أحببْتُك بِصدق ♡⁠ "2" (جاري تعديل السرد)

البارت السادس🖤

انّا اعطيناك الكوثر - ١٦٠ حسنه
فصلِ لربِك وأنحر - ١٢٠ حسنه
إنّ شانئك هوَ الأبتر - ١٥٠ حسنه
اخذتوا ٤٣٠ حسنه في ٣ ثواني
ولكم الاجر القارئين بعدكمَ.🖤
••••••••••••••••••••••••••••••••••••••••••••••••••
نكمل عند يوسف وميرنا
وصلوا الشركة وفجأة ميرنا وقفت
يوسف:مالك يا انسة ميرنا في حاجة
ميرنا:انا خايفة
يوسف:احنا مش طالعين نتحاسب هههههههه
ميرنا:لا بس انا خايفة بردوا انا تلجت وبترعش
يوسف:دا عشان اول مرة لكن بعد كده هتتعودي
ميرنا:انا خايفة ادخل
يوسف:احنا داخلين بيت رعب
وهنا جاء غرام وبسنت وخبطوا في ميرنا
بسنت:معلش احنا اسفين
ميرنا:ولا يهمك
ومشيوا
ميرنا:شوفت شفت خارجين ازاي اكيد كانوا بيتعذبوا فوق لا انا مش داخلة
يوسف:مش داخلة اية وبعدين انتي مالك بيهم ممكن مش جايين عشان شغل
ميرنا:انت مشوفتش البت كانت ماشية بتترعش ازاي
يوسف:انتي مالك بيها ادخلي ولو مش عاجبك الوضع امشي
ميرنا:انت لية بتحفزني كده انت اصلا ضدي المفروض واحنا المفروض نتنافس علي مين الانترڤيو بتاعة احلي ومين الي هيتعين
يوسف:انا كدة كدة متعين
ميرنا:اي دا لية هو انت باباك صاحب الشركة
يوسف:لا بس مفيش حد هنا جاي مترجم غيري والله اعلم لسة هشوف بس الي جيبيني هنا صحاب الشركة
ميرنا:مممم....طب خش انت الاول
يوسف:ماشي
ودخل
يوسف:ها ادخلي بقي
ميرنا:اعوذ بالله من الخبث....اقصد بسم الله الرحمن الرحيم
يوسف:ههههههههههه
ودخلوا
رحب بيهم علي
علي:مين من طرف شريف
ميرنا ويوسف:انا....ونظروا لبعضهم....وفي صوت واحد انت/انتي....تعرف/تعرفي شريف
علي:يعني شريف كان متوصي بيكوا انتوا الاتنين....
يوسف وهو ينظر الي ميرنا:الظاهر كدة يا فندم
علي:طب تمام....استاذة ميرنا هتروحي مع استاذ ياسين عشان الانترڤيو وانت يا استاذ يوسف هتبقي معايا
ميرنا ويوسف:تمام يا فندم
ذهبت ميرنا مع ياسين
وعلي ويوسف اتجهوا الي غرفة المقابلة
علي:اهلا يا يوسف
يوسف:اهلا بحضرتك
علي:عشان اكون صريح معاك ونعرف نتكلم مع بعض من غير رسميات وكلام كبير....انا علي نقيب في مديرية أمن القاهرة....بشتغل مع ياسين وهو بردوا نقيب بس ماسك شغل ابوة فترة....
يوسف:ات.تشرفت بمعرفتك يا فندم
علي:عرفني علي نفسك
يوسف:انا يوسف الذاهد متخرج من كلية السن وليا الشرف اني اشتغل هنا في شركة كبيرة ومحترمة زي دي
علي:الشرف لينا يا يوسف....اشتغلت في شركات تانية قبلنا
يوسف:في الحقيقة يا فندم انا كنت بشتغل ايوة بس انا مشتغلتش في شركة قبل كدة
علي:كنت بتشتغل اية
يوسف:اشتغلت حاجات كتيرة اوي اشتغلت سواق واشتغلت ويتر اشتغلت ميكانيكي واشتغلت بياع ورد اشتغلت حاجات كتير اوي
علي:اعذرني يا يوسف بس انت مش مكسوف وانت بتقول كده علي نفسك في الشركة دي ولازم تخلي صورة ليك في الشركة دي حلوة وكبيرة اوي
يوسف:انا مش بحب التحوير سعتك انا بحب الصراحة ودا اصلي والواحد عمرة ما يتبري من اصلة مهما كبر او علي بس هو في الاخر كان كدة
علي:بجد يا يوسف انت شخصية عظيمة وشخصية محترمة جدا وانا اتشرفت بمعرفتك
يوسف:الشرف ليا يا فندم
علي:يوسف شايف نفسك فين بعد خمس سنين
يوسف:مش عارف يا فندم....
علي:اية يا يوسف انت مش عندك طموح ولا اية
يوسف:من ناحية الطموح فانا كان عندي طموح وحلم نفسي احققة من زمان من وانا صغير بس للاسف الحلم دا راح ومش هيرجع تاني ابدا
علي:اية يا راجل تفائلوا بالخير تجدوه....اكيد ربنا كاتبلك نصيبك في حتة تانية
يوسف:ونعم بالله....الحمدلله على كل شيء
علي:اتمني انك تشتغل هنا بجد انت شخصية محترمة وهيكون شرف لينا لو اشتغلت معانا
يوسف:الشرف ليا يا فندم
علي:اه يا يوسف
يوسف:ايوة يا فندم
علي:سيب رقمك برا مع السكرتيرة عشان ان شاء الله لو حصل نصيب نبقي نتصل بيك ونحضر اول يوم ليك في الشغل
يوسف:تحت امرك يا فندم ان شاء الله ربنا يكتبهالي
علي:ان شاء الله....وخرج يوسف
واعطي رقم هاتفة الي السكرتيرة وخرج برا الشركة
________
عند ميرنا
كانت قاعدة متوترة وبتطقطق في صوابعة وكانت قاعدة تترعش وتجيب الوان
ياسين:اهدي يا انسة احنا مش في تالتة ثانوي
ميرنا:ا.ا.ا.انا اسفة يا فندم
ياسين:طب يلا نبدأ واهدي مفيش حاجة
ميرنا:حاضر
ياسين:اعرفك بنفسي الاول
ميرنا:اتفضل يا فندم
ياسين:انا ياسين نقيب في مديرية أمن القاهرة....وبشتغل هنا مترح والدي فترة كده
ميرنا:ظابط كمااااان....انا قولت من الاول انا مش مرتاحة للمكان دا
ياسين:انتي اتخضيتي كده لية....انتي بتشدي بدرة ولا اية
ميرنا:لا والله والله ما بشد بدرة والله العظيم ما بشد بدرة والله ما بشد....
