اللهم صلي وسلم وبارك على سيدنا محمد وعلى اصحاب سيدنا محمد وعلى آله الطيبين الطاهرين اجمعين وسلم تسليما كثيرا عدد خلقه ورضا نفسه وزنه عرشه ومداد كلماته
❤❤❤❤❤❤❤❤❤❤❤
ياسين: رضوى
رضوى: نعم
ياسين: انا
رضوى: خير اي تاني
ياسين: انا آسف ي جمالات
رضوى بغيظ طفولي: تصدق انك رخم وانا غلطانة اصلا اني رديت عليك
ياسين: هههههههه استني بس انتي بتزعلي من اسم جمالات لي ده اسم بيدل ع كثرة الجمال ي بطل أنت
رضوى: ياسين اتلم
ياسين بجديه مصطنعة: اتلم!! طيب متيجي تديني قلمين احسن يبت ده انا مديرك ده لو تكرمتي وخدي بالك اصلا
رضوى: طيب يلا ي مديري اقفل عشان هنام عندي شغل الصبح ومش عايزة اقولك ع رخامة المدير ف الشغل يالهووي
ياسين: امممممم بقا المدير رخم
رضوى: جداااااااا
ياسين: ماشي ي جمالات ماشي
رضوى اتعصبت وقفلت السكة
ياسين: ههههههههه يبت المجانيين بس بحبها برضو هييييح الواحد ينام وهو مرتاح بقا بس والله ي فهد ماهنسهالك عشان كنت هموت لو كانت فعلا سابت الشغل انتظرني ي فهد
ونااام اخونا ياسين 😂 ي ترى هيعمل اي ف فهد👀هنعرف البارت الجاااي😉 معلش البارت صغير🥺
رواية ملك الفهد
بقلمي الاء شعبان
استودعكم الله 💜
تخيلوا لو كان دا فعلا البارت😂🤣🤣🤣 كنت هتضرب بالشوز😂😂
حتت مقلب كدا صغننه بس قولولي مين شرب المقلب😂😂
يلا نرجع لروايتنا بقا
علي بيغني: بابا ي بابا ي بابا
حمدي بيكمل غنى: تبقى مصيبة ي بابا احكي
علي بيغني: والله ظالمني يبابا
حمدي: ابني وانا عارفهه احكي ف اي
علي: اصل هما مصيبتين مش مصيبة
حمدي: احكي ي وش الخير
علي: هنروح نخطب ليلى بكرة
حمدي: وهي دي مصيبة ي ابن الكلب
علي: اه مانت مش عايز تجوزنا معرفش لي
حمدي: ي غبي انا بحبكم جدا ومبحبش حد منكم يبعد عني بس والله ده يوم السعد يوم ماافرح بيكم وبولادكم وعقبال مافرح برضوى وملوكه ي رب
علي: احم احم متأكد ي حج
حمدي: انت ياض جاي تعصبني ع المسا مالك ف اي هو انا هكرهلكم الفرحة
علي: طيب ملك جالها عريس
حمدي: احنا هنلعب ملك مين اللي جالها عريس
علي: والله بتكلم جد
حمدي بنرفزه: قوم ادخل جوا بدال مااتعصب عليك واديك بالقلم ع وشك
سميرة بخضه: مالك ي حمدي صوتك عالي لي
حمدي: تعاالي شوفي البيه ابنك جاي بيقول اي
سميرة: ف اي ي علي
علي: بقوله ملك جالها عريس
سميرة : وهي دي حاجة تزعل ي حمدي
علي: طيب انا هدخل انام وشوفوا انتو الموضوع دا مع بعض
حمدي: شايفة ي سميرة
سميرة: مالك ي حمدي ف اي لدا كله يعني
حمدي: البت لسه صغيرة
سميرة: طيب ماليلى لسه صغيرة
حمدي: بس ي سميرة بس ليلى تفرق لان ابنك بيحبها
سميرة: ما دا يمكن بيحب ملك برضو
حمدي بغيرة شديدة : نعممم حب اي وهو يعرفها منين اساسا عشان يحبها
سميرة: انا بتناقش معاك انا معرفش مين هو اساسا بس وارد جدا انه يكون بيحبها
حمدي بغيظ: اسكتي ي سميرة دمي اتحرق
سميرة: حمدي انت هتعيد حوار خلود من تاني
حمدي: قصدك اي
سميرة: بطل غيرة ي حمدي ولادك بقيو مش صغيرين والغيرة الذايده دي مش كويسة
حمدي: انتي بتلمويني ع حبي وخوفي لولادي ي سميرة انتي فكراني ناسي مليگة مستحيل انساها مستحيل انا غصب عني اللي بعمله ااه بخاف عليهم ومش عايزهم يسبوني ابدا عشان خايف خايف اللي حصل يتكرر
