#حب_الراعي ❤ جديد في الحلقه 7 👣❣️
" يوسف " حرام عليك وحق ربي حرام وخبطت راسي بأيدي حرام بس المهم ريحت نفسي وحكيت كل شي في قلبي 🫀 والبنت شكلها مش من نصيبي صبيت وماسك دمعتي بالغصب ولفيت بعد سمعت صوت 🐕 ينبح زي عادته وما شفت شي بس عليش ينبح غرييه وغمضت اعيوني ونزلت راسي حطيت ايدي علي راسي مقهور من كل شي انا ما عنديش حظ رفعت راسي وبحتت في القمر يلي طلع توا 🌕 طيفها ما يفارقش بالي ابدا آه يا عبير شنو درتي فيا ودرتيني انتي بس ضحكتي عليا عطتيني امل خدعتيني ...
جاني صوتها من جهه تانيه بحتت دغري وكانت ماسكه جريوي بين ايديها وتملس عليه
عبير : انا ما خدعتك وبحتت فيا وابتسمت اسفه تأخرت عالموعد وحتى القمر طلع وقدمت بخطواتها شوري وانا مش فاهم شي نبحت ومصدوم
عبير بأبتسامه خجوله : اسفه مره تانيه بس غصبا عني حبيت انزيد انفكر مانبيش نتسرع في اي شي
يوسف مسحت دمعه نزلت ومابيتش انرد
عبير : للهدرجه دموعك نزلو يا يوسف ؟
يوسف بحتت فيها : نرجا في ردك ولفيت وبحتت بعيد عن اعيونها عارف ايجابتك هو الرفض مستحيل تبحتي فيا انا مش مناسب لك وشديت علي ايدي انا راعي في الاخير بكل تمنيت اني شفتك من زمان لما كنت نشتغل في محل بس الله غالب راضي بكل شي مكتوب يا عبير عطيني دفتري وعدي للحوش ...
قبل ما يحسو عليك عيلتك زي ما قلتي امس 😔
عبير قربت وقعدت مصبيه قدامي واعيونها عليا انا نزلت راسي شفتها طلعت الدفتر فطنت لبسمتها وكأن يلي ادير فيه عاجبها بحتت فيا ومدتلي الدفتر
عبير : كلماتك حلوه وقريت اشعارك ألف مره يا يوسف
وانت حكيت كل شي وما سمعتني بالعكس وليش انا ما نبحت فيك شنو ناقصك علم والله جاه !
ما شاء الله عليك تعرف تقرا وتكتب وشاعر ممتاز انا عجزت نحكي ونمدحك اكتر من هك بس حانقولك ان انا منعجبه بيك 🙈 كل شي فيك مميز وانت جذاب
يوسف انصدمت : حلم هضا يا عبير ؟؟
عبير بحتت فيا دغري : لا مش حلم صدقني
يوسف من فرحتي دمعت عيني اخرا مسحتها بسرعه وهي تبحت فيا وتبتسم وانا ذبت بسمتها تجنن
أنا : تعرفي القمر 🌕 غار منك توا
عبير ضحكت : ليش غار وهو اجمل شي في الكون
انا : غار لأنك أنتي أجمل منه ❣️ غار لأنك أنتي مضويه عليا اكتر منه ولو يقدر يحكي راه قالك غرت منك يا شبيهتي وأجمل مني
عبير وجها احمر قعد وانا سارح فيها ونبتسم
يوسف : نقعدو اشويه شنو رايك ونحكو عالسريع
عبير هزت راسها وقعدت وبحتت في القمر
يوسف : نبي نعرف كل شي عليك عادي
عبير بحتت فيا : بشرط
يوسف ابتسمت : وشنو هالشرط موافق طول
عبير بخجل : وانا نبي نعرف كل شي عليك
يوسف ضحكت : من اعيوني يا اعيوني انتي
عبير : يوسف بشويه عليا والله مش متعوده 🙈
يوسف زدت فرحت : يعني نفهم من كلامك ان اول شخص يخش لحياتك هو انا وانتي راضيه بيه
عبير : اها صح في معاكسات طبعا بس أنا ما عطيتهم وجه أحلامي واجد و واحد من أحلامي هو شخص يعشقني بجنون زيك ونطلع هبله لو ضيعتك
يوسف : نبي نعيط بأعلي صوت تي فرحان
عبير : لالا توا يسمعوناا ما ترفعش صوتك
يوسف : خايفه يا عبير ذابينا انا جنبك ما تخافيش
مافيش حد حايحس وأنا عاشق ولهان فيك حبيتك من كل قلبي 🫀 هو لك انتي ملكتيه ليا من أول ما لمحتك اكويس شفت الجنه وتنهدت تنهيده طويله وانا فرحان فيها وعبير تبحت فيا وتبتسم
عبير : وهضا كله ما تبيني نبحت فيك أنت احسن منهم كلهم بصدق ما عمري شفت واحد كيفك انت لفتت نضري يا يوسف خديت عقلي 🧠 وكل شي فيا بسرعه حاسه بأحساس حلو امعاك وما عمري حسيته
يوسف ابتسمت بحب : ناعليا وخلاص انا ربي يحبني عشان سمعت هالكلام من الانسانه يلي طيرت عقلي مني وكلامها يلي طالع من كل قلبها وغمزتلها وهي وجها احمر ... يا عبيري شنو ما قلتي كم عمرك ؟؟