ياسين:خلاااااص وربنا عرفت انك مش بتشدي بدرة عرفت....انتي بدروا لية اتخضيرتي
ميرنا:مش ان.انت قولت انك ظابط
ياسين:ايوة
ميرنا:ي.يبقي لازم اخاف
ياسين:طب اقعدي يا بنتي الله يهديكي
قعدت ميرنا وبدروا بتترعش
ياسين:يا انسة اهدي اقسم بالله احنا مش في تالتة ثانوي....طب ينفع تعرفيني بنفسك
ميرنا:طب ينفع عصير قصب
ياسين:هههههه هو في الحالات الي زي دي بيطلبوا لمون بس حاضر من عنيا اجبلك قصب بس انتي متتوتريش ابوس ايدك عشان نخلص
ميرنا:حاضر
جابلها العصير
شربتة ميرنا مرة واحدة
ياسين:اااا....اااا....انتي مفيش زور خالص
ميرنا:مهو عشان اعرف اهدي
ياسين:انتي متأكدة كده هتهدي
ميرنا:ايوة....
ياسين:طب طب ينفع تعرفيني بنفسك
ميرنا:انا ميرنا عندي 19 سنة في كلية اقتصاد وعلوم سياسيه
ياسين:تمام بصي هو المفروض متشتغليش وانتي بتدرسي ونادرا جدا اما بتلاقي شركات بتقبل بس من حسن حظك احنا هنقبل بس لو نجحتي في الانترڤيو دا
ميرنا:ان شاء الله هتقبل
ياسين:حلو عصير القصب حلو
ميرنا:ايوة
ياسين:طيب اشتغلتي قبل كده في شركات قبل ما تيجي
ميرنا:لا الحقيقة انا كنت بشتغل اه بس مش في شركات
ياسين:كنتي بتشتغلي اية
ميرنا:بيبيع ايس كريم
ياسين:بتبيعي ايس كريم!!!!
ميرنا:ايوة مالك مستغرب لية
ياسين:هو عصير القصب دا بيخلي الواحد صريح ولا اية
ميرنا:اه بينة كده
ياسين:طب انا اسف يعني بس انتي مش مكسوفة وانتي بتقولي كدة
ميرنا:هو انا لقدر الله بقول بشتغل رقاصة انا كنت ببيع ايس كريم
ياسين:مش القصد يا انسة انتي وعربية الايس كريم فوق دماغي بس انا بقول ان الناس بتيجي هنا لازم يعملوا لنفسهم صورة كبيرة وعظيمة
ميرنا:ايوة بس دا اصلي....والشغل مش عيي....وانا لحد دلوقتي بشتغل كدة
ياسين:حتي بعد ما تتعيني هنا
ميرنا:حتي بعد ما اتعين هنا
ياسين:طب لية اشتغلتي بياعة ايس كريم لية مشتغلتيش مثلا شغلانة تانية تكون في مكان وكدة
ميرنا:عربية الايس كريم دي اعز ما املك دي من ريحة بابا قبل ما يتوفي اما بقف فيها بحسة معايا بفتكر كل حاجة حصلت بيني وبينة عشان كدة انا بحبها وعمري ما هفرت فيها ابدا حتي لو علي رقبتي
ياسين: الله يرحمة انتي بجد عملة نادرة ربنا يوفقك يا ميرنا واحنا الشرف لينا انك تشتغلي معانا هنا
ميرنا:الشرف ليا يا فندم
ياسين:ميرنا شايفة نفسك فين بعد خمس سنين
ميرنا:اكون عاملة محل الايس كريم وفي كل الانواع وطربيزات بقي وحاجة جميلة جدا وهسمية ابو النجا
ياسين:ربنا ينويلك الي في بالك يا ميرنا وطبعا انا هبقي اول زبون وهاكل ببلاش
ميرنا:المكان هينور يا فندم
ياسين:العفو.يا ميرنا....انا اتشرفت بمعرفتك بجد وهيكون الشرف لينا لو اشتغلتي معانا هنا
ميرنا:الشرف ليا يا فندم
ياسين:هتسيبي رقمك برا مع السكرتيرة وان شاء الله لو اتقبلتي هنتصل بيكي
ميرنا:شكرا لحضرتك يا فندم
ياسين:العفو
وخرجت
واعطت رقم هاتفها السكرتيرة وخرجت برا الشركة
واتجهت الي عربية الايس كريم
بعد شوية وصلت ولبست المريلة وبدأت ببيع الايس كريم
فقابلها يوسف بالصدفة وهو مروح
يوسف:انت الي كنت ماشي معاها ورايحين الشركة صح
ميرنا:ايوة
يوسف:انتي بتعملي اية هنا
ميرنا:ببيع ايس كريم
يوسف:هو انتي بتشتغلي بياعة ايس كريم
ميرنا:وانت شايف اي انت بتسأل اسئلة غير منطقية بالمرة
وقف يوسف وهو ينظر لها نظرات استغراب
ميرنا:في اي يا عم في برص علي وشي ولا اية
يوسف:لا بس انا مستغرب
ميرنا:لية
يوسف:اصل انا اعرف ان البنات بتتكسف تبيع ايس كريم او اي حاجة في الشارع وكدة
ميرنا:والي هناك دي مش بنت
كانت تشاور علي بنت فقيرة تقعد علي الرصيف
ميرنا:الظروف الي بتحكم يا استاذ مش بإيدنا....العربية دي بتاعت ابويا الله يرحمة وانا مقدرش يوم واحد اسيبها حتي لو مستورة بس انا بحب اقعد فيها لان بحس بالدفيء والامان فيها زي ما كنت بحس مع بابا زمان
يوسف:الله يرحمة....انا اسف مكنتش اعرف....
