طلعت ...من غرفة الحجي واني كلي حيرة بكلماتة...الي كالهة الي ...نزلت الدرج واني اريد ادور على رؤى....واباوع على الكلادة الحلوة واتلمسهة.....لحد ماانضرب بشخص....اباووع هذا جهاد....لكيت نفسي بحضنة كاعدة واسمع لهث نفسة ونبض ايدة الي كمشتهة واني ماادري ....رفعت عيني بعينة...واشوف ملامح وجة القاسية ونظرتة المضطربة ...حاولت ابتعد عنة وارتكز على رجلي ....
لمحت عبايتة الي وكعت على الدرجومهتم الهة وكمل طريقة بصعود الدرج .... جان صاعد يركض ومتوتر....مو على عوايدة يتصرف هيج لان دوومة
جان واثق الخطوة من يمشي.....
عرفت اكووو شي جبير صار خلاة مينتبة لنفسة ...
كمت رحت اشيل عبايتة ....وشفت المسدس مالتة واكع....
اخذتة ....وكلت من ينزل انطي الهة ....
وبهاي اللحظة شفت رؤى ....كتلهة شكو اخوج اشبي يركض ...
وانتي اشبيج ضايجة
_مو شكرة ....عدهة ولادة ...او ولادتة متعسرة
_يااااا ....الله يكومهة بالسلامة ...شتصير منكم
_هههههههههه.....اي كرابتنة من بعيد.....
والله ضحكتيني ....ولج هاي المهرة مال جهاد...
اليوم ولادتة راح يجيب الدكتور ...ملكاه موجود مسافر جاب المساعد الدكتور بس مسوة شي الهة ....هسة راح يرووح يشوف دكتور غيرة
...بهاي اللحظة احس خطواتة الي تركض من الدرج ...واتجة اخذ مني العباية والسلاح من ايدي بدوون ميباوع علية ....
حتى مكدرت احجي كلمة ....
..باوعت لرؤى ....وكتلة ...ياريت لو اكدر اساعد ...بس اعرف اخوج مراح يقبل
_اشلون اتكدرين
_انتي نسيتي اني دكتورة بيطرية ...وهاي مهمتي
يااااا اي صح ....والله فكرة ...ليش مانرووح البسج عباية وبسرعه انروح ونجي يجوز صدك ادكدرين اتساعين ....بس اذا الشيخ درة ....
والله يمكن يدفني حية لان طلعتج ....
...بس راح اغامر واطلعج......
...لبيت العباية ...ورحنة ركض للاسطبل الي مو قريب ولا بعيد عن البيت ....وجان المكان بهذا الوكت محد متواجد بي ...
بس كانت انفاسي الي تصعد وتنزل بصعوبة من الخوف اذا اشوفة كدامي شراح يكوون الموقف وصلت للاسطبل بصعوبة.....
اول ماشفة المهرة....اشتاقيت وخنيت المهنتي رحت علية ....والمهرة رفعت راسهة اتشوف منو هذا الي راح ينقذني من الوجع..
مسحت على ركبتة وكتلة ....اشلونج شكرة ..ان شاء الله ولادتج سهلة....
بهاي اللحظة الدكتور اتفاجىء بوجودي...
وباوع لرؤى ...كانما يكوول هاي منو...
_هاي مرت اخوية ...الشيخ
دكتورة بيطرية ...
_اهااااا اهلا وسهلا دكتورة ...والف مبروك
...جان الدكتور بنفس العمر لشهد...
...كامت شهد...وهي اتكول الله يبارك بيك دكتور ...اريد منك تشرحلي الحالة
....ظل يشرح الحالة الة .....وبالاخير كالت سهلة ان شاء الله ...اني اتعلمت اشلون اتعامل وي هاي الحالة ....راح تطلب منك اتساعدني
_اي دكتورة اكيد ....
....ظلينة نشتغل اني والدكتور بحدود الساعه ...لحد ما طلع الوليد الصغير.....وكامت اتهلهل رؤى.....
جانت فرحتي واني اللهث من التعب متنوصف....
كام الفرس الصغير على رجلبة واتجهة لامة يعانقهة ....
..من شفت الوليد الصغير وهو يقترب من امة وامة اشلون متلهفة علية دمعت عيني ....لان مشفت الحنان من امي ولا حضيت بي جانت دووم قاسية وياي..والي ماسئلت علية من اتزوجت لحد هسة
التفت الدكتور الي ....
_طبعا...انتي دكتورة موهوبة ...بدوون مجاملة واتشرفت اني اتعرفت عليج
_ابتسمت ...شكرا دكتور وانت كذلك اكيد والي الشرف ...
...ركضت الي رؤى وهي اتبوس بية ....
_عفية عليج مرت اخوية ..والله سباعية ....
جنت فرحانة ....بس كل هاي الفرخة راحت واني اسمع عيطة....مثل الرعد ...
والي فزز الكل الي متواجد بهذا المكان...
..
_انتم شكاعد اتسوون هنا.....جانت ضرختة كافية بان اتفززنة ثلاثتنة ...
باوع على رؤى ......بعيون تجدح ...اشعندج ولج هنا ...اشجابج ....ونظر الية نضرة حادة كفيلة اتخليني ارتعش بمكاني .....
بس حاولت اكمش نفسي كدامي وماابين ضعفي الة ولا انهزامي او خوفي منة ...
