اللهم إني أستغفرك يا عالم الغيب
والشهادة من كل ذنب آتيته في ضياء النهار
وسواد الليل وفي ملأٍ وخلاءٍ وسرٍ وعلانية يا حليم..
* اللهم أغفر لي ذنبي مغفرة أنسى بها كل شئ سواك ،
وهب لي تقواك واجعلني ممن يحبك ويخشاك..
❤❤❤❤❤❤❤❤
رضوى بخوف: بس والله اخويا ف الرضاعة والله
ياسين: انا معنديش انا الكلام دا قال اخويا ف الرضاعة قال بس ازاي وهو اكبر منك اساسا
رضوى: لاء ده انا الاكبر
ياسين: احنا هنستهبل يعني انتي اكبر مني!!!!
رضوى: ااه عادي فيها اي
ياسين: ده انتي اخرك اولى جامعة ي بنتي
رضوى: والله دي حاجة تفرحني
ياسين: المهم دالوقتي انا اروح اتقدملك ازاي بقا قوليلي بابكي موجود فين
رضوى بحزن: متوفي
ياسين بحزن عليها: حبيبتي ربنا يرحمه يرب طيب مامتك
رضوى بحزن ودموع: مشفتهاش اصلا اتوفت اول لما جبتني
ياسين قلبي وجعه: انا اسف ي رضوى والله انا اسف مش قصدي افكرك
رضوى بابتسامة حزينة: وانا امته نسيتهم مع اني مشفتهمش هما الاتنين بس دايما بتخيلهم واكلمهم بس بابا حمدي وماما سميرة بيعملوني ذي بنتهم بظبط عمري ماحسيت غير كدا ربنا يباركلي فيهم يرب
ياسين: ي رب خلاص انا هاجي اقعد مع خالك
رضوى كشرت: بابا مش خاالي
ياسين: ماشي ي عم يلا روحي شوفي ملك برا لوحدها
رضوى: تصدق نسيت ملك ههههههه
ياسين غمزلها: من لقى احبابه بقا
رضوى: بس ي بتاع نهى وسابته وطلعت
.............................................................
اللهم لك الحمد حتى ترضى،
ولك الحمد اذا رضيت ولك الحمد بعد الرضا ، ولك الحمد أبدا أبدا .....ولك الحمد أنت قيوم السماوات والأرض و لك الحمد حمدًا كثيرًا طيبًا مُباركًا فيه
❤❤❤❤❤❤❤❤
فهد: ي بابا عايز حضرتك ضروري
أحمد: مش قولتلك ف الشغل مفيش بابا
فهد: لاء ماهو حاجة انا عايزة فيها اب بعيدا عن الشغل يعني
أحمد: هنروح لملك صح
فهد: صح الصح يحج
أحمد: طيب ي يلا بينا
فهد: ههههه يبابا مش لم ناخد معاد وبعدين ابوها بيقولوا صعب جدا ومش عايز يتجوز بناته بيحبهم جدا
أحمد: لاء اضمن حمدي ده حبيبي
فهد: عايز اعرف مدى علاقتكم دي
أحمد: قريب هتعرفها ودي هتبقى ف صالحك متقلقش وملك دي هيكون ليها معزة خاصة ف قلبي عشان شايف فيك نفسي ي فهد
فهد: انت بتتكلم بالالغاز لي ي حج
أحمد: قريب الالغاز هتتفك بس لو تديني رقم حمدي هتبقا الدنيا ظبطت خلاص
فهد: هجيبه من رضوى وابعتهولك
أحمد: رضوى مين ي اهبل قصدك ملك
فهد:لاء ي بابا رضوى اخت ملك شغاله سكرتيرة ياسين
أحمد: مش تقولي وسابه وطلع
فهد: رايح فين ي بابا
مردش عليه ودخل وشاف رضوى
أحمد بابتسامة: انتي اخت ملك
رضوى بفرحة: اه اخبار حضرتك عامل اي
أحمد:بخير ي رضوى ي بنتي انتي عامله اي عرفاني انا مين
رضوى: اه شفتك قبل كدا بس مش عرفاك بصراحة
أحمد: انا ابو الواد اللي واقف
فهد: بقيت واد خلاص ماشي ماشي انا رايح المكتب
أحمد: ياريت عشان نعرف نكلم انا ورضوى ع روقان
فهد: وياسين يطلع والدنيا تخرب بقا
أحمد: وهو مالو زفت ياسين
فهد: ملووش ي حج ملوش
احمد: طيب امشي يلا
وفعلا مشي
أحمد: قوليلي بقا ي رضوى عاملة اي ف شغلك مرتاحة معانا هنا
رضوى: اه الحمد الله
احمد: لو حد من العيال الكلاب دول زعلك تجيلي ع طول وانا هربهملك ماشي
رضوى: هههههه اكيد
احمد: عايز بقا رقم بابكي عشان سي فهد وست الحسن ملك
رضوى: ههههههه ع فكرة ملك هنا ف الشركة
أحمد: بتهزري
رضوى: والله بس بتلف ف الشركة عشان ملت من القعده هتلاقيها بتتصور أكيد
