أحببْتُك بِصدق ♡⁠ "2" (جاري تعديل السرد)

نهاية مليكة وسليم🖤🍒

في احدي الجلسات
مليكة وهي تمدد علي الشيزلونج:تعرف انا نفسي في اية يا سليم....
سليم:اية....
مليكة:نفسي ارقع بالصوت....
سليم بضحك:يا جدع....
مليكة:والله حاسة اني هرتاح بعدها....كان نفسي اوي اعمل كدة بس ماما كانت بتقولي اما جوزك يتجوز عليكي ابقي صوتي براحتك....
ضحك سليم ثم قام من علي مقعدة وقال:طب يلا بينا....
مليكة:يلا بينا علي فين....
سليم:تعالي بس وبطلي لوك لوك كتير....
اخذها سليم من يدها قبل ان تعترض فهو تعود دايما ان تعارضة في اي شئ حتي لو شئ ليس لة معارضة....
ركب سيارتة وانطلق الي....الملاهي....ارزااااق ارزااااق والله....
مليكة بإبتسامة فرح:اية دا....
سليم:ملاهي....يلا....
اخذها سليم ثم اتجهوا الي احدي الالعاب الكهربائية واخذوا تذاكر وصعدوا لها....
سليم:زي ما انتي قولتي....ارقعي بالصوت محدش هياخد بالة....
مليكة:بس في فرق انا هصوت من التعب الي جوايا ولا هصوت من الرعب....انت يابني اخد الدكتوراة في حمام عمومي....
سليم:ملكيش دعوة اركبي بقي وبطلي عناد....
ركبوا ثم بدأت اللعبة بالتحرك....
فمعظم الشباب والفتيات كانوا يصرخون برعب اما مليكة في اغمضت عيونها وبدأت بالصراخ....
صرخة وجع صرخة تعب صرخة عذاب من زمان كانت تصرخ بحرقة حتي نظر لها سليم بحزن علي حالتها....
صرخت حتي تحول صراخها الي بكاء استقرت اللعبة....
سليم:اهدي يا مليكة....
مليكة:ارتحت....
سليم:بجد....
مليكة:كأن حاجة اتشالت من علي قلبيييييييعاااااااا....
صرخت عندما تحركت اللعبة مرة اخري....
فضحك سليم علي تعبير وجهها....
فضحكت هي الاخري....
تسريع في الاحداث🙂
I think
انا البنت الوحيدة الي بتزهق وهي بتكتب روايتها🙂
بعد مرور من كثير الجلسات كان مليكة تتحسن بشكل تدريجي حتي بدأت تضحك وتمرح مع سليم او اي احد اخر....
وفي يوم كان سليم يجلس امام مليكة في غرفة المعيشة في منزلها....
سليم:اتمني انك تكوني فهمتي....
مليكة وهي تزيح نظارتها الطبية وتنظر لة بإبتسامة:في الحقيقة....لا....
سليم وهو يشاور الي رأسها:مهو استحالة الي جوا دا يكون مخ استحالة....
مليكة:اتلم يلا....
سليم:يلا....انتي عارفة انا عندي كام سنة وانتي عندك كام سنة....يابنتي انتي المفروض تقوليلي يا انكل....
مليكة:طب ما اقولك يا ابية احسن....
سليم بإبتسامة وهو يميل رأسة:او بابا....
نظرت لة مليكة في عينية....
مليكة:بابا ازاي يعني انت متجوز امي....
سليم:يا شيخة ابو شكلك بقي انتي فصيلة انتي مش بتفهمي التلميحات خالص....
مليكة:علي حسب....
سليم:علي حسب اية....
مليكة وهي ترفع احدي حاجبية وتسمك مسطرة وتستند بظهرها علي الكرسي:مزاكي....
سليم:مليكة....
مليكة:نعم....
سليم:نتجوز....
مليكة:دا بعينك....
سليم:بطلي نرجسية بقي انتي هتموتي عليا اصلا....
مليكة:دلوقتي مش انت بتقول اني اصغر منك والمفروض اقولك يا انقل....
سليم:انقل اة....
مليكة:طيب ازاي بقي نتجوز وانت انقل....
سليم:يا ستي انا عيل ابن ستين في سبعين ملكيش دعوة بقي....
مليكة:مش بفكر في الموضوع دا وبيني وبينك انا مش هاجي اخدمك انت وامك ولا كأني الدادا دودي....وانا مش بعرف اطبخ ومش مستعيدة اسيب تعليمي ومستقبلي عشان عدو المرأة الي هو انت يعني....
سليم:بت بت بطلي كلام اهطل مستقبل اية وبتاع اية عليا انا الكلام دا بردوا....يابنتي انت لولا اني بذاكرلك كنتي جبت كحك بعجوة....
مليكة:لا مش بحب الي بعجوة....
سليم:ولا انا....طب بتحبي الي بالملبن....
مليكة:ايوة بس لما يكون بقي معاها مكسرات خطيرة....
سليم:اة بس انا بحب العين الجمل الي فيها....
مليكة:جامد....انا برضة بحب الي بسكر بس بلحس السكر واسيب الكحك....
سليم بضحك:وانا بردوا كنت بعمل كدة انا ومي اختي كان اما يجيلنا ضيوف في العيد ماما تيجي تحط الكحك وعمايل ايديا وحياة عنيا والشغل دا كنا نلحسة ونسيب الكحك ونخرج وبعد اما يمشوا نلاقي الطبق زي ما هو....
مليكة بضحك:وبعدين....
سليم:بعدين بقي ماما بتعرف وعينك ما تشوف الي النور بقي....
ضحكت مليكة....