ميرنا:عادي ولا يهمك
يوسف:ممكن اساعدك
ميرنا:الله يخليك متشكرة
يوسف:لا ازاي....
قام يوسف بصنع الايس كريم وبدأ بالتوزيع علي الناس الي كانت عايزة تشتري وفجأة رأي ميرنا تمسك ايس كريم وتتجة الي البنت الي شاورت عليها في الاول
ميرنا:خدي يا قمر
البنت:شكرا
ميرنا:مش قولتلك معتيش تقعدي هنا تاني وتيجي عندنا وتقعدي مع منار
البنت:شكرا يا ابلة ميرنا بس علي اما بخلص شغلي بتكون الدنيا ليلت ولازم اروح عشان بيبقي ورايا مدرسة....مدرسة وقرف معتش عايزة اروحها
ميرنا:لا المدرسة حلوة متقوليش كدة عشان تطلعي دكتورة واقول اي دا شهد طلعت دكتورة واروح اكشف عندك ببلاش
شهد:وعد يا ابلة ميرنا ان شاء الله هطلع دكتورة وهديكي الحقنة براحة لكن منار هيدها بالجامد اوي اوي اوييييي
ميرنا:يا ساتر يارب هههههههه ماشي يا ستي الي يريحك....قومي بقي وروحي عند منار
شهد:وهسيب ماما لوحدها يا ابلة ميرنا مش هينفع
ميرنا:انا هروح اطمن عليها وبعدين هبقي اجي اخدك واروحك اشطا
شهد:اشطا....وجرت الفتاة الي منزل ميرنا
ورجعت ميرنا
يوسف:ربنا يوفقك ويحميكي يا انسة ميرنا بجد انا اتشرفت بمعرفتك
ميرنا:وانا كمان يا استاذ يوسف اتشرفت بمعرفتك
بعد شوية خلصوا
ميرنا:شكرا يا استاذ يوسف تعبتك معايا....واعطتة نصف ما جمعتة اليوم
يوسف:اي دول
ميرنا:دول نص الفلوس الي جمعناها انهارده من الايس كريم
يوسف:شكرا يا انسة ميرنا انا مش عايز
ميرنا:لا اتفضل انت اشتغلت معايا ودول حقك
يوسف:حطي فلوسك في شنتطك يا انسة ميرنا انا الحمدلله معايا وكمان انا الي كنت عايز اساعدك يعني وكدة وواضح ان زابينك بيحبوا الايس كريم بتاعك اوي
ميرنا:ايوة طبعا هو دا اي ايس كريم والسلام دا ايس كريم من عربية ابو النجا من ايد ميرنا بنت ابو النجا
يوسف:ونعم التواضع
ميرنا:هههههههه....اتشرفت بمعرفتك يا استاذ يوسف
يوسف:الشرف ليا يا انسة ميرنا
ميرنا:العفو....تعوز حاجة
يوسف:سلامتك
ميرنا: الله يسلمك....باي
يوسف:مع السلامة
واتجهت الي البيت
وفتحت لها منار وكانت بجانبها شهد
منار:فين الاي....
ميرنا بمقاطعة:اهو اهو الايس كريم اهو يا منار استريحتي
منار:اوووو دا بالشكولاته ايوة كده اتعلمي من اخطائك كانت كل شوية تجيبوة بالڤانلية
شهد:انا بحبة بالڤانلية اوي
منار:عشان كدة كنتي بتطلخبتي
ميرنا:ايوة عشان شهد منسهاش ابدا
شهد:في عرس جوا مع طنط وفي طنط اسمها ام براندا جوا
ميرنا:هههههههههههههه
الام:انتي جيتي يا ميرنا
ميرنا وهي بتكتم ضحكتها:ايوة يا ماما
الام:طب تعالي خليل وطنطك راندا هنا
ميرنا:حاضر يا ماما....وهي تنظر الي منار وشهد:تعالوا معايا
منار وشهد:ناوية علي اية تاني
ميرنا:كل خير كل خير
وذهبوا معا
قعدت منار ومعها شهد علي سرير ميرنا وبدأت ميرنا بجلب بعض الهدوم واختارت عباية سوداء وطرحة سوداء ونقاب من والدتها ولبستهم
شهد:اي دا يا ابلة ميرنا انتي راحة المقابر ولا راحة تقابلي عرس
ميرنا:راحة اطفش العرس يا شوشو هههههه
وبدأت بوضع مساحيق التجميل بشكل مرعب ومخيف جدا حتي التفتت الي منار وشهد
فصرخت الفتيات من الخوف
منار:عااااا انصرف انصرف
شهد:عااااا عفريت عفريت
ميرنا:لا كدة كويس اوي....ونزلت النقاب وخرجت
وحضرت عصير ومسكتة وخرجت واتجهت الي غرفة الضيوف
ام راندا:بسم الله مشاء الله اي دا يا ميرنا انتي اتنقبتي الله اكبر
ام ميرنا:اتنقبت اية انتي جاية بشعرك عادي وكمان مقولتليش
ميرنا:استغفر الله يا امي الهدايا دي بتبقي من عند الله ومن غير وقت
خليل:تبارك الله ربنا يبارك فيكي يا ميرنا
ام راندا:انا بقول نسيبهم مع بعض شوية يا ام ميرنا
ام ميرنا بخوف وهي تنظر الي ميرنا:ماشي يا ام راندا يلا....ربنا يستر
وخرجوا
ام ميرنا لميرنا:خالي بالك منة يا ميرنا
ميرنا:في عنيا يا ماما
وقعدت
خليل:مشاء الله بجد ربنا يباركلك يا ميرنا
ميرنا:شششش
خليل:اه مكسوفة....ربنا يوفقك يارب وتكوني من نصيبي مشاء الله مشاء الله
ميرنا:شششش اسكت
خليل:في اية يا ميرنا
ميرنا:اسكت بيتكلموا اسكت
خليل:مين الي بيتكلم
ميرنا:شششش
خليل:ميييين اللي بيتكلم يا ميرنا مفيش حد غيرنا في الاوضة
ميرنا:سامحوة سامحوة يا اسايدنا سامحوة هو مش عارف حاجة جاااااهل استغفر الله استغفر الله استغفر الله
خليل:ميرنا اهدي بس انتي بتعملي اية
ميرنا:قوم قوم بسرعة
خليل وهو يقوم:لية في اي
ميرنا:اصل عباس عايز يقعد
خليل:عباس مين
ميرنا:سامحوا سامحوا هو مش عارف جاااااهل
خليل:مييييرنا متخلنييييش اتجنن في اي مفيش حد في الاوضة غيرنااااا
ميرنا:انت بتعلي صوتك وهما موجودين....لا لا يا عباس متمسكش فية لا لا هو غلطان هو غلطان لا متموتوش لا
قفز خليل علي الانترية وقال:لا والله انا غلبان
ميرنا:اه والله هو غلبان....اتأسف يلا اتأسفلة
خليل:انا اسف انا اسف والله انا غلبان ما تقتلنيش
ميرنا:اه والله هو غلبان....معلش سامحة يا عباس سامحة....اية بتقول اية....مش عايزة يجي هنا تاني.... اه واية تاني....ولا امة....اه اه....ولو جية تاني هتدبحة زي الفرخة....
