احفاد الشيخ عجاج

البارت العشرون

#احفاد الشيخ عجاج
للكاتبة ضوء القمر

خطفة شوگ من بعيد
ماتترس عيون البال
كون الشوگ طگ بطگ .

...........
نايف.مااكول نسيتها لا بس تناسيتها ومرات اكول ليش ارجع لمربع عذابي

.تعرفتو عليه انو صديق مقدام بس متعرفون عني شي
نايف مواليد ٨٠ رائد بالقوة البحرية من سكنت البصرة شكلي جويل صاحب عضلات لان جان عندي صالة رياضة شعري اسود عالي اشويه عيوني سود ملامحي بشكل عام حلو حنطاوي بعد ملح البصرة بيه شخصيتي قوية صديق للكل هادى بس وكت العصبية مااتمنى احد يشوفني هاي الشي الوحيد الي مضوجني الي من اكون هادى وبداخلي بركان من العصبية انا كشخص متفهم جدا متفهم مو متعصب ولا من نوع الي يكون هذا حرام وميجوز وكذا لا مخلي لكلشي حدود بطبعي رزن اني اصغر اخوتي ممزوج جنت خاطب جانت اقدس شي وأجمل شي مر بحياتي جنت اشوفها اشوف العافية هي بنت عمي تحبني من الصغر واني عشقتها جانت بوكتها طالبة جامعية بزمن الانفجارات والطائفية وهي اداوم ببغداد جنت رافض بس علمودها قبلت راحت من اديه قبل عرسنه اسبوعين صار انفجار قوي بالكرادة وراحت ضحية من سمعت الخبر بوكتها بس الله يعلم بالي صار بحالي ابن وفقد ابنه شنو يكون حاله من بعد الي صار هاجرت تركت العراق كله وعفت كلشي وراي
.اول ما سافرت لدبي وبقيت هناك اربع سنوات بعدها سافرت لكندا وعشت بيها خمس سنوات نسيت كلشي اشكد اهلي حاولو وياي بس جنت رافض كلش سالفة ارجع مجان عندي مانع بس اتزوج ابد رغم مشاكل كلما ينفتح هالموضوع متخلص بعدها رجعت لدبي سنه صفيت اموري كلها
.رجعت للبصرة بعد غياب عشر سنوات الشوق الي بيه جان يحجي من وحده مااكول نسيتها ولا اكول وياي بكل يومي بس البينه مجان يوم ويومين سنين بس محد يموت وره احد والحياة تمشي متبقى على احد .من التقيت بمقدام ومرة شفت هالبنيه الي ماادري شتصير منه بعدين عرفته اسمها الكامل طلعت عمته والله عمي زين صغيرة

..اليوم كعدت من الصبح وقررت اشوفها وفعلا بدلت واخذت رهف ورحنه للمدرسة حظي من اجيت جانت بعدها مجايه واني جنت مشغول مو مال انتظرها بس صدفة من ردت اطلع الل اشويه انضرب بيها

نايف :اسف منتبهت
وردة :لا عادي مصار شي .نظارات عيونه حسيت بخوف شنو هالسر العجيب بعيونه
..من رخصتك

نايف.ليش الحزن بعيونها شنو قصة حزنها. فاتت مني يمي وجنها نسمه صيف مرت
.صفنت على روحي اشبيك نايف ليش ظليت صافن انوب خفت لا احد من أهلها او ولد اخوتها يشوفوني الحمدلله من طلعت ماكو احد منهم
..طول مااني مشغول علمود شغلي قصة عيونها متروح من بالي بس اشلون اعرف وليش ممزوجه كل هاي الأسئلة محتاج جواب الها اما سالفة ليش اني مهتم عرفتها اني وكعت بس هالوكعه اكوم منها لو لا هنا السؤال....
...
وردة.انوب هذا منو يمه شطوله وعضلات الي يكول بالجيش .طبعا اخذت جهازي من ابو الاكبر أو نكدر نكول مفرمت الجهاز كلها ومنزل برامج كلها من جديد وحساباتي كلها على الرقم الجديد واكو مواقع رفض انزلهن ماعندي شي عادي اما شنو سووه ويه جاسم ماادري لان مالحكت اسئلة رجعنه وصارت سالفة صلاح الي خلت الكل ينشغل بيها