دخل رافد لديوان جهاد والي جانو مجموعه من الشيوخ يريدون يطلعون ...اتقدم الهم وسلم عليهم ...اتعجبو من وجودة وسلمو وطلعو ...
اتقدم رافد لجهاد ..والي جهاد كام الة وسئلة
_خير رافد اشو اشوفك هنا
_اني جاي الك موضوع شخصي
_خير....ان شاء الله حجاهة وهو مطايقه
_اني يفرحني اتقدم واتشرف واطلب اختك الكريمة ...
...اتفاجئت من طلبة ....وحجيت وياه بسخرية
_وانت من اجيت تطلب ماتدري هي مخطوبة
_فز من مكانة وكال لا ماادري بيهة بس اعرف هية انطلبت لابن عمة وانتم رفضتو
_اي صح واتقدم مرة ثانية ....واحنة بعدنة ماراديلة خبر...
_يعني وهسة ...
_يعني اذا ابن عمة ما انطيناهة الة ..نطيهة الك ...جانت نضراتة الة بيهة نوع من الاستهزاء...
_ليش ....قابل اني حاي اخذهة على طمع ترة الي عندك عندي ويجوز ازيد .....حجاهة وهو بالكوة ضابط نفسة ...ومايريد يتصرف تصرف يندم علية ....
_ههههههههه على كيفك لا خير عندك ندري بس اني اعرف انت ليش اتريد تزوج اختي ...علمود تكسرني....مثل ماكسرتكم من اخذت بتكم غصب عنكم
_هو هذا تفكيرك .....مع الاسف هاي النضرة بعينك ...واني ميشرفني احد ايدي بيدك لان كلمن يشوف الناس بعيون طبعه....واني مقهور على شهد ماخذة واحد مثلك....
وطلعت واني عيوني بكصتي ...ولو باقي اشوية يمكن اكتلة خلاص
.....طلع ونظرات جهاد وبعدهة ضحكتة الي بشفاه المرسومه بحقد
.............
دخل جهاد للبيت مثل الثور الهايج ....ويصيح بعلو صوتة
رؤى.......جانت صرختة كفيلة بهز البيت كلة ...وخلة رؤى رجليهة متشيلة هي وشهد من الخوف....والرعشة الي بيهم ...
_لتخافين رؤى هلي نطلع واحجي عادي لتبينين اكو شي ...
_ولج اشلون متسمعين صوتة اليوم يذبحني
....طلعت رؤى وهي كامشة بايد شهد متكدر اتعوفة...
_ها خوية ....خير..
_تعالي انزلي....هنا يمي...
_جنت على الدري ومجلبة بايد شهد اخاف اروح بوحدي نزلت واني مااعرف شنو نهايتي راح اتصير
وصلت الة ....وهو يكول
_حصري نفسج بعد ايام خطوبتج
.....فزيت من الفرحة ووجي انترس بهجة
_صدك خوية ....
_اي صدك....ابن عمج محمد اتقدم واني وافقت
_شنو ...محمد ...انرعبت من سمعت نزلت على ايدة وابوس بيهة ...لا خوية الله يخليك كلشي ولا محمد مااريدة ....ارفض رافد ...بس را تزوجني محمد
.....جرني من شعري لوحة وهو يباوع علية ولج اشمدريج رافد اجة اتقدم.....جنت اباوع عليهة بكل عصبية واريد اخنكهة
....واسمع شهد ..
_اني الي كتلهة
...انتبهت لشهد الي جانت واكفة وهي خاتلة من بعيد ودخلت بس من حست رؤى راح اتروح بيهة متعرف ليش ادخلت...ورادت تنقذهة...
...دفعت رؤى حيل ومشيت لشهد الي كامت تتراجع كانما قطار ويريد يدوسة ...وهو كل نظراتة شر تنتفض من وجة....كمشتهة من جتفهة وهزيتهة ....
وكلت بصوت يطلع من جوة سنونة لشدة العصبية الي بيهة هو..