سليم:بصي هي صداقة تحترم وكل حاجه بس انا عايز اتجوزك....
مليكة:المرة الجاية حاضر....
سليم:الاهتمام مبييطلبش علي فكرة....
مليكة:امال بتطلبة ليييية....
سليم:قطوعة هه متكلمتيش تاني طالما بتزعقلي....
بعد سنة🙂
معلش والله اصل انا خلقي ضيق....
كان ظهور نتيجة ثالثة ثانوي....
مليكة:انا خايفة اوي....كام يا سليم....
سليم:لسة بيحمل اهو....ان شاء الله خير....
الام:يارب استر يارب يا مليكة يا بنت بطني تطلعي الاولى علي الجمهورية يارب....
قامت مليكة لو شفتيها يمين ويسار علي حلم وامنية ويمكن ان تكون رؤية من والدتها....
فضحك سليم بخفوت ودعي ان تنجح مليكة بمجموع جيد....
جاءت ملاك وهي تأكل ثمرة موزة:ها النتيجة ظهرت....
مليكة:لا لسة وبطلي الاستفزاز دا....
ملاك:هي نتيجتي لقدر الله....
مليكة:لا بس مسيرك تبقي في الموقف دا زيي....
شرقت ملاك وبدأت تسعل....
سليم:الف سلامة الف سلامة مهو كلة من ال....ومسح علي انفة بحركة المدمنين واكمل خليني ساكت....
ملاك:ابو شكلك....
ودخلت الغرفة....
بعد وقت ليس كثير ظهرت النتيجة علي الشاشة بمعدل 98٪ ونصف....(ربنا يوعدنا)
سليم:مبروك يا قمر 98٪....
مليكة بصدمة:اية....
الام بفرحة:لولولولولولولولولوي....
خرجت ملاك بفزع مضحك وقالت:اية جيبتولي عريس....
مليكة:م.ملاك انا جبت 98٪ ونصف...
ملاك:اة و....ايييية....انتي انتي طلعتي دحيحة يا ملكية....يا خيبتك في اختك يا ملاااااك....
الام:اتنيلي داك وكسة....ثم نظرت الي مليكة وقالت:الحمد لله الحمد لله يارب....الف مبروك يا بنت بطني....قامت مليكة واندفعت بسرعة لها وسكنت في احضانها....ثم قبلت رأسها ويدها وقالت:الله يبارك فيكي يا ماما ويخليكي ليا....
وبعد مرور بعض الوقت....
بدأت الدراسة ودخلت مليكة طب نفسي مثل سليم فقد احبت ان تكون دكتورة نفسية وتعالج المرضي مثل ما كانت هي مريضة....
وفي السنة الثانية منها كان سليم متواجد في الجامعة بحد كبير لانها كانت جامعتة سابقا ولة اسمة في تلك الجامعة فهو رغم تخصصة الذي طوال حياتة لم يحبة لكن كان يجتهد في اي شئ يترتب علية....
سليم:يابنتي ارحميني بقي....عاوز اجيب ميتين ام الجدول....
مليكة بتذمر:هو انا بحضر يعني....
سليم:دي ملهاش دعوة بالحضور....دي حاجة كدة عشان لما ضميرك الميت دا يأنبك تقوليلة شششش دا احنا معانا الجدول هنخيب ولا اية....
وبدأ بنقل الجدول....فنظرت لة مليكة بنظرة حب لاول مرة....
وقالت بدون شعور:انت بابا....
وقف سليم عن الكتابة بصدمة ثم استدار رأها تبتسم لة....
سليم:قولتي اية....
مليكة:انت بابا....واحلي بابا في الدنيا....
مليكة:يمكن زي ما بيقولة الاب مش بيتعوض لكن مكنش في اب اصلا ومش كل الابهات وحشين لكن....وتجمعت الدموع في عيونها وقالت:لكن انت نستني كل دا ووقفت جنبي كتير لغايت ما تعلجت شجعتني ووقفت جنبي لغايت ما جبت المجموع دا لو مكنتش جنبي مكنتش هجيبة....عمري ما هنسي جميلك دا وهتفضل فوق راسي طول العمر لأنك....بابا....
مسك سليم رأسها بيد مرتعشة ومسح دموعها وقال:وانتي بنتي انتي بنتي الصغيرة الشقية الي متمردة دايما علي اي حاجة ولازم اشيلها في عينيا وفوق راسي كمان عشان هي غالية جدا عندي....انتي الي خليتيني احس اني مش فاشل ومش لازم كل حاجة جربناها ومش حبينها تبقي وحشة حببتني في حياتي وفي مهنتي واي حد غيرك مكنتش هعمل كدة....ثم قبل رأسها....
فمسحت مليكة عيونها بطفولية وقالت:طب ابعد بقي الدنيا حر....
نظر لها سليم بصدمة ثم ضرب رأسها بخفة وقال:ابو شكلك ومسك الورقة بتذمر مضحك وبدأ بنقل الجدول....
بعد شهرين....
مليكة:بحبة....
ملاك:ياااااجدععععع....
مليكة:بطلي هزار بقي....
ملاك:طب اية يعني طب ما تقوليلة....
مليكة:انتي مفكرة الموضوع بالبساطة دي...
ملاك:انتي الي معقدة طب مهو عامر اهو انا الي اخدت رقمة وانا الي بعاكسة في الشارع لا وبقف في البلكونة وبغنيلة كمان لا وبحدف مشابك المنشر عشان يفتح البلكونة ويكلمني لا وانا الي بجيبلة ورد كمان....انتي بتقولي اية....قال صعب قال....
مليكة:ويا ترا ماما تعرف الحوار دا....
