أحببْتُك بِصدق ♡⁠ "2" (جاري تعديل السرد)

البارت الحادي عشر🖤

عند ملاك
في الامس في الصباح
كان اصدقاءها يتجمعون في منزلها....يذاكروا قليلا وليخططوا ما سوف يعملونهوا غدا....
كريم:انتي يا بتتتت
ملاك:....
كريم وهو يلقيها بالوسادة:ردي عليا يا حيوانة هو انا بكلم نفسي....
ملاك:والله ربنا انعم علينا بلأسامي عشان ننادي علي بعض بيها مش عشان نقول لبعض يا بتتتت....
كريم:ها خلصتي....مش وقتة فلسفة وحياة طنط....يخربيت رخامتك يا شيخة....
ملاك:استني بس سيبني اعيش الدور ياض انت....
كريم وهو يقلدها:والله ربنا انعم علينا بأسماء عشان ننادي بيها على بعض....
ملاك:اي دا انت زعلت....
كريم:...
ملاك:طب استني اصالحك....
ملاك:شايف الحيطة دي....
كريم:شيفاها ياختي وواحدة قصادي اهي....
ملاك:روح اخبط رأسك فيها بقي....
كريم:ينعل ابو شكلك....
ملاك وهي تمسك تيشيرتة:ينعل ابو شكل مين....
كريم:سيبي التيشيرت يا ملاك بدل ما اتهور عليكي....
ملاك:ور.....
عبدالرحمن بمقاطعة صراخ:بسسسس اسكتوا خااااالص ولا كلمة ولا نفس.....
نظر كل من ملاك وكريم لة ولثواني....
ملاك:وريني هتعمل اية يا كريم يأبن المبقعة....
كريم:وربنا لو قومتلك لاقتلك يا ملاك....
ملاك بسخرية:وانت مش قادر تقوم اية عجزت بدري بدري....ولا اية يا جدو....
رؤي لعبد الرحمن:لا واضح انك مسيطر....ولا عاطوك اية اهتمام بالمرة....اتس امبوسبول....
نظر لها عبد الرحمن ثم خلع الحزام وضربة علي الارض....
فزعوا الثلاثة
عبد الرحمن:اترزعووووا....
قعدوا بسرعة....
رؤي:باشا البشوات ومسيطر والله....
عبد الرحمن:مش عايز اسمع نفس حد فيكوا في اية مفيش ظابط ولا رابط انا بقي هربيكوا من اول وجديد....
عبد الرحمن بهدوء:الامتحانات علي الابواب عايزين نزاكر وعايزين نعمل جدول عشان نلحق نلم المنهج....
ملاك:الواد دا دحيح اوي لازم نقتلوا قبل ما يتكاثر....
كريم:اه والله ياسوادي يا ستير يارب لو دخل طِب هارسود....هيمرمط اسمنا في الارض اه يا حوستك السودة يانا ياما....
رؤي بدراما وهي تكمل:لا بلاش يا عبد الرحمن لااااا بلاااااش تعمل كدة احنا هنعملك الي انت عاوزة بس بلاش بلاش تنحرف وتخرج عن الشلة ونظمها لااااا
اما عبد الرحمن فمسح علي وشة من الغضب وقال بهدوء:انا ماسك اعصابي بالعافية والله....وقعد....انا مش بهزر دلوقتي احنا هنمتحن اخر الشهر دا....الامتحانات علي الابواب وانتم بتهزروا....
رؤي:اي دا بجد الامتحانات علي الابواب....طب قوم افتحلها....
عبد الرحمن:هههههه خفة اتكتمي....
ملاك:لا خلاص بجد نتكلم جد شوية....انت عايزنا نلم المنهج....
عبد الرحمن:ياريت دا من كرم اخلاقك لو تعطفي علينا يعني....
ملاك:لية انت بقالك كتير ناشرة ولا اية....
ضحك رؤي وكريم واعطوا كف مع بعض....
عبد الرحمن:انا ماشي....
كريم:خلاص يا سيد الناس اقعد بس هدي اعضائك....
رؤي:خلاص يا جماعة نتكلم جد بقي....
عبد الرحمن:احنا عايزين نذاكر بقي مينفعش المطوحة الي هتخلينا نتسلوح علي الدائري كدة....
ملاك:اه والله عايزين نذاكر دا حتي بيقولوا المنهج صعب اوي....
عبد الرحمن:بيقولوا اه بيقولوا....دا احنا هنجيب كحك وبيتي فور....
رؤي:الله انا بحب البيتي فور اوي....
ملاك:لا انا بحب الغريبة اوي الاقي عندهم غريبة....
عبد الرحمن وهو يلف الحزام علي يدة:لا يا حبيبتي هتلاقي عندي انا....
ملاك:لا خلاااااص....
كريم وهو يمسك بة:خلاص يا باشا انت الكبير عيل وغلط....
عبد الرحمن:سيبني عليها يا كريم عشان مضربكش انت....
كريم:وانا مالي يا لمبي...اهي عندك اهي....
ملاك:اه يا كلب يا عرة الصحاب....خلاص يا عبد الرحمن بقي ونبي....
عبد الرحمن:اترزعي....
عبد الرحمن:يا جدعان اسمعوني....
