#حب_الراعي ❤ جديد في الحلقه 15 ❤
" يوسف " الله غالب عاجز اندير اي شي
علي : تبي اتخليها قصدك ؟
انا بحتت فيه : مستحيل انخليها انا وعدتهااا
علي : وباهي اذا تزوجت غيرك ؟
يوسف عصبت : قتلك ألف مره هي وعدتني مستحيل تاخد واحد غيري افهم
علي : باهي فهمني شنو حادير تبي تحط ايدك علي خدك وخلاص دير اي شي تحرك
يوسف : اشقى بحالك وخليني في حالي وطلعت من الحوش وانا معصب خلاص عبير عدت وروحي عدت امعاها كيف حانعيش بدونها كيف حانفرح وهي فرحتي وكل شي هي حلمي وشمسي وخلاص عدت شمسي 💔 قعدت نمشي وانا مهموم ومش طايق روحي حاسس كل شي اتسكر في وجي اه يا دنيا
وفجأه خبطت في خالي كان جاي لاعندنا : خالي
خالي ابتسم : كيف حالك يا يوسف
انا : بخير وانت نورت والله
خالي : النور نورك وحضني وكان فرحان
انا بحتت فيه : وين لك زمان ما جيتنا
خالي : مافضيتش بكل كيف حال امك وعلي
يوسف : كويسين يا خال تعال نمشو الحوش اكيده مرايفه عليك امي
خالي : اي والله حتى انا مرايف عليها وبكل تعبت من السواقه ليا ساعات انسوق وجيتكم
يوسف : الحمدلله على سلامتك وفتحت باب حوش وخش ورايا خالي قعدت انادي في امي
وينك جانا خالي يا امي
طلعت بسرعه من غرفتها وجات لاعنده فرحت لما شفاته وحتى خويا علي عده لاعنده
علي : خالي كيف حالك وحضنه
خالي : الحمدلله رايفت عليكم
امي : ونحنا اكتر وين يا حمد لك زمان ما جيتنا
خالي : معذور والله تعالو خشو نبي نحكي معاكم بس قبلها نبي فطور هههه ميت من الجوع
امي ضحكت : حاضر اكيده تعبت الطريق طويله
خالي : اها بعيد
يوسف : وين عيلتك ليش ما جبتهم
خالي : العويل عندهم امتحانات والوليه قعدت معاهم وانا جيت بروحي
امي : نورت والله وعدت للكوجينه
وانا ألتهيت بخالي وعقلي وقلبي مع عبيري ❤
" هناء " خشيت للقاعه وساكته جات نور وقعدت جنبي : هناء راه وفاء تبي تحكي معاك
هناء : مانبيش نحكي امعاهاا
نور : هي امس حكت معاه وقالت ردلها وانت مزلت رايدها بس هو مابش وكان متعقد بكل بعد علم انك خلتيه عشان البنات وقال هي يلي خلتني مش انا
هناء دقات قلبي سريعه : هو قال هك
نور : اها وحتى ماجش اليوم حكيت مع حسن
قال ماعش يبي ايجي 💔 ومضايق بكل
هناء انصدمت : قصدك يبي يسيب الجامعة
نور : مش عارفه اسأليه
انا بلعت ريقي : لالا خلاص
نور : والله حرام عليكي علي يحبك وانتي ضيعتيه من بين ايدك
هناء : عشانه انا درت هك
وفاء خشت فجأه وانا بعد شفتها سكتت
وفاء قربت وقعدت مقابلتني : عشانه درتي هك ؟
هناء : انتي بذات اخر وحده تحكي معايا خاطيني دمرتي حياتي
وفاء : اسفه والله اسفه مش بقصدي غلطت عارفه نفسي غلطت
هناء : ما يهمنيش توا اسفك
نور : هناء حرام عليك
هناء صبيت وبحتت فيها : حرام عليها هي مش اناا وطلعت نجري ونبكي اه يا علي والله رايفت عليك ورايفت عالهدرزه معاك وعلي عركتنا وكل شي مش قادره أنصدق اني تخليت عليه نزلو دموعي شلال وقررت انروح احسن ركبت في سيارتي وروحت للحوش واول ما وصلت خشيت لغرفتي وسكرت علي روحي والسلسله مزالت في رقبتي ما سلحتهش ولا قادره نسلحها نحبك يا علي والله انحبك قمعزت عالسرير وحطيت علي صورته في تليفوني مش قادره حتى نحكي معاه ولا حتى نسأل عن حاله واحواله نحبه وخايفه عليه عارفته زعلان ومقهور مني ولكن ان ايغيب علي جامعته بسببي هذي كبيره واجد اتصلت بيه وقلبي يدق بسرعه وخايفه بكل بس ماردش عليا اتصلت اخرا قريب مرتين بس ماردش عليا قعدت نبكي ورقدت في سريري ودموعي ينزلو بسرعه ومقهوره اه ياربي فرجها ....
