#حب_الراعي ❤ جديد في الحلقه 18 🌕 ❤
" يوسف " انا وفيت بوعدي نحبك وجيتك ❤️ وانتي شكلك ماتندريش اني انا العريس لانك جيتي تبي تضربيني معقوله نهون عليك يعني وابتسم ابتسامته يلي انموت فيهااا
نزلو دموعي : يوسف
يوسف : اعيونه وقلبه
عبير : انا رايفت عليك واجد
يوسف : وانا كل ثانيه ودقيقه وساعه انرايف عليك يا عبيري يشهد ربي عليا اصعب ايام والله بدونك
عبير بحتت فيا ودموعها ينزلو مسحتهم لها ابتسمت
انا : تعرفي كل يوم نرجا في هاللحظه يلي مافيش خوف في القادم توا في أمل انك تكوني ليا انتي في قلبي ومسكر عليه بالقفل
عبير : عجزت نحكي من فرحتي بعد شفت راعي قلبي ❤ يلي كل يوم ندعي نشوفه
انا ابتسمت : وانا ندعي وغمزتلها قوليلي الساعه كم تنوضي 😎
عبير ابتسمت : اطمن زي ما أنت عودتني عالساعه 6 انوض وبدون منبه اخرا لان تليفوني مش معايا
انا : خدوه منك 😏
عبير هزت راسها : بس توا ناخده وحانحكي معاك
انا ضحكت وبست راسها وبحتت في أعيونها : تي رايفت عليك واجد انا وقبل نبي نحضنها سمعتهم يبو يجو هنا دفيتها وقعدت عالكنبه وانا قعدت بسرعه
ابتسمت علي حركتي وبحتت فيا
خالي خش اول واحد : هاا شنو صار حكيتو
انا : اها يا خالي
عبير بحتت فيه و وجها احمر قعد
خالي : بس كأن لما خشيتي كنتي ترعشي وخايفه وتوا فرحانه وخجوله
انا مسكت ضحكتي
نوح بحت فيها وبأبتسامه : هيا خشي
عبير وجها احمر صبت بسرعه وطلعت
والحاج بحت فيها ورد بحت فينا : ان شاء الله
ألف مبروك
انا مابيتش انرد عليه
خالي : الله يبارك فيك وهيا نستأذنو توا ويوم الاتنين موعد الخطبه الرسميه
حاج : بإذن الله نراجو فيكم
انا طلعت بسرعه وخالي لحقني واول ما ركبت في السياره وبديت انسوق : واخيرا ❤
خالي ضحك : مفروض قلتها قدامهم هذي مش ساكت وخلاص تسمع وقالب وجك عليهم
يوسف : مانبيش نحكي معاهم عشان عبير
كان هضا راه ما شافو حتى خلقتي
خالي : البنت ما شاء الله عليها
انا بحتت فيه : مش من طبعه البنت غير ملائكه والله وطفله ❤ نحبها يا خالي
خالي حمد : تحشم وانت زطت تمدح فيها
انا ضحكت واول ما وصلنا قعدت نبيب وفرحان بكل وعلي طلع من المحل وفرحان عشان بيبت جاه حضني بعد نزلت من السياره
علي : مبروك فرحتلك
انا ابتسمت : الله يبارك فيك وعقبالك يا علوش وغمزتله
علي ضحك وحضن خالي
وانا بحتت في مراد يلي طلع من المحل عديتله : باركلي يا بطل وهمستله يلي نحبها حاتكون عروستي
مراد ضحك : مبروووك
انا ابتسمت : الله يبارك فيك وعديت نجري نبي نقولها لأمي ركبت عالدروج وانا فرحان قعدت تزغرت
امي : مبروووك واخيرا حانفرح بيك وقعدت تبكي
انا نزلو دموعي : واخيرا شفتها وحاتكون معايا ديما وبحتت فيها توا تحقيها وتحبيها وحضنتها
خالي وعلي ركبو وبحتو فينا يضحكو
خالي : البنت ما شاء الله عليها تنحب والله
انا بحتت فيه : عيب عاد
خالي ضحك : انابش فيك
علي : تشوقت نشوفها البنت يلي ودراتك هذي
انا ابتسمت : توا تشوفها
علي : حانعتبرها اختي
انا ضحكت وحضنته : عقبالك انت وهنيوا
علي ضحك : لا خطبه توا بسس
انا ابتسمت وبحتت في امي : طبعا خطبتنا يوم الاتنين والعرس مش توا يا امي قوليلهم ان بعد 6 شهور نبي نجهز شقتي بتعبي انا ومن بكرا حانبدأ فيهاا ونبي انزوقها بروحي
امي : باهي حاضر
خالي : مبروك يا يوسف
انا حضنته : الله يبارك فيك
خالي : خلاص انا حانحضر خطبتك انت وعلي ونمشي لأجدابيا نبيك توصلني انت خديتني بسيارتك 😂 جبتني وانا خايف تصدمني طلعت تبي تتزوج
انا ضحكت : حاضر تأمر امر انت وبست راسه
