بالنسبة لشهاب واروي انا هعملهم رواية ليهم هيبقي فيها بردوا ابطال تانين جداد....ولو انتوا عايزين لوحدهم بردوا قولولي اذا لوحدهم او معاهم حد قولولي في الكومنتات....
________
تراجع بذكريات الرواية😂🙂
وقفنا عند مايا الي هي نعمة ساعت ما الولا ابن الجامدة الي اسمة ادم الي هي روان يعني استغفر الله العظيم واتوب اليه♥️♥️عرف حقيقتها بعد ما مشي وراها هو وحودة وياسين عشان نست الكتاب وراح عشان يدهولها وكان في علقة يعني جوا الشارع وكان ابوها ماسك في زمارة ماجد حبيبها القديم الي خزوقها بردوا....وبعد ما الدنيا هدت دخل ادم وكان هيتعلم علية من نجات عمت مايا الي هي نعمة وبعدين فهمها والي لطف الدنيا جمعة الاوزعة وادهلها الكتاب وقال بقي اية ان نجات تبقي معاها وكدة فقالت نجات بقي اية بحيث تثبتة ويبقي في حتة كدة رومانسيه استغفر الله العظيم و اتوب اليه♥️♥️ وبعدين قال بقي اية بحزن يعني انة هو بنت وان هو روان يعني وكدة وقال هبقي معاها وخرجوا....
وبعدين بقي بعد العركة كان ابو مايا فين ها فوق عند مايا الي هي مين ها قولوا نعمة شاطرين....المهم قالت انة مش اب وعرفت سبب الخناقة انة بيفاصل معة في الحشيش ولو ماجد نزل السوق هيلاقي ان الي عند عوض ابو مايا ارخص اه والله هي عرفت دا كلة في الخناقة يعني ساعت ما جرت وقالت بااااابااااا انت بتعمل اية في حركة سلو موشن كدة المهم....فقالتلة بقي انت مش اب وانك بتشرب وبتاع وحرام عليك وكلام كتير كدة فقام هو مخمسها في وشها(ضربها قلم يعني مش حسد اقصد😂🙂)في عيطت ودخلت واختها قعدت تهدي فية وبتاع ونجات طلعت وعلمتها درس شفوي ان الي بيتبري من اهلة وعايز يمشي من البيت مش هيبقي معاة فلوس ومش هيلاقي ياكل ببلاش ومش هيلاقي مكان يقعد فية ببلاش ولا واي فاي ببلاش ولا ايتها حاجة....وعطتها الكتاب وقالت بقي اية الي هو خبث كدة الي هو الواد دا عنية منك دا عينة مني ودا عينة مني وانا عينك منك انت كدة يعني....وخرجت....ونهينا جزئها وهي بتقول لا لاااااع يا نعمة متعمليش في نفسك كدهوا وتصدقي وتثقي في حد تاااااني لانة اكيد هيجي يفاصل مع ابوكي علي الحشيش....
________
ووقفنا عند البت اروي والولا شهاب ان الولا شهاب بقي اية يا عين امة لسع وبقي يتخيل حاجات وان في واحدة ادتوا قلادة محفور عليها تلت حروف وكانوا ق.ع.ك....وطبعا اروي مصدقتوش وفكرتة انة مش بيشرب لبن بخيرة....نشرب لبن بخيرة يا جماعة جميل لازم نشرب اللبن المهم....وخلص الموضوع ان شهاب بيفكر ودماغة هتنفجر واروي بتقولة اناااااع جعااااانة بتفكرني اروي بنفسي اوي في اي موضوع مهم في اي مصيبة كدة ولا حاجة بحشر دماغي في وسطهم واقول انا جعانة وردود الافعال بتبقي عنيفة بعض الشئ....مش بحب اتكلم في الموضوع دا كتير....طبعا هعمل رواية ليهم لية عشان هو هيبقي مختلف عن الرواية لانة حاجة كدة خيال علمي علي كوميدي علي اكشن علي عسل بطحينة في شغل يعني جاي جامد اخر جمدان....تشجعكم بس والله وانا هخرب الدنيا وانتوا معايا يا عصابة رينو طارق😂😂🙂🙂....ان شاء الله بإذن الله هيبقي في شغل جامد اوي جاي....