كريم:اهو اتنيلنا اتكتمنا عايز اي بقي....
عبد الرحمن:لازم نتزفت نذاكر....شوفوا الانجليزي قد اية محتاجين نذاكرة دا نذاكرة اول واحد عشان نلحق نخلصة....
كريم:ولا الفيزيا ولا الامتحانات الي المستر بيعملها ولا الكيميا وعمك هوند وديموقراطيس....
عبد الرحمن:قراطيس؟!!!!
رؤي بتكملة:ولا الاحياء دي محتاجة سنة بحالها عشان تتذاكر....ولا الفرانساوي والعربي والرياضة دي كوم تاني بقي بالذات الاستاكيتا طيب وانا فالاستاكيتا فلة....ها هنبدأ بأية يا شباب....
كان عبد الرحمن يسمعهم بسخرية وهو يدعي عليهم بعد ذلك لاحظ ملاك انها هادية وشاردة ولا تتكلم وهذا غير طبيعتها....
عبد الرحمن:انتي يا بتتتت مالك في اية....سرحانة في اية....
ملاك:عايزة اكل بيتزا....
عبد الرحمن:ينعل ابو معرفتكوا كلكوا كان يوم اسود يوم معرفتكوا....
ملاك:كان يوم جميل اوي والله كنا طابخين اية اليوم دا....كنا طابخين رقاق باللحمة بس بص طعمها خطير مقولكش....
عبد الرحمن:طيب يا جماعة انا قايم عشان متعصبش وانتم تزعلوا مني....انا همشي....
رؤي:طب والمذاكرة....
عبد الرحمن:انتوا كرهتوني في الثانوية كلها اصلا....
كريم:ايوة بقي....
عبد الرحمن:توة توة ادي دقني اهي لو فلحنا السنادي....
كريم:سيبك بس من المذاكرة وقولي امك طابخة اية....
وعلي الناحية الاخري كانت ملاك ورؤي يدردشون قليلا....
رؤي:شوفتي البت الي اسمها ساندي ملزقة كدة مش بحبها
ملاك:دي بتقول اتخطبت يا بنتي والواد....هييييح يالهوي مز مز ابن الاية....انا مش عارفة باصلها ازاي....
رؤي:تلاقية اعمي....دي عاملة زي البطة البلدي....
ملاك:هههههههه
رؤي:....بس شوفتي فستانها كانت منزلة صورتها علي الانستجرام وقال كاتبة اية....شكرا لحماتي لانها أنجبت حياتي....وهي اصلا مخطوبة صالونات....هههههههه
انتبة عبد الرحمن وكريم لهم....
ملاك:ههههههه لا بس فستانها يقرف الصراحة اية اية اللون الي يقرف دا....لا وشوفي شوفي شعرها....ولا الروج الي حطاه دا عامل زي فاطمة بنت السيد كشري....
رؤي وملاك وهما يخبطن كف علي كف:ههههههههه....
رؤي:وبعدين مالة الواد معصعص كدة لية....
ملاك:بس والله احلي منها شوفي وحاطة كيلو نشا علي وشها دا اية دا دي حاطة بويا مش ميكب....
رؤي وملاك:ههههههههههه....وقد انتبهوا لعبد الرحمن وكريم
رؤي وملاك:في اية....
عبد الرحمن وكريم:هو انتوا مش هتبطوا تنمر علي خلق الله....
عبد الرحمن:هو دا الي بيخلينا نجيب درجات زي الزفت علي دماغكوا....
رؤي:مهي الصراحة الي عاملة ميكب معفن....
كريم:كفاية تنمر علي خلق الله عايزين ربنا ينجحنا....
عبد الرحمن:هننجح ازاي واحنا ما بنذكرش بسبب روح الفكاهة العالية عندكوا دي....
ملاك:الدعاء يغير القدر....
عبد الرحمن:بجد ودا ازاي بقي ان شاء الله....
ملاك:ندعي ونقول يارب نجحنا والسنة الجاية هنذاكر جامد جمودة....
عبد الرحمن:هو حل واحد بلجألة في الواقف الي زي كدة....طنط ام ملييييكة....شبشبك يا ست الكل....
ملاك:لا لا خلاص وربنا انا هقعد زي الجزمة اهو بس الا شبشب امي لا ونبي....
كريم:ناس ما تجيش غير بأبو وردة....
عبد الرحمن:طب فكنا من المذاكرة لان اليوم راح اصلا....هنعمل اية في حفلة عيد ميلاد مس رحمة....
ملاك:الموضوع خلص من يومها يا باشا ما تشلش هم بس انتوا كدة تيجوا بدري وبلاش تأخير....
كريم وعبد الرحمن ورؤي:وحياة امك....
ملاك:وانا بردوا هحاول والله في اية....
رؤي:وانتوا جايين ابقوا جيبوا بلالين....
ملاك:مستر اسامة....هو الي جمع الفلوس مننا....حد معاه رقمة الي من اول امبارح وانا عايزاة....
عبد الرحمن وهو يمسك هاتفه:استني اكلمة انا معايا رقمة....
ملاك:يعني انا قاعدة الف زي النحلة وانت معاك رقمة يا شيخ منك لله....واخذت منة الهاتف وبحثت عن اسمة....
واتصلت بمستر اسامة....
اسامة:الو....
