فتحت عيني بتثاقل ...واني اكول ..حتى باحلامي اتوجعيني....بديت احس دفو بايدي ...التفت واشوفة كامشة كف ايدي وحاضنتة ...وراسهة على فخذي...حسيت بحنيتة ابتسمت وكلت
_هو هذا الحلم الي جنت احلم بي...
لكيت شعرها مطشر على وجها ...خصلاتة الي اتثيرني دومة ...
سحبت ادية على كيف....ورحت اشيل الخصلات المتناثرة على وجهة اريد استمتع بيهة ..بديت ارفع واحسة فزت هي اتباوع علية بوجة ناعس...
......
جنت نايمة وسمعت الاه مالتة عرفت يتوجع رحت صحت الدكتور انطاه مسكن.....اتقربت منة وهو بعدة نايم ...مكدرت اعوفة بقيت لحد ماكعد وهو يتابع نومتي....
حاول يغير تعابير وجة ...كتلة
_صباح الخير...واني مبتسمة
_صباح الخير بصووت تعبان
....امبين جوعان اروح اسويلك اكل....
_مو كلش......طبعا هو ميت من الجوع
_شنو هذا اكل المستشفى ..ابد مطيب راح اسويلك اكل ترتاح علية
_ابتسم الة ...وكال ..امبين اتعلمتي على اكلنة ...مو اتوجعتي منة بالبداية
....ضحكت على الي حجاة ....حسيتة ارتاح على ضحكتي...وكتلة ...اني منتوجعت من اكلكم اتوجعت من الكمية الي اكلتة ...
ابتسمت وهي اتكول اريد اكوم وانت اتكول اكلي ....اكلي ....لحد ما ردت اتقيىء
....اتغيرت ملامح جهاد ....وكال
_اني هيج جنت قاسي
....سكتت متوقعت يجي يوم ويسالني هذا السؤال...حتى احتاريت شكول
_ابصراحة جنت اكرهك
_او هسة
....او هسة....افتح حلكك دخلت لكمة بحلكة وهو عاقد حاجبة ...وهي تضحك علية...
.....
دخل سلمان هو بنتة لغرفة جهاد ...يريد يسلم علية قبل لايسافر....
_مااعرف اشلون اتشكرك دكتور يكولون اتبرعت بالدم...
ضحك....سلمان وكال لاتشكرني الي طبعا مقبلت شهد يتبرع بالدم غيرهة....لحد ماخفت علية ورجعت اني انطيت....
...مجان يدري جهاد هي متبرعة بالدم يعني الدم تاي يجري بشرايني دمهة ...يعني دمهة دخل بكلبي علمود يعلن تدفق الدم بكل جسمي...
هسة عرفت احلامي ليش الة .....وليش كلبي ينبض بحبة زايد ....هي صارت ملكة بروحي وبكلبي لتعلن للكل محد يدخل هذا الكلب غيرة...
جنت اباوع علية كانما ماكو احد ثاني يمنة ....
...حس سلمان ....بشعور جهاد ...وكال
_يلة ياشيخ احنة نطلع حبيت اسلم عليكم ...ويارب عدكم العافية...
_الله يخليك دكتور ....مع ااسلامة توصل بالسلامه
....راد يطلع الدكتور وغمز على بنتة ...وخلاهة تخجل وتوصلة للباب....وكال الة كلمات متكدر تنساهة
"اني من رحت اتقدم لامج مرة وثنين وثلاثة ...جنت اعرف راح انرفض بس ميأست ابد ....جهاد نفسي سوة ....حب يرجع كرامتج الج ...ورجع اتقدم مرة ثانية لان يحبج....لازم اتبينين انتي مقدرة الي سواه الج....بهذا الوكت راح ميشوف غيرج ويقدر حبج الة
دخلت الشرطة ادور على محمد فتشت البيت كلة وماكو هو
...كعدت الان اتلوم برقية وتكللة ....ها ارتاحيتو مو كتلكم عوفو بيت عمكم مايفيدوكم ...هسة ابقي امكابلتني منو بعد ياخذج وانتي اخوج راد يكتل شيخ عشيرتة....
كامت تلطم على راسهة رقية وهي اتكووول ....ااااااخ يابيوية ...من اجتنة هاي المصيبة .. اني ماادري بي يريد يكتلة لو اعرف ممااخلي
.....كالت الام ....مو غمةن اثنيناتكم هس اشلون نتصرف... انتي مو ياخذج بعد
_ضلت تبجي ...وتكول يمة اتزوج عطية هو مو اتقدملي صارة ٣ ايام
_ولج هي هاي تاليج تاخذين عطية ابو العرك ...الي يمشي ورة حجاية امة
_ضلت ادك على راسة لعد شسوي....
.............