ابتلع خليل ريقة وقال:لا خلاص مش هاجي تاني هنا مش هاجي
ميرنا:مشي يا خليل انزل انزل
خليل:انا عايز اشوفة بقي انا حاسس انك بتضحكي عليا
ميرنا:انا اضحك عليك لا والله....بس انت لو شوفتة هتندم
خليل:لا انا عايز اشوفة
ميرنا:انت حر اتحمل نتجية اختياراتك....ورفعت النقاب
خليل:عاااااااااااااا....يااااا مااااامااااا....وخرج بسرعة
ميرنا:ههههههه اي دا مالة دا دا انا حتى قمر وبتبص في المرايا اتسرعت
ميرنا:عااااا استغفر الله اعوذ بالله....انصرف انصرف....اي دا دا انا اية دهواً....بعد شوية خرجت
ميرنا:في اية يا خليل مالك
ام ميرنا:في اي يا ميرنا اي اللي حصل
ميرنا:مش عارفة يا ماما احنا كنا بنتكلم مع بعض لقيتة صرخ فجأة كدة زي الست الي بتولد
خليل:احترمي الفاظك....عباااااس يا ماما شوفت عباااااس
ميرنا:عباس مين يا خليل
خليل:عباااااس اللي جوة
دخلت ام راندا وام ميرنا الغرفة ليروا ما يقول علية خليل
فرفعت النقاب وطلعت لسانها وشاورت بأصبعها علي رقبتها برسمة الدبح
خليل:عااااااااااااااااا
نزلت النقاب بسرعة
ميرنا:في اية يا خليل مالك
خرجت ام ميرنا وام راندا بسرعة
ام راندا وميرنا:في اي
ميرنا:مش عارفة انا فجأة لقيتة صرخ
خليل وهو يشاور علي ميرنا:عباااااس يا مااااامااااا عباااااس
ميرنا:عباس انا عباس لا لا دي اهانة لا اتحملها....(وصفني بعدم التعذيب وهذا غير لائق😂😂)
ام راندا:استني بس يا ميرنا
ميرنا:لا لا الغي رحلتي....
ام راندا:والله مش عارفة هو عمل كدة لية
ميرنا:لا يا طنط ازاي يقول عليا عباس يعني ترضيها علي راندا
ام راندا:حقك عليا يا ميرنا متزعليش
ميرنا:لا لا يا طنط انا زعلانة لا....ودخلت الغرفة
ام راندا:بقي دي تقول عليها عباس دي حورية انت بس الي مش متعود علي الجمال ولا الحلاوة
(يلا يا فشااااارة😂🙂)(ما انتي مش عارفة الي فيها😂🙂)
دخلت ميرنا الغرفة
ولقت شهد ومنار قاعدين ميتين ضحك
ميرنا:ها بنضحك الناس رغم همومنا
منار:وبنسرع الناس بردوا
ميرنا ومنار وشهد:هههههههههههههههه
بعد شوية
بعد ما ام راندا وخليل مشيوا
ام ميرنا:انتي يا زفتة يالي اسمكككك مييييرنا
ميرنا:جالك الموت يا تارك الصلاه
________
عند سليم
حملها واتجه الي المستشفي بسرعة البرق
سليم:بسرعة يا دكتور بسرعه
الدكتور:اتفصل علي الاوضة هنا
اخذ الدكتور مليكة
ووقف سليم ينتظر وهو خايف جدا
بعد دقيقتين بالظبط
خرج الدكتور
سليم:خير يا دكتور
الدكتور:كانت فاقدة للوعي كان ممكن بحبة ماية تفوق هو انت خايف كدة لية
سليم:ها....لا مفيش
#سليم
اي دا فعلا دا بحبة ماية كانت هتفوق انا خوفت لية كدة....ممكن عشان الي حصل معاها....ربنا معاها....الله يكون في عُنها....
بعد ذلك دخل لها سليم
وهي كانت نايمة وقاعدة تعيط وبصة في السقف
سليم:اهدي يا مليكة والله هما ما يستهوا دمعة واحدة من عينك....
مليكة:انا اسفة يا استاذ اني دخلتك في مشاكلي....وقامت وخرجت من الغرفة
سليم:مليكة م....استني.....
مشيت مليكة الي خارج المستشفى ولم ترد علي سليم الذي يناديها من الخلف ويحاول اللحاق بها
اتجهت الي العمارة وجاية تدخل
لكن أوقفها سليم
سليم وهو ياخد نفسة:انتي بتجري لية طيب....هو....هو انا اشتكتلك من حاجة
مليكة:لا....بس انا مش عايزة اوجع دماغ حد بمشاكلي....عن اذنك....وقفلت باب العمارة وصعدت الي شقتها
سليم:طب انا عملت اية....
