أحببْتُك بِصدق ♡⁠ "2" (جاري تعديل السرد)

غرام وياسين(النهاية)🖤

غرام:نهار ابوكم اسود اية الي بتقولية دة....
السكرتيرة بضحك:دة قرارة....واضح انة بيعزك اوي....
غرام:اروح الشركة من سبعة الصبح لية....لا لا متقوليش هنسيب العقارات ونبيع لبن....
السكرتيرة:بطلي لماضة وخشي لياسين بية يفهمك كل حاجة....دا اول اسبوع ليكي اثبتي جدارتك....
غرام:داهية تاخدكوا دا انتوا شركة منتنة....منكم لله....
دخلت غرام المكتب علي ياسين....
غرام:ايوة ليه سبعة الصبح ما عشرة حلوة....
ياسين:اية يا حجة صل على النبي ﷺ....
غرام:عليه افضل الصلاه والسلام....
ياسين:مفيش حتي سلاموا عليكوا ولا استأذان يعني هو انا مفيش حد بيحترمني لية....
غرام:ايوة بردوا لية سبعة الصبح هي عشرة زعلتك في حاجة....
اومأ ياسين ورضي بالامر الواقع ثم قال:في فايلات لازم تجهزيها قبل الإجتماع يا غرام....
غرام:ولية غرام الي تتمرمط من سبعة الصبح....وحضرتك لا....
ياسين:حضرتك....ربنا يكرم اصلك يا اميرة يا بنت الامرة....
غرام:اخلصصصص....
نظر لها ياسين ثم قال:حضرتي هيبات في الشركة علشان فيه ورق لازم يجهز....
غرام:احيه لية كدة....
ياسين:شوفتي....هتيجي بقي الساعة سبعة الصبح....
غرام:اومااااال دة احنا عنينا للشركة يا سلام....
ولفتت واتجهت الي الباب وهي تزفر ثم فتحتة وقفلتة بقوة حتي فزع ياسين ووقع منة القلم....
بسنت:قالك اية....
غرام:مفيش فايدة العالم كلة عايزني اصحي من بدري....
بسنت وهي تلو شفتيها:هتقدري تصحي ولا هتروح عليكي نومة....
غرام:يا بسنت يا بنتي الصحيان بدري دة لعبتي من صغري....
بسنت:انتي هتقوليلي ربنا يستر....
وفي الغد....
في الصباح....
غرام بنعاس:الو....
بسنت:الو!!!! داك الو لما يخرم سرسور ودنك انتي لسةةةةة نااااايمة....
#غرام
فوقت وبصيت في الساعة لقيتها سبعه ونص....
غرام:بسنت اقفلي لازم اجهز بسرعة ادعيلي بالرحمة....
#غرام
لبست بسرعة ونزلت ووصلت الشركة....ماشية بسرعة....حاطة ايدي علي قلبي....خايفة....معرفوش كويس ولا اعرف ردة فعلة هتكون عاملة ازاي....وصلت عند باب مكتبة خبطت ودخلت وانا بنهج....
غرام:انا اسفة والله بس راحت عليا نومة....حقيقي غصب عني....بص من حقك تتعصب دلوقتي....بس بجد غصب عني....انت ساكت لية انت رفدتني....
ياسين بتعاطف:اهدي بس هو انتي مديالي....فرصة اتكلم....
شاور ياسين علي المقعد الموضوع امام مكتبة وقال:ارتاحي الاول انتي بتنهجي....
جلست غرام وهي تتنهد بكل تعب ثم قالت:اعمل اية دلوقتي....
ياسين بإبتسامة:انا خلصت كل حاجة بس في ايميلات عايزة تتراجع وحسابات عايزة تتراجع بردوا....
غرام:والفايلات....
ياسين:لا انا جهزتها....
غرام وهي تقف:طب عن اذنك عشان الحق اراجعهم....
وفي مكتب غرام....
غرام:لا ما اتطردتش بس مش عارفه هو حنين....ولا ده هدوء ماقبل العاصفة....ولا هيقتلني ويتاويني في مخزن الشركة مش ضمناة لا....
بسنت وهي تشرب عصيرها وهي تضع يدها الاخري علي وجنتها:ها وبعدين....
غرام:ها وبعدين اية....انتي مش وراكي شغل يلمك كل شوية تجي تقعدي وتتسايري....فين علي مش لامك لية مش المفروض انتي السكرتيرة بتاعتة....