سميرة بدموع: هو ف حد يقدر ينسى ضناه ي حمدي بس انا قصدي بلاش خوفك الذيادة هيأثر عليهم بالسلب والله ده احمد مش بيحب خلود تيجي هنا عشان اللي بيحصل بينكم
حمدي: مفروض تكوني اكتر واحدة حاسه بفراق اولادك فكرة بعدهم عني مش متقبلها مش كفاية واحدة
سميرة بدموع: 15 سنه وانا قلبي محروق عليها بس نعمل اي عملنا كل حاجة ممكن تتعمل
ملك بصدمة: اي مالكم بتعيطوا لي اي اللي حصل
سميرة مسحت دموعها: لا ي حبيبتي مفيش
ملك بدموع: لاء قولوا مالكم
حمدي: ي ملوكة انتي عارفه اني مبحبش اشوف دموع حد فيكوا
علي جه عليهم: اي لسه منمتووش يجماعة ده اناخلاص كنت هنام بس سامع صوتكم
حمدي: روح ي اخويا اتخمد
علي بتغير الاجواء: ي باابا ي حبيبي هو انت لقتني عند الجامع اي اتخمد دي بتعاملني لي معاملة اللقيط بحس نفسي اووي اني عبدالحليم حافظ ف فيلم الخطايا انت لقيط لقيط عارف يعني اي لقيط
ملك بعد ماكانت بتعيط: هههههههههه ههههههههههه هموت
حمدي: ههههههه طيب روح نام ي لقيط
علي: ماما انا عايز اخ ليا هتيلي اخ حتى لو لقيط ذيي عادي
سميرة: هههههههههه ههههههه
علي: ي بابا قولها تجبلي اخ
حمدي: ههههه نعمل اي ف امك خلفتها بنات مجبتلكش اخ انا مالي بقا
ملك: انت مالك ازاي ي بابا
حمدي: هو انا ي بنتي مالي هو انا اللي خلفت
ملك: اه ماحضرتك بتكون المتحكم ف الولد والبنت مش ماما الراجل عموما يعني
علي: هههههههه طيب انتي علم رياضة عرفتي منين ي اروبه
ملك بغرور مصطنع: ثقاافة ي بابا ثقااافة
حمدي: ماتفهميني ي بنتي انا السبب ازاي
علي بمشاكسة: هههههه فهميه ي ملك انتي اللي جبته لنفسك البسي بقا
ملك اتكسفت جامد: انا اسفة ي بابا مش هقدر افهم حضرتك بس كل اللي اقدر اقوله لحضرتك ان الراجل السبب ف خلفة الولاد او البنات الست ملهاش اي دخل ع الاطلاق
حمدي: طيب اهدي اهدي مالك ي بنتي لونك بقا احمر كدا
ملك بحرج: انا داخله انام
علي: هههههههه ابقا خدي بالك من كلامك يهبلة حظك اني علم علوم وفاهم قصدك ههههه
ملك بحرج بغيظ من علي: تصبحوا ع جنة انا داخلة
حمدي: تعالى فهمني انت ي علي
علي: لاء اتكسف ي حاج هههههه اانا داخل انام عندي شغل الصبح
حمدي: ي ولاد الجزم متفهميني انتي ي سميرة
سميرة: والله ي اخويا انا ذيي ذيك
حمدي: طمسه علينا انعرف كنا واخدين لسانس ازاي انا وانتي
سميرة: هههههههه بس برضو احنا كنا ادبي
حمدي: تسأليلي ملك وتفهميني انا لازم افهم ازاي انا السبب
سميرة: ههههه حاضر المهم اي ف موضوع ملك
حمدي: سبيها لوقتها مش لما اعرف دا مين اساسا
سميرة: اصل شفتلها رؤية حلوة جدا
حمدي: خير ان شاء الله ملك تستاهل كل خير
ورضوى كل يوم عشر تلاف عريس يجيلها وانا برفض من برا خايف عليهم قوي بس برضو مشفتش حد مناسب فيهم عشان متبصليش
سميرة بغيظ: انا داخلة انام مش هتكلم هتعنسلي عياالي انا عارفه
أنت تقرأ
ملك الفهد
Ficção Geralوفي البدايه يكون كلٌ منا قد أصر علي أن يعيش حياه هادئه مطمئنه بقلب خالي من الحب ومعاناته .. يكون قد سن لنفسه قانونًا يعيش به طوال حياته، ولكن بدون اي مقدمات يأتي من يكسر هذا القانون .. يأتي ليغير مجرى الحياة؛ بل ليغير الحياة بأكملها .. يأتي ليسكن ال...
