سامحني
_انتي ماسويتي شي علمود اسامحج علية ....اني اريدج اتسامحيني لان قسيت عليج
......متحملت كلماتة لاختة كعدت على الكرسي ...واني اباوع علية ومتعجبة ....صح الي سمعتة ..هو اعتذر.....هو حجاهة لو اتي اتوهمت اني سمعتة.....
جنت اتمنى اسمعة منة .....بديت اريد افسر هذا الشي بدت عندي مثل اللغز الي اريد احلة.... اخلى مو لاجل شي لاجل عقلي وكلبي الي كل منهم يجرني بجهة ...والي كلبي بعد ميستجيب لكلمات العقل ...بعد مااكدر اسيطر علية....
..
_لا انت سامحني خوية لان شكيت انت صح كتلت رافد علمودي...وبدت تبجي
_هههنهه وانتي ليش مستهينه بنفسج....اي اكتل اي واحد يريد ياذيج ...صدكي رؤى ...مااسمح لاحد باذيج واني موجود....
شلت لكمة واكلته ....ابتسم وكال يلة انريد انسمنج علمود العريس من يريد ياخذج مايشوفج ضعيفة وينهزم.....
_ههههههههه..
حسيت بنفسي كملت مهمتي وي رؤى ورجعتة لطبيعتة المرحة .....والتفتت لشهد....بس بقة شخص...مااعرف اشلون اراضية...
اشلون اخلي يحس بية ويعرف اني من غيرة مااكدر اعيش بعد صار الية مثل الهوى والمي.....
..اشلون احصل على كلبهة ...ااااه لو اعرف اشلون
.......
دخلت الحجية على غرفة الحجي شافتة نايم ورادت طلع ...بس هو صاحلهة
فرحة.....
....ها حجي كاعد ....اتقدمت منة وكعدت
_جهاد رجع بالسلامه
_اتعجبنت ....انت تدري بالي صار
_ضحك ....يعني لان صرت عجوز ..عبالج ماادري بااي يصير برة
_لا حجي مو قصدي بس مااريد اتعبك وانت مريض
_اعرف حجية .....كولي سنو الي شاغلج
_دومك فاهمني حجي ..دووم تعرفني قبل مااحجي ...ااااه ...اني الي قاهرني ابنك ومرتة ..عبالهم اني مااعرف بلي بينهم...
_ضحك....الحجي وكال ...اوووووو عبالك التاريخ يعيد نفسة يافرحة .....نفس قصتي اني وياج تذكرين
....بدت على ملامح الحجية علامة الخجل كانما رجعة ٢٠سنة ليورة ....
...لتخافين عليهم راح همة يلكون طريقة او واحد يعرف الثاني.....وراح يتعلقون ويصيرون رووح وحدة بس يفتحون كلوبهم لبعض...
مثل مااني وياج روحنة وحدة....
ابتسمت الحجية ....ودنكت وباست ايدة وكالت محبيت احد مثل مااحبيتك.....
.........
الساعه الاربعة الفجر....وهو بعدة اعيونه مضاكت النوم نايم ويتكلب على ةلجرراية كانما جمر جوجواة
....جنت اعرف ليش ماانام ....هي الي سلبت النوم مني وراحت لغرفه رؤى تتحجج بمرضهة ...جنت تدري هي حتى لو موجودة راح تبقة على قنفتهة..وتنام بيهة .....بس هذا يكفيني مااريد شي ...المهم تبقة وياي بنفس الغرفة ...ونفسهة يختلط وي نفسي
...متحملت ابقة ....رحت كمت فتحت ااباب ورحت لغرفة رؤى....فتحت الباب على كيف ....مديت راسي ...اشوف بس رؤى نايمة وهي ماكو ....التفت...واشوف احلى شي بحياتي ...اروع منظر وهي بجادر الصلاة وتصلي .....رحت اقتربت منة وكعدت اتانيهة اتكمل....
كملت صلاة وكامت اتسلم التفت....فزت وكالت اعوذ بالله من الشيطان الرجيم....
....اني متحملت ...ضحكت بصوت ناصي مااريد رؤى تكعد ....كتلهة ...
_رحم الله والديج ...هي هاي الكلمة الي اتكولهة الي من طلعت من السجن ....حجيته بمكر وابتسامة .....حاولت ماابتسم ....وجانت انفاسي تتصاعد من فزتي.....
...انوبة جاوبهة وهو يشاكسه.....اني جوعان
_اجة دورهة علمود ماتضحك ولا اتبين ابتسامتة بس مكدرت ....وحمدت الله الغرفة ضلمة ومشافهة
_حاضر....
نزلت الدرج والابتسامة على وجهة وهي تدري هو وراهة يمشي...
دخلت المطبخ ....ولكتة دخل وراهة....
_انت روح اكعد بالهول واني احضر الك الاكل....
_لا عادي ابقى يمج لحد ماانروح للهول
.....اشلون افهمة ...اذا هو يمي مااكدر اسوي اي شي....وتتخربط اموري
.....سويت الي اكدر علية ... لكيتة كاعد يباوعلي وماتركني ابد شلت الصينية ورحت للهول حطيهة على الميز....وهو يمشي وراي مثل الطفل الصغيريتبع
كعد على الكرسي ...وردت اروح بس كمش ايدي وكال ...اريدج يمي اتكعدين
كعدت واني ضايجة اريد اروح ...عرف ممرتاحة بدة ياكل ويباوع علية
...اشوكت يخلص هذا العذاب ...هو ياكل وبس نظراته علية وجنت متاكدة حتى ميعرف شنو ياكل ....ارتبكت حيبل اريد اشغل نفسي بشي ....
....اني مجنت اكل ....جنت اكل الشهد ....مااعرف شنو نوع الاكل ..بس الي اشوفة هو بس الشهد كدامي....
واخيرا خلص....من الاكل ...ارتاحيت اخذت الصينية للمطبخ ....وبديت اصعد الدرج ....وهو وراية وكلت راح اخلص واني فرحانة ...مااحس الا شي رفعني من الكاع ....واني ممفزوزة شنو الي صار .....اشوف نفسي اني بين اذراعه شايلني ...ودخلني لغرفتي....واني محسيت على نفسي شلون وصلت لهنا....نزلني وهو يضحك على وعابير وجي
...غرفتج اولى بيج من رؤى ....وهي صارت زينه بعد....وغمزلي بعيونه ...وراح دخل الحمام
شفتة اتوضىء....يريد يصلي
...رحت فرشت سجاتي اني هم ...وكال
_انتي موصليتي الفحر
_ابتسمتلي ..لا صلاة بما في الذمة ....
اهااا لعد راح اصلي وصلي وراية ...
بدو الصلاه وبدت دعواتهم تهتل لسبحانة وتعالى ...فهناك الكثير من الاماني لكلاهما
يتبع