وبعد شوية
صحابة كلموه
صاحب سليم:اي يا زميكس فينك
سليم:انتوا الي فين
صاحب سليم:في كافيه****
سليم:ماشي....في السكة اهو
صاحب:متتأخرش هنستناك....سلام
سليمة:ماشي....سلام
واتجة الي اصحابة
سليم:ازيكوا
صاحب سليم ويدعي محمود:اي يا زميكس مختفي فين
صاحب سليم التاني ويدعي ادم:مشغول بصاحبة العيون الزرقاء ونسي صحابة بقي الندل....
سليم:وانت عرفت منين
ادم:اي ياسطا مهو انت الي كنت قرفنا بيها وكل شوية تقول صاحبة العيون الزرقاء والبت قمر والبت فتاكة ولحد دلوقتي ولا نعرف اسمها ولا شكلها شكلك كنت بتحلم ياسطا....ههههههههه
سليم:بس يا خفة وانسي الموضوع دا....ها الكلام علي اية
محمود:بلاي ستيشن
سليم:هفرتكوا....
محمود:اما نشوف....
ودخلوا ليلعبوا بلتس ستيشن لكن سليم كان عقلة مع احد اخر....
تاني يوم
في الصباح
استيقظت صاحبة العيون الزرقاء الساحرة (مليكة)
وخرجت من غرفتها اتجهت الي الحمام اخذت شاور ساخن واتوضت وصلت فرضها وبعد ذلك اتجهت الي المطبخ لتحضر الفطار لوالدتها
انهت تحضير الفطار وبعد ذلك اخذت الصنية واتجهت الي غرفة والدتها
مليكة وهي تضع الصنية علي الطربيزة :صباح الخير يا ست الكل
الام:صباح النور يا حبيبتي
مليكة وهي تقبل يد والدتها:ها اخبارك هتفضلي قاعدة متدلعة علي طول كده....
الام:اتلمي يا حيوانة
مليكة:ايوة كدة وحشاني شاتيمك يا عسلللل....
الام:روحي يا بتتتت غيري هتتأخري علي المدرسة
مليكة:بلاش يا ماما اروح المدرسة انا كدة كدة هقعد في البيت
الام:اوعي تقولي كدة تاني....سااااامعة انتي ملكيش دعوة بالظروف ومش الظروف احنا الحمدلله مستورين وان شاء الله الي جاي خير....اما بالنسبة لي تسيبي التعليم في دا بعدك يا عنيا....
مليكة:ايوة ايوة اردحيلي اردحيلي يلا ها....
الام:يا مليكة انتي وملاك الي بقينلي من الدنيا دي عايزة افرح بيكوا عايزاكوا تحققوا حلمكوا واشوفكوا اكبر ناس في الدنيا دي كلها وساعتها انا هتحسن وهبقي حاجة تانية خالص وهفرح بيكوا وهنسي كل الزعل والوجع الي كنت عايشة فية
مليكة وهي تقبل يديها:اوعدك يا ماما هشرفك وهخليكي ترفعي راسك فخورة بيا وبي ملاك الي قربت تضرب كيميا دي....
الام:هههههههههه
وهنا دخلت ملاك
ملاك:اي دا انتوا بتعملوا اي في الحمام
مليكة:حمام اية
ملاك:هو دا مش الحمام....لا صح....لا مؤاخذة يا حجة ازعجناكي....يا حماااااصة....
مليكة:عليا الطلاق ضربت كيميا خلاص
الام:ههههههه....بتفكرني بيكي وانتي قدها او في ابتدائي كنتي تقعدي علي ابوك.......
مليكة:انا ملياش اب انتي الي معايا بسسسس....
الام ببكاء:ربنا يخليكوا ليا
مليكة:تؤ تؤ تؤ تؤ لا العسل دا مينفعش يعيط ايتا ايتا ايتا....هي الناس بتحلو لما تعيط ولا اية
الام:ههههههه
مليكة:يالهوي علي الضحكة الي هتجيب اجلي....
الام:هههههه....اتلمي يا بتتتت وروحي يلا غيري
مليكة:عيوني بس اكلك الاول
ومسكت العيش بدأت تأكل والدتها....
الام:روحي بقي يا بنتي غيري يا لهويييييي يانااااا يا اخرة صبرييييييي
مليكة:كات يابني
مليكة:انتي قلبتي كدة لية يا حجة فين الاحاسيس فين الدرما فين الموسيقة الحزينة فيييين
الام:قوووومي قااااامت قيااااامتك
مليكة:خلاص قومت قومت....وخرجت
ملاك:هي ادتهالك ولا اية....ههههههه
مليكة:انتي يا بت شاربة اية انا مش فاهماكي....اوعي تكوني بتضربي كيميا....
ملاك:ايزي يا عزيزي يعني دي كيميا مش احسن ما اضرب فيزيا....
مليكة:وانتي عرفتي فيزيا منين هارسود....
ملاك:بقولك اي مش وقت صدمااااات....جااااايااااالك يا محمااااا....ومشيت
مليكة وهي تخبط كف علي كف:يارب ونبي يا تعقلها يا تخدني
واتجهت الي غرفتها وغيرت ملابس مدرستها وخرجت....
ملاك كانت جهزت بردوا وراحة علي اوضة والدتها
وجاية تفتح الباب لكن اوقفتها مليكة
مليكة:عايزة اية يا شمامة
ملاك:عايزة فلوسسسس....فلووووس كتيييير
مليكة:لا مفيش فلوس
ملاك:وانتي مالك انتي انا هروح اطلب من امي حبيبتي
مليكة:ششششش....ملاك....بلاش تجيبيلها سيرة الفلوس دلوقتي وانتي عارفة الظروف....
ملاك:طب اعمل اية يا مليكة عايزة كتاب انهاردة عشان الامتحانات قربت وانا مش معايا حاجة
مليكة:طب تعالي بس عشان متسمعش
ملاك:طيب
وذهبوا بعيد عن الغرفة
مليكة:خدي دول
ملاك:انتي جيبتي الفلوس دي منين
مليكة:كنت بحوش من الفلوس الي ماما كانت بتدهالي....مش زيك بضرب من الباقي كيميا
ملاك:هههههه طيب اجبلك معايا
مليكة:يلا يا بتتتت من هنا
ملاك:طيب انا عايزة هدوم عشان بكرة عيد ميلاد صاحبتي وانا مش عندي حاجة....
