كرونيك: قضية _انجاب

15

#حلقة15
بعدما خرجت و خلاته هو بقى في بلاصته يتفكر كلش من نهار لي عرفها لحتى اليوم و بقى يضحك لان سبة لخلاتهم يتعارفوا كانت سبة في بعادهم على بعضاهم كان هاك حتى يشوف تلفونه يصوني يلقاها مرام تنهد و رفد عليها
سامي: الو
مرام: الو نجموا نتلاقوا
سامي: اوك وين راكي نجي عندك
مرام: راني في دار دوك نخرج نتلاقوا في بلاصتنا
سامي: أوك و ناض راج لجاردان لي دايما يتلاقوا فيها راح لقاها راكبة بنسوار و تلعب مع صغار شافها تضحك تبسم وحده عنده شعال ماشفهاش تضحك هاك راح عندها
سامي: راكي قد لعب نتي
مرام: واه مزالني صغيرة
سامي: صغيرة و حنا غادي نزوجوك
مرام: نتا لعريس عادي نتبهلل هو من سمعها قالت هاك سكت و تفكر لحصلة لي حصلها هي من شافته هاك فهمت حالته ناضت من بلاصتها
مرام: ايا نروحوا نحكوا في بلاصة و نتفاهموا على كلش
سامي: اوك ايا تمشاو ووصلوا في بلاصة ريحوا فوق حشيش بقاو ساكتين شعال حتى نطقوا في رحبا
سامي و مرام: لازم نتفاهموا مرام قرصاته
مرام: زهري خير من زهرك منبعد ناضوا يضحكوا من كملوا بدات مرام تحكي
مرام: شوف علبالي بلي حطيتك في موقف زبل نستعرف بصح نتا هو حل تالي تاعي بصح مرانيش باغي هادي تخسر علاقتي بيك علبيها درت عقد
سامي: عقد و طلع حواجبه
مرام: سكت خليني نكمل
سامي: صحا مدام محامية كملي كملي
مرام: درت عقد فيه شعال من بند و لازم تلتازم بيه كامل
سامي: و نتي متلتازميش ولا كيفاش
مرام: انا لي درته باينا نلتازم بيه
سامي: كملي كملي و خلعيني مرام جبدت زوج وراقي من جيبها و مدلته وحدة
سامي: شاهدا
مرام: مراكش تقرا شاراه مكتوب فيه عقد قبل زواج
سامي: الله الله على محامية تاعنا
مرام: احم احم قولها و عودها حكم ورقة و بقى يقرى فيها بصوت
سامي: اول بند زواجنا على ورق برك هادي مليحة
مرام: باينا نتزوجوا على ورق برك اععع شاكنت حاسب هو حمار و تلفتله هضرة
سامي: احم والو خليني نكمل بند تاني متنوضنيش من رقاد لاي سبب من الأسباب منيتك هدا تكتبيه
مرام: واه رقد عندي مقدس مدورش بيا من نكون راقدة
سامي: بنودك تافهين
مرام: كمل تقرا منبعد ساهل الحال
سامي: بلا منكمل نقرا ياينا دعوة مهم وسن نسنيي
مرام: هنا سنيا هو و سنيات هي و كل واحد دا ورقة و خلاها عنده