بسنت:دا المفروض....و....
غرام:قومي يا غرام خليني اتنيل اراجع الإيميلات والحسابات....دة انتي قعدتك دي ولا كأنك في كي جي تو هتودينا في داهية....
بعد ساعتين او اكثر....
دلفت غرام مكتب ياسين بعد ان استأذنت بالدخول:مستر ياسين انا خلصت كل الحسابات والايميلات وبعت نسخة لصلاح يسيڤها عندة....فاضل حاجة تانية....
ياسين:لا كدة تمام فاضل بس الاجتماع خليكي لحد ما يخلص علشان لو فية فايلات ناقصة....
غرام:تمام عن اذنك....
الاجتماع انتهي ولم يطلب ياسين من غرام اي عمل في الاوراق بعد ذلك جاء وقت الخروج من الشركة فأخذت غرام اشيائها واتجهت خارج الشركة فأوقفها ياسين وقال:غرام تعالي اوصلك في طريقي....
غرام:لا شكرا مش عايزة اتعبك....
ياسين:مفيش تعب ولا حاجة.....
غرام:لا شكرا اتفضل انت لاني مش هركب مع حضرتك....
نظر لها ياسين بإستغراب وقفل باب السيارة ووقف امامها ثم قال:لية....
غرام:لان حضرتك غريب....
ياسين:انا مديرك....
غرام:بس اظن ان الناس متعرفش ان حضرتك مديري صح....وحضرتك مديري جوا الشركة....اما برا الشركة فإحنا اتنين غرباء لا اعرفك ولا تعرفني....ولا حتي الناس تعرف....في لية نحط نفسنا في موضع استفهام احنا في غني عنة....
ياسين:يا ساتر يا رب انا اسف اية كل دا....
غرام:معلش استحمل انا عارفة اني متعبة....
ياسين:انتي جميلة....
نظرت لة غرام ثم اتجهت الي طريقها إلى المنزل ووجهها احمر من الخجل....
وفي الغد في صباح يوم الجمعة قامت غرام وصلت فرضها ثم ارتدت ملابسها ونزلت الي المكتبة لتأخذ كتاب جديد تقرأ بة....
:غرام....بتعملي اية هنا....
غرام:مستر ياسين....
ياسين:احنا برا الشركة يعني قوليلي زين عادي....
غرام:....
ياسين:مقولتليش بتعملي اية هنا....
غرام:زي ما حضرتك شايف بشتري كتب....
ياسين:اول مره اعرف انك بتحبي القراءة....
غرام:زي ما انا اول مرة اعرف ان حضرتك بردوا بتقرأ....
ياسين:ممكن نروح كافيه واعزمك علي حاجة نشربها....
غرام بحرج:للأسف انا متأخرة....فرصة تانية يا مستر ياسين....
ياسين:بردوا مستر هو انا مدرس ثانوي....
غرام وهي تضحك بخفة:عن اذنك....
وبعد مرور اسبوعين وتكرار الصدف بين ياسين وغرام وكلامهم عن العمل ايضا وبدأوا ان يدردشوا قليلا في اشياء خارج العمل....
غرام:بسنت....
بسنت وهي تجلس علي سريرها وتأكل ساندوتش:ارغي....
غرام وهي تشبك يدها:بنعرف امتي اننا بنحب....
قفزت بسنت من علي السرير وجلست امامها وبدأت تنظر لها نظرات الشك....
غرام:اية....
بسنت:هو مين....
غرام:لا مفيش حد انا بس بسأل....
بسنت:بس بسأل....مممم....طب لعلمك انا كدة عرفت هو مين....
غرام:ياجدع....
نظرت لها بسنت ووضعت يدها علي وجنتها وقالت بهيام:ياسيييين....ابو طلة رقيقة....وملامح مسمسمة....الواد الورور يا جرجير الي نخلة دا الي عيد ميلادة سنة 1995 وشهر ميلادة 5 وفي يوم 3....صح....
غرام:احيه عليكي....قولي بصراحة هتشتغلي في المخابرات امتي....
نظرت لها بسنت ثم نظرت الي الجانب الاخر وقالت:داتك نيلة في زوقك الهباب....ثم نظرت لها وقالت:يعني هو يا ست جولينا جولي....
نظرت لها غرام ثم قالت:حاسة بشعور غريب نحيتة ومن يوم ما كنت هقع وهو مسكني....بس الاكيد انة مش حب....