ملاك:الو ازيك يا موز انا ملاك....
اسامة بضحك:ازيك يا بطل عاملة اية....
ملاك:احم....الحمدلله....هو انت مرتبط....
كريم وهو يضربها في كتفها:اتلمي يا تربية****....
ملاك:يا حيوان....لا لا مش انت يا موز....نرجع لمرجوعنا....انت مرتبط....
اسامة:شكلي كده والله اعلم هعلقك علي باب المدرسة بكرة....
ملاك:ههههه طيب يا باشا شكلك مش فاضي....
اسامة:عايزة اية يا بتتتت
ملاك:الفلوس يا هندسة الي جمعتها عايزينها عشان نجيب الحاجات بكرة الحفلة....
اسامة:هو انتوا معملتوش الواجب وربنا لاقولها....
ملاك:لا لحظة واحدة كدة هو انت معانا ولا علينا دا احنا دفعنا دم قلبنا عشان منحلش الواجب تقول لمين....احيييية....
اسامة بضحك:خلاص خلاص صعبتوا عليا....انا جيبت كل حاجة بس انتوا تيجوا بدري بكرة عشان تلحقوا تجهزوا الدنيا....
ملاك:خلصانة بس انت جيبت شكولاتة ولا كريمة....
اسامة:الاتنين نص شكولاتة ونص كريمة....
ملاك لاصحابها:لا المستر طلع دماغة متكلفة....لا شاطر يا مستر اصل انا بحب الشكولاتة اوي ولو مكنتش جيب كنت ههد المدرسة بكرة....
اسامة:طب روحي ذاكري بقي ولا اعمليلك شغلانة بدل ما اجي اهد عليكي البيت بتاعك....وقفل الخط في وجهها....
نظرت ملاك لاصحابها ثم قالت:احم حاضر يا مستر هخلي بالي من نفسي حاضر ماشي بيسلم عليكوا يا عيال....يلا في رعاية الله....وقفلت الهاتف....
رؤي:المستر شكلة بيحبك يا بتتتت يا ملاك....يبقي هيغشكك في الامتحان....
ملاك:الحب دا من عند الله يا بنتي مش بإيدينا....ثم قالت بحزن مصتنع وهي تضع يدها علي وجهها:قفل السكة في وشي....
رؤي وهي تجاريها وتحتضنها:ايييية بتقولي اية لية هي بنات الناس لعبة ولا لعبة وربنا لابهدلة في محكمة الاسرة....
ملاك وهي تكمل هذة الدراما:دا انا كنت بحبة وعايشة عشانة كنت بسهر معاه نعد نجوم الليل....دا انا كنت بفصصلة السمك علي الرز والله....
رؤي:يا حبيبتي....حد يرمي النعمة دي من ايدة....معلش معلش....
عبد الرحمن:لا وربنا في حاجة غلط مش معقول يكون دا من ثانوية لا اكيد في حاجة تانية....انا ماشي....وخرج من الغرفة....
كريم وهو يكمل مع ملاك:حقك هيرجعلك يا بنت الناس....
ملاك:لااااا انا الي لازم انتقم....
رؤي وهي تحتضن ملاك:بس يا بنيتي بس احنا عندنا الي يتكلم الرجالة بس اتصرف انت يا عبد الصمد عايزاة يندم اشد الندم....
كريم:طبعا دي زي امي تمام....وخرج وهو يضحك....
ملاك:امك يا****....
ضحكت رؤي
ملاك:اتضحكي اتضحكي....
رؤي:راحة تقولي للمستر انت مرتبط عايزاة يقولك اية يعني....
ملاك:الله دا مجرد سؤال رفيع انتوا بس كدة يا شعب يا مصري بتحبوا تعملوا من الحبة قبة....
رؤي:انا ماشية يا ملاك الحق العيال دي بدل ما ادفع اجرة التكتوك....يلا سلام....
ملاك:في داهية يا منتنة....
رؤي:تاخدك يا مقصوفة الرقبة....ومشت....
بعد شوية
دخلت الام....
الام:ها يا حبيبتي ذاكرتوا....
ملاك:ههههههه....اه اه ذاكرنا....
الام:طب يلا عشان اسألك....
ملاك بتمثيل:اه اه صوباعي الصغير بيوجعني اوي يا ماما بكرة بقي....
الام:وحياة امك....وقامت بضربها
(و الي حصل بعد كدة عامل زي خناقة عند الجزار🙂😂)
________
عند روان
دلف الشاب قائلا:انا مش هسكت علي الي بيحصل دا
اتصدموا بعض الشئ هل هل سمعنا نتحدث هل عرف حقيقة ادم....
روان (ادم)بتوتر:م.مش هتسكت علي اية....
الشاب:علي الي انت بيتعملة....انا انا الي سيرتي علي كل لسان ومحدش يقف قصادي تيجي انت وتمسح كل دا....دا لا يمكن يحصل ابدا....
زفر الجميع وهم يلعنوة علي هذة الصدمة الذي اصابتهم للتو....
ياسين:انت تافة اوي علي فكرة....
حودة:وبعدين يا باشا انت الي جاي تفرد نفسك علية....وعايز خناقة....
روان (ادم):وانا الصراحة بموت في الخناق....
