#حب_الراعي 🔥 جديد في الحلقه 1 لا تفوتو 🔥
وسبق وقريتو المقدمه ليلة امس .....
" يوسف " لبست العمامه علي راسي وعديت شور السعي وشكلهم قاعدين هنا (( عيلة الحاج فتحي وبايتين ))
غسلت خضره وقعدت انقرض فيها اندير في شرموله والجرو امتعي جاه يبرم حدايا والكلب الكبير حداه السعي 🐏🐐 مخليهم في مكان واحد وانا لاهي في الشرموله بعد كملت حقيت 😨 الجرو الصغير يلي حدايا طاح عالارض وشكله تعبان بكل انصدمت خليت يلي في ايدي ومسكته وخليته في كتري انشوف فيه شنو صايرله بس شكله تعبان بكل حتى اعيونه مغمضهم بحتت في امه 🐶 خلت السعي وجاتني تبحت في الجرو ولدها شلته بين ايدي وخشيت بيه جوا في البراكه يلي نرقد فيها وقعدت انشوف فيه هو غمض اعيونه يبي يرقد خليته في المكان يلي ديما يقعد فيه وطلعت برا
بعد 3 ساعات /
" عبير " نضت وكان الضهر يأذن عديت توضيت وصليت ولبست طاقيتي نبي نطلع نتمشى برا
ماما ( خديجه ) : وين ماشيه
عبير : نبي ندهور برا
خديجه : ما تطلعيش بروحك راجي بلكي باتك ايجيب جوري
عبير : اها توا نراجيها عند الباب
طبعا جوري هي بنت عمي الصغيره ونحنا نحبوها واجد لنا زمان ما شفناها وهي اتحبنا هي من عمر اختي الصغيره بس ماتت وهي عمرها شهر وماما وقتها تعلقت بجوري ورضعتها تعتبر اختي نحبها واجد عمرها 8 سنوات قعدت نراجي فيها برا وبعد شفت بابا خش من البوابه وحقيت معاه جوري افرحت
اول ما نزلت جاتني تجري لاعندي وحضنتني
جوري : عبير
انا ضحكت : يا عمري رايفت عليك واجد
جوري : حتى انا رايفت عليك
عبير : كيف حالك شنو دايره انتي وكيف حال الماما والبابا
جوري : اكويسين يبو يجو بعدين يسلمو عليكم
انا فرحت : ينورو والله
بابا : كنك قاعده برا
عبير : نرجا فيكم عشان نعدي انا وجوري نتمشو
بابا ( فتحي ) : باهي ما اطولوش برا
عبير : حاضر بابا
ابتسم وخش جوا الحوش
وعديت مع جوري وطبعا عمي وزوجته اصغار في العمر يعني من جيل 80 عكس بابا وماما من جيل 70 عديت انا وجوري نتمشو في المزرعه ونغيرو في جونا
اشويه جوري مسكت فيا زيين وخايفه
بحتت فيها : كنك
جوري شيرت علي جهت البراكه متع الراعي طلع منها جرو اصغير يهبل بكل عجبني
جوري : خايفه منه
عبير : ما ايديرلك شي يا مهبوله هههههه
ومسكت ايدها وعدينا لجهت الجرو الصغير مزال مصبي وشكله تعبان قعد يبحت فينا بعد قربت مسكته بين ايدي وانا نبحت فيه ونبتسم
فجأه جوري مسكت فيا زيين وسمعت الكلب ينبح وجاه شورنا شكلها امها قربت من جهتنا انا قعدت وخليت الجرو في كتري وانملس عليه بحنان والام قعدت تبحت فيا وساكته عشان ما ضريته قعدت تنبح عادي وقربت راسها لراس الجرو تطمن عليه وانا نبتسم وانا نراقب فيهم وجوري خايفه وترعش رعش تخاف منهم عكسي هههههه