بسنت:بتبقي عايزة تشوفية....
غرام:ايوة....
بسنت:بتتعمدي تتجاهلية رغم انك عايزاة يكلمك....
غرام:حصل....
بسنت:قلبك بيتخطف من مجرد كلمة منة....
غرام:اوي اوي يا بسنت....
بسنت وهي تقلد غرام لكن بتريقة:حاثة بشعور غريب يا بثنت ناحيتة بس الاقيد انة مش حبببب....دا انتي واقعة في غرامة يا قلب امك....
غرام:بنت متخدشيش حيائي اوماااال....
بسنت:حياء هيهيهيهي....حياء مين يا أم حياء غرام لا فوقي وحياة امك مش نقصاكي....
غرام:بسنت بقولك اية اقطعي علاقتك بيا لبعد بكرة....
بسنت:من دلوقتي يا حب....
في الغد....
ياسين:في مؤتمر في الإسكندرية كمان تلت ايام... غرام:هو لازم اسافر....
ياسين:طبيعة شغلك بتحكم عليكي بكدة....
غرام:حاضر....عن اذنك....
بسنت:يعني هتسافري قد اية....
غرام:مش عارفة يا بسنت مقلش لسة بس ممكن يومين....
بسنت:هييييح....ناس تروح اسكندرية وناس قاعدة كدة ولا ليها شغلة ولا مشغلة....
غرام:ايوة نقي بقي نقي....
وفي المساء....
ياسين:هنتقابل بكرة الساعة ستة قصاد الشركة....هنسافر انا وانتي بعربيتي....
غرام:مينفعش اجي لوحدي....
ياسين:لا....
غرام:اووووف حاااااضر....عن اذنك....
غرام:لو مبعدتيش عن خلقتي دلوقتي هخنقك....انا مش طايقة نفسي....
بسنت:كل دة علشان هتسافروا مع بعض....دة انتي بومة....
غرام:بسنت هوانا باين عليا اوي كدة اني....كدة....حبيتة....
بسنت:لا عيب بنتنا تقيلة....معرفاني انا بس....اول واحدة تحب وتتجاهل....مشوفتش في غبائك قبل كدة يعني....
غرام:حبيبي الله يكرمك....
بسنت:هتتعاملي بلطافة يا غرام....
غرام:عيب عليك يا بنتي والله....
بسنت:مش هتتجاهلي وتبصي بقرف....
غرام:انا يا بنتي....
وفي الغد....
ياسين:هنتحرك دلوقتي جاهزة....
غرام:ايوة....
#غرام
كنت قاعدة جمبة في العربية....سندت راسي علي الشباك....سرحت في الطريق....يمكن من وقت قريب بس عرفت معني لمشاعري المتلخبطة....عرفت معني دقات قلبي الي كانت بتدق بِكل عنف في وجودة عرفت اني وقعت....
غرام:مستر ياسين....
ياسين:مبدئيا كدة لو قولتي مستر تاني هرمي نفسي من العربية....
غرام بتجاهل لكلامة:عايزة اشرب....
ياسين:فاضل علي الاستراحة عشر دقائق....
غرام:يووووة....طب سوق بسرعة بقي....
ياسين بضحك:حاضر....
#غرام
وصلنا الاستراحة....نزل من العربية وقبل ما انزل كان سبقني وفتح الباب علشان انزل....وقلبي اتخطف مع الحركة دي....روحنا كافية قريب....وانا قعدت علي كرسي....سندت علي طاولة قصادي....هو راح يجيب الاكل وجاي....
ياسين:اتفضلي....
غرام:اية دة عرفت اني بحب المكس منين....
ياسين:م.مجرد صدفة....
ضيقت عيني وقربت منه واتكلمت بمرح اخفف الجو شوية:مستر ياسين انت مراقبني....تكونش عايز تقتلني....قول متخافش هساعدك....
قرب مني وقال بصوت واطي:لا مش هقتلك بس شوفتك كذا مرة بتشربية فإستنتجت دة....
غرام:خلاص ماشي براءة....
اتجهوا الي السيارة ليكملوا رحلتهم....
غرام:حضرتك لطيف يا مستر ياسين....
ياسين:تاني مسترررر....
غرام:خلاص اسفة....
ياسين:لطيف ازاي بقي....