المعيد:ثااااابت....انتوا الاتنين كل شوية تيجولي بمشكلة ومصيبة لية مفيش ظابط ولا رابط احنا هنا في مكان محترم احنا هنا معندناش سرسجية ناقص كمان تمشولي بالمطواي....انت وهو....لو شوفتكوا في مشاكل وخناقات تاني هتترفدوا وتعالوا قابلوني لو في جامعة قبلتكوا....اتفضلووووا....
خرجوا الجميع
الشاب:بص يا هندسة....انا من رأيي نبدأ صفحة جديدة....وهو يمد يدة للمصافحة....انا زين....وانت....
روان(ادم):انت انسحبت كدة لية خايف ولا اية....
زين:لا بس مداما الدكتور قال مفيش خناق قولت أصفي النية ونبدا صفحة جديدة بس انت شكلك بتحب المشاكل وانا بقي بموت فيها في لو انت عايز تتشاكل انا معنديش مانع خالص....ها اية رأيك....
حودة لروان بصوت واطي:متسلميش علية....
روان:طيب يا دكترة انا موافق....عن اذنك بقي لانك فصلتيلي المود علي الاخر....
زين:طب استنا طب....خد....واعطي لها سيجارة
روان(ادم):اي دا....
زين:اية يا زميكس سي....
حودة:انت ازاي تديها حاجة زي كدة يا روح امك لوح انا قدامك....
روان(ادم):يخربيتك....ها ها....
حودة:اااا....قصدي يعني من غير ما تعزم علينا....
زين:اهااااا هههههههه الاخير ربة كريم يا باشا....
ياسين:بس لحظة واحدة يا هندسه يعني....انت ازاي داخل بسجاير الجامعة يعني....
زين:هو انا قليل هنا ولا اية....دا انا ممكن اتاجر في المخدرات كمان بس يعني عشان سكتة عوق وممكن اروح في داهية بعدت عنها....
#روان(ادم)
هو يوم اسود يوم ما امي دخلت المستشفى وقالت اه وخلفتني....
حودة:بس رو....قصدي ادم مبيدخنش....
زين:ازاي دا يا زميكس....دا لازم يعني....حتي لو منظرة....الرجولة الصح في السيجارة....
روان(ادم)بسخرية:والله العظيم
زين:انت متعرفش ولا اية....
روان(ادم):والله يعني الي اعرفة ان الرجولة شهامة الرجولة جدعنة الرجولة صدق في كلامة مش الرجولة سيجارة....
زين:صح انت عندك حق....بس اكيد مش هتكسفني....
نظرت روان الي حودة ثم اخدت السيجارة من زين وقالت:شكرا....
زين:اي دا استني اولعلك....
روان(ادم):لا مش مش عايز اشربها دلوقتي....عن اذنك بقي لان المحاضرة بتاعتنا بدأت....
زين:ماشي بس نشوفك تاني....
روان(ادم):ان شاء الله....ومشيوا
زين:هههههههه حلو اوي الموضوع دا....اتسلي بقي وبراحتي علي نار هادية لغايت ما يجي ويفكر بقي ازاي يعلي عليا ها....وقال يعني ادم الكل في الكل وسيرتة سبقاة انا مبقاش زين غير لما اجيبك راكع قدامي قدام الجامعة دي كلها....بس اعرف بس اية نقطة ضعفك وانا مش هرحمك....
واتجة الي مدرجة وهو علي وجهه ابتسامة شر ووعود كثير تدل علي الانتقام
(توم كروز في نفسة اوي....داك وكسة🙂😂)
في المدرج....
كانت روان(ادم)تفكر فيما حدث....
حودة:هاتي السيجارة ولا رميتيها....
روان(ادم):رميتها....
حودة:ماشي....مالك....
روان(ادم):مش مرتاحة
حودة:من ناحية اية....
روان(ادم):الواد دة مش مرتحالة وجو تحولة الي نفتح صفحة جديدة وبتاع مش داخلة دماغي....
حودة:ولا انا....بس هو هيعمل اية يعني هو اضعف من كدة لانة عارف انة هيروح في داهية....
روان(ادم):والله انت الي هتودينا في داهية....كل شوية تتحمق اوي وتتعمل كدة وهتيجبنا شمال....
حودة:يعني انتي عايزاني اسكت وهو بيقولك خدي سيجارة ولا انتي عايزة تشدي كُلة معاة....
روان(ادم):اه والله يا حودة نفسي انحرف اوي....
حودة:ابقي اعمليها يا قلب حودة عشان اربيكي بس علي طريقتي....
روان(ادم):هتعمل اية يعني....
ياسين:مش وقتة خناق الناس بدأت تتفرج عليكوا اتكتموا بقي ينعل ابو معرفتكوا الي تجيب الهم....
حودة:عاجبك كدة شماتت الي يسوا والي مايسواش فينا....
وهنا دخلت الدكتور علا....
علا بصوت ناعم:السلام عليكم....
المدرج:وعليكم السلام ورحمه الله وبركاته....
علي وهو يجلس امام روان وحودة وياسين:اي شغل ابتدائي دا....
ضحكوا بخفوت....
علا وهي تشير الي روان(ادم):احم....ا.ادم....مش كدة....
روان(ادم):هو كلة مجذوب ليا معادا الي احنا عايزينها لية....
