ملك الفهد

البارت الرابع عشر

‏⁧‫
‏اللهم إني أستغفرك يا عالم الغيب
‏والشهادة من كل ذنب آتيته في ضياء النهار
‏وسواد الليل وفي ملأٍ وخلاءٍ وسرٍ وعلانية يا حليم..
‏* اللهم أغفر لي ذنبي مغفرة أنسى بها كل شئ سواك ،
‏وهب لي تقواك واجعلني ممن يحبك ويخشاك..

❤❤❤❤❤❤❤❤

حمدي: ابوها يبقا واحد صحبي كان متجوز عمتك واتوفى ربنا يرحمه
ملك بحزن: ربنا يرحمه هو وعمتي يرب كان نفسي اشوفها
حمدي بحزن: شبهه رضوى جدا كأنها هي
ملك بفكير : كانت عنيها ذي رضوى وعلي  صح؟
حمدي : ااه
ملك بانتصار وضحك: اخيرا عرفت جايبين عنيكوا دي منين
ملك بتساؤل: طيب ي بابا هو أبوها ده ملوش اهل ؟

سميرة بصوت عالي: اسكتي بقا ي ملك وكلي وانتي ساكتة
ملك گشرت:  طيب سكت  أهو
علي: هي رضوى رنت النهاردة ي جماعة
ملك بمشاكسة : بتسأل لي ها بتسأل لي
علي استغرب من ملك: فيها اي ي هبلة انتي اصلها وحشتني  جدا
ملك بصدمةة: ي بجاحتك
سميرة : ي بنتي كلي وانتي ساكتة صدعتينا
ملك: بااااااااس  كدا كفاية ولا صدعتك ولا صدعتهم انا هقوم هروح  اقعد عند امي ولا تقولي صدعتني ولامصدعتنيش
( بتقلد سيد 🤭فيلم شيكامارا 😂😂😂)

علي: لا بقيتي بتعرفي تألشي ي بت اهو
ملك : تلميذتك ي باشا
سميرة :ههههههه يخربيتك ي ملك
ملك لاحظت ان بابها ساكت: مالك ي بابا سرحان كدا
حمدي : البت خلود وحشتني اوي وحسيت انها مش كويسة من صوتها
سميرة بدموع: شوفت عشان كان قلبي حاسس
ملك:  اي ي جماعة مالكم خلود هتيجي على اخر شهر 7 ان شاء الله انا گلمت أحمد وهو قالي وقالي كمان ان خلود مش حابه القعده هناك وكدا
سميرة :هتيجي هي واحمد ولا هي لوحدها
ملك: اكيد هي واحمد يعني
امال هتيجي من غير جوزها ازاي
يلا انا داخلة اذاكر بقا سلام صدعتوني نازلين رغي رغي
كلهم بصوا لبعض
علي: بقا احنا الي صدعناكي
ملك: اه نازلين زن زن زن هروح اخد اسبرينا عشان اذاكر
حمدي: زن زن هااا
ملك بخوف مصطنع: لا ي حج انا مش قصدي عليك
علي: الي يخوف حلو برضو
ملك: شوفت اهوو بترغوا تاني
علي : روحي ي بنتي من وشي
ملك: ههههههه حبيبي ي سي السيد عليك رومانسية فظيعة
ودخلت ملك تذاكر
... . .......................********.........................

اللهم صلي وسلم وبارك على سيدنا محمد وعلى اصحاب سيدنا محمد وعلى آله الطيبين الطاهرين اجمعين وسلم تسليما كثيرا عدد خلقه ورضا نفسه وزنه عرشه ومداد كلماته

❤❤❤❤❤❤❤❤❤❤

ياسين : ي بت ي مروج
مروج: قلب مروج
ياسين بضحك: احترمي نفسك  ي منحرفة
مروج: هيهيهيهيعيهيهيهيهيهيهي
ياسين : قاعد ف شارع الهرم ي اخواتي
مروج: ههههه طيب قولي كنت عايز اي
ياسين: ماما اخدت الدوا
مروج : اه الحمدالله
ياسين : طووويب
مروج بتذكر : تعرف اتعرفت على واحدة النهاردة على الفيس عسل اوي حبيتها جدا وعايزة اخطبهالك
ياسين بضحك: هتلاقيها واد ف الاخر
مروج: هههههههههههههه .
ياسين: اه والله مابهزر اسئلي مجرب ي حبيبتي
مروج بتساؤل: انت حد عمل فيك مقلب ولااي.
ياسين بتذكر : ياااه كتير متقلبيش عليا المواجع ي مروج ي أختي
مروج: هههههههه لا والنبي لاتحكي
ياسين: بس متتضحكيش
مروج: احكي احكي ي باشا عيب عليك مش هضحك
ياسين: بصي ي ستي وانا ف 2 ثانوي كدا بعدت عن فهد شوية وكدا فكنت خاربها
بنت بعتتلي ادد وكدا وطبعا انا ماصدقت قبلت على طول. وكلمتها وكانت عسل جدا ودمها خفيف كل يوم نتكلم ولو يوم متكلمناش اموت بس كان ف وقت معين بتفتح فيه من الساعه 3 العصر لحد الساعة 5 كدا  استغربت اشمعنا الوقت دا الي بتفتح بيه بس مركزتش يعني المهم اعترفتلها بحبي وهي كمان ومر علينا شهرين بنتكلم وقولتلها انا عايزة اشوفك وياريت مكنت قولت
مروج: ههههههههه لي  طلعت وحشة
ياسين : يااااااااريت
مروج:امال اي
ياسين: قولتلها افتحي الكاميرا وفتحتها واتصدمت
مروج: كانت عفريته
ياسبن: طيب والله ياريت كانت عفريته
مروج: هههههههه امال طلعت اي يخربيتك
ياسين: كانوا العيال اصحابي قاعدين ف السايبر بيتسلوا عليا
مروج بضحك جامد:هههههههههههههههههههه مش قادرة همووووت
ياسين بغيظ: مش قولتلك متتضحكيش ي بت
مروج بضحك : مش قادرة هههههههههه  طيب وعملت اي
ياسين: كنت تريقة الي رايح والي جاي اصل كنت ببعتلها فويسات واغنيلها وكنت مقلد تامر حسني وبقولها يا برنسيسة يا برنسيسة
مروج: هههههههههههههههههههه حرام عليك هموت
ياسين: والله الفويساات بتعتي كانت مع كل االمدرسة .
مروج: يعيني عليك ي اخويا ههههههههه
ياسين: جه بقا فهد اداني درس عمره مانسيته من سعتها تووبت
مروج: احسن ههههههه بس فهد كان من سنك واعقل منك
ياسين : فهد دا ي بنتي نعمة والله دايما بيوجهني لطريق الصح عمري مرة ماكنت معاه وضاع عليا فرض ولحد دالوقتي(الصحبة الصالحة ي جماعة ❤❤🙈)
مروج: ربنا يبارك فيه ي رب
ياسين : يارب ويباركلي فيكي ي روحي ويهديكي وتلبسي الحجاب.
مروج: يارب والله نفسي ادعيلي انت بس
ياسين : بدعيلك ي قلبي والله
.........................*********...................