ملاك:ايوة طبعا....
مليكة:انا مش عارفة انتي جايبة البجاحة دي منين....دا انتي مدلوقة اوي....
ملاك:مهو الصراحة جامد مشيتة كدة يالهوي وضحكتة بغمازاتة دي بتخرم قلبي....
مليكة:بتخرم....حسبي الله ونعم الوكيل في الي حسبك من ضمن البنات....قال ملاك قال انتي جعغر....فتحي....عبد العال....
ملاك:مالهم يعني بني أدمين يعني ولا بني إسرائيل نيهاهاهاهاها....احم....
مليكة:ابو الي يقعد معاكي انا قايمة....
وقامت واتجهت الي الباب لتخرج تحت مناداة ملاك لها لكن تجاهلتها وخرجت....
ملاك:خلصانة انا هتصرف....
ثم اتت بهاتفها واتصلت علي....سليم....
سليم:اية نعم خير....
ملاك:اية الاسلوب دا....دا انا كان عندي ليك خبر بالمليون جنية بس يلا ملكش في الطيب نصيب....
سليم:ارغي يا ملاك عايزة اية....
ملاك:بقولك خبر بمليون جنية هيبقي بلوشي كدة يعني....
سليم:هجبلك حاجة حلوة....
ملاك:الف جنية واقولك الحوار بسلطاتة ب بابا غونكوا وبطحينة وبص خاجة كدة عنب....
سليم:ابقي قولية للحيطة بقي سلام....
ملاك:خلاص 500 جنية....
سليم:روحي يا ملاك اشربي نسكويك ونامي....
ملاك:من الاخر كدة هما 400 جنية....
سليم:هما خمسين جنية هتقولي ولا اروح انام....
ملاك:اية اية الي خمسين جنية هو انا بشحت منك....
سليم:خلاص تصبحي علي خير....
ملاك:خلاص موافقة....اصغي اذنيك بقي....
سليم:ها....
ملاك:مليكة....
سليم:مالها....كويسة....
ملاك:يا قلب امك....
سليم:اخلصي في اية....
ملاك:مليكة....بتحبك....
سليم:اية اية ب.بجد....
ملاك:انت اهبل يابني ولا اية اومال بابا بابا دي اية....
سليم:لا يعني عشان انا دكتورها يعني و....
ملاك:ما علينا هي قالتلي في انت تيجي كدة انت وامك وتجيب جاتوة شكولاتة وتجيب بردوا شكولاتة من الي بالبندق دي طعمها خطير وبعدين بقي نحدق عشان ميجلناش الضغط تجبلنا بقي اية صنية رقاق كدة ويا سلام بقي لو مكرونة بالبشاميل أو نجرسكوا....وتعالي....
سليم:هو هو اية الي مكرونة بشاميل ونجرسكوا هو انا جاي اتقدم في مطعم ام حسن....
ملاك:يعني يجلنا الضغط بسبب الحلو الكتير دا يعني ولا عايزنا نتخن ولا اية....
سليم:دا علي اساس ان المكرونة البشاميل والنجرسكوا والرقاق مش بيتخن....
ملاك:الاة انت هتعد عليا ولا اية انت يا تيجي بيهم يإما معندناش بنات للجواز اة ومتنساش الخمسين جنية لو نستها وعملت بقي مش معايا فكة وبتاع وربنا لاشرحك علي اول المنطقة يلا وادخلك الحارة بلبوص....سلام....
واغلقت الخط....
صدم سليم من كلامها وقال:قال ملاك قال حسبي الله ونعم الوكيل....عبدة موتي....
________
بعد يومين
قرر سليم ان يأخذ تلك الخطوة وبالفعل اخبر اهلة بكل شئ وهما فرحوا لة جدا لان هذا كانوا يتمنوة منذ فترة فجهز لكل شئ واخذ ايضا الخمسون جنيها عندما تذكر تهديد ملاك لة فإبتلع ريقة وتمني ان لا يحدث شئ مع ملاك او عبدة موتي كما دعها....اتجة الي بيت مليكة بعد ان اخذ موعد مع والدتها ففتحت لة ملاك فأعطي لها الخمسون جنية دون اي نقاش فقبلتها ملاك وقالت:ايوة انا بحب سماع الكلام....ادخل....اوبا مين الجامدة دي....
سليم:اختي....وابعدي عنها عشان انا بقيت بقلك منك وبخاف علي نفسي وانا معاكي والله....واخذ مي في يدة وكانت مي تضحك وسلمت علي ملاك ثم أخذتهم الام وملاك الي غرفة الضيوف....تحدثوا مع بعضهم ولم يأتي والد سليم لان لا يوجد والد مليكة وفضل سليم ذلك حتي لا تشعر والدة مليكة بإحراج فتكلمت والدة كلا منهما وكان سليم يبحث عن مليكة بعينية....
ملاك:اهدي كدة في اية....
سليم:ملاك ما تروحي تناديها....
ملاك:بكام....
سليم:مادية حقيرة....
ملاك:ايوة حصل معاك حق....شوف بقي مين الي هيعبرك تاني....
سليم وهو يضحك لملاحقتها ونظر الي مي التي كانت تضحك علي ملاك:مش بتحب تهزر خالص....لطيفة ملاك دي....ثم وضع يدة في جيب بنطالة واعطاها خمسون جنية....
ملاك بخبث وهي تغمز لة:هي مليكة تقدر بخمسين جنية....
سليم:مليكة غالية اوي ومقدرها بكنوز الدنيا دي كلها لكن الخمسين دي علي قدك قومي فزي ناديها....