غرام:يعني في الشركة بتبقي بارد ورخم ودمك سم وغتت وبدعي كل يوم ان ربنا ياخدك....لكن برا الشركة بتبقي حد تاني وبتضحك عادي انا كنت مفكرة انك مش بتضحك عشان اسنانك مكسورة ولا حاجة و....
ياسين:هو يعني دا مدح ولا ذم....
غرام:لا دا هجاء....
ياسين:يا جدع....
غرام:اة وربنا....
ياسين:صحاب....
غرام:صحاب....ازاي يعني و....
ياسين:اهدي....يعني عشان انتي وصفتيني واتكلمنت مع بعض وكدة في اية رأيك نتصاحب....عشان بردوا اقول رأيي....
غرام:عادي يعني كدة او كدة في الزبالة....
ياسين وهو ينظر له ثم للطريق وبصوت خافت:يا شيخة دا انتي الي زبالة....
مدت غرام يدها له وقالت:خلصا صحاب....
نظر لها ياسين ثم مد يدة لها  صافحها سريعا وقال:صحاب....
#غرام
سعادة غريبة....ابتسامة كبيرة اترسمت علي وشي....الحب خطاف....غريب بس لطيف....هو قلبي مال لية....الحب الي كنت في يوم من الايام بتريق علية حاليا وقعت فية....القدر غريب بشكل مش طبيعي....بس الجميل في الموضوع هو ياسين....وصلنا الفندق الي هنقعد فية الكام يوم بتوع المؤتمر....كانت اوضتة قصاد اوضتي بالظبط كل واحد فينا دخل اوضتة....دخلت الاوضة حطيت الشنطة علي جنب واترميت علي السرير وانا شايلة تفكيري حاطة في بالي ان انا اعيش كل لحظة حلوة زي ماهي....سيب كل حاجة لوقتها....من غير خطط ولا تعليمات....بعد حبة كتااااار....اليوم قرب يخلص قررت انزل اتمشي شوية....اشم هوا اسكندرية....اقعد علي شطها شوية....قطع تفكيري صوت الموبايل بيرن....
غرام:ازيك يا مست....يا ياسين....
ياسين بضحك:الحمدلله يا غرام....هو انا صحيتك....
غرام:لا انا مكنتش نايمة اصلا....
ياسين:طيب هو انا يعني كنت هنزل اتمشي شوية....في قولت يعني لو حابة تنزلي معايا....
غرام:علي العموم اصلا انا كنت بجهز ونازلة....
ياسين:بجد....طب انا مستنيكي تحت قصاد الفندق....
غرام:تمام عشر دقائق ونازلة....
ياسين:مستنيكي....
#غرام
مانكرش اني فرحت من اهتمامة....سؤالة....
غرام:اتأخرت عليك....
ياسين:بالعكس....يلا نتحرك....
غرام:ياسين....
ياسين بإبتسامة:ايوة....
غرام:بلاش نروح بالعربية....المتعة بالمشي....
ياسين:بس كده عنيا حاضر....عايزة تروحي فين....
غرام:محطة الرمل....
ياسين:يلا يا غرام اتفضلي....
ضحكت غرام ثم سارت امامة....
ساروا الاثنين بجانب بعضهم حتي وصلوا....وبعد ذلك جلسوا امام البحر....
ياسين وهو ينظر الي غرام:مبسوطة....
غرام:اكتر مما تتخيل....
ياسين:دة شيء يسعدني....
غرام:انت لطيف اوي يا ياسين....
ياسين:وانتي جميلة اوي يا غرام....
نظرت غرام الي البحر بخجل ثم قالت:تسلم....
#غرام
وفي وسط ما احنا قاعدين جت بنوته لطيفة جميلة بتبيع ورد....لقيت ياسين اشتري منها الورد والبنت ميلت عليا ووشوشتني....
الفتاة:باين عليه بيحبك اوي....خلي بالك منة....متضيعيش الحب دة....
#غرام
وقبل ما ارد عليها كانت مشت وهي بتبتسملي....
ياسين:كانت بتهمسلك ب اية....
غرام:لا ابدا كانت بتتكلم عادي....
مد ياسين يدة بالورود لغرام....
غرام:دول علشاني....
ياسين:مفيش حد هنا يستاهل الورد دة غيرك....
غرام بحرج حاولت ان تخفية فقالت:يا خبر الوقت قرب يتأخر....يدوب نروح الفندق دلوقتي....
ياسين:يلا بينا....