ضربها حودة بخفة بكوعة لتقف وتري ماذا ترد الدكتور منها
روان(ادم):ايوة....نعم....
الدكتور علا:اتفضل هنا بس لو مش هذعجك....
نزلت روان بتنهد ضحك واتجهت لها
علا:ينفع تفرد معايا المشروع دا....
روان(ادم):اه طبعا....وفردت المشروع معاها....
علا:المفروض كل واحد منكم يعمل المشروع شبية لي دا....بس عشان يتكلف كتير في هنقسمكم لمجموعات....واكملت وهي تمسك دفتر ملئ بأسامهم وتعطية لروان(ادم)وتقول:خد يا ادم....اقرأ اسامي المجموعات....
اخذت روان الدفتر ثم قالت:احم المجموعة(1)....يزيد عبد العزيز....رزان عبد المنعم....دينا رأفت شبار....ادم محمد الدسوقي(هي)....حودة محمد....ياسين محمد عبد الرحمن....علي محمد عبد السلام....مايا نصر الدين....
حمدت روان (ادم) ربها بتنهد بعد ما عرفت ان مايا معها وهذة طريقة لتتحدث معاها....
واكملت بقيت المجموعات....اما دينا ففرحت انها مع ادم لتتقرب منه اكثر....
علا:تمام شكرا يا ا.ادم....
روان(ادم):العفو....
علا:طيب كل مجموعة تتفق مع بعضها المشروع هيتقدم بعد اسبوعين....اتمني لكم التوفيق....وخرجت....
اتجهت روان(ادم)الي مدرجها....
حودة:طيب اعملي شو طيب قولي اي حاجة بدل ما انتي عاملة زي خيبتها كدة....
روان(ادم):اتلم وبعدين اقول اية يعني....
وهنا وقف ياسين وقال:طب يا شباب مين هيبقي المسؤول عن المجموعة رقم 1....
منهم من اختار حودة وكانت خلود ورزان ومنهم اختار ادم وكان منهم دينا وحودة ويزيد وكان منهم من اختار مايا وكان منهم ادم وحودة وياسين وعلي....
حودة:خلاص يبقي مايا هي المسؤولة....
دينا:لية يعني ما ادم احسن....
رزان بدلع:لا حودة احسن....
روان بغيظ وغضب:لا مايا احسن مش كدة يا سي حودة....
استغرب الشباب بعض الشئ....
حودة كي يخفي رد روان بمزحة:اه قولتلي مايا احسن طبعا مش كدة....وضربها في كتفها بخفة....فضحك الشباب بفهم....
حودة لروان:انا بردوا الي هوديكي شمال....
روان(ادم):وانت مش شايف كانت بتقول اية....
حودة:قالت اية يعني دا حتي اسمي منها حلو....
روان(ادم):وحيااة امك....
حودة:يخربيتك اسكتي....ها طيب يا شباب....انتي موافقة يا مايا....
مايا:تمام مفيش مشكلة وقامت وقالت:انا دلوقتي هدرس المشروع وهشوف محتاج اية وهبقي اوزع عليكوا الادوار....بس انا محتاج مساعد او مساعدة عشان الشغل كتير....
حودة:ادم اهو....
ياسين:اه ادم....
دينا بغضب:لا بلاش ادم....
مايا:اي حد يا جماعة مش هنتشاكل....
دينا:طب ما تساعدي نفسك يعني لازم مساعد دا اي دا....
روان(ادم):والله يا قمر محدش قالك ساعديها....
اصدموا من الرد....
روان(ادم)بإبتسامة:انا مستعد اساعدك....
اوأمت مايا بموافقة....
ثم خرج الطلاب من المدرج....
دينا:شايفة شايفة قالي اية....
رزان:احسن تستاهلي عشان اما اقولك اتقلي ابقي اتقلي....
دينا:بلا اتقل بلا بتاع بقي انا راحة اكل....
رزان:يعني اية هتتنازلي بالسهولة دي....
دينا:يا رزان بقالنا 4 سنين صحاب ولسة معرفتنيش كويس....انتي متعرفيش دينا رأفت اما بتحط حد في دماغها مش بطلعوا الا لما يكون ليها....سبيني بقي اكل....
رزان:اه اهو كلام بناخدة....روحي روحي اطفحي....
دينا:ولا اقولك تعالي انا لازم اعمل حاجة دلوقتي....
رزان:يا ستير يارب....
عند حودة
حودة:هنعمل اية دلوقتي....
روان(ادم):معتش تيجي ام الجامعة دي تاني....
حودة بضحك:لية....
روان(ادم):عااااا يخربيت بردوك....يعني انت مش شايف البنات قاعدة تبصلك ازاي وربنا اروح اغزق عنيعم دلوقتي....
حودة بضحك:ههههه اهدي يا شبوحتي....اية بتغيري عليا....
روان(ادم):اه....ومعتش تلبس حلو ولا تسرح شعرك ياما متجيش الجامعة تاني اتفضل قدامي....
مشي حودة امامها بضحك....
اما عند ميرنا....
فكانت تمشي في الطرقة حتي تذهب الي الكافية....
فقابلتها دينا ورزان....
دينا:اهلا اهلا بي مطفشت الشباب ترحب بكم....