ملاك:لا كدة كتير انا بتهان هنا اوي اوي....يرضيك انتي كدة يا موزة الي بيعملة دا....
مي:لا والله....ملكش حق يا سليم....دي حتي البت قمر....
ملاك:تسلميلي يا قمري....شوف شوف اتعلم جتك نيلة....ثم قامت واتجهت الي غرفة مليكة....
ملاك:ما تخلصي بقي....
مليكة:هو اية الي جابة دا....ياااااباااااي....ساعدني بدل ما انتي واقفة كدة....
قامت ملاك بمساعدتها....
ثم أنهوا ونظرت مليكة الي نفسها في المرآة وهي كانت ترتدي فستان جميل لونة وردي فاتح وناعم ورقيق جدا طويل نسبيا وفردت شعرها....
نظرت الي نفسها مرة اخري وخرجت وهي راضية تماما علي مظهرها....
وخرجت ملاك ورائها....
دخلت مليكة الي الغرفة وهي تحمل العصير الذي قالت لها والدة ان تعدة والقت السلام لكن تفاجئت بأن يوجد كثير من الأفراد يجلسون مع سليم....
والدة سليم:وعليكم السلام ورحمة الله وبركاته....اية القمر دا....اللهم صل على النبي ﷺ....تبارك الرحمن....ما شاء الله....
مليكة:ش.شكرا....ثم نظرت الي سليم ونظرت الي والدتها....
دفعتها ملاك وقال:مش وقت صدمات اقعدي بقي خلينا نفتح الجاتوة مش عايزين يفتحوا الي لما تيجي....
والدة مليكة:اة ياني فضحاني في كل حتي والله....
والدة سليم:اة والله وسليم ومي بردوا يالهوي يمكن هما لمين نفسهم شوية لكن ربنا ما يوريكي الي بيعملوا مش محترمين طولهم....
نفخوا سليم ومي بضيق وكذلك ملاك فعلت....
والدة سليم:ايوة طبعا مش عجبكوا الكلام وانتوا من امتي بيعجبكوا الكلام الصح....
نظر سليم لوالدة واكيد عندما تجتمع ام مع امهات اخري يبدأون بالحكي بكل شئ قد عملة الاولاد....
سليم:طيب يا ماما خلاص بعد كدة اتكلموا....
والدة سليم بضحك لوالدة مليكة:الولا مستعجل اوي....مش قادر مهو لية حق علي الحلاوة دي....
نظرت لهم مليكة بعدم فهم فقال سليم وهو ينظر الي مليكة بحب:انا يشرفني يا طنط ام مليكة اني اتجوز مليكة بنتك علي سنة الله ورسوله....
صدمت مليكة من الكلام الذي قالة....
والدة سليم:مش قولتلك مستعجل اوي يابني بيقولوا اطلب ايدك قراية فتحة خطوبة كتب كتاب جواز انت عايزة جواز علي طول....
سليم:لا الجواز علي طول والفرح بكرة....والعروسة موافقة....
والدة مليكة:اهدي يابني بس عليا مليكة دي بنتي الوحيدة مش معقولة كدة علي طول يعني....
صدمت ملاك مما قال وكان فمها ممتلئ بالجاتوة....
فقالت بعد ان ابتلعت الطعام قالت:وانا يعني اية مش من بقيت عيالك ولا اية....قرد قطع انا....انتي اتباريتي من ياماااااعععع....
والدة مليكة:فزعتيني اية ايوة ملياش الا مليكة....
وقفت ملاك وهي ترفع يدها بإعتراض فصدم ذراعها في انف سليم فتألم ولكن تجاهلتة وقال:لية كدهواً....لي تسبوني وتمشوا....الكل عاش من غيري....الكل سابني ومشي....حتي الي كان من خيري....لا يخجل ولا يختشي....دا الغريب لقيتة حن والقريب شيطان وجن حاجة تهبل او تجن والمشاعر من ازاز....ملعوووون ابو الناس العزار الي لما احتاجنا ليهم طلعوا انداااال بإمتياز....
نظرت لها والدتها واكملت حديثها وقالت:لا يا سليم واحدة واحدة كدة يعني تسيبني لوحدي....
نظرت لها ملاك ثم نظرت الي نفسها وحكت يديها خلف رأسها وقالت:اية دا في اية....
مي:اقعدي اقعدي....قلب امك صعبتي عليا والله....واحتضنتها....
ملاك:محدش بيحبني....
مي:لا والله دا الكل بيحبك دا انا الي لسة معرفكيش اوي حبيتك....
ملاك:ثانية واحدة....واتجهت الي الجاتوة الموضوع امامها ونظرت لهم بحقد ثم رجعت وارتمت في حضن مي وبدأت تأكل بها وقالت:ايوة كملي....
ضحكت مي عليها بشدة....
سليم:اصلا يا طنط زي ما انتي عارفة العمارة جنب العمارة....
والدة مليكة:ايوة يا سليم بس شقتكم مش هتبقي جنبنا....
سليم:لا انا جبت شقة دورين قريبة من هنا عشان مليكة بتحبك وكل شوية هتقولي عايزة اروح لماما عايزة اروح لماما عارف حركات العيال دي....
كانت مليكة تسمعهم وهم يتحدثون كأنهم اخذوا موافقتها....
مليكة:ممكن تخدوا رأيي ولا مش لازم....
ضحكوا فقال سليم بعيون طفولية:اية بقي انتي مش هتوفقي علي قاهر النساء بجمالي ولا اية....
والدة سليم:يو يا مليكة انتي هترفضي القمر دا دا بنات مصر كلها بتجري وراة....
ملاك:سبحان الله....صحيح القرد في عين امة غزال....دا جميل دا مناخيرة شبة مناخير ابو الهول بالظبط....