#غرام
وصلنا ودخلت الاوضة....كنت سعيدة بتفاصيل اليوم....علي قد ما هي تبان عادية الا انها بالنسبالي غريبة وخطافة....دار في عقلي كلام البنوتة الي همستلي واحنا علي البحر....هي ممكن تكون اشارة....اصل سعات ربنا بيبعت اشخاص لاشخاص تانية علي هيئة اشارات....تبقي مسحول تفكير وتلاقي شخص جاي يطمنك ان كلة هيتحل برحمتة....وان حتي لو بمعجزة مسير احلامنا تتحقق....نقف قصادها وقت ما تتحق وعيوننا مليانة دموع وراسنا مرفوعه ناحية السما واحنا بنشكر ربنا انة استجاب....انة جبر قلوبنا وقت ما كنا خلاص علي وشك الانهيار....المهم لازم نؤمن دايما ان اختيارات ربنا هي الاصح مهما كانت....ربنا بيبعد الشر وبيقرب الخير....خلينا مؤمنين ان العوض كدة كدة جاي مهما اتأخر مهما اتجرحنا....هيجي وقت العوض وقلوبنا تتلملم تاني وكإنها مشافتش لحظة ضعف ولا زعل ولا حزن....المهم ان العوض جاي جاي....هو انا بقول كل الهري الي ملوش علاقة ببعضة لية....
#غرام
تاني يوم كان يوم المؤتمر....كنت معاة علشان بنظبط الورق والفايلات وكل شيء ممكن نحتاجة....
ياسين:كدة كلة بقي جاهز....
غرام:ايوة معدش فاضل اي حاجة....
ياسين:طيب اطلعي اجهزي وانا هجهز واعدي اخدك....
غرتم:تمام عن اذنك....
#غرام
بدأت اجهز ولبست دريس بيبي بلو رقيق يناسب مكان المؤتمر....رفعت شعري لفوق بتسريحة رقيقة....بعد وقت لقيتة بيتصل عليا....##
ياسين:انا قدام الاوضة خلصتي....
غرام:ايوة ثواني خارجة اهو....
#غرام
قفلت معاة وخدت شنطتي والورق بتاع المؤتمر وخرجت....كان واقف حاطط ايدة في جيب البنطلون بتاعة....لابس بنطلون اسود وقميص ابيض ياعم يخربيت الكاريزما علي المسا....رافع شعرة بعشوائية عشوئت قلبي من جوا....كان باصصلي وهو مبتسم....
ياسين:دي دخلت واحدة شكلها غيرهم وباين اوي انها مش منهم بجد بقي ولا اية....
مسكت طرف الدريس بإيدي وضحكت:شكلي حلو....
ياسين:انتي جميلة اوي....
#غرام
وصلنا المؤتمر وعدي بشكل لطيف....وكان كل شيء ماشي زي ماخططنا لية بالظبط....
ياسين:اخيرا المؤتمر دة عدي....كنا شايلين همة اوي....
غرام:الحمدلله يا ياسين اهو عدي بطريقة احسن ماكنا عايزين....
ياسين:الحمدلله مجهودنا مراحش علي الفاضي....
غرام:هننزل القاهرة امتي....
ياسين:لحقتي تزهقي من الاسكندرية....
غرام:انا لو عليا اقضي باقي عمري هنا اصلا....ها هننزل امتي....
ياسين بضحك:هننزل بعد بكرة....
#غرام
تاني يوم خرجت انا وياسين اخر يوم في اسكندرية وهنسافر تاني....من اكتر المدن المحببة لقلبي....ليها سحر وجمال وحب مختلف....شعور غريب جواها سبحان الله العظيم....احساس يخطف القلب والعين....والاحلي لو مع الي بتحبة....
ياسين:تعالي نقعد هنا....
#غرام
كنا وصلنا شط المعمورة في قعدنا علي كرسيين قدامة وباصين للبحر بكل تركيز....
ياسين:سرحانة في اية....
غرام:تعرف ان البحر جميل اوي....
ياسين:بقدر جمالة دة بس في النهاية هو غدار....
غرام:مش غدار....هو بس لازم تاخد بالك....متدخلش عالمة الا وانت قادر علي مواجهة عواصفة....موجة....حركتة....كل شيء جواة....البحر هو صديقك المقرب....قادر تشكي كل حاجة جواك....وكلامك بيترمي وسط موجة....مية الف حكاية وحكاية جواة....كل شخص بيرمي الي مزعلة جواة....اكبر بير اسرار موجود في العالم هو البحر....