________
ووقفنا عند البت مليكة انها يا حبة عين امها قررت انها تروح عند سليم الموز اوي وتحكيلوا بقي وهو الولا عداه العيب وسميع اوي وحكت ان كان نطقها ضعيف والعيال الي معاها كانوا قاعدين يتنمروا عليها ولاد الدزمة وفي واحدة بقي اية جامدة بتحب واحد جامد زيها اتفقوا انهم يلعبوا علي البت الغلبانة مليكة عشان اية هي كانت ممتازة جدا جدا جدا جدا المهم في الولا دا الي اسمة عماد مثل انة بيحب البت مليكة ومليكة بدأت تتعلق بية بس كانت بتشك لان كان البت الصفرا دي كانت تيجي تقول حاجة لعماد وتمشي....وهي تقولة في اية يقولها ملناش دعوة....وفي مرة قررت انها تشوف في اية وتعرف كل حاجة اة هي هتبقي مغفلة كل دا دا ميرضيش ربنا والله في يوم كانوا فسحة وقاعدين في الحوش والبت مليكة قمر قاعدة بتاكل ساندوتشات الرومي والجبنة بتوعها وبشترب بيست تفاح عشان بتحبة اوي....شافت البت والولا عماد داخلوا مكان كدة بعيد عن دوشة العيال راحت وراهم اه مهي لازم تعرف كل حاجة سمعت البت بتقولة ان الموضوع زاد وانها بتحبة وعايزة عصير بيست تفاح زي مليكة....سمعت مليكة الكلام دهوا فأتصدمت اندهشت انبهرت وقعت ماتت ا.اقصد اغمي عليها فقدت الوعي....المهم المدرسة اتلمت اتصلوا بأهلها راحوا المستشفي امها منهارة وابوها في ابو سمارة وراح وقالها انت روحتي المدرسة ومروحتيش الشغل الاب القاسي النوتي دا في حبسها ومخلهاش تخرج الا تروح الشغل بس واتوصلت مع واحدة صاحبتها في المدرسة انها تجبلها الكتب وتسجلها الحصص وكدة يعني وهي نطقها اتحسن عن الاول بسبب الصدمة عملت جعزة في احبالها الصوتية في قالت ياما....فرجعت تاني تتكلم عادي....وبعدين وقفت عن الكلام ومردتش تقول للولا سليم وانا حسيت كدة انة علي وشة علامات الفضول وشاكيت للحظة انة مخبر في المساد مش عارفة حسيت فجأة كدة هتسألوني وهيعمل اية بحكاية مليكة واية علاقة مليكة بالمخابرات اصلا هقولكوا معرفش والله اعلي واعلم والله علي كل شيئا قدير بعد كدة رفضت تحكي ايتها حاجة تانية لما شكت للحظة انها فضحت نفسها....شكت للحظة واخدين بالكوا معايا....وبعد كدة سليم الله يباركلوا مرداش يضغط عليها وقالها انة هيوصلها فرفضت مليكة لكن من جواها كانت بتقول يارب يصر علي قرارة بدل ما ادفع اجرة التوكتوك المهم....فأصر سليم علي قرارة فإنبسطت مليكة وقالت:طيب عشان انت حلفت بس....
________
ووقفنا عند العيال ملاك وعبد الرحمن وكريم ورؤي انهم اتفقوا يتقابلوا الصبح عشان يروحوا المدرسة بدري يظبطوا الدنيا في طبعا ملاك والتي تمثلني تماما اتأخرت عليهم في شتموها ومشوا مع بعض كأصحاب جمال جامدين جدا....جامدين ومفيش الا احنا حلوين ومفيش الا احنا كدة يعني المهم....وصلوا مستر اسامة وقفهم وهزقهم عشان اتأخروا في ملاك وقفتوا وقالت انها حلمت بية انة لابس ابيض في ابيض ومعاة بنت لابسة ابيض في ابيض المستر ابهرنا بروحة الفكاهية وقال نقاش يعني في نجح في هذا وحقق الكوميديا وضحكوا فسألتة ملاك عن الموزة الي شافتها في الحلم في قالها ممكن تكون الحيطة بس انتي دماغك متركبة غلط وتفكريها قذر حضروا الدنيا كل واحد جاب هدية لمس رحمة عبد الرحمن جابلها بيرفيوم ولانة نضيف ولو عبد الرحمن مجبش برفيوم بنوع حلو مين هيجيب....وكريم جابلها طقم اكسسوارات فضة واكتشفنا مع بعض ومع مس رحمة انة كان سارق محفظة ابوة وكمل من معاة والله اعلي واعلم والله علي كل شيئا قدير....ورؤي جابت ليها ميني درس نوع القماش كدة شيفون تقعد علي البحر بية وهي بتاكل محشي ودا الي قالتة الاستاذة رحمة....وتفاجأنا ملاك وقد حققت الكوميديا بعد مستر اسامة وجابت لمس رحمة شاربين واحد لونة بينك والتاني اسود وخلخال بحيث لو مس رحمة اعتزلت المهنة وتركت التعليم في يبقي ليها الطريق انها تفتح كبارية وانا اول واحدة اشجعها علي فعل ذلك وملاك كمان وهيبقي الخلخال حلو اوي علي الشرابات....ويفاجأنا مستر اسامة ببوكس في مذكرة مس رحمة وهديتوا الي هنكتشفها في البارت بتاعهم وان ملاك عايزة بوكس زي دا عشان تتعرف علية اكتر وكدة في كان رد فعلة مش لطيفة فراحت كلت جاتوة مع زملائها....