مي بضحك:ايوة صح وبردوا شبة عروسة المولد....
خبطوا الاثنين كفهم بكف بعض وهم يضحكون....
والدة مليكة:اتلمي يا بتتتت وانتي عاملة زي زعافة السقف كدة....
قام سليم ينظر الي ملاك بتوعد....
ملاك:اية يا رجولة....انت هتمد ايدك علي نسوان زيي ولا اية....
بعدها كانت مليكة تعلق في اللف الرئيسي للستاير....
واكملوا كلامهم....
وكانت مي تنظر الي ملاك وتضحك علي ملاك التي كانت متذمرة وتربع يدها....
ملاك:طب هاتوا حتة جاتوة طيب تسليني فوق....
تجهلوها....مما ذادها تذمر وغضب....
اتفقوا علي كل شئ....
سليم:اية رأيك يا مليكة....
مليكة:عايزة اتكلم معاك شوية يا سليم....
والدة سليم:طيب خلاص يلا يا ام مليكة نسبهم مع بعضهم شوية يلا يا مي....
خرجوا....
فإبتسمت ملاك لكونها في الغرفة وسوف تسمع كل شئ لكن فوجئت سليم يتجة لها....
سليم:مش كنتي عايزة تنزلي....
ملاك:لا لا دا حتي هنا طراوة اوي السقف بتاعنا حلو اوي....والهوا هنا هوا بحري كدة يرد الروح....
انزلها سليم تحت تذمرها والقها خارج الغرفة....
سليم:اية بقي يا عروسة مش انتي بتحبيني بردوا....
مليكة:....اي.اية....
سليم:وانا بحبك كمان....وبحبك من اول يوم شوفتك فية وكنت عايزة اشوفك وافتح معاكي كلام بأي طريقة ان كانت....بحبك يا قلب بابا....
مليكة:وانا كمان....
سليم:اية....
مليكة:بحبك يا بابا....
فتحت ملاك الباب وقالت:الجاتوة طب....
بعد مرور اسبوع علي حسب اتفاقهم كان زفاف مليكة وسليم كان حفل فخم وكانت مليكة متوترة جدا وبدل ملاك ان تهدأها كانت تفتح الاغاني وترقص هي واصدقائها....
بعد فترة دخل سليم ونظر الي مليكة التي كانت مثل البدر في جمالة....
قبل رأسها واخذها بيدة واتجهوا الي المأذون....
كانت مليكة لم تكن في وعيها طوال تلك الفترة واستيقظت من شرودها حتي تقول ما يقولونة في كتب الكتاب....وها قد قال المأذون جملتة الشهيرة:بارك الله لكما وبارك عليكما وجمع بينكم في خير....الف مبارك....
قام سليم واتجة الي مليكة ثم احتضنها....
بقوة وهي كذلك صم انفجرت مليكة من البكاء حتي بللت جاكيتة فمسح علي رأسها بحنان وقبل وجنتها بعشق وقال:بحبك....
مليكة:وانا بعشقك....
ملاك وهي تدفعة:يلا ابعد كدة....اية هنظيط....
ملاك:يلا يا عيال....ثم شاورت الي الدي چي ان يبدأ الاغاني....فقامت ملاك بالرقص واصدقائها ثم اخذت مليكة وعدوا عن سليم الذي خبط كف علي كف....انتهي الفرح وكل منهما ودع اهلة....
واتجهوا الي المنزل....وفي الطريق....
مليكة:احنا كدة اتجوزنا....
سليم:اة بيقولوا....
مليكة:والمفروض اسمع كلامك وكدة....
سليم:اكيد....
مليكة:واروق واغسل واغير للعيال ويطلعلي كرش....
سليم:حصل....
مليكة:حصل في عينك....دا عند امك....
ضحك سليم....
مليكة:انت يا زفت....
سليم:ايوة....
مليكة:طبعا انا مش محتاجة اقولك اني زي زيك....
سليم:اومال....
مليكة:يعني هنطبخ سوا انا يوم وانت يوم صح....
سليم:عارفة نتلم في بيت واحد بس واقسم بالله مهرحمك....
مليكة:بس يلا....
بعد مرور ثلاث اربع اشهر....
سليم:مليكة انا جيت....
مليكة:اة حمدالله علي السلامة....وانا هحضرلك الاكل ثواني ويكون جاهز....
ابتسم سليم:هطلع اغير وناكل سوا....
مليكة:طيب الترينج بتاعك علي السرير انا محضرهولك....
سليم وهو يغمز لها:ابويا انا علي الزوجة القمر....
بعد الغدا
مليكة وهي تقوم من علي الطاولة عندما لحاظت ان سليم انهي طعامة:ثواني وهعملك الشاي....
سليم:كملي اكلك الاول....وبعدين هقوم اعمل انا....
مليكة:لا انا هعملة....
سليم بغضب:هتقومي من علي اكلك عشان تعمليلي شاي....يكش اطفحة....
مليكة:ا.انا اصلا مجهزاة هفرغة بس....
في اليوم الثاني....
سليم وهو يفتح باب الشقة:مليكة....
#مليكة
كنت قاعدة في البلكونة بشم هوا كنت تعبانة جدا....الي هو كنت واقفة في المطبخ وفجأه بطني قلبت عليا....جة علي البلكونة....
مليكة:انا اسفة والله....
سليم:اسفة علي اية....ومال وشك عرقان كدة لية انتي فيكي حاجة....
مليكة:انا كنت بعملك الغدا والله بس فجأه تعبت في قولت ارتاح وارجع اكمل بس انت جيت بدري بس متخافش علي ما تغير هدومك هكون خلصتة بسرعة....