ياسين:ولية ميبقاش بير اسراري هو شخص....
غرام:كدة بندخل لحالتين ملهومش تالت وهو ان الشخص الي تحكيلة وتعتبرة بيرك وسر امانك سواء بقا صديق او علاقة....ممكن يطلع واطي ويغدر بيك في ثانية واحدة....ويتحول من صديق مقرب او شخص مريح لشخص غريب عنك....اول مرة تعرفة....
ياسين:والحالة التانية....
غرام:الحالة التانية يا سيدي هي انك تلاقي شخص نضيف من جواة....مريح....لطيف....بيخفف عنك....الناس تروح وتيجي بس هو ثابت....الزمن مبيغيروش....الناس دي بقي يا ياسين نادرة جدا جدا....وعمرهم مابيتعوضوا....في الحالة دي بس بتكتفي بية ويبقي اقرب حد ليك حتي من البحر....
ياسين:ويا تري بقي انتي لقيتي شخص يعوضك عن البحر....
غرام:لقيتة....
ياسين:هو مين اعرفة....
نظرت لة غرام في عيونة ثم قالت:تيجي نتمشي شوية....
ياسين:م.ماشي....
#غرام
بدأنا نتمشي سايبين مسافة كافية بينا....كل واحد شاغلة تفكيرة....قطعت الصمت وبصيتلة....
غرام:بسنت يا ياسين....
ياسين:بسنت اية....
غرام بضحك:الشخص الي لقتية يعوضني عن البحر هي بسنت صاحبتي....
تنهد وابتسم....
غرام:كنت مفكر شخص بالتحديد....
ياسين:بصراحة اة....
غرام:لا يا عم استغفر الله العظيم....
#غرام
روحنا الفندق ونمنا وتاني يوم جهزنا حاجتنا ونزلنا علشان نرجع القاهرة تاني....
في وسط ما احنا راجعين كان التفكير محاوطني....كل حاجة اتبدلت في كام يوم بس....كام يوم بس خلوا ياسين يقرب مني....يعرفني....ناخد علي بعض واحدة واحدة....يفهمني....كان كل دة غريب بالنسبالي كام سؤال سألتهم لنفسي....هيحس بقلبي في الآخر....طب نهاية المطاف اية....هو دة لية معني مثلا....قررت في الاخر اريح دماغي شوية ونمت....لسة الطريق طويل....دي مجرد البداية....بداية مشوار طويل مليان عقبات لازم نتخطاها....
ياسين:غرام اصحي احنا وصلنا....
غرام:انا صاحية....الساعه كام دلوقتي....
ياسين:تسعة....
غرام:يدوبك هطلع انام....
ياسين:خدي بكرة اجازة لو تحبي....
غرام:لية....
ياسين:يعني علشان انتي لسة راجعة من سفرية ومحتاجة ترتاحي شوية....
غرام:تسلم....هطلع انا بقي سلام....
ياسين بإبتسامة:سلام....
#غرام
الحب عمرة مكان ابدا بإختيارنا ولا بإيدينا....لما بنحب مبيبقاش فارق معانا اي حاجة غير الشخص نفسة....هيحافظ عليا....هيحبني....هيقدر يربي اطفال اسوياء نفسيا....هل هيبقي شخص مناسب....حتي لو لقينا عيب بنحاول نغيرة او نتماشي مع العيب دة....الحب مش محتاج شهور وسنين....الحب خطف يا تتخطف وقلب يميل....ياتكتشف انة مجرد اعجاب وهيمر....
غرام:بس كده يا بسنت دة الي حصل....
بسنت:بتتتت فكك خلاص هو وقع هو التاني....
غرام:بس انا خايفة يا بسنت....
بسنت بإستغراب:لية....
غرام:خايفة قلبي يوجعني في يوم....خايفة يطلع مش بيحبني بعد كل الحب دة....الخوف مالكني....
بسنت:ربنا رحيم بقلوبنا اكتر مننا يا غرام....
غرام:ونعم بالله العلي العظيم....
وبعد يومين....
كانت تجلس غرتم تنهي عاملها بهدوء فجاء لها اتصال وكان من ياسين....
ياسين:تعالي المكتب من فضلك....
غرام:ثواني يا مستر ياسين....
#غرام
دخلت المكتب كان واقف ناحية الشباك وشكلة متعصب اوي....