مليكة:....انا لقيت شغل يا ملاك انا مكنتش عايزة اقولك عشان الي بتضربية دا ممكن تفضحيني لكن مطدرة....
ملاك:عيب عليك يا شقيق سرك في البير....بس انا بردوا عايزة فلوس
مليكة:طيب هحاول اجيب فلوس انهاردة بس انا هشتغل انهاردة بعد المدرسة ياريت يديلي يومي....بس خدي في بالك الطقم دا بس الي هشترية مش هنخلص الفلوس علي اللبس واياكي ثم اياكي ثم اياكي تجيبي سيرة لماما انتي سامعة....
ملاك:ايوة سامعة خلاص متزعقيش
ملاك وهي تداعبها في جنبها:سلام يا موزتي....
وخرجت
مليكة:لا دي هربانة منها خالص....عايزة حاجة يا ماما
الام:لا يا حبيبتي عايزة سلامتك....معاكي فلوس يا مليكة واختك معاها....
مليكة:ايوة يا ماما متشغليش بالك تعوزي انتي حاجة
الام:سلامتك يا حبيبتي
وخرجت مليكة
الام:يارب وقفلهم ولاد الحلال يا مليكة انتي وملاك ولاد بطني....
خرجت مليكة من العمارة
واتجهت الي مدرستها
بعد شوية من مسيرة الطريق
قابلها سليم
سليم:ازيك يا مليكة
مليكة:اهلا....ازيك يا استاذ....ومشيت
لكن أوقفها سليم وقال:مالك يا مليكة هو انا عملت حاجة غلط لو عملت حاجة غلط قوليلي عشان اصلحها
مليكة:لا يا استاذ مفيش حاجة
سليم:طب تعالي اوصلك
مليكة:متشكرة
سليم:يبقي فية حاجة....الي قبلناهم امبارح دول كلموكي في حاجة
مليكة:لا....
سليم:طب لية مش راضية تمشي معايا
مليكة بإندفاع:لان حضرتك مش اخويا ولا خطيبي ولا جوزي عشان امشي معاك غير كدة ان انا مش بحب حد يتكلم عني نص كلمة واديك شوفت امبارح قالوا اية عني وانا مش بحب حد يتكلم عني وحش او حلو....عن اذنك....ومشيت
سليم:........
________
عند روان
استيقظت وعملت روتينها اليومي واتردت بدلتها العسكرية....وخرجت
روان:غريبة يعني ماما مزعقتش انهاردة ولا سمعتلها حس....يكونش الي في بالي....
وهنا خرجت مريم وعلي وجهها علامات الاستغراب
مريم:فين امك يا بتتتت مش سامعة حسها لية معقول يكون طلقها
روان:احتمال....ويجبلنا بقي أرجنتينية كده حاجة هاي
مريم: أرجنتينية هاي مع ابوكي....اقعدي يا روان
بعد شوية فتح باب الشقة
وكانت والدة روان ووالد روان
روان:كنتوا فين يا جوز الكتاكيت انتوا....
الام:اتلمي يا بتتتت الجزمة وانتي بتكلمينا....انا فعلا معرفتش اربي
روان:نتكلم في الموضوع دا بعدين كنتوا فين....
الاب:كنا بنتفسح
مريم:بتقولها كدة عادي حتة واحدة
الاب:هخاااااف يعني ولا اية ولا هكش من شوية صيع زيكوا يلا يا بتتتت منك ليها علي الي عليها....وهو ينظر الي ام روان ويقبل يديها يقول:يلا يا قلبي
الام:يلا
روان:لا لا لا لا كدة كتير واخدها علي فين
الاب:وانتي مالك يا حيوانة انتي يلا علي شغلك عشان مجيش اقطع شعرك في ايدي
روان:اه يا لئيم انت عرفت منين
سكة شعري دي طول عمرك بتاع حزام....
مريم:اكيد من الاروبة الي جنبك صح
الاب وهو يخلع حذائة:انتوا هتمشوا ولا بي دا....
مريم:احنا مشينا اصلا يلا يا بتتتت
روان:يلا ياخويا خد البطة الي....ولم تكلمل جملتها وهوب لقت الجزمة في وشها....
روان:طيب يا بابا شكلك مش فاضي انهاردة همشي انا بقي سلاموعليكوا
وخرجت هي ومريم
مريم:لازم تخدي الختم كل يوم علي قفاكي وعلي وشك هههههههه
روان:متضحكيش عشان مدهولكش انا....
مريم:لا وعلي اية
ونزلوا لقوا عمر ماسك بوكس كبير اوي
مريم:اي دا يا عمر
عمر:انتي مش فاكرة ولا اية
مريم:انهاردة عيد ميلادك
روان:اما يبقي عيد ميلادة هيديك هدية انتي يخربيت الذكاء....
عمر:قوللها ونبي يا روان اختك ضربت
روان:اكيد انهاردة عيد ميلادي انا....متشكرة اوي يا عمر
عمر:وانا قولت انتي الي هتجيبيها....ايدك يا بتتتت عيد ميلادك مين....
مريم:اومال اية عيد العمال
عمر:يارب الصبر والنبي....
روان:الڤلانتين عدا....عيد الفطر يعني ولا اية متخلص
عمر:انهاردة يا مريم الكلب ذكري اول يوم اتقابلنا فية والمفروض اختك تكون عارفة لأنها هي يعتبر الي خليتنا نتكلم مع بعض
روان:اه صح....طب دا بيتقال فية اية كل سنة وانتوا طيبين ولا اية
عمر:روحي يا روان هتتأخري علي الشغل
روان:طب هات البوكس اكيد تقيل عليك
عمر:غووووري يا بتتتت
روان:بقي كدة ماشي....يارب يبقي فيها قنبلة ونرتاح منكوا انتوا الجوز....ومشيت
عمر:امسكي ياختي
احتضنتة مريم بحب شديد ظاهر وقالت:ربنا يخليك ليا يا كل حياتي....
عمر:ويخليكي ليا وميحرمنيش منك ابدا يا كل ما ليا....
عمر:اي دا انتي بتعيطي
مريم:دموع الفرح....للدرجادي مفتكر اول مرة اتقبلنا فيها كانت امتي
عمر:طبعا اليوم دا اتسرق قلبي وعقلي ازاي انسي....