سليم:انتي اتهبلتي....يتحرق الغدا والي عايز يتغدة....لما تعبتي متصلتيش بيا لية....
مليكة:محبتش اشغلك....
سليم:اقعدي يا مليكة ارتاحي علي ما اجبلك مسكن....
بعد وقت كانت مليكة تجلس تشاهد التلفاز....
سليم:يا بتتتت....
مليكة:نعم....جاية اهو....وصعدت الي سليم بسرعة....
سليم:القميص الكحلي بتاعي متعرفيش فين....
مليكة:ثواني ادورلك علية هو كان هنا....لا بس انا طبقتة وحطيتة في الرف الرابع....ثواني بس متتعصبش عليا والله هدورلك علية بس متزعلش....
سليم وهو يتجة لها:مليكة اهدي....
مليكة بدمعة:انا مش فاكرة والله....بس هقلبلك الدنيا علية....
سليم وهو يمسك كتفيها وينظر لها بحنان:مليكة انا معنديش قميص كحلي اساسا....
في يوم من الايام كانت تجلس مليكة بملل....
فإتجة سليم اليها بمرح وقال:مليكتي مش عايزة تخرجي....
مليكة وهي تعتدل في جلستها:الي انت عايزة انا موافقة علية....
سليم:يعني ليكي نفس تخرجي ولا مش قادرة ولا اية النظام....
مليكة:انا عايزة اعمل الي يرضيك وميخلكش تتعصب عليا وتتضربني....
سليم بإستغراب من كلامها فأكمل بمرح:اتعصب عليكي....اضرب....قومي يا بنتي البسي ويلا نخرج....
مليكة:حاضر....
بعد يومين....
سليم:هتاخر النهاردة في الشغل عندي اجتماع مع سكرتيرتي....
مليكة:هستناك علي العشا....
سليم:يعني مش هتزعقي...
مليكة:اكيد مقدرش اعمل كدة انت جوزي وانا بحترمك ومعرفش ارفع صوتي عليك....
سليم:انتي كنتي بتغيري عليا قبل الجواز اكتر من كدة....
مليكة:متكبرش الموضوع....
سليم بتنهيدة:انا منعديش اجتماع ولا زفت انا جاي علي الغدا....
مليكة:تيجي بالسلامة....
بعد يوم....
مليكة وهي تلعب في يديها بتوتر:يعني يا سليم لوسمحت....
سليم:مالك مرتبكة كدة لية....وبتفركي في ايدك بالطريقه دي....
مليكة:هو انا عايزة اطلب منك طلب لو هيدايقك كأني مقولتهوش وهتاسفلك....
اعتدل سليم في جلستة ونظر لها بإهتمام....
سليم:اقعدي يا مليكة واقفة لية....
مليكة:شكرا....
سليم:أستغفر الله العظيم يارب....اية يا بنتي متتكلمي خايفة من اية....
مليكة:طب بص خلاص اصلا مش مهم....
سليم:قولي يا مليكة عايزة اية....
مليكة بصوت منخفض:م.م.ماما وحشتني....
سليم:تقومي نروحلها طيب....
مليكة:هو ينفع....
سليم:واية الي مينفعهوش مش فاهم....
#مليكة
قومت لبست بسرعة جدا....هي اصلا كانت وحشاني من زمان وكانت خايفة اقولة يزعق....
مليكة:انا جهزت....
ابتسم سليم وقال:حلوة اوي....
مليكة:تسلم....
ذهبوا الي والدة مليكة....
مليكة:يا مااااامااااا....والله كنتي وحشاني جدا....بس معرفتش اجيلك....
والدتها وهي تحتضنها:دة انا كنت قولت نسيتيني والله....
#مليكة
قضيت معاها اليوم كلة وعمر كان معانا....كنت بضحك بصوت عالي وبهزر....كنت فرحانة اوي انا عايزة اتطلق وارجع اعيش معاها تاني....
وفي المساء....
اتجهوا الي بيتهم مرة اخري....
سليم:ما بتعرفي نضحكي وتهزري اهو....
مليكة:اة بعرف....
سليم:امال اية طيب....
مليكة:اية....
سليم:عايز اتكلم معاكي يا مليكة....
مليكة:حاضر....
سليم:اطلعي غيري هدومك علي ما اعملك حاجة دافية....
#مليكة
نزلت وانا 100 شك في دماغي....عقلي هيقف من كتر التفكير طب هو انا عملت حاجة غلط....طب هو هيزعقلي....طب انا معملتش حاجة والله....
لقيتة قاعد علي الركنة ماسك فونة واول ما شافني قفلة وحطة جمبة وبصلي بتركيز....حاولت اخفي الدموع الي اتراكمت في عيوني واتكلمت....
مليكة:انا اسفة علي اي حاجة غلط عملتها....اكيد مكانش قصدي وهصلحها وارجها زي الاول....
مسح عي وشة واتكلم....
سليم:ينفع تقعدي جمبي....
#مليكة
اتحركت بتوتر وانا بقدم رجل وبأخر التانية وقعدت علي بعد بسيط منة....
سليم:قربي اكتر يا مليكة....
#مليكة
قربت....رفع ايدة في اتحركت بسرعة قبل ما يضربني....
سليم:انتي خايفة مني....
مليكة:....
سليم:تعالي يا مليكة....
#مليكة
رجعت مكاني تاني جمبة....مسك ايدي بحنية كان بيضغط عليها ببطئ....بص في عيوني بنظرة دافية....
سليم:هو انا غصبتك علي الجواز مني....
مليكة:لا....
سليم:حد غيري غضبك طيب....
