Kung ito man ang huling tula na aking maisusulat
Kayo'y naging malaking bahagi
Madalas mang sa kaisipa'y salat
Siya paring bukod tangi
Kung ito man ang huling tula, salamat sa pakikinig
Ako'y isang halaman at kayo ang nagdilig
Inaalam ang mga ayaw at hilig
Na siyang nagbigay ng kulay dito sa daigdig
Kung ito man ang huling tula, patawad kung susuko
Huling tinta sa pluma'y hindi na maitulo
Paumanhin kung hindi naiabot kung hanggang san gusto
Naubusan na ng langis ang inihandang sulo
Kung ito man ang huling tula
Hindi dahil sa paghinto
Ito'y handa sa sunod na pahina
At simula sa panibagong libro
Humina man sa katha
O mabusan ng rima
Patuloy parin sa paggawa
Gamit ang makapangyarihang mga salita