_انتي تتصورين اخلي رؤى اتصير مثلج ....رخيصة اهلة عافوهة ....محد اهتم الهة
وجاية هسة اتريدين اتنفذين مخططج انتي وابن عمج ...لا والله لو جان اخر يوم بحياتي ماانولهة الكم لا انتي ولا ابن عمج ....ومستحيل رؤى تدخل لعشيرتكم وتصير منكم....
انتي اتسمعييييييييين .....حجاهة وهو يصرخ بصوت عالي ...
...مكدرت احجي حسيت لعبت نفسي من كلماتة ومكدرت اعرف ارد ...
...التفت لرؤى وكال روحي جيبي موبايلج ابسرعه ....ركضت رؤى وصعدت الدرج ...وهي مقهورة على شهد ...لان عرضت نفسة ..علمودة...
وجانت مهتمة تمسح شكو....ارقام ورسائل بيناتهم ...لان لو يدري بعلاقتنه يمكن يفصل راسي عن جسمي.....
....
متحملت اهانتة الي ولابن عمي ....واني وياه مشتركين علمود اناذي رؤى ....
رحت يمة واني مااعرف اشلون حجيت كل هذا الكلام...
_اني مقهورة عليك....
التفت الهة وهو النار متوهجة بي....واني عاقد حاجبي ..اتقدمت منة واني بطولي الي فارع الي بيناتنة....وانفاسي الي تصعد وتنزل بسرعه وكانما اريد ابدي عركة قوية...
_اي مقهورة حيل ....لان كل هذا الحقد والغل الي بكلبك شايلة والسواد الطاغي.....شايلة بكلبك...اشرت بايدي على صدرة ....انت اشلون عايش حياتك وبدت ادموعي تنزل بدون مااادري ولا احس...
اشلون تكدر اتعيش يومك وانت كل هذا الحقد بكلبك ومتوقع الناس كلهة مثلك ....
لا مو كل الناس مثلك لان بس انت ...الي وحش والي انطلقت عليك هاي التسمية صح لان الوحش هو الوحيد الي ميحس ولا عندة مشاعر ومتوقع الناس مثلة.....وهسة انت ماباقي بس الحقد والانتقام والثأر هو هدفك ....الله يعينك على هذا ....حجيت هاي الكلمات وعفتة وركضت للدرج لغرفتي واتلاكيت برؤى الي نازلة اتربد تنطي الموبايل ...
نزلت انطيته الموبايل.....متحمل كل هذا الكلام شالة بدون ميحس وشمرة بالكاع واتفلش...
بهاي اللحظة دخلت الحجية ....الي جانت طالعه برة اتزور احد كرابتهم
...وتشوف البيت مكلوب ....
_تعال جهاد وراية.....سحبتة بكل هيبة من مكانة ...وهو كاعه مكدر يرفض ...ونشة وراهه لحد مادخلو لغرفته....
_اكعد وحجيلي اشصاير...
_حجية اشصاير....كام وهو ثاير يدري اي شي كدامة علمود يتعارك
_اكعد واحجيلي ....لتصير اعصاب ...
_يمة تالي وكت بيت ابو رافد يريدون يناسبونه ولكم صدك جذب ..اني انطي اختي لهذولة المهتلفين عشيرة الاحمدي...
...ضلت امة صافنة وعيونه تلمع....ممصدكة الي سمعتة
_يعني شنو منو طلبة
_رافد ...قابل منو اجة بمل جسارة وهو يطلبة
_وشكو بيهة ...حجتة ابكل هدوء ..
_شنوووو...فز من مكانة ....يمة اشو اني صاير ماافهمج شنو سالفتج ....مو هذولة الي جنتي ليل نهار تحجين بيهم وتريدين اتشوفين نهايتهم وتتمنين اتسمعين بس خبر بيهم مو زين ....شنو ابراسج حجية فرحة
_انت شفتني قبلت هسة ...اشمالك ولك اتسودنت وتحجي وياي هيج.....
بعاي اللحظة دخلت ابنية عمرة١٧ سنة شايلة صينية بيهة جاي....ودخلت للغرفة
_انتي ولج منو....
