كرونيك: قضية _انجاب

44

#حلقة44
سامي: كيفاش
ايوب: esq كان عندك من قبل مشكل في قلبك
مرام: لا عادي هي صح كنت نتعب بلخف بصح ما عمري شكيت بلي عند قلب
ايوب: هاد تعب كان عندك من قبل و غير هدا وين بدا
مرام: من لي نتفكر روحي و انا هاك بصح في شهر توالا زاد
ايوب: كاش ماشربتي دوا ولا في هاد شهورا توالا سامي من سمع سؤال طبيب تفكر دوا لي كان يعطيهلها كل يوم
مرام: لا ماشربتش
ايوب: نتي من قبل كان عندك قلبك عيان و دوك مع راكي enceinte و توام تاني هدا خلاه يزيد كثر بالمختصر قلبك مراهش متحمل كثر
سامي: و حل كيفاش معندهش دوا
ايوب: في حالة لمدام مكانش دوا من غير عملية زرع قلب و رانا عارفين بلي هادي في بلادنا صعيبة
سامي: يعني مكانش حل
مرام: بناتي غادي يتأثروا بهاد لمرض
ايوب: مدام في حالتك هادي متنجميش تكملي الحمل تاعك
مرام: كيفاش
ايوب: يعني لازم ديري عملية اجهاض
مرام: نتا هبلت واقيل مستحيل نقتل بناتي و خرجت منعنده منارفيا سامي بقى في بلاصته جامد متخيلش يجي نهار و ينحط في هاد موقف
ايوب: ميسيو لازم تفهمها بلي كون تزيد تكمل في هاد حمل قادرة تموت في اي وقت قلبها راه ضعيف بزاف متقدرش تتحمل كثر من هاك اصلا انا مافهمتش كيفاش راها قادرة دوك توقف على رجليها
سامي: مغسي دكتور و خرج منعنده لقاها واقفة و تقارعله
مرام: وصلني لدار مانيش باغية نسمع حرف دوك في هاد موضوع
سامي: أوك و خرجوا وصلها لدار و رجع خرج هو كان يخمم في بلاصة وحدخرا لازم يروحلها دوك
كان يسوق و مخه في مرام في بناته لي مزال اصلا مافرحش بيهم وصل قارا لوطو و خرج يجري منها