أحمد: هههههه يخربيت الصور اللي جننتكوا دي
رضوى: ههههههه اه والله ي بشهندس عندك حق
هات اكتب لحضرتك الرقم
أحمد: اتفضلي
رضوى: كدا تمام عايزين اخبار حلوة قريب بقا
أحمد: ي مسهل بقولك ي رضوى انتي شفتي عمتك ولا محلقتهاش
ملك جت: انا جيييت
أحمد بابتسامة: ملك صح
ملك بابتسامة:اه حضرتك مين
أحمد: قريب هكون ذي بابكي كدا
ملك: ده شرف ليا طبعا بس مين برضو
احمد: والد فهد
ملك: اخبار حضرتك بس اي دا انا حساك اخوه الكبير مش باباه
احمد: هههههههههه ي بكاشه
ملك: والله ماشاء الله ع حضرتك شكلك صغير
أحمد: خلاص سيبك من فهد ده ونتجوز انا وانتي
ملك: وانا موافقة
أحمد: وفهد يجي ي ولع فينا
ملك بحرج : هههههههه
فارس: اي ي بابا فينك بدور عليك وبص ع ملك ورضوى
فارس: يسهلوووو ي حج ده انا هروح اقول لماما معاه مزتين اي
احمد: احترم نفسك ي ياض
فارس لرضوى: عنيكي ولا لينسز
احمد: انت ي زفت احترم نفسك
فارس: انا اتكلمت
فارس لملك: كيووت اوي اسمك اي
فهد من قفاه: قول تاني كدا
فارس بلع ريقه بخوف: اي ي عم بهزر
ملك بغضب من وقفتها وسطهم: معلش هستأذنكم
أحمد: استني ي ملك تعالي روحي معايا المكتب وانتي ي رضوى خلصي وتعالي عشان هوصلكم
فارس بصدمة: هو انتي ملك مرات اخويا
ملك عايزة الارض تبلعها من الكسوف
أحمد: ع مكتبك ي حيوان امشي من قدامي غبي
فهد بغيظ: مش سمعت روح مكتبك يلا وانتي ي ملك روحي مع بابا
ومشيت ملك مع رضوى
ملك بصوت واطي: يعني مفيش موول والله هعيط
أحمد: هههههههههه لاء متعيطيش مانتي كدا كدا هتروحي انتي وفهد قريب
ملك كشرت
أحمد: لي التكشيرة دي بس
ملك: اصل حضرتك انت وولادك بتكسفوني بكلامكم والله
احمد: هههههههههه احنا اسفين ي ستي بس قوليلي ومن غير كسوف انتي حابه خطوة ان فهد يتقدملك ولا مغصوبة من اخوكي ولااي بظبط
ملك بحرج شديد: لاء مش مغصوبة مستحيل اتغصب ع حاجة هيتنبني عليها حياتي كلها بس بصراحة يعني انا صليت استخارة وارتحت جدا
احمد براحة: وانا ي بنتي ارتحتلك جدا والله وفهد يستاهلك فعلا كنت دايما اقول مفيش واحده تستاهل فهد ابني بس اهي جت لكن الكلب فارس لو كلبه هجوزهالو وممكن كمان تعترض عليه
ملك: ههههههههههههه
أحمد: تعرفي ي ملك انا و ابوكي كنا اكتر من الاخوات بس فجاة اختفى وبقيت معرفش عنه حاجة خالص
ملك بستغراب: بجد انت عارف بابا
أحمد: شفتي فهد وياسين كنا اكتر والدتك سميرة وعمتك رحمة
ملك: ده انت شكلك كنت قريب مننا اوي
احمد: اووي اووي وان شاء اللله هنرجع ذي الاول اكيد ربنا لي حكمة ان فهد يشوفك اكيد
ملك: انا فرحانة بجد
احمد: طيب قوليلي بقى انتي فاكرة عمتك
ملك بحزن: ربنا يرحمها ي رب بصراحة انا مشفتهاش اصلا بس دايما بابا يحكيلنا عنها كتيييير وعن التضحيات اللي هي عملتها وحبها لجوزها يااااه حاجات كتير اووي تخيل ضحت بنفسها عشان تخلف طفل يجمع حبها مع جوزها وبرضو بابا بيقولنا جوزها كان بيعشقها
أحمد بصدمة: طفل؟!!! هي خلفت!!!!!!؟؟؟؟
ملك بستغراب: اكيد حضرتك متعرفهاش او اللي مخك حد تاني غير عمتي وبعدين انت تعرفها منين
أحمد: بالله عليكي ردي عليا هي خلفت
ملك: اااه خلفت بس وصت بابا انه ميقولش لجوزها ان خلف عشان يعيش حياته ويتجوز وميحصلوش مشاكل بين وبين اللي هيتجوزها وكدا
هي كل اللي كان همها جوزها كانت بتعشقه
