احفاد الشيخ عجاج

البارت التاسع

#احفاد الشيخ عجاج
للكاتبة ضوء القمر

حِزن متربع بـّ طيني
ضايع مآ عِرف ويني
ينشدوني وأگول بخير
ودمعّ يتلولح بعيني .

............
ذهب.كل اعتقاد ادهم وبسام انو نسيت السالفة بس بقت ببالي افكر بطريقة اكدر احصل عليه بس المشكلة هسه اني بالبصرة ومابيدي شي اسوي بقيت متواصلة ويه الدكتورة المشرفة عنه رغم جانت تضوج لان اهواي طولت وهمه بالعادة مايبقى هيج حالة اهواي اما يتبنو او الطفل يجون اهله وهالشي نادر ..حاولت مرة ومرتين ويه بسام ونفس النتيجة متغير شي وادهم مجرد مااريد احجي وياه يعصب

ادهم :ذهبب اني شكلت ليش تخليني اعصب منج أول تالي هيج تلحين بشغلة
ذهب :انت ليش رافض تسمعني
ادهم :لان الحجي بالموضوع ماكو فايدة منه لا تحاولين لج بويه افهمي عاد مو مليت واني اعيد واصقل بالحجي مراح تكدرين عمار الي هو دكتور أطفال من سمع بالسالفة تخبل واصلا رفض يسمع باقي التفاصيل وانتي صار فوك الاسبوعين تلحين بعدين تعالي مو كلتي نسيت شكووو رجعتي ذهب اسمعني زين وهذا آخر تنبيه الج تنسين السالفة واياج تفكرين ساامعه لا تصرفي ميعجبج..
...
ذهب.ومن يومها بقيت ساكته لا اكدر احجي ولا اكدر اسوي حتى بابا حس اكو شي حتى بيوم العزيمة جنت دايخه بالسالفة جنت مخبوصه وجهازي مو يمي بليل من صعدت شفت المكالمات ورسالة منها انو اتصل بيها شفت الوقت مو مناسب كلت الصبح اتصل بيها 
ماكعدت الصبح اتصلت عليها بين الكلام والسلام صدمتني من كالت انت الطفل تبنوه

ذهب :شنووو انتي متأكدة
..أي نعم الطفل اجتي عائلة تبنته وانتي بعد مارجعتي خبر وهمه اوله منج
ذهب :بس ليش هسه يله اجوي معقولة السالفة وراها احد
..لا عيني بس هو هذا مصير كل الي مثل هالحالة هالعموم بيها خير

ذهب :تمام شكرا الج واسفه تعبتج
.سديته منها واني مستغربة متاكدة انو اكو احد وره السالفة بس منو ..ليش هسه يله اجوي ومنو ذولة معقولة ادهم الها علاقة بالموضوع نزلت ادور عليه

..ماما
نضال :ها يمه
ذهب :ادهم وين
نضال :ادهم طلع من الصبح كال عندي شغل ليش اكو
ذهب :شغل اشوكت يرجع مكال
نضال :لا شعندج وياج اليوم اكو شي

ذهب :لا ماكو شي بس رايدته بشغلة
نضال :ذهب شنو هالشغلة كولي اشبيج
ذهب :ماكو شي يروحي
..ادري بيعا راح تسأل وماترتاح ابد لحد ما تعرف شنو السالفة المشكلة اذا حجيت وياها ادري بيها راح تعصب واني منا تعصبت اهواي اشكد جنت اتمنى اربي هالطفل مسكين اهواي تاذيت عليه بس اتمنى انو العائلة الي تبنته يكونون زينين
..شفت بسام وكعدت يمه واني ضايجه

بسام :ياساتر شكو مبوزه
ذهب :يعني متعرف شسالفة
بسام :ياسالفة شتقصدين
ذهب :شوف بسام اذا تعرف بالسالفة ومكتلي ازعل والله
بسام :اهوو صدك تحجين ذهب شنو هالحجي
ذهب :أي لان انت وادهم اتفقتو عليه وسويتو الي براسكم
بسام :هرب لا يكون نفس السالفة ذهب شصار بعد
ذهب :يعني متعرف لا هو الطفل تبنو
بسام :هاي اشوكت أي مو زين احد اجه اخذه
ذهب :يعني عندك علم
بسام :بابا اشبيج شعلميش ولج شسالفة
ذهب :لا تصيح ماما لا تجي اليوم اتصلت بالدكتور وكالت انو الطفل تبنوا منو وره هالسالفة وليش هسه يله اجه احد اخذه