غرام:ايوة....
قرب مني واتكلم بهدوء ماقبل العاصفة:كنتي واقفة مع احمد لية....
غرام:كان عايز حاجات في الشغل في كنت بعملها معاة عادي....
ياسين بصوت عالي:ولية تعمليها انتي مش حد تاني....
غرام:روح اسأله انت....انت بتزعقلي لية....
ياسين بصوت عالي اكثر:بزعق علشان سايبة مكتبك ورايحة تشتغلي مع واحد شغل مش مطلوب منك اصلا....
غرام:طلب مساعدة....
ياسين:بتدافعي عنة ليه....بتحبية....
غرام بصوت عالي وبغضب:انتتتت متخلفففف....انتتتت ازااااي تقوووولي كدة....
ياسين:والله انا فعلا متخلف اني مشغل واحدة بتقف مع د....
رفعت غرام يدها وضربته علي وجهه بقوة ثم رفعت ابهامها وقالت:مش هسمح ليك انك تغلط فيا اكتر من كدة....اعتبرني قدمت استقالتي....
#غرام
نزلت جري من الشركه كلها....قعدت في مكان فاضي لوحدي قصاد البحر....صرخت بصوت عالي....صرخة غضب اتراكم جوايا بسرعة قليلة....ليه الشخص الي كنت بحبه يقولي انا كدة....ازاي قدر ينطقها....قعدت ساكتة دموعي نازلة وبس....قلبي بيوجعني ومش قادرة اتكلم....
وفي المساء....
بسنت:كنتي فين يا بسنت....
غرام:وسعي يا بسنت هموت وانام....
بسنت:ياسين كلمني و....
غرام بمقاطعة:متجبيش ليا سيرتة تاني ممكن....قوليلة يبعد عني خلاص انا تعبت....
بسنت:هو حكالي الي حصل قالي انة مكنش....
غرام:بسنتتتت.....بجد مش قادرة اتكلم دلوقتي....تصبحي علي خير....
#غرام
دخلت اوضتي....اترميت علي السرير....نمت هربانة من الوجع....خايفة اصحي الاقي نفس الوجع دة....مكنتش عاملة حسابة....
صحيت تاني يوم....كانت الساعة 7 الصبح دخلت البلكونة في إيدي مج الكابتشينو....قعدت ومسكت رواية يمكن اهرب من العالم دة لعالم احلي وانقي....بعد كدة قعدت مع ماما شوية بعد ما رجعت من عند خالتو وكانت سايبة بسنت معايا عشان مقعدش لوحدي....
وبليل....
نزلت وقعدت قصاد البحر.....الموج بيتمايل علي الشط بكل خفة....لية الانسان بيتعلق بشيء بدون مايعمل حساب خالص....من غير ما يعرف العواقب....من غير ما يحط اي احتمالية للبعد....عواطفة ممشياة....هو قلبة بيجيبة ويودية....صراع دائم بين قلبة وعقلة....وهو ما بين الاتنين يختار قرار عقلة ويدوس علي مشاعرة....ولا يختار قرار قلبة ويختار القرار الي يرضيه ويرضي عواطفة زي ماهو عايز بالتمام....كل شخص فينا بيمثل الثبات ويضحك وبيعيش حياتة ومجرد ما يقفل علي نفسة باب اوضتة تبتدي دوامة التفكير....يبتدي يسترجع كل ذكرياتة ومواقفة والحاجات الي وجعتة والي فرحتة....الحياة من بعيد تبان سهلة لكن الحقيقة الحياة محتاجة معافرة....شخص قوي يتحداها ويواجهها....شخص مبيخافش....لا الحياة وردية ولا هي زي الأفلام....الحياة مليانة عوائق ومطبات....لازم تدرس خطواتك....وتعمل حساب لكل خطوة بتمشيها....الحزن بيحتاج فترة علشان نتخطاة....الحب بيحتاج اهتمام وحنية وامان....الحقائق احيانا بتحتاج لحقائق علشان تتصدق....العالم غريب....بس مضطرين نتعايش معاة....الحياة بتروح وتيجي....وبنقابل ونفارق....بنحب ونتحب....بس الشاطر الي يفوز بقلبة في الاخر....الشاطر الي يعرف يحافظ علي قلبة طول الرحلة....(غرام حناكة🙂😂😂)
فات شهرين مكنتش نزلت فيهم اشتغل....عرفت ماما اني تعبت من الشغل وحابة ارتاح شوية....كدة كدة انا كنت بشتغل علشان اسلي نفسي....شهرين ياسين بيحاول فيهم يوصلي بس انا غيرت فوني....مكنتش قابلة اعتذارة....
