كرونيك: قضية _انجاب

36

#حلقة36
كانت غايسة في سقف و تتفكر les souvenirs مع سامي و تتفكر هبالهم حتى تشوف لباب تحل كانت فاطيمة تحكي مع ياسر حتى تلقى واحد فوق سرير تبدى توغ على طول صوتها حتى تنطق مرام
مرام: ماما مامااا هادي انا مالكي
ياسر: شكون مرام
فاطيمة: بنتي شاكي ديري هنا صباح ربي
مرام: دارنا جيت مابغيتوش
ياسر: شاجابك ياك.ريحنا منك
مرام: جيت نبقى على قلبك
فاطيمة: كيفاش عاودي عاودي و دارك كي صرالها من سمعت كلمة مها بقات ساكتة ملقات شاتحكي فاطيمة فهمت بلي كاين مشكل شافت في ياسر تاع خرج خلينا وحدنا هو فهم روحه و رفد روحه و خرج لقى عبدلله هدا وين ناض من رقاد
عبدلله: شاصرا مك علاه كانت توغ
ياسر: لا والو
عبدلله: وين راها
ياسر: راهي مع مرام في شمبرا تاعها
عبدلله: و سامي وين راها جا معاها
ياسر: معلباليش انا لقيت غير مرام برك
عبدلله: يكون وصلها و راح نرجعوا لفاطيمة و مرام
فاطيمة: سامي وصلك و راح
مرام: علاه منعرفش طريق
فاطيمة: مرام مالك مراكيش عاجبتني
مرام: علاه راني نورمال
فاطيمة: نتي بنتي و نعرفك.مليح مالا نطقي
مرام: مكان والو ولا مبغيتيش من جيت عندك نروح
فاطيمة: بلعي هادي هضرة رواحي تشربي قهوة و خرجت لقات ياسر و بوها فوق طابلة مجمعين و يشربوا
مرام: صباح الخير و راحت عند بوها عنقاته كانت متوحشاته هو حضن دافي تاعها
عبدلله: مزيا جيتي توحشتك
مرام: ها ناس لتعرف تحكي
عبدلله: سامي وين راه علاه مطلعش معاك هب سمعت اسم سامي تبدل وجها و كامل فاقوا بيها
مرام: راه يخدم مممم جعت خلوني ناكل دوك و جمعت فوق طابلة كانت تكل بلهفة تقول جامي كلات هي كانت تخرج حرارتها في ماكلة من كملت ناضت لشمبرتها
فاطيمة: اواه مراهيش تعجب نعيط لزهرة بلاك تكون عارفة مالهم و ناضت تجري عيطتلها و فهمتها لوضع و زهرة اول ما كوبات جات تجري و دخلت عند مرام و بلعت لباب
مرام: تأمني كنت نقارع فيك تجي بصح طولتي شويا
زهرة: مزالها عندها وجه و تحكي فهميني نتي شاكي ديري هنا
مرام: جيت لدارنا برك.
زهرة: مرام شا صرا بيناتكم
مرام: والو برك عرفت بلي انا و هو منتوالموش
زهرة: بصح
مرام: مكان لا بصح لا والو فوتوا لحكاية حمبوك
زهرة: غادي نخرج دوك بصح نحكوا منبعد و خرجت و خلاتها لقات فاطيمة تقارعلها عند لباب
فاطيمة: هاه حكاتلك
زهرة: مبغاتش بصح نرجع عندها منبعد