طلعت الدرج واني مااحس برجلية ...مااحس باي شي ..طلعت واني مكسورة مهزومة...تعبانة
صعدت واني كل مشاعري بدت تحترك
بدت اعيوني تحترك وهي ترفض نزول الدمع ....
وكلبي ينزف ...فتحت الباب ...دخلت ظليت افتر بالغرفة ...مثل واحد مجرووح ومحد يكدر يضمد جرحة
حسيت اني اموت.....اي اموت هو هذا الموت بعينة
...بديت اسأل نفسي مثل المخبلة ...هو يريدني ....اي هو يريدني ....هو يحبني....لا ميحبني....
مو نفس الثقة الي جنت امتلكة قبل ساعات
اني مجنت الة وسيلة يحقق ثارة مني....وبعدين من عرف اني بنت خالتة العزيزة حب يعاملني بالحسنى...لاكرام خالتة
زين اني وين من كل هذا
مشاعري ...حبي الة والي اتعلقت بي لحد الوجع
ميهمة كل هذا....ميهتم لكلبي المجروح....
...هنا بدت تبجي ونزلت ادموع الي منعة كبريائها من ان تنزل ....نزلت واخذت ترسم على اخدودة ....بجت بكل قهر ...بكل الم ...لحد ماجفت
كمت واني هزيلة ...وتعبانة ....
دخلت للحمام غسلت وجي ....وطلعت ...وجنت ناوية هاي اخر ليلة هنا بهذا البيت
.......
انفتح باب الغرفة ....جان متلهف يشوفة نظراتة ادور عليهة ....وينه يريد يدثرها بعيونة يضمة لصدرة ....يحسسها بان هي الة انخلقت علمودة ....من اول يوم شافة وضمهة لذراعه بالمزرعه جانت مقسومه الة ....
اني روحي اتعلقت بيهة ....مااكدر اذا مااشوفة ...او اسمع صوتة ...الي كلة عذوبة....
ماارتاح اذا مااشوف اعيونة وتغطيني بابتسامة شفتهة...
....طلعت من الحمام ....واني مااريد اشوفة .منزلة راسي ...اتقرب مني ...ولزمني من جتفي
كتلة بتحذير
_نزل ايدك مني .....
....انصق من سمع حجايتة ....اتسمرت وبعدين حسيت نزلتة ...شنو الي صار
....حجت وياه هي بعدة دايرة ظهرهة ....وكالت
_احنى لازم نتطلق .....مااكدر اكمل وياك
....متحمل كلامة ....جرهة ولفهه علية ...وشاف اعيونة حمر ...او وجهة اصفر هزيل...
_انتي جنتي تبجين.....صفن عليهة ....
_شنو الي صار وخلاج هيج تحجين ....
....ردت علية بكل برود
كتلك ماكو شي ....احنة مامتوالمين ولا راح نتوالم اصلا هو هذا الي لازم يصير من زمان
_شنوووو حجاهة بعصبية انتي مخبلة هسة تجيني اتكوليلي احنة مامتوالمين ....مالازم انصير لبعض....اتريدين اصدك كل هذا الحجي....
هزهه حيل ...يريد يكعدهة من الوهم الي عاشتة ...ويكول
_انتي منو ....انتي مو شهد الي جانت قبل ايام بين ذراعي وبحضني ... وهي راضية بكل شي ...
......انتي منو.....حجاهة بصيحة
_اي صح ....اني مو شهد ....اني بنت خالتك
....انصعق وبهت من سمع ...وخر ايدة بهدوء من جتفهة ...وصفن علية ....وكال
_منو كلج ابوج
....ضحكت ضحكة هسيرية.....اتعبر عن الوجع الي بداخلها....وكالت
_ماكو فايدة بيك يبقة الحقد والغل ابكلبك ...كلشي اتريد اتذبة على بابا ...لان متصور بس همة يحملون هيج مواصفات.....
_انتي متعرفين شي شهد
....جاوبته ابرود .....وكالت اي ماافهم شي ولا اريد اتفهموني ...بس اريدكم اتعتقوني عوفوني ابوحدي .....طلكني
....الكلمة الاخيرة هزتة.....خلتة يصفر لونه
....رجع كمشهة من جتفهة وهو يهز بية
_انتي منين جبتي هاي القسوة....ليش هيج تحجين ...
ضحكت مرة ثانية بهستريا.....جبتة منكم مو طلعت عندي رس منكم واني ماادري
....ابتعدت عنة ....واني اباوع علية اريد اجيبة لدربب وانسيهة واحنن كلبهة
_بس اني كلشي سويتلج ....شنو يفرحج ...على كد معرفتي بس خاولت اسعدج....
_مجنت اتحاول علمودي ....جنت اوحاول علمود بنت خالتك ...مو شهد ....مو بنت سلمان
تذكر من جنت مااتصيحلي الا بهذا الاسم تعبيرا لكرهك النة....
شهد الي اتحملت كلشي منك خطفك والبتزازها ومعاملتك القاسية الهه
...بدة صوتي يهتز ...ويرتعش...معاملتني علمود شهد مو لان بنت سلمان ....جهاد ...انت عاملتني علمود ...امك بالطيبة.....
جهاد احجي وكول ...لو جنت مو بنت خالتك جان عاملتني هيج...
....ماادري ليش مجاوبتة ...ليش محجيت ودافعت عن نفسي ...ليش ظاكتلهة اني احبج قبل لااعرف بان انتي بنت خالتي.....والاكثر من هذا ليش مكتلهة ابوج رفض اخبرج
....ضليت صافن على كلماتة الصعبة والي متروسة الم وقهر.....
ليش ماببرت كل هاي الافعال الهة.....
ملكيت جواب مناسب لكل هاي الاجوبة....مكدرت اكذب كل الي كالتة
......اتقدمت مني وكالت ....
_اليوم مو هي نفسة شهد .....مو شهد الي تقبل تبقى بحضنك مو نفسهة الي اتحامي للكل وتخلي نفسة كدام المدفع ....مو اني ....ومن هاي اللحظة اريد انسى كلشي واريد افتح عيني الكة نفسي مو بالعمارة ....ويمكن لو طلعت
...اكدر ارجع شهد
....ضليت متسمر بمكاني واني متعجب بكلامة ...وعندي رغبة بقتلهة ....ورغبة اخذهة لصدري ....
متحملت ....اتجهت للباب وطلعت....
.......
طلعت واني رجلية اتمشيني ....مااعرف وين ...باي مكان مااحس باي شي....
مااحس الا واني بالاسطبل....دخلت واني النار تاكل بكلبي.....ليس هيج ....ليش اتسوين بيهة هيج
...كل مااكول اتقربت منج تبتعدين ...كل مااكول راح اظفر بحلمج الوردي ...الكاه سراب
صرتي مثل نجمة بعيدة.....بعيدة كل البعد....ماتكدر ايدي اتلوحج
....اااااااااه......صعبة حييل جهاد حيل صعب الظلم وخاصتا ظلم الي اتحبهم
بديت ازفر بقوة .....اريد اطلع النار الي بكلبي....
جنت متصور الي همة دواية هسة همة الي يجرحوني.....منو يصير دواي اذا اعز الناس اذوني...
...جان اصعب اسبوع بحياتي مرض ابوية ...وهسة زواج اختي.... والاصعب افقد اعز شي كلبي اتمناه وحبة ...