________
وكمان وقفنا ان عامر كان بيلعب في الشارع بالكورة والكورة اتحدفت علي البلكونة في ملاك فكرتة حرامي ومتحرش وفضحت امة المهم في قالها لا لا انا ابن ناس اسمي اناناس فقالتلة خلصانة صدقتك وقفت لما يجب الكورة فهوبا وقعت علي نفوخها عملت ارتجاج في المخ
________
وقفنا كمان ان سامي صاحب غرام وبسنت من الثانوية رجع من تركيا وانهم راحوا الجامعة ويفاجأ سامي قلب امة يا حبة عيني ان في امتحان وهو لسة منقول جديد واحب اقولة من موقعي هذا وانا قاعدة علي الانترية ان الامتحانات للجدعان وحل اهبد براحتك عجبهم الهبد كان بها معجبهمش يبقي قدر الله وما شاء فعل ولا يكلف الله نفسا الا وسعها....واكتشفنا مع بعض ان الي هيقف عليهم دكتور وائل الرزل ودا الي قالتة الاخت بسنت دخلوا المدرج بدأوا الامتحان سامي شتم غرام فهددتة انها مش هتقولة حاجة فتأسف مدت ايدها عشان يبوسها في عضها صرخت الدكتور بلدي اوي فكان هيعمل معاهم السليمة فبدلت غرام مع بسنت وبسنت غششت سامي ودا يدل ان بسنت صاحبة جدعة وادلها نقطة لصالحها....
________
وقفنا عند عمر ومريم وان عمر باس مريم في الجامعة وهي مكسوفة بقي وكدة وروان اكتشفت الموضوع فقرروا انهم يعملوا بكرة كحك لية معرفش بس هي طلبة معاهم وقعدوا يتكلموا علي كورونا والصاروخ الصيني بقي وكدة وامهم جات عشان يلموا الغسيل واكتشفنا ان الصاروخ في كلور الوان هيبوظ الهدوم وكدة وبعدين وقفنا لما حودة رن الجرس....
________
وقفنا عند روان انها هي ومي عملوا شيك اب علي نفسهم وان روان عندها مشكلة انها مش بتخلف وانهارت جدا واكتشفنا مع بعض ان روان عندها دم ومش احنا بس لا عيلتها بردوا ومريم كلمتها وقالتلها انة لو بيحبها هيكمل معاها وهي منهارة مفيش....فأكتشفنا حودة دخل الاوضة فجأة منعرفش جة منين دخل بقي وبدأت وصلت المحن وان هي بنتة وانوا باباها والبت في ثانية باعت ابوها شوفت قلة الادب واعذروني مش هكمل المحن دا عشان انا لسة متغدية ومعدتي بتقلب من المواضيع دهيا😂🙂المهم بعدين روان جالها اتصال ان في غلط في الموضوع ان هو تشابة اسماء وان روان اكتر واحدة مسطولة في الحياة زيي كدة وبعدين قرروا ان يمشوا حودة عشان الميعاد متأخر وان روان جعانة وعايزين ياكلوا وبعد كدة مريم حكت ان عمر باسها المهم اكتشفنا ان مريم مشفتش بربع جنية تربية مع ان دا جوزها وان روان متربتش اصلا عشان تحضن خطيبها....وبكرة جة وقعدوا يعملوا الكحك وبيحكوا في كورونا والصاروخ عايزينوا يقع علي مين وكدهوا....واكتشفنا ان روان عايزة الصاروخ يقع علي حودة....واكتشفنا كمان ان الواحد مش بيقدر النعمة الي في ايدة والولا عامل زي بسكوت نواعم وهي عاملة زي جبس مصر اه والله....