اندكت الباب رحت فتحتة لكيت الممرضة اتريد اتقيس الضغط ودرجة الحرارة ....التفتت لشهد وكالت هو انتي شهد
....جنت اعرف شراح اتكول ...واني فرحانة....اي اني.
ابتسمت الممرضة وهي اتحط المقياس بحلك جهاد وتكول ....
_حقك تهذي باسمة بالعملية ....تستاهل
......صرت اذب اللوان من سمعتة تحجي هي جنت اتمنة اكوم اخنكة على سوالفه التعبانة ....وعيوني صارت بكصتي ....
...خلصت الممرضة ورادت تطلع ابتسمت الة شهد وراحت وانطتهة فلوس ....وكالت الهة
.._الله يخليكم سوة دووم ومابعدكم ويفرحكم باطفالكم ...
...يديت الباب واجيت اكعد يمة وكتلة ..واني رافعه حاجبي وابتسم الة....بلة شلون كمت تنطق اسمي
_هاااا اشبيج انتي ...صدكتي ولويش اذكر اسمج ...وحتى لو غير بالبنج ومااحس
_ضحكت وكتلة انت تدري بالبنج هو اصدق الكلام يطلع ...
درت وجي واريد تنهي الحجي وتخلص وتكوم ....هاي منين طلعتلي الممرضة وكال يريد يغير الكلام
_اني جوعان
_ضحكت بقوة ....لان ادري هو اذا يريد يغير موضوع يتحجج بالجوع ...مثل مااجاني واني بغرفة رؤى
_هههههه حاضر هسة اسوي
.............
بدت الهلال اتزيد وطلقات نار تتكاثر بوصول جهاد للبيت نزلت شهد واتجهت الة وهي اتريد اتسندة وهو معترض لان جان مرتاح من ردت فعلهة...دخلو ولكو الذبايح ....اجتي الحجية اتسلم علية ....وتكول هسة يالة نور البيت هلة بشمعه بيتي....
باس راسهة....وراد يكعد كالتلة لا يمة روح لغرفتك انت ومريتك ارتاحو وكت الغدة انزل والناس راح اتعبك اليوم كلهة راح تجيك....
...فعلا جان كلامة امة ...بدو يصعدون الدرج فتحت
كعد على جربايتة ....اقتربت منة وخلت ايدهة على لحيتة وكالت يحتاجلك زيان ....
كمش ايدة بقوة وخرهة وكال كافي شهد الي سويتي يكفي وماقصرتي وياي المفروض هسة اترجعين لابوج ...واني راح ارجعج ...
...وخر ودار وجة ....ميريد يواجة اعيونة ميريد يضعف او يكوللهة لتروحين لان يدري ميكدر يسيطر على نفسة
.....اتعجب من ردت فعلهة الي يكون المفروض تزعل منة ...وكالت بنبرة مشاكسة الة
_يعني معقولة اكو شيخ يسوي سوايتك ....يطلب بنت الزواج وينتظر ردهة وهي بعدهة مرادة علية ويكول مااريد ...بابتسامة
...فزيت وعدلت كعدتي مثل المخبل ...بدة نبض كلبي يدك بديت ادور بعيونة على الحقيقة وكتلة
_شنو اشكلتي....انتي مو رديتي الي الجواب
_لا جانت كلامي الك قبل لا بابا يجي ويكلي بالي صار بينكم
....الشخص الي طلبني علمود يعيد كرامتي الي ويريد يحسسني بان اني مهمة الة هو هذا الشخص الي بابا بلغني بي وكتلة اني اردلة الرد
_كالهة متلهف ...وشنو هو
_من اتزين ويروحون خطارك راح تعرف ردي
_...جرهة من جوفهة وتصير قريبة من صدرة ممهتم لوجعه وهو يهمس الهة الله يحرك خطاري ....اريد اعرف شنو الرد هسة ...
_نظرت بعيونة بكل شوق وكلتلة تتصور شنو يكون ردي الك .....سنو الي بخليني اغير رأي ....
...جنت اتمنى اسظعه منة اسمع كلمة احبج ....اريدج مااكدر ابتعد عنج ....صح تصرفاتة توحي بحبة الي بس اريد اسمعهة
...جنت اتمنى يكولهة.....ارجوك احجية اني ادري رجال مثلة ميكولة لان ميعترف بالحب ولا العشق ...ويوم الي راح يكولة راح تنبع من روحة واكون اني صح الوحيدة الي املكة الابد ....
......دفعهة من ايدة لان حس هي تتلاعب بي اتوصلة للجنة واتشوفة النار.....تعبت منة مراح اصير لعبة بايدهة.....كتلهة
_حظري نفسج اروح للخطار وارجع اوديج لبغداد ....وكام دخل يسبح يحضر نفسة ينزل جوة.....وهو يحترك بداخلة .
