كرونيك: قضية _انجاب

46

#حلقة46
مرام: كيفاش كلش كدب مافهمتش
سامي: واه كلش كدب انا كدبت عليك مرام تنجمي تجيبي ولاد عادي
مرام: بصح انا رحت لطبيبة و هي قاتلي بلي عندك عام ولا متقدريش تجيبي ولاد
سامي: كلش كدب انا تفاهمت معاها انا درت هاك باش تكوني ليا ماكنتش متخيل غادي توصل هاك
مرام: كيفاش توصل هاك مافهمتش
سامي: بسبتي صرالك هاك
مرام: مافهمتش تحكي و هي مصدومة
سامي: انا عطيتك دوا باه متوليش تجيك و هو قاوي عليك علبيها راك مريضة دوك مرام ولات تضحك
مرام: هاد فيلم كامل دراه باه نقبل نزل لبنات منيتك
سامي: لا لا والله نحكي صح
مرام: سامي حبس تبهليل مانيش في وقت تبهليل
سامي: و انا مانيش نكدب و تقدري تسقسي امين هو لي جابلي دوا و تقدري تسقسية طبيبة امال هي كانت معايا في هاد لحكاية مرام سمعيني تقديري تجيبي ولاد مالا نزلي هادوا
مرام: يعني لي فات كلش كدب يعني نتا عيشتني داك مرار قاع باه تدي شاراك باغي
سامي: انا كنت باغيك نتي
مرام: باغيني انا يا سبحان الله باغيني انا درت هاك شارايك كون جيت عندي و خبرتني بلا هاد فيلم تركي انا كنت غادي نموت نهار لي عرفت مشفيتكش مغضتكش قول كانت تحكي و عينيها يدمعوا
سامي: من حقك تقولي لي بغيتي بصح معلباليش داك وقت جات في بالي هاد فكرة بصح خلينا من باسي خمي فينا انا و نتي دوك
مرام: انا و نتا ضحكتني والله شكون قالك كاين انا و نتا من و هاك كاين انا وولادي برك نتا متستاهلش تكون في حياتي و جات خارجة حكمها من يدها
سامي: مرام متخلينيش انا نموت بلا بيك نلغيك منقدرش نتخيل حياتي بلا ييك فهميني كان يحكي و يبكي
مرام: تبغيني منظنش كون جيت تبغيني 1% متخلينيش نعيش لي عشته و مشكل نتا كنت تتفرج فيا وساكت خليتني نعيش بتأنيب ضمير بلي بعدتك على حنان و نتا ساكت شفتني بلي كنت قادرة و نتا ساكت و تقولي نبغيك نتا تبغي روحك بعدك و جات خارجة منبعد دارت شافت فيه
مرام: علبالك اكبر غلطة درتها في حياتي اني بغيتك و كملت طريقها خلاته من موراها واقف يبكي كيما طفل صغير و يعاود في اسمها و هي خرجت برا وقفت عند لباب شافت حالته من بعيد عفست على قلبها و كملت طريقها و في نص طريق مقدرتش تصبر كثر وقفت و بقات تبكي بحرقة متوقعتش ان سامي لي بغاته يخرج بهاد خبث