احفاد الشيخ عجاج

البارت الثاني عشر

#احفاد الشيخ عجاج
للكاتبة ضوء القمر

الدهر بفراكم روحي...... سكمها
وغده جتال مايرحم .....سكمها
عليه الحزن دشداشه ....سكمها
وطرزها عذاب ونوح بيه
........
ادهم. اتصلت عليها مترد راح تخبلني لو بس افهم شنو هالعناد الي شايلته رحت اشلون اتصرف وياها وره عشر مكالمات ردت

..حضررتج الا هيج يله تردين
جواهر :ادهم مالي خلكك كول شرايد
ادهم :اني جاي وعندي كم شغلة
جواهر :وشنو هالكم شغلة
ادهم :من نوثل تعرفين انتي البيت موو

جواهر :لا كاعدة بالبستان
ادهم :خوش حجي اني جاي
.سديته وزدت بسرعتي هالموضوع لازم يخلص بأسرع وكت والا جواهر تروح بيها .وصلت البصرة ومباشرتا على المزرعة
..جواهر

جواهر.من عرفت بمرضي واني مو طايقة احد حتى نفسي صح اكو امل اتشافى بس تعبانه حظي محلو وهاي المصيبة الي ماادري شسوي. رحت على المزرعة اخذني صفاء وكتله اريد ابقى وحدي احنه عدنه بيت بالمزرعة كعدت وحدي صافنه هذا بلاء والا امتحان .جهازي يدك ومالي خلك ارد عشر مكالمات من ادهم استغربت شعنده فتحت خط وانهد بيه يحجي وهو معصب كال راح اجي أي واهس او خلك ماعندي وهذا يرادله خلك وره فترة اجه

..بس شغلة شعندك وياي

ادهم.هاي ليش هيج حالها عيونها منفوخات وجها تعبان :اشلونج اليوم

جواهر.بعد العاصفة الي اجه بيها حجه وياي بهدوئ عجيب هذا اشلون هيج يغير عن اسلوبه
..عادي ماكو شي جديد
ادهم :جواهر عندي حجي اريدج تساعديني لازم اعرف.سسالفة
جواهر :أي سالفة وشتقصد مجاي افهم عليك تراك خبلتني واني مالي خلك

ادهم :ركزي وياي هالفديو الي وصلج شسالفته

جواهر.حجها بعصبية واني انصدمت فتحت عيوني على وسعهن :انت شدراك بالفيديو والي وصلني
ادهم :جواهر انتي تجاوبين وبس متسألين
جواهر :لا والله كن حقي اسأل واعرف انت شسالفتك اشلون هعرف بكل هذا شنو مراقبني هااا لا عبالك تعبانه معناها مااردك لا غلطان

ادهم :استغفرالله ربي ولج بويه اني جاي اخلصج من ورطة انتي مو داريه عنها ولج احجيلي هالفديو اشلون وصللهم

جواهر.مدري ليش حسيت انو بعد مااكدر اضم عنه وهو الوحيد الي راح يساعدني
..اذا احجي توعدني توكف وياي ومتعصب مني

ادهم :برايج ليش جاي اني بويه احجي والج الامان

جواهر.جريت نفس وبديت اسولف :هاي قبل سنتين تعرفت على بنيه وقوة علاقتي بيعا بحيث تعودنه على بعض ومرات جانت تجيني بس اني نادى اروح عليها وتعرف بحكم صديقتي ومقربة مني عادي نصور فديو كذا شي طبيعي ومن صارت هالفديو جنت يمها هي صورت بجهازها اني نسيت اخذ هالفديو منها او اكلها لجهازي صوري والتصوير جان يوم سبعت مرت اخوها حفلة نسوان ولبسي جان اشويه ما مستور راحت أيام واجت أيام واني نسيت الفديو لحد ماهي فاجأتني بخبر سفرها سافرت وانقطعت اخبارها وره فترة رجعت تتواصل وياي وهم رجعت مرة ثانية اختفت اني من بعدها مااهتميت ولا بقيت نفسي تغيرت إغلاق أي بيها صارت شبه طبيعي الفديو بقى يمها ولا فمرت بي لحد ما كامت تجيني رسائل مااهتميت ابد جانت مجرد أرقام ورموز ومرة شكل صورة مشوشه لحد مااوصلي رسالة الان بدأت اللعبة مافهمت شنو تعني بيوم الي وكعت بي بالجامعة قبلها بليلة وصلتني رسالة على الواتساب مافتحتها بوكتها لا ثاني يوم بالقاعة بعد ما خلصت المحاضرة فتحتها والصدمة الفديو وجوة موجود علامة العقرب جمجمه اني من شفت الفديو انجن عقلي وارتفع ضغطي وجسمي اشتعل نار وهذا كل الي صار