كرونيك: قضية _انجاب

19

#حلقة19
كانت فوق كرسي لابسة شدة و حاكمة تلفون و تتصور بسالفي هي و حنان جتى تسمعهم يقولوا جاو وصلوا وصلوا
مرام: شكون وصلوا
سمرة: سامي سامي
مرام: هدا غير سامي علاه راكم ديروا هاك حنان كانت حداها قرصتها تاع بلعي
مرام: ايييي ضريتيني نزلت عندها خلاتها في ودنها
حنان: يا حمارة باغية تفضحينا ولا كيفاش نسيتي بلي اليوم عرسك لازم ترتبي و ترزاني و لعبيها مستريسيا فهمتي
مرام: فهمت فهمت هوما يحكوا حتى يشوفوا سامي داخل عليهم بكوستوم نوار و لحية مطارسيا رافد بوكي تاع ورد في يديه حنان من شافته عينيها ولاو قلوبة تمنات كون مرام مراهيش مريضة تمنات كون هي راهي العروسة سامي اول ما دخل عينيه راحت لمرام اول وحدة مشافش حنان لي كانت غادي تاكله بعينيها مشافش لهفتها عليه دخل سامي بزغاريت وصل عند مرام
سامي: تجربعتي وليتي تباني مراة
مرام: من بكري عينيا مراة
سامي: لا اول مرة نسوفك ماكيا هاك
مرام: غير سكت راني حاسة روحي كلون يا رب كترتلي بزاف مكياج
سامي: لا لا جيتي شابة
مرام: يسلمك هوما يحكوا و نساو حنان لي كانت موراهم تسمع حست بغيرة اول مرة تحسها و ندمت لي قبلت تزوجها بيه باه متبينش غيرتها راحت قاطتهم لهضرة هو اول ما حط عينيها عليها داب و تاه فيها
مرام: غمض عينيك متفضحناش
سامي: كيفاش
مرام: بقات تحكي و تتبسم شوف روحك كيفاش راك تشوف فيها
سامي: غلطة من دفاع
حنان: ايا تسقموا خليهم يصوروكم
مرام: اوك رواحي تصوري معانا نتي تاني
حنان: تصوروا دوك نجي بقاو يصوروا فيها حتى عياو منبعد خرجت من دار تحت جناح بوها و دموع امها و خوها هي كانت فرحة دار كانوا يبكوا لأنهم غادي يودعوها و من اليوم مغاديش تعيش معاهم اما هي العكس كانت عادي باسكو عارفة بلي غادي ترجعلهم بعد مدة خرجوا من دار و راحوا لصالة لي داروا فيها عرس الأحلام لأي وحكة تتمناه كانوا قاع فرحانين غير تلاثة ما يعلم بلي في قلوبهم غير ربي
مرام كانت حاسة بدنب لأنها بعدت سامي عل حنان مالغي عارفة بلي غادي تعاود ترجعهم مع بعض الا ان ندم راه ياكل فيها
حنان لي ندمت على لي قبلت هاد وضع قلبها غادي يخرج من بلاصته من راها تشوف فيه متصدر مع وحدخرا حتى لوكان بكدب
سامي لي كان بين نارين نار الحب و نار صداقة مندمش من راه يعاون مرام بصك قلبه راه يضر فيه كل ما يشوف حنان هو يفهمها من نظرة عينيها و راه عارف شعال راها تتعدب
في رايكم كيفاش راه تخلاص علاقة الثلاثية هادي و شكون راح يخرج خاسر مع تالي مرام ولا حنان ممم ولا سامي ؟؟؟