وبعدين وهما مندمجين في عمل الكحك قاطعهم حودة وهو يطرق الباب وفتحت ام روان وحدفتة علي الارض جمبهم عشان يخلصوا اسرع واكتشفوا ان كتب كتاب حودة وروان بليل وان فستان روان جاي في السكة وام روان بتغسل المواعين ومريم وروان بتعمل كحك وابو روان بيشرب شاي بالنعناع في العزبة....
________
ووقفنا عند ملك وهي قاعدة مع راوي انها هتنفضل عن خالد عشان ميطورتش في مشاكلها بعد كدة شهاب طب عليهم وسحب البت اروي وملك قعدت لوحدها وبعدين اتصلت بخالد عشان تقفل معاة الموضوع دا في اكتشفنا انة جامد وبسكوت نواعم بردوا وان كل ايطاا الرواية قمامير بس الابطال البنات دبش شويتين تلاتة وبعدين اخدها ركبوا العربية راحوا القسم ملك اتعرفت علي الي كانوا بيحاولوا يخطفوها....وهوبا هجوم مفاجأ علي القسم وموتوا كل العساكر وخالد حد ضربة في دماغة طب ساكت الاتنين الي اتعرفت عليهم ملك شالوها وركبوا العربية وذهبوا الي مكان ما....داهية تاخدهم كلهم....
________
وكمان عند ميرنا ويوسف مزكرتهمش بقالي حبة كتار بس يعني هو محصلش حاجة الي حصل ان البت مبرنا جالها عريس الي هو خليل وطفشتوا وقبلها كانت بتقدم هي ويوسف في الشركة بتاعت ابو ياسين بعد ما صادفوا بعضهم وبعد كدة محدش عبرهم من الشركة بعد الانترڤيو ولا قالهم حظ اوفر المرة القامدة حتي فميرنا في يوم نزلت وقفت علي عربية الايس كريم واكتشفنا ان ميرنا ويوسف بيحبوا الايس كريم بالفراولة والشكولاتة وان في بينهم حاجات مشتركة مع ان انا بحب الفانيليا اكتر....معرفش اية علاقتة بالموضوع بس يعني حبيت اقولكوا بحب اية....
________
بس كدة تذكرنا ذكريات الماضي وهيا يبنا نرجع الي الواقع مرة اخري....يعني انتوا مش حاسين بمجهوداتي الي بتفيد البلد والبشرية يعني قليل الي بيشجعني وبيعملي ڤوت....اعملواي ڤوت ويارب الي ما يشجعني ميجيلوا نوم بس كدة....
طيب باختصار شديد كده
اليهود ناويين يقتحموا المسجد الأقصى النهارده بأعداد كبيرة علشان يطالبوا بإقامة معبد لهم مكانه
فإحنا كمسلمين يعني واجب علينا اننا ندافع عن مسرى الرسول و اللي نقدر عليه تفعيل الهاشتاج ده في فيس و تويتر
ما حدش بقى يكسل ولا يقول احنا مش مطالبين بكده
لا علفكرة ده واجب علينا الدفاع عن المسجد الأقصى مش كرم مننا ولا حاجة
بس كل اللي نقدر عليه في الدفاع تفعيل الهاشتاج وانه يبقى تريند و ده بيفرق جامد علفكرة
اللهم بلغت..
#لن_يمر_الاقتحام
#اقتحام_8_ذوالحجة
اشهد أن لا إله إلا الله وأشهد أن سيدنا محمد رسول الله ♥️♥️
أشهد أن لا إله إلا الله واشهد أن سيدنا محمد عبده ورسوله ♥️♥️
لا إله إلا الله سيدنا محمد رسول الله ♥️♥️
لا إله إلا الله سيدنا محمد عبده ورسوله ♥️♥️
لاحول ولاقوة إلا بالله العلي العظيم ♥️♥️
لا إله إلا أنت سبحانك إني كنت من الظالمين ♥️♥️
كلمات خفيفتان ثقيلتان في الميزان حبيبتان للرحمن♥️♥️سبحان الله وبحمده سبحان الله العظيم ♥️♥️
صلوا على النبي ﷺ♥️
تصويت وكومنت فيه تصلوا على النبي ﷺ♥️
وكومنت فيه رأيك
بحبكوا🖤
ڤوت احبائي في الله....
#Reno_tarek
#Comedy_novels
أنت تقرأ
أحببْتُك بِصدق ♡ "2" (جاري تعديل السرد)
Mizahهُناك نَـظره تَخْتَصِر الحـياة ، صوت يَخْتصِر المَـسافه ، وَشخص يَخْتصِر الجَـميع🚶..