أسهل عبادة هى الذكر ومن أشد العبادات اللى بتأثر على القلب فأذكروا الله كثيراً..💙

❤❤❤❤❤❤

بداية اليوم التالي
فهد : السلام  عليكم ورحمة الله
كلهم : وعليكم السلام ورحمة الله
حورية: تعالى افطر ي فهد
فهد: هفطر مع ياسين..
أحمد: بس حلو  الشغل الي سبتوه عليا امبارح هاااا
فهد : هههههههه قلبك كبير ي حج
أحمد: انا مش رايح النهاردة على فكرة
فهد : براحتك ي حج  ههههههه
اسيبكوا انا بقا سلام.
...................*********.....................

لااله الا أنت سبحانك إني كنت من الظالمين  ❤

فهد: ياسين بيه اخيرا شرفت يلا عشان نفطر
ياسين: تعرف لو كنت عملتها وكلت من غيري كنت هخاثمك والله
فهد بغيظ : اعدل لسانك طيب
ياسين:   طوويب ههههه
اه صح حلمت انك اتجوزت
فهد  بضحك : لا يراجل.
ياسين: اه والله
فهد: قول ي رب
ياسين: يطلعلك ضب
فهد : اي ياض الظرافة والخفه دي.
ياسين :  حبيبي تسلم  هههههه
طيب هتتجوز صح
فهد بغيظ : لما ربنا يسهل.
ياسين: ياترى امته هتيجي اللي هتوقع فهد البحراوي
فهد  بضحك: شكلها جت ي اخويا مش نقيت عليا.
ياسين بصدمة : انت بتتكلم جد ههههههههههههههه
شوفت بقا صدقتني بقا
دوقت طعم الحب
فهد : ي ابني انا كنت بهزر معاك انت حب اي بس انت ماصدقت
ياسين بفرحة : يجدع قول كلام غير دا باين ع وشك اصلا
فهد بغيظ : روح على مكتبك يلا.
ياسين: مش هروح قبل مااعمل الواجب
ياسين جري يطبل على طرابيزة الاجتماعات
ويقول : فهد حب ي جماعة ي جماعة حب والمصحف حب والله  حب وكتااااب الله حب وانا الي كسبت ايوااا بقا ي مزيكا 
( يخربيتك ي ياسين 😂😂😂😂)
فهد: بطل استهبال بقا الشركة كلها هتتلم علينا والله انا الغلطان اني بهزر معاك اصلا ماشي ي ياسين
ياسين : باااااين حبييييت ايوا انا حبيييت
فهد بعصبية شديدة : اطلع براااااااا
ياسين بضحك: انا مش بآمن بالحب قال هههههههه ده انت واقع واقع.
فهد بغيظ: انت متخلف ي ابني وللله مافي حاجة انا كنت بهزر اصلا
ياسين: هههههه مش عليا هااا يلا سلام هشوفك على الغدا.
وماشي يغني باين حبيت ايوا انا حبيت..
فهد : عليه العوض ومنه العوض دا الواد اتجنن خالص وانا خلاص يعني رايح اقوله اهو هيفضحني ف الشركة كلها
.. ...................********.................
......: لازم لازم نوقع ياسين وفهد ف بعض لازم نفرقهم
........: الي انت عايزة هيحصل ي باشا تحب نعمل اي
........: انا هقولكم..    .  ...
وهنا البارت خلص 🤭
اي رآيكم ف ياسين 😂😂
ورآيكم ف البارت ك كل ؟! انا حبيت البارت يكون كوميدي المره دي عايزة رآيكم بقا انفع ف الكوميدي ولااي 😂😂بس  ومعلش بقا لانه صغير
وبعدين عايز تفاعل وتصويت ي جماعة فين التفاعلات 😥😥😭
وتتوقعوا مين دول الي عايزين يوقعوا فهد وياسين 🤔 .
واي الي هيحصل
رواية ملك الفهد ❤
بقلمي آلاء شعبان 😊❤
استودعكم الله ❤❤