نعم يا عذراء قومتي ليه
عذراء:انا تعبت من النوم عايزه اقوم وكانت تهم بالوقوف حتي منعها هو وقام بحملها حتي تستطيع ان تجلس
زين:كدا كويس
عذراء: اه شكرا شكرا بجد علي كل حاجه عملتها عشاني
زين: متقوليش كدا هزعل منك بس ممكن اخد مقابل عادي كان يقولها وهو يقرب منها حتي
قاطع كلامهم خبط علي الباب
زين:والله حرام كدا
عذراء وهي في قمه الخجل :زين شوف مين
زين:ماشي ما انتي مش همك كل شويه حد ينقظك مني بس اكيد هتقعي يا جميل انتي. انها كلامه وهو يسمح:لمن يترك الباب يالدخول
داده سميحه: انا جبت الاكل انتي عامله ايه يا بنتي دلوقتي
عذراء وهي تنظر لزين حتي تعلم من هذه: الحمد الله يا طنط!
زين مسرعا:دي داده سميحه يا عذراء
عذراء اكتفت يالنظر لها والابتسام
سميحه: يلا كلي يا بنتي انتي شكلك تعبانه
زين:ماشي شكرا يا داده انا هساعدها
تركت سميحه الاكل :ماشي يا بني ولو عوزت حاجه قولي
زين: ماشي يا داده
غادرت سميحه ثم نظر زين لعذراء:هتاكلي الاكل دا كله
عذراء: بس انا مليش نفس
زين:خلاص انا هأكلك
عذراء:لا خلاص يا عم انا بهزر دنا هموت من الجوع
زين:ايوه كدا انا احبك انا هقوم اغير واروح الشركه اخلص شويه حاجات وارجع
عذراء:امم بس انت كمان لسه مكلتش بص كل معايا انا مش بحب اكل لوحدي
زين:خلاص يا ستي هاكل معاك و بعدين اروح انتي خايفه كدا ليه
عذراء:المكان غريب عليا يا زين مش متعوده عليه
زين:لا متخافيش هتتعودي انت مطوله هنا بطلي رغي بقا وكلي
عذراء :تمام
وبدأوا في تناول الطعام حتي انتهوا
زين:انا كدا تمام همشي بقا لان قايل لفارس يروح علي الشركه ولو راح ملقنيش ممكن يجي ياكلني
عذراء:تمام روح بس متتاخرش تعالي بسرعه
زين:هو انا اقدر اتأخر برده دنا هوا وهبقا هنا
وتركها ودلف الي الحمام ليقوم بتغيير ملابسه ثم ذهب الي الشركه وظلت هي مكانها تتفحص الغرفه
عذراء: هو ايه ده انا زهقت اما اقوم اشوف المكان ده عامل ازاي وكادت ان تقوم ولكنها تاوت بشده عندما ضغطت علي الجرح وكان في ذلك الوقت تدخل سميحه حتي تطمئن عليها كما اخبرها زين كأن قلبه كان يشعر بذلك
سميحه:ليه بس كدا يا بنتي ايه ده انتي بتنزفي خير يا رب
عذراء وهي تتالم بشده ولكن تحاول ان تخفي:مفيش حاجه يا داده دا الجرح فك باين
سميحه: جرح ايه يا بنتي
عذراء: امم هو زين مقالكيش
سميحه: لا مقالش حاجه لانه مكانش عايز يسيبك لوحدك
عذراء وهي تحاول ان تخفي الامر حتي لا يغضب زين: مفيش حاجه يا داده دنا كنت عامله عمليه بسيطه عشان كدا
سميحه: خير ان شاء الله تحبي اساعدك في تغير هدومك
عذراء: لا شكرا يا داده انا هغير انا
سميحه: ماشي يا بنتي لو احتجتي حاجه ناديلي
ثم تركتها وخرجت
سميحه: انا لازم اتصل بزين دي شكلها تعبان اوي ومش عايزه تقولي.
قامت سميحه بالاتصال به واخبرته ان ياتي سريعا
زين:ماشي يا داده انا جاي فورا
ثم هرول زين بالنهوض سريعا حعي اوقفه فارس
فارس: زين في ايه عذراء كويسه
زين:مش عارف داده اتصلت وقالت ان شكلها تعبان والجرح بتعها نزف
فارس: خلاص روح انتي وانا هخلص وابقي طمني
علي الجانب الآخر
عذراء:اوف هلبس ايه انا مجبتش معايا هدوم ومفيش حاجه البسها اما ادور كدا ممكن الاقي حاجه
اخذت تبحث في الغرفه حتي وجدت خزانه ملابس خاصه بزين
فظلت تفكر قليلا:اوف مفيش الا الحل ده اعمل ايه يعني ما الجرح ال عمال ينزف وبوظلي هدومي
كان وصل زين الي الفيلا وصعد سريعا الي غرفته ليراي من عشقها قلبه ولكن تفاجا كثيرا بما راه
.........يتبع
ياتراي زين لقي ايه وعذراء كويسه ولا لا هنعرفه البارت الجاي واسفه علي التاخير الفتره دي
أنت تقرأ
🌻عشق الزين للعذراء🌻
Romansaهل تعلم هذا الشعور عندما تكون علي وشك الضياع ويأتي هذا الشخص وينقذك ولكن يأخذ منك شئ مهما فعلت لا تستطيع ان ترجعه مره اخره لان مهما فعلت وتجاهلت لم تستطيع نسيانه مهما حاول العقل علي فعل ذلك لان القلب يكون له راي اخر فهذا الشخص يسرق قلبك كما انت تسر...
