#حب_الراعي ❤ جديد في الحلقه 6 🌕❤
" عبير " مش قادره نستوعب شنو يلي قاعد يصيرلي وقتها اذكرت كلام حنان وانا من الارتباك والخوف قعدت نهرب ما خليته يحكي ما عطيته مجال من غبائي درت الهروب هو الحل الوحيد ليش بس تنهدت
تنهيده طويله وغمضت اعيوني تسرعت واجد في كل شي تسرعت امتى تجيني الشجاعه بس اه يارب
" يوسف " ماعش في امل خلاص خاب وضاع هروبك يا عبير ذبحني والله ويلي قاهرني انك ما اتحسيش بيا ولا عطتيني اي مجال عشان نحكي كل شي في قلبي حرام عليك يا عبيري بحتت في الحوش وشديت علي ايدي وعديت ألتهيت بشغلي وبعد كملت عديت للحوش نبي اندوش اول ما فتحت خشيت وقابلتني امي ابتسمت : السلام عليكم
امي : وعليكم السلام خش
يوسف خشيت وانا داير روحي جوي تمام وحبيت علي راسها : نبي انعدي اندوش وراد اخرا للشغل
امي : باهي راه علي قالي لما اتجي نوعيه
يوسف : خلاص خليه راقد وتوا نمشي ندوش وبعدها انوعيه وعديت طلعت دبشي من الدلاب ودغري عديت للحمام اول ما خشيت ولعت الدوش وخشيت فيه وانا مضايق ومقهور لدرجه غير عاديه كرهت نفسي ضاع كل شي خلاص مستحيل اتبحت فيا كان واضح من هروبها وتصرفاتها وانا مزلت نحلم بالعكس
بحتت في وجهي في المرايه اعيوني حمر وحالتي حاله تنهدت وبعد كملت شغل طلعت من الحمام وعديت للغرفه لقيت علي توا كيف ناض
يوسف : خير شنو جوك
علي : تمام امتى جيت انت
يوسف : امبدري وقعدت جنبه ونجفف في شعري
علي : نبي نحكي معاك بموضوع
بحتت فيه : احكي نسمع فيك
علي : نبي نشتغل انا
يوسف : لا مافيش شغل اشقى بقرايتك
علي عصب : لا مش هاملها قرايتي انا وبعدين تشوف في هالطول قدامك وتبيني نقعد راضي انك تصرف عليا لا مستحيل نبي نعتمد علي نفسي يا يوسف
انا تنهدت : انت عنيد وماتسمعش في الكلام
علي : يلي عندي قلته وصبا عدا الحمام
جات امي وبحتت فيا : حتى انا ما سمع كلامي
يوسف : عارفه عنيد وراسه امسكر وصبيت طلعت دبش نطلع بيه للمزرعه وامي عدت وانا غيرت بسرعه وانا مضايق بكل ومهموم بعد لبست طلعت وخديت شاهي ساخن من امي وعديت للمزرعه واعيوني عالحوش بس زي العاده يلي ولهان فيها ما تبيش تحكي معايا شديت علي ايدي وعديت خشيت في البراكه وانا مضايق بكل 😞💔
في صباح يوم جديد في الجامعه /
" هناء " نزلت من امتحاني فرحانه طبعا وصلت بدري اليوم عكس امس وانا نازله شفت علي راكب عالدروج ولاهي بكتابه يقرا فيه وما انتبهش اني نازله فوقفت عشان يفطن لوجودي وابتسمت لما رفع راسه
علي رد ابتسامه : اهلا كيف حالك اليوم
هناء : ابخير الحمدلله وانت
علي : ابخير ها شنو صار فيك اليوم شنو نزلوك من فوق وما خلوكش تحضري الامتحان ومن صدمتك قعدتي تبتسمي وخلاص 😅
هناء : ههه لالا الحمدلله وصلت بدري وامتحنت
علي ابتسم : وحليتي ؟؟
هناء : اكيد شنو وصلني لاعند هنا
ضحك علي : باهي بالتوفيق عندي امتحان توا
هناء : اوكي بالتوفيق ان شاء الله ونزلت خطمت من حداه تمنيت ان يلف ويبحت بس عدا فوق ولكن جاني صدى صوته وهو عالدروج
علي : مربوحه يا هناء امشي تريحي
انصدمت كيف عرف اني مزلت مصبيه
اه اكيده من خطواتي اه منه ومن ذكائه
هالانسان ذكي ومميز وكييوت ابتسمت وعديت