رزان:هههههههه....
دينا:الدور علي مين بقي المرة دي....دي الشباب بتنقرض اما بيكلموكي....لية كدة....ههههههه
رزان:ههههههه....
تجمعت الدموع في عيون مايا....
رزان:تؤ تؤ تؤ تؤ يا حرام....هما بيلعبوا بمشاعرك للدرجادي....
لاحظ كل من حودة وروان الموقف فذهبوا لهم واصنتوا....
دينا:لا صعبتي عليا....
وقفت روان(ادم)خلف مايا وسندت علي الحائط....
التفت مايا بسرعة قبل ان تنهار امامهم في البكاء....فأنصدمت بروان....
روان(ادم):في اية....
مايا:م.مفيش....ومشت بعيدا....
اقتربت روان من دينا ودينا ترجع للوراء وكذلك حتي اصتدمت في الحائط....
روان(ادم):لو فكرتي تزعليها تاني هتشوفي وش وحش اوي اوي مني صدقيني....ماشي يا قطة....وذهبت وراء مايا (انا بحب روان اوي يا جماعة🙂😂 استغفر الله العظيم يارب🙂😂)
اما حودة كان مبهور بتمثيلها وحركاتها....بعد ذلك جاء ياسين وذهبوا خلف ما روان اتجهت....
دينا:بقي المعفنة دي يعمل معايا كدة عشانها....
رزان:بس متزعليش....
دينا:عااااا وربنا ما هسكت....
وقفت روان وهي تبحث عن مايا فرأتها تجلس علي المدرج(السلم)وتضع يديها علي وجهها وتبكي....
اشفقت روان علي حالتها بشدة الان وبعد ذلك بعد ما تكتشف الحقيقة....تنهدت وذهبت الي الكافية واشترت لها شكولاتة....وذهبت لها....قعدت روان بجانبها وقالت:انتي بتعيطي لية....
انتبهت مايا لها وقالت:م.مفيش....عن اذنك....وقامت....
فمسكت روان يدها وقالت:ينفع تقعدي وتحكيلي في اية ولية بتعيطي....كمساعدك يعني....
ضحكت مايا وقالت وهي تسحب يديها:ودا اية علاقتة يعني....
وقفت روان وقالت:يعني بقيت اكتر من زميل علي ما اظن....ها هتحكيلي....
مايا:لا وياريت تروح تشوف شغلك بعيد عني وجاءت لتذهب فطلعت روان الشكولاتة ووضعتها امام وجهها....ففي المعلومات التي جمعوها عن مايا انها تحب الشكولاتة كثيرا وهي نقطة ضعفها في الحياة
(هو لية انا الوحيدة الي مش بحب الشكولاتة للدرجة زي البنات🙂😂)
ابتعلت مايا ريقها ونظرت بعيدا وهي تغمض بشدة....
ضحكت روان بخفوت وقالت:للدرجادي هي دي بنج للبنات ولا اية....
ضحكت مايا وقالت:طب انت عايز اية دلوقتي....
روان(ادم):عايز اعرف انتي لية بتعيطي....
مايا:عيني اتطرفت بس....
روان(ادم):كدب من اولها مفيش شكولاتة....
مايا:مش عايزة اشغل حد بمشاكلي وحواراتي فكك احسن لانك هتتعب ودنك وانت مش هتستفيد حاجة ولا انا هستفاد حاجة....
روان(ادم):ايوة بس انا عايز اعرف....
مايا بحزن وتنهيدة:يا استاذ الحاجة دي مينفعش تتحكي لشاب....انا مشكلتي اني لما بحب بحب بجد وبحب من قلبي....قلبي دايما مفتوح عمري ما كرهت حد لما حد بيقولي كلمة حلوة بفرح وبفرح اوي انة قالي حاجة حلوة وليا انا....بس كلة كان كلام بس....
روان(ادم)وهي تعطيها الشكولاتة:انتي احسن واحلي منهم يا مايا وخليكي كدة بطيبتك اوعي تتغيري عشانهم....ومشيت....
ابتسمت مايا لكلامة مع انها كلامها بسيط لكن جعلتها تبتسم ثم اختفت ابتسامة مايا وقالت في نفسها:متغلطيش الغلطة تاني يا مايا متثقيش في حد تاني حتي لو نسبة واحد في المية....
وذهبت للكافية....
اما روان فقابلت حودة وياسين الذي كانوا يراقبون الموقف....
ياسين:صعبانة عليا....
روان(ادم):وانا كمان....صعب اوي....
حودة:بكرة تتفهم الوضع....بس تعالي هنا اية التمثيل والحركات دي يا زميكس....
روان(ادم):طبعا يابني هو انا شوية في البلد....
حودة:شوفتيها منين دي....
روان(ادم):مقفوشة كلها في المسلسلات الصيني عادي....
حودة بخبث:طب وكانوا بيعملوا اية تاني....
روان(ادم):لما تكبر هبقي اقولك....وذهبت للكافية....
حودة:اية دا في اية....
ياسين:هههههههه....تعالي تعالي....وذهبوا....
بعد شوية
اليوم خلص....
كانت مايا تتصفح كتاب ثم جاءها هاتف فقامت مسرعة وخرجت من الجامعة....فلاحظت روان....
روان(ادم):في اية....