وكمان لما حبت تخلف كان عندها امل تعيش مع ان كل الدكاترة قالو ليها حياتك ي اما الطفل ورفضت تقول لجوزها انها حامل وفهمته انها هتتعاالج برا وطلبت منه الطلاق تحت ضغط منها قالتله لو عيشت هجيلك ونكمل حياتنا راح طلقها وعددت شهور العدة واتجوزت ابن خالها بس جواز ع الورق وهي ف المستشفى عشان يكتب اسم الطفل ب اسمه وابن خالها كان بيحبها ووافق ع طول
بس بصراحة هي ضحت بحياتها وسعادتها عشان خاطر جوزها وبنتها
بس معرفش جوزها ازاي بيحبها وطلقها
أحمد بدموع: عشان هي قالتله لو بتحبني طلقني قالتله مش عيزاك تشوفني وانا بتعالج وشعري بيوقع وانا بدمر قالها هبقا تحت رجلك انا بحبك انتي بحبك مهما كان شكلك
قالتله انا مرضهاش ع نفسي انا هتعالج واجيلك ونكمل حياتنا مع بعض قالتله لو موافقتش ع طلاقي مش هتعالج وهسيب نفسي اموت قدامك ده عاااش ف عذاب ومزال والله ومازال
بس قوليلي هي فين بنتها دي فين هي
ملك بصدمة كبيرة: انت تعرفها منيين بالله انا مين
احمد بدموع وحزن: انا اللي طلقتها انا اللي سبتها انا السبب ف موتها انا اللي اتحرم من بنته
انا اللي مراته ضحت ببنتها عشان متأذنيش هي لي كدا ليييي كانت هتتعاالج ونعيش ف سعادة
هي فاكرة اني هنساها انا بخرف بيها قدام مراتي لي عملت كدا ليي ليي ليي تحرمني من الحاجة الوحيدة اللي تفكرني بيها لي والله انا كنت بعشقها ومازلت لي عملت كدا
ملك بعياط شديد: اهدى ي بشمهندس انا والله مكنت اعرف
أحمد بدموع: انتي جتيلي من السما عشان تفهميني بنتي فين ي ملك فين
ملك: مقدرش اقول لحضرتك لانها متعرفش كل اللي اتعرفه ان والدها اتوفى بس لان فعلا ابوها اللي متسجله بيه مات
أحمد بدموع: حتى انتي ي ملك عايزة تحرميني منها
ملك بحزن: والله ابدا انا اصلا مكنتش اعرف الموضوع غير قريب بس حقيقي هي هتدمر لو عرفت ان ابوها عايش واننا كنا بنكدب عليها
أحمد مسح دموعه: لاء احنا هنعمل خطة ونفهمها بس قوليلي هي فين عايزة اشوفها انا شوفت رضوى اختك ف كتب كتاب فريدة حسيتها بنتي وحضنتها رحمة عمتك شبهها جدا
ملك بدموع: معلش ي بشمهندس مش هقدر اتكلم
أحمد: ابوس ايدك ي ملك ي بنتي قوليلي فين بنتي اوعدك مش هقولها غير لما نفهمها براحة
ملك بتلقائية حضنته: ينفع اقولك ي بابا صح
أحمد: طبعا ي بنتي
ملك: بص ي بابا بنتك انت حضنتها فعلا
أحمد بصدمةة: انتي بنتي ي ملك
ملك: هههههههه و فالاخر نبقا انا وفهد هنتجوز ونكتشف اننا إخوات اي شغل افلام ابيض واسود دي ي بابا هههههه
احمد: طيب مين طيب
ملك: رضوى
احمد: والله كنت حاسس والله اتحرمت منها حرام والله حرام ي وجع قلبي
ملك: احنا اتفقنا قولنا اي
احمد بدموع: غصب عني غصب عني
ملك: انا حاسه بيك والله بس لازم نفكر بحكمة عشان رضوى
أحمد: حاضر بس انا هروح لابوكي النهاردة
ملك: انا خايفة بابا يزعل مني اني حكيت لحضرتك تصدق اني اول مرة اتكلم مع حد كدا
احمد: ربنا عايز كدا تعرفي انا حاسس ان ابوكي حاسس بالذنب اوي
ملك: جدا جدا انا مره شفته بيعيط بسبب كدا
أحمد: ان شاء الله الدنيا هتتصلح ان شاء الله
................................................................
أنت تقرأ
ملك الفهد
General Fictionوفي البدايه يكون كلٌ منا قد أصر علي أن يعيش حياه هادئه مطمئنه بقلب خالي من الحب ومعاناته .. يكون قد سن لنفسه قانونًا يعيش به طوال حياته، ولكن بدون اي مقدمات يأتي من يكسر هذا القانون .. يأتي ليغير مجرى الحياة؛ بل ليغير الحياة بأكملها .. يأتي ليسكن ال...