الام:لا روحي وبسنت جاية معاكي....
غرام:عيني في عينك لية بتحاولي تغيري قراري في سفرية اسكندرية....واني مش عايزة اروح....
الام:كدة يابنتي دة انا امك....الحق عليا عايزاكي تكوني مبسوطة....انا عارفة انك بتحبي اسكندرية في قولت تطلعي....
غرام:ماما قولي لو عايزة تتجوزني علي بابا وانا هيسرك الدنيا....
الام:يلا يا بتتتت****
#غرام
سافرت مع بسنت اسكندرية....طول الطريق بفتكرة....افتكرت لما كنا مسافرين مع بعض....افتكرت هزارنا....كلامنا....ضحكنا....كل شيء....وصلنا الفندق....
غرام:مش عايزه البس دريسات انا يا بسنت هو عافية....
بسنت:اة عافية ممكن تتكتمي بقي....
بنست:ها خدي حلو دا....يلا البسية....##
ارتدوا الفتيات ملابسهم ثم خرجوا ونزلوا الي ساحة الفندق....
بسنت:يييي....نسيت فوني فوق....
غرام:طب تعالي نطلع نجيبة....
بسنت:لا اسبقي انتي وانا هجيبة واجي....
غرام:متتأخريش....
#غرام
كان فية كافية جنب الفندق....بسنت متفقة معايا نقعد فية....دخلت وقعدت استناها....في وسط حيرتي لقيت شخص بيشد كرسي قصادي وبيقعد....دة مش شخص....دة حيوان....اسمة ياسين....
غرام؛انت مين سمحلك تقعد هنا....
ياسين:ممكن تسمعيني....
غرام:اتفضل امشي من هنا حالا....
ياسين:يا غرام....اهدي واسمعيني....
غرام:مش هسمع حاجة سيبني في حالي....ابعد عني ممكن....
ياسين وهو يقترب منها:لا مش ممكن....
غرام وهي تدفعة:اوعي....
وجاءت لتقف لكن اوقفها ياسين واجلسها ثم قال:اسمعيني يا غرام من فضلك....غرام انا يومها مكنتش في وعيي....كنت متضايق وغيران عليكي....غيرتي طلعت بطريقة غلط بس دة بدافع حبي ليكي....انا بحبك يا غرام....
#غرام
لحظة صمت....رعشة قلب....وهزة ايد....بيحبني....ياشيخ حبك برص....منك لله....
غرام بثبات:فيةشعرة واحدة بين الغيرة والشك ياحضرت....
ياسين:بس انا عمري ماشكيت فيكي....دة كان غيرة زايده عليكي....
غرام:وانت تغير عليا بمناسبة اية يا فندم....انا مليش دعوة بيك....
ياسين:ليكي....والدليل....انك بتحبيني....
غرام:يا خبر ابيض مين ضحك عليك وقالك كدة....
ياسين:قلبي....
ياسين:وقلبي عمرة ما كذب....
ياسين:قلبي بيقول انك هتسامحيني....تتجوزيني....
غرام بقلب لين:هتجيبلي كتب ومكس كتير....
ياسين بضحك:هجيب لمين غيرك اصلا....
غرام:هتتجنن معايا....
ياسين:انا اساسا اسمي الحقيقي نكشوا....
غرام:هتحبني....
ياسين:ها....انا واقع فيكي من زمان....
غرام:حيث كدة انا مضطرة اوافق بعد الالحاح الرهيب دة....
ياسين:مضطرة....
غرام:عندك اعتراض يا ياسين....
نظر لها ياسين في اعينها ثم نزل برأسة الي يدها وطبع قبلة عليها وقال:لا يا تاج راس وقلب ياسين....
" وهمسلي قالي الحق علية نسيت ساعتها بعدنا لية....مقدرش على بعد حبيبي".
________
صلوا على النبي ﷺ♥️
تصويت وكومنت فيه تصلوا على النبي ﷺ♥️
تصويت وكومنت فيه تصلوا على النبي ﷺ♥️
وكومنت فيه رأيك
بحبكوا🖤

#Reno
#Rewanta
#라온ㅏ
#روان
#رينو
#ريوانتا
🦈🧜🥊