تحدثت مليكة سريعا وقالت:لا انت كنت راضية والله....
ابتسم سليم:طيب حلو....امال انتي كدة لية....
مليكة:كدة ازاي....
سليم:بحسك بتخافي مني....بحسك بتبقي مرتاحة طول ما انا مش في البيت....لما بتشوفيني ملامحك بتتغير....هو انا بخوف....انتي مش بتحبيني....
مليكة:بحبك والله....ب.ب.بس بخاف....
سليم:انتي عمرك مخوفتي مني....انا دايما كنت سندك....دايما كنت مصدر امانك....
مليكة:....
سليم:اتكلمي....انا معاكي....ازاي مش مطمنة وانا موجود ازاي مش مبسوطة بوجودي زي زمان....
مليكة بدموع:خايفة اتكلم....كلامي ميعجبكش وتتعصب....
سليم:يا الله....انتي ازاي شيفاني بالطريقة دي....هو انا اذيتك قبل كدة....عملت حاجة ضايقتك مني....
مليكة:الوضع اتغير يا سليم....بجوزنا كتبت علي نفسي الخوف....
سليم:مفيش حاجة اتغيرت....انا سليم وانتي مليكة...البيستات والجيران الي بيحبوا بعض انا زي ما انا يا مليكة....
#مليكة
مبقتش قادرة لحد كدة عيطت بصوت عالي انهارت....قرب مني شدني علي صدرة حضني فضل يهدي فيا ويقرأ قرآن وهو حاطط ايدة علي قلبي....
سليم:كفاية بطلي عياط....مش هنتكلم في الموضوع دة تاني....خلاص اسف....
#مليكة
مكنتش عايزة اطلع من حضنة....والله وحشني....وحشتني ايام زمان لما كنت بروحلة....اعيطلة ويطمني فضلت كتير حوالي ربع ساعة وهو بيضم فيا زيادة....
طلعت من حضنة ومسحت دموعي بهدوء....
مليكة:سليم....
سليم:عيوني والله....
مليكة:مددلي رجلك....
#مليكة
مدد رجلة....بسرعة رهيبة نمت وفردت جسمي علية....مسكت ايدة في شبك صوابعي بصوابعة....بدء يمسح علي راسي بحنية الدنيا كلها....
مليكة:هتسمعني....
سليم:من 4 شهور جواز بتمني اسمع الجملة دي....
اتنهدت وضغط علي ايدة زيادة كنت باخد منها القوة....احنا نعرف بعض من سنتين ونص اكيد صحاب وكنت دكتوري في أكيد عارف عني كل حاجة عارف عقدتي....عارف ان كل علاقات الجواز الي حواليا فاشلة من اول علاقة ماما وبابا الي كان بيمسيها بعلقة ويصبحها بعلقة....الي لو في يوم تعبت ومعملتش اكل مثلا يومها مبيعديش علي خير وبيفضل يضرب فيها....الي لو سئلها علي حاجة وهي مش متذكرة مكانها اوي بيفضل يهين فيها ويضربها....كانت ممنوعة من النقاش معاة هو السيد وهي العبدة الي المفروض تسمع الكلام بس....كانت ممنوعة من انها تروح عند اهلها او امها مثلا تيجي تزورها كانت مبتنامش طول الليل من الخوف منة متخيل....كانت بتبقي سامعة الاذان وخايفة تصلي لك ان تتخيل كمية الوجع والحزن الي انا فيهم....انا عرفت الخبر محيت حكايه الجواز او الارتباط من قموسي....اتعقدت خوفت....الجواز عندي بقى بيساوي الحزن والضرب والإهانة بقيت اكرة كل الرجالة بقيت اما اشوف راجل بيبقي هاين عليا اقتلة والله عداك....برغم دة كلة اما اتقدمتلي كنت فرحانة ووافقت اتجوزك وكنت عارفة ان بالايام حياتي هتتحول لسواد بس عشان بحبك وافقت وقولت عادي اما استحمل منة الي يعملة فيا في عشان كدة انا دايما خايفة منك دايما بحاول ارضيك في طلب واحد بس هطلبة منك لو غلطت بلاش تقسي عليا جامد عشان انا بحبك والله وميبقاش قصدي ازعلك او اضايقك....براحة عليا عشان انا مش حمل ضرب....انا شوفت حزن وغم كتير اوي في حياتي في خليك حنين عليا ولو حاجة بسيطة....واوعدك والله اني هحاول علي قد ما اقدر مزعلكش....انت انت بتعيط ليه....
سليم ببكاء  شديد:م.مكنتش عارف مكنتش عارف والله....يعني الي فات دة كلة كان خوف مني....من ان اضربك او اضايقك....دة انا عيشت الفترة الي عرفتك فيها كأني اتولد من جديد كأن السنتين ونض دول حيتي كلها قعدت الفترة دي كلها احلم بيكي واحول اقرب منك....عيشت حياتي كلها احبك....انا انا غير انا مختلف....
مليكة:انت بتحبني صح....
سليم:انا معنديش غيرك....معنديش اغلي منك عشان احبة....
مليكة:اطمن يا سليم....
سليم:انتي واثقة فيا....
مليكة:اكتر ما واثقة في نفسي والله....
سليم:بتصدقي وعودي....
مليكة:لدرجة لو وعدتني ان لو رميت نفسي في النار ومش هتحرق هرميها والله....
سليم:اوعدك انك مش هتشوفي يوم وحش في حياتك جمبي....
#مليكة
حضنتة وانا حاسة ان خلاص كدة الدنيا مبقاش فيها حاجة تتضايق مبقاش فيها حاجه تخوف....الدنيا بقت ملكي...