مريم:جيبلي اية
عمر:لا دا تخدية كده وتطلعية فوق ونروح الجامعة وبعد كدة تبقي تفتحيها
مريم:وحياة امك
عمر:نعم
مريم:قصدي وحياة حماتي
عمر:ايوة كده
مريم:هههههه....اي يا عمر يعني انا هستني كل دا
عمر:اومال هتخديها معاكي الجامعة اطلعي يلا يا بتتتت حطيها وتعالي عشان هنتاخر علي الجامعة
مريم بتذمر:طيب....واخذتها
بعد دقيقتين نزلت
اخذها عمر واتجهوا الي الجامعة
________
عند روان
رن هاتفها وكان حودة
حودة:قلبي انا اسف وربنا اني اتأخرت عليكي....انتي روحتي الشغل
روان:لا لسة....
حودة:طب خليكي زي ما انتي او اطلعي تاني وانا اما هاجي هرن عليكي
روان:لا هستناك هنا بس متتأخرش
حودة:حاضر
واخذ حودة سيارتة وانطلق اليها سريعا
ركبت روان معة
روان:امسك
حودة:اي دا
روان:انت شايف اية
حودة:هدية
روان:افتحها
حودة وهو يضع يدة علي جبهتها:روان انتي سخنة
روان:اي ياسطا....افتحها سخنة اية
حودة:انا خايف....طب انتي حاطة فيها قنبلة
روان:قنبلة اية....افتحها بقي
فتحها حودة ولقي فيها قميص لونة اسود سهرة وساعة
روان:ها اي رأيك
حودة وهو يمسك يديها ويقبلها:تسلم ايدك يا قلبي احلي هدية جاتلي في حياتي....
مسكت ايدة ولبستة حظاظة لونها اسود وعليها حرفهما وقلب....
حودة:اي دا انا بحب الحاجات دي اوي
روان:وانا كمان
حودة:بس ها حاسس في حاجة وراكي انتي بقالك يومين متغيرة مش روان الي اعرفها
روان:جاية قريب اهو بس هما اليومين دول لزوم المحن الي شوفناه الايام دي
حودة:طب اية المناسبة
روان:يعني زي ما انت بتقدرني انا بقدرك وجيبتلي هدية في الڤلانتين في لازم اجبلك
حودة:يعني انتي جيبتي كدة بس عشان انا جيبتلك
روان:لا وفي حاجة كمان
حودة:اية
روان ومسكت يدة وهي تقبلها:وعشان بحبك
حوده:وانا بعشقكك....
روان:بس بقي كفاية محن وشغل التكييف واطلع يلا عشان هنتسلوح
حودة:اية دا في اية طب اكمل الجملة انتي اتحولتي كدة لية
روان:لا مفيش بس حسيت بصهد ومرارتي بقت علي اخرها....يلا اطلع
حودة:حاضر....
واتجة الي مقر العمل
ودخلوا والقوا التحيه العسكريه علي الرئيس بتاعهم
روان وحودة:تمام يا فندم
اللواء سعيد:ازيكوا عاملين اية
روان وحودة:تمام يا فندم الحمدلله
اللواء سعيد:في متدربة جديدة هتيجي تشتغل معاكوا واما تيجي تج....
وهنا طرق الباب ودخلت فتاة تدعي لاما عيونها خضراء وشعرها اسود وبشرتها بيضاء
مغرورة حدا ما وفرفورة اوي اوي يعني
لاما:تمام يا فندم
اللواء:اما تدخلي عليا لازم تعملي التحية العسكرية الاول وتقولي تمام يا فندم اظن قالولك كدة في الكلية....
لاما:اسفة يا فندم....
روان في نفسها:شكلها شغلانة هم
وهنا دخل ياسين وعلي والقوا التحيه العسكريه وقالوا:تمام يا فندم
ياسين وعلي:اوبااااا
ياسين:مين دي يا سعيد مش قولنا تبطل الحركات دي بقي
اللواء:ثااااابت دي لاما زميلتكوا الجديدة لسة متخرجة السنة دي
اللواء:اعرفك روان نقيب في مديرية أمن القاهرة ودا حودة نقيب في مديرية أمن القاهرة ياسين نقيب وعلي نقيب في مديرية أمن القاهرة
لاما:اهلا تشرفنا
روان:مالك يا حلوة رافعة راسك كدة لية براحة لاحسن تتكسر....
لاما:ان....
اللواء:احنا هنتشاكل هنا روحوا يلا علي مكتبكوا....
القوا التحية وخرجوا
ياسين:انا مش متفائل
علي:ولا انا
حودة:ولا انا
روان:رافعة راسها اوي اوي يعني....
حودة:سيبك يا شبوح ولا يهمك نكسرها
روان:هههههه
قعدوا وبعد شوية دخل اللواء مكتبهم كلوا وقف وانتباة معادا لاما
اللواء سعيد:انتي يا حضرة الظابط لاما
لاما:ايوة يا فندم
اللواء سعيد:انا دخلت المفروض تقفي زيهم احتراما ليا لون لو مش هذعجك
لاما:لا ولا اذعاج يا فندم مفيش مشلكة
اللواء سعيد:اي الي انتي مسكاة دا
لاما:مبرد ضوافر
اللواء سعيد:ودا مسكاة لية
لاما:اكيد يا فندم عشان اعمل ضوافري اية السؤال دا
اللواء سعيد:معلش انا اسف....روان
روان وهي تكتم ضحكتها:ايوة يا فندم
اللواء سعيد:في مهمة جديدة عايزك فيها انتي ولاما
روان في نفسها:ربنا يستر
روان:تمام يا فندم
وخرج
روان:يا....
