#احفاد الشيخ عجاج
للكاتبة ضوء القمر
ياونيســي شعوداك
شعود عيونـك تهاجر
الضلمة كلش مو ونستـي
وانت چنك شمس الله
بــ أول المغرب تسافـر
........
صلاح.عرفت شتقصد :مستعدة لاخر نفس
بثينة :شيخ اخذها منك كلمة شرف
صلاح :كلمة شرف وعلى كص ركبتي
بثينة :كفووا منك ولد الشيخ واعتبر ريحان حليلتك
صلاح :افهم منج راح تتدخلين بالسالفة
بثينة :اكيد طبعا مستحيل اشوف بنتي بهذا الحال واعوفها والي يحبها مستعد يضحي بروحه تتوقع اشوف دموعها وكسرت كلبها وابقى ساكته لا والف لا
صلاح :بس هيج راح تعرضين حياتج للخطر انتي وزوجج
بثينة :لا تخاف ماعلينه شي المهم انتو تصيرون لبعض وان شاء الله عن قريب بس هاا من هسه اكلك ان بيوم نزلت دمعه شايف الدمعه منها لو تأذت بحرف من كلمه حرف احرك الأول والتالي وتحلم بيوم تشوفها اذا عبالك ماعدها ام اني امها وأختها وكل عزوتها وزوجي وياي بكل خطوة
صلاح :اطمني ريحان بروحي وقبل لا تتأذه اني اتأذه قبلها
بثينة :وهذا المطلوب مااوصيك ريحان اعز من روحي ولو تطلب عمري انطيها الها اهم شي عندي سعادتها وسالفة اشلون راح اساعدكم راح تعرفها عن قريب .المهم هسه راح انهي الاتصال وانت اشويه واتصل بريحان لان بعدها نايمه وما اريد اكعدها
صلاح :تمام
.هالمرة عجيبة شخصيتها قوية ومبين عليها تكدر تسوي اهواي لازم اكو احد بظهرها والا اشلون تحجي وهي واثقة من نفسها بس شلازمه على ابو ريحان وهيج متأكدة ريحان تصير الي .يارب ان شاء الله تفرج كلبي خلص
.....
ابو الاكبر.من يوم الحادث واني تعبان راسي الف شغلة وشغلة بي نفسي مامهتملها حتى جود قليل اهتمامي بي كد مامشغول هو وين وشيسوي الله اعلم بس الي لاحظته دومه لازم الايباد ويضحك أكثر من مرة شفته بس مااجه ببالي اسأل او اشوف ويامن يحجي ..من رجعنه من بغداد وهو ملتهي حتى جان بليل يظل منتظرني هسه لا الكاها نايم خلي تفض سالفة صلاح واشوف شسالفته
.نزلت ادور عليه ماشفته من الصبح شفت ليالي بالصالة تقرأ عدهم نهاية الكورس
..بويه ليالي
ليالي :عيني خويه
ابو الاكبر :جود ماهو وينه اليوم مشفته
ليالي :ههه حقك اذا انت مشغول ومخلي لوحده وحتى الديوان مانعه يدخله تخاف عليه جود يم عميمه
ابو الاكبر :غير اخاف عليه انتي مشايفه الصوت العالي بالديوان والطلايب الي متخلص وهو بعده طفل خما افتح عيونه على الحقد والكره الموجود بين الناس مرات اخذه ومرات لا .وشعنده يمها هالايام متغير
ليالي :ايي عيني حقه يتغير اسأل ابنك ويكلك الشي تغير جاي تشوفه صار يحجي اكثر يكعد ويانه يضحك مو انعزالي
ابو الاكبر :والسبب منو بي بله
ليالي :هاي صعب اجاوبك عليه الجواب يمه
ابو الاكبر :جود وهو شكو
ليالي :غير السالفة كلها يمه شسالفة شيخنه ولو انت ملتهي هالفترة
ابو الاكبر :أي و الله ماالحك احك شعر راسي المهم عينج عليه
أنت تقرأ
احفاد الشيخ عجاج
Mystery / Thrillerعندما يفني رجلٌ حياته في سبيل ان يبقي المبادئ والقيم التي تربى عليها يكون قد اتسم بالحكمة ورزانة العقل وقوة القلب فإنه يلد رجال عند الصعاب يكونو العصا التي يتوكأ عليها