حودة:مش عارف....اية دا دي نست الكتاب بتاعها....
ثم قام وذهب لطربيزة مايا واخذ الكتاب واعطاة لروان وقال:فرصتك....يلا وراها عشان نيدها الكتاب لعند بيتها....
روان(ادم)وهي تأخذ منة الكتاب:عندي احساس انك بتخوني....
حودة:نبقي نشوف الموضوع دا بعدين....
روان(ادم):....
________
عند شريف
قام ولبس دا
وخرج ركب سيارتة وانطلق اي منزل مي....
فنزلت مي وكانت ترتدي دا
وركبوا السيارة....
شريف:مش انتي قولتي انك مش هتروحي الشغل انهاردة غيرتي رأيك لية بسرعة....
مي:ها....لا اصل حسيت بملل فظيع فجاة كدة فقولت لية لا يا بت يا مي حتي تونسي شريف عشان ميزهقش في الشغل....
شريف:قلبك عليا اوي اوي....
مي:طبعا اطلع بقي علي الشغل....الا قولتلي اسمها اية زميلتنا الجديدة....
شريف:مممم....اسمها هايدي....
مي:هايدي كمان....اية الاسم الدِلع دا....اسمي احلي صح وسهل كدة حرفين بس....اسمي حلو صح....
شريف:انتي كلك علي بعض جمرررر....
مي:همهمهمهمهم....
تنهد شريف ثم انطلق بسيارتة الي مقر عملهم....
ودخلوا الي مكتبهم....
مي:ه.هي فين الزميلة الجديدة دي....
شريف:اهدي زمانها جاية انتي لية متشوقة تشوفها اوي كدة لية....
مي:مش عارفة يا شريف بس سبحان الله حبيتها كدة من قبل ما شوفها....
شريف:حبتيها اه....ثم اكمل في نفسة....عليا العوض ومنة العوض....
مي:اصل الحب دا بيبقي شئ من عند الله....
وهنا دخلت فتاة ترتدي جيبة تصل للركبة الي حد ما لونها اسود وفوقها قميص لونه ابيض....
مدت هايدي لي شريف بدلع وقالت:اهلا يا استاذ شريف
مدت مي يديها قبل شريف وقالت:اهلا وسهلا اهلا....
وقف شريف وقال:احب اعرفك مي خطيبتي....مي دي هايدي....
هايدي:خطيبتك....
مي:ومالك بتقولها بقرف كدة لية اه خطيبتة ياختي....اهو وقامت برفع يديها لتشاهد الخاتم وعملت حركات مختلفة بيدها....
نزل شريف يديها بضحك علي حركاتها المجنونة الطفولية المليئة بالغيرة والغضب....
مي:وبعدين ياختي اية الي انتي لابساه دا هو القماش عندهم في المصنع خلص فقالوا يلا ما بدهاش بقي....اجبلك اتنين قيراط من عند ام اسماعيل....
هايدي:ميرسي....
شريف بضحك:اقعدي يا مي....قيراط مين وام اسماعيل مين بس....
مي:الله هي ياعيني شكل البنية فقيرة ملقتش قماش يسترها هجبلها من عند ام إسماعيل....
هايدي:فقيرة اية دي الموضة وموضة قديمة اوي يعني والناس كلها لابساها عادي....
مي:بجد يعني انا جاهلة....
هايدي:جدا....
مي:لا انا اقول علي نفسي انتي لا بدل ما اقصلك شعرك دا كمان ولسانك دا بحيث يكون جيبة قصيرة مع لسان قصير وشعر هدية قصير....
ضحك شريف وبعد ذلك قال:احم اتفضلي ي انسة هايدي عشان هنروح الموقع....
مي:اه اه يلا....
هايدي:هو مش المفروض يا شريف نروح للموقع لوحدنا....
مي:اولا اسمة استاذ شريف ثانيا بقي انا نسيت الموقع في عايزة اروح ثالثا بقي انا اروح اي مكان انا عايزاة مش كدة يا شوشو....
شريف:اه اه كدة يا قلب شوشو....ربنا يستر....
مي:بتقول حاجة يا حبيبي....
شريف:سلامتك يا حياتي....اتفضلوا عشان منتأخرش....
وذهبوا الي السيارة....
فأتجهت هايدي للمقعد الامام بجانب شريف....لكن سبقتها مي وجلست ثم قالت:معلش يا قمر اصل الكرسي دا الڤيو بتاعوا حلو وهواة بحري كدة ويرد الروح....
ضحك شريف علي مي اما هايدي فزفرت بشدة واتجهت الي الخلف....
وانطلقوا بالسيارة
في الطريق....
هايدي بدلع وسهوكة:شريف....ا....
مي بمقاطعة:شغلنا حاجة يا شوشو اصل في صوت عرسة كدة مش عارفة جاية منين في عايزة حاجة تغطي علي الصوت دا....
ضحك شريف بشدة وقال:عايزة اية يا حياتي....
هايدي بغيظ من مي:شريف ا....
مي:يا قمر مش قولتلك اسمة استاذ شريف....شغلنا حاجة بقي يا شريف الله....شغلنا عنبة بقي ولا حاجة....
هايدي بتريقة:عنبة اية اية القرف دا شغلنا تامر حسني او عمر دياب....