سليم:عايز اقولك حاجة اخيرة....
اتكلمت وانا لسة دافنة نفسي في حضنة ومغمضة عيوني:قول....
سليم:انا ابوكي قبل ما اكون صاحبك قبل ما اكون جوزك....الاب مبيعرفش يقسي الاب بيعرف يحن وبس....واذا مكانش حظك قبل كدة حلو مع ابوكي في انا عايز اقولك ان ربنا عوضك بيا....انا عوضك....
مليكة بضحك:يا ولا يا واثق....حد يقول علي نفسة عوض....
سليم:والله وحشتني ضحكتك من 4 شهور....ارجعي زي زمان يا مليكة....
#مليكة
يمكن اول مره في حياتي احس براحة....احس ان قلبي مطمن....احس اني مش خايفة احس ان كل حاجة بخير....
بعد شهر....
مليكة:سليم خلصت المواعين....
سليم:اخر طبقين اهو....
مليكة:ليك 3 ساعات في مواعين الغدا بس....
سليم:يا شيخة منك لله ما انتي لو بتعملي اكل زي البني ادمين انما ازاي لازم تخلصي مواعين البيت كلها عشان تعملي صنية بطاطس لا ومن غير لحمة كمان....
مليكة:مش تحمد ربنا اني بطبخلك اصلا....
مليكة:عايزة 1200 جنية....وتفضيلي نفسك بكرة....
سليم:افضيلك نفسي....و1200جنية دة انتي قلبك مات بقي....
مليكة:هننزل نجيب طلبات الاسبوع....اية انزل لوحدي....
سليم:انتي لية مش زي اي ست نشيطة بتنزل تجيب كل حاجة وتفاجئ جوزها بالفتورة في الاخر....
مليكة:طب ممكن ابقي زي اي ست كسولة واديك لستة قد كدة وتروح تجيب لوحدك....
سليم:انتي مبترجعيش زي الاول لية....
مليكة:ولااااا....
سليم:قلب الولا هننزل بكرة حاضر....
بعد يومين....
مليكة:سليم هتأخر النهاردة عند ماما....تعبانة شوية....
#مليكة
كان هو في شغلة....وكنت عند ماما كان موصلني قبل ميروح الشغل ومتفقين انو يعدي عليا ياخدني وهو مروح....
سليم:مالها ماما يا مليكة....
مليكة:صدرها تعبانة شوية وبتكح....هفضل هناك عشان اخد بالي منها وانت مروح احود عشان تتغدة....
سليم:طب انا هحود علي بيتنا اجيبلك بجامة عشان تعرفي تقعدي براحتك واجي....الف سلامة علي ماما....
مليكة:تسلم....
**
سليم:ادخلها اطمن عليها....
مليكة:انت عبيط....هتستأذن في بيتك....
سليم:مش الحكاية....مش يمكن خالعة راسها....
مليكة:دي امك يا اهبل....المهم تاكل اية يا حب....
سليم بضحك:جبنة بمربي....
مليكة:لا بص احنا  مش في بيتنا عشان نعمل العبط دا تمام....تمام....
سليم:طيب مولخيا وقطعي فيها بطاطس....
مليكة:لا انا غلطانة اني سألتك....طب انا بستحمل العك دة وباكل منة عشان انت قرة عيني ونينينينيني لكن الناس ذنبها اية....
#مليكة
اتغدينا....وسليم طلع قعد في البلكونة....في دخلت جيبت بطانية من جوة وروحت وقفت قدامة شدني في قعدت علي رجلة واتغطيتنا بالبطانية كان محاوطني بايدة الي بتدفيني من جوا وكنت نايمة علي كتفة ومتبتة في حضنة....
مليكة:السما جميلة اوي....
سليم:اوي....
مليكة بغضب:اي دة مش هتقولي انتي احلي....
سليم:احنا من امتي واحنا بنتموحن علي بعض....
مليكة:هتتموحن عليا ولا انكد عليك يا روح امك....
سليم وهو يسحب يدها ويقبلها ثم قال:يا بنتي انتي احلي من احلي حاجة والله....
ضحكوا....
مليكة:عارف انا عمري ما كنت اتخيل اني اتجوزك....
سليم وهو يرفع حاجبة:اشمعنا....
مليكة:انا كنت شيفاك من منظور تاني خالص....الي هو انت صاحبي الوحيد واخويا ساعات ابني كتير بابا بس جوزي جوزي كدة دي عمري ما فكرت فيها....
سليم:بالعكس بقي....انا اعرفك من سنتين ونص ويمكن اكتر عمري ما شوفتك فيهم  صحبتي اصلا....
مليكة:والله....
سليم:اة والله....كنت بحبك جامد اوي الي هو كنت شايف علاقتنا من نوع الصحاب الي بيقعوا في حب بعض وبيتجوزوا في الاخر دول....
مليكة:كنت راسم من زمان يعني....
سليم وهو يغمز لها:قصدك بحبك من زمان....
#انا🙂
#الرواية
احنا بس محتاجين نطمن....محتاجين كلمة بحبك كل شوية....محتاجين نضمن وجود الي بنحبهم احنا بس محتاجين الامان....
وتحت مقولة اختر لقلبك ما يليق بة....اخترتك....♥♥
تمت بحمد الله♥️❤️

صلوا على النبي ﷺ ♥️
تصويت وكومنت فيه تصلوا على النبي ﷺ ♥️
وكومنت فيه رأيك
بحبكوا 🖤

#라온ㅏ
#Reno_Rewanta
#Comedy_novels
#عصابة_رينو
#عصابة_ريوانتا
🧜🦈