لاما:ايوة بتناديلي
روان:ايوة اللواء سعيد عايزنا
وهنا دخل سعيد وقال:كلكوا علي غرفة الاجتماعات بسرعة
الكل:تمام يا فندم
وخرجوا
اللواء سعيد:المهمة دي مش خطر للدرجة يعني بس انا محتاج روان فيها من غير سبب بس انا حاسس ان روان هتعرف تتعامل في المهمة دي
وعرض صورة بنت في سن 19 20 سنة
اللواء سعيد:البنت دي اسمها مايا عندها 19 20سنة بتدرس في كلية هندسة دي بنت تاجرة مخدرات والبنت علي علم بالموضوع دا هي مدمرة نفسيا الي حد ما بسبب انفصالات عاطفية كتيرة
روان:وانا مطلوب مني اي يا فندم
اللواء:انت المفروض يا روان بالبلدي كدة تجيبيها سكة وتوقعيها في حبك عشان واحدة واحدة هتعترف علي ابوها ودا الي عايزينة
روان:استغفر الله العظيم....اي دا يا فندم
حوده بضحك:اي يا باشا دا انت بتخطف القلوب علي طول انسحبت لية
روان:مش وقت محن كلاب مش وقتة
حوده وعلي وياسين:هههههههه
اللواء سعيد:هههههه لا يا روان مع العلم انك من انهاردة مش هتبقي روان
روان:يعني اية
اللواء سعيد:فهمها يا حودة
روان:من الواضح انك عارف عن الموضوع
حودة:كل شوية تدبس حودة لية يا سعت البية
اللواء سعيد:ههههههه
روان:اي المطلوب مني ويعني اية من انهاردة انا مش روان
حودة:انتي هتعملي واحدة انتي مش عارفها بس انتي تعرفيها بس انت تعملي متعرفهاش في هتروحي للهتعرفي عليها تعرفيها انك مش روان وانك واحدة تانية خالص انتي متعرفيهاش بس انتي تعرفيها ف....
اللواء سعيد:اي اي يابني الي انتي بتقولة دا انا غلطان اني اعتمدت علي اوباش زيكوا
روان:فهمني يا فندم دا ضارب كيميا....
اللواء سعيد:ههههههه....بصي يا روان انتي من انهاردة مش هتبقي روان انتي هتبقي واحد اسمة ادم عندة 22 سنة فاشل وكل شوية يعيد السنة في كلية هندسة مع مايا بس انت مكنتش بتيجي لأنك كل شوية بتعيد وانت بتزهق وكدة يعني وانت باد بوي
روان:........
اللواء سعيد:روان
روان:ايوة....مين الي هيعمل كدة
اللواء سعيد:انتي
روان:ايوة يا فندم يعني انا باد بوي ازاي هو انتوا شايفيني ازاي....
اللواء:مهو بروكة علي مكياج علي دقن
روان:لا انا بحب الاملس
اللواء سعيد:ماشي ياستي....وكدة
روان:ايوة بس باد بوي ازاي
اللواء سعيد:بصي يا روان عشان ابقي صريح معاكي المهمة دي كانت من نصيب حودة وطبعا بقي مايا هيوقعها في حبة واحضان بقي وباد بوي يعني كل يوم مع بنت شكل وطبعا مش هينفع لان هو عارف انك....بلاش في هو اتنازل عن المهمة دي ليكي
روان بهسترية:ههههه....وانا بقي احضن عادي
اللواء سعيد:اخواتك عادي
روان:الموضوع يا فندم مش عارف يدخل دماغي خالص....
لاما:طب انا ممكن اخد المهمة دي يا فندم
اللواء سعيد:لا روان هي الي هتاخد المهمة
لاما:لية
اللواء سعيد:هي عارفة لية
لاما وهي تحاول احراج روان:مممم اه عرفت عشان هي ولد.في نفسها حبيتين اوي
روان بإبتسامة:لا يا قمر عشان المهمات الي زي دي مينفعش تبقي فيها لانها كبيرة علي حجمك ودي محتاجة خبرة بكرة تتعلمي يا قمر
لاما وهي تنظر لها بصدمة هي كانت لا تتوقع رضت فعلها دي كانت تدرك انها ستنسحب بعيدا لكن خيبت ظنها....
ياسين:اووووف
علي وحودة:هههههههه
روان:هفكر حاضر يا فندم بس واحدة واحدة كدة لان الموضوع كبير اقسم بالله....طب طب لية مخلتوش ياسين ولا علي
اللواء سعيد:روان في احضان بقول وهما ما هيصدقوا هي بنات الناس لعبة
علي وياسين:للدرجادي سمعتنا وحشة
روان:ماشي يا فندم بس انا مش كدة بلعب بردوا بمشاعر بنت كا انا شاب يعني
اللواء سعيد:انا عارف يا روان بس دا خطر اوي علي البلد بس انا مبصتش من الجهة دي حودة مع مايا مثلا هلي هتقبلي وياسين وعلي اكيد لا لانهم هيسوقوا في بنت مع بنت
روان:هيفهمونا غلط يا ريس
اللواء سعيد:بس انتي شاب....انا حاسيت انك الوحيدة الي هتعرفي تدخلي عليها مش عارف لية....طبعا هيكون معاكي حودة وياسين وعلي ولاما كأصحاب
روان:ماشي يا فندم هحاول اشتغل علي القضية وادخلها في دماغي وان شاء الله كل خير
اللواء سعيد:ان شاء الله....اتفضوا
القوا التحيه العسكريه وخرجوا
حودة:انتي زعلانة لية مش احسن ما تلاقيني بحضن في مايا....
روان:عشان كنت دبحتك
حودة:اهو دا الي كنت خايف منة في عشان كدة اتنزلت عن المهمة دي وملقتش حد قد المهمة دي الا انتي يا موزتي
روان:طب انا ازاي....
حودة:هههههه تمثيل يا بنتي....
روان:ايوة بس لعب ببنات الناس مينفعش يا حودة
حودة:شغلنا يا روان هنعمل اية....انتي بس صاحبيها حتي متوقليهاش انك بتحبيها علي طول ممكن تقولك كل حاجة من غير ما تعترفي او تقولي اي حاجة
روان:ربنا يستر....ربنا معانا
حودة:ان شاء الله خير............................يتبع🖤

صلوا على النبي ﷺ♥️
تصويت وكومنت فيه تصلوا على النبي ﷺ♥️
وكومنت فيه رأيك
بحبكوا🖤
تفاعل يا جماعه عشان اقدر اكمل لانة بيشجعني اني اكمل واعملكوا روايات تانية كتير