مي وهي تنظر لمايا:افتحلنا علي الشعرواي يا شريف....
وهنا انفجر شريف من الضحك....
هايدي:ضحكتك حلوة اوي....
مي:وقف ضحك يلا....وانتي يا قطة بصي قدامك....
ضحك شريف علي غيرتها....واكمل طريقة....
هايدي:شريف هو رقم تليفونك كام....
مي بصدمة:نعمممم....
هايدي بفزع:في اية....
مي:لا دا انا انزلك بقي اركن علي جنب يا عريس....ونزلت مي ومسكت هايدي من شعرها وقالت:انتي بتشقطيها قدامي كدة عادي دي اية البجاحة الي فيكي دي....
نزل شريف بسرعة حتي يخلص هايدي من مي....
قامت مي بشد شعر هايدي اكتر وسبها فقام شريف بحملها وهو يضحك....
مي وهي ترفص في الهواء بقدمها ويديها:سيبني عليها يا شريف....سيبني عليها مش هي كانت عليزة الرقم انا هدهولها....سييييبني....
هايدي:دي متوحشة....
مي:عااااا سيبني....
ونزلت مي بسرعة مفلتة واتجهت الي هايدي وشدت شعرها جامد حتي انخلع وصلات الشعر منها....
مي وهي تمسك زصلات الشعر:مش قولتلك دي تركيب....يلا من هنا يا شعر عيرة يا لون خميرة يا عمارة من غير بواب يا شبشب من غير وردة يا احمد يا عمرررر....
شريف وهي يخبط كف علي كف:عظمة علي عظمة يا ست....
هايدي:حرام عليكي قطعتيلي شعري عااااا....
احست مي بالندم لثواني بسبب احراجها امام سريف لكن سرعان ما تحولت مرة اخري وقالت:ابقي الزقيها حلو ولا دبسيها....دا عشان تبقي تقولي عايزة رقمة تاني او تكلمية حتي هقطع وشك كمان....ذهبت هايدي بغيظ وهي تتوعد لمي الي مطعم حتي تظبط نفسها في الحمام....
شريف:اية الي انتي عملتية دا حرام عليكي يا شيخة دا انا اخاف علي نفسي منك....
مي وهي تقترب منة:شكلك كنت عايز تديها رقمك صح....
شريف وهو يرجع للخلف:هو انا مقولتلكيش....
مي:لا....
شريف:دا تليفوني باظ من زمان....
مي:بجد طب كويس....
وجاءت هايدي
مي:بصي قدامك يا قطة عشان مخليش الليلة كحل....وركبت السيارة....
وركبوا....
هايدي:علي فكرة يا انسة انا عايزة رقمة عشان الشغل  في بما انة زميلي اكيد لازم اخد رقمة....
مي:رقمة وانا موجودة خدي رقمي انا اصل شريف تليفونة بايظ من زمان....واملتها الرقم....زفرت هايدي....اما شريف اكمل طريقة وهو يضحك علي مي وتصرفتها وغيظ هايدي منها....
وصلوا الي الموقع....كانت الشمس حادة جدا هذا اليوم....
شريف:دا الموقع يا انسة هايدي....في اي حاجة عايزها تانية....
هايدي بدلع:الدنيا شمس اوي....
مي:معلش محدش قالك لازم تشوفي الموقع....
هايدي:ممكن تديلي الكاب بتاعك....
مي:وانتي انا تاخدي الكاب بتاعة انا اخد اية....
هايدي:تاخدي الكاب بتاعة لية ما انتي لابسة اهو البتاع دا(وكانت تشير علي حجاب مي)
مي:اولا مسمهوش بتاع اسمة حجاب ودي مش مشكلتي انك واحدة جاهلة....مش معقول كدة كل شوية اعرفك علي كل حاجة مش معقول واحدة زيك مش عارفة حاجة كدة تؤ....ثانيا بقي دا خطييييبي ماشي....واكملت وهي تخلع الكاب من علي رأس شريف....يعني الكاب دا بتاعي وبتاعة خلصانة ولا نقول تاني....
شريف:خلصانة يا باشا اهدي بقي....هههههه....اتفضلي يا انسة احنا اصلا هنروح المكتب مادما مش عاملة تعليقلات او ملحظات علي الموقع....
اوأمت هايدي بغيظ كامل من مي وزفرت بشدة....
مي:في اية مالك محروقة لية....من الشمس صح....معلش....هنعمل اية بقي....اصل من غيرها مكناش هنعرف نشوف هي الي بتنور الدنيا في لازم نستحملها في حرقها....وركبت السيارة....
شريف:انا مش عارف انتي بتجيبي الكلام دا منين....
مي:ماي برين از جنيس (My brain is genius)
شريف:علي يدي....ههههههه
وركبوا السيارة....وانطلقوا الي مقر العمل من جديد تحت نظرات هايدي لمي وهي تتوعد لها الكثير والكثير بسبب تقطيع شعرها او بالاصح شعرها الصناعي وحرجها أمام شريف........................................... يتبع🖤

صلوا على النبي ﷺ♥️
تصويت وكومنت فيه تصلوا على النبي ﷺ♥️
وكومنت فيه رأيك
بحبكوا🖤

#Reno tarek
#Comedy novels