#احفاد الشيخ عجاج
للكاتبة ضوء القمر
عيوني ،
احطها بيا وجه ما اشوفن عيونك
إسمك ،
اگوله بلا وعي للما يعرفونك
ظلمة وصغتلك چم گُمر
ما اغفه إلا ويّه الصور . .
وديلي لو بس الظرف ،
ما أريد حتى شلونك !
لچمات الك وبكل كتر وانطر
بعد تلچمني !
چم گلب ذبيته وتردّ . .
ياهو اليطلعك مني !
چم دوب احنّ لـ لچمتك واتنَطّر
هو آنه لوما غيبتك ما اكبر .
.........
ذهب.اسبوع كامل ادهم مشغول واصلا جان بالدوام وهم متصلت بي جنت ضايجة اهواي منه متوقعت يتصرف من وراي ومن اجه استغربت اجه معصب وطلب البس عباتي واروح وياه
..ماشي جايه
ادهم :استعجلي بويه
سعد :علامك بويه توك راد على وين ان شاء الله
ادهم :السموحة حجي طالعين بشغلة منتأخر يله ذهب
ذهب :اجيت
ادهم :يله ثيمالا
ذهب.طلعنه من البيت ركبت يمه بس مالي خلك احجي وياها
ادهم :شعدوه السلام لله عوفي السلام تحمديلي لهاي الدرجة ضايجة مني
ذهب :يعني تعرف بالي سويته
ادهم :سويته؟ شنو سويت
ذهب :اذا متعرف ليش طلعتني من البيت
ادهم :ذهب بلا هالزعل احجي عدل اشبيج
ذهب :تعرف كل الزين ليش اني زعلانه
ادهم :حشى مااعرف
ذهب :لعد شكو مطلعني واجيت كبل لبسي عباتج وتعالي
ادهم :وانتي مو كلتي نسيت كلشي هاا بعد عليش كل هذا
ذهب :شفت يعني تعرف ليش نكرت من سألتك هاا
ادهم :مثل ماانتي نكرتي وكلتي نسيت السالفة هاا اشو سكتي تعرفين نفسج غلطانه
ذهب.بصراحة حصرني بزاويه صعبة : صح اني نكرت بس
ادهم :بس شنو هاا احجي اني اكلج جنتي تردين تضغطين عليه حتى اوكف وياج موو
ذهب :مافكرت هيج بس جنت افكر بطريقة اخليك توافق من وحدك
ادهم :ذهب شوفي اني مراح ارفع صوتي ولا اصيح عليج تعرفين بيه اشكد اخاف عليج واعزج أكثر من روحي بس خليها ببالج انتي غلطتي يوم فكرتي من وحدج ولو مخبرتني جان اهواي امور عبرناها بس انتي نفذتي الي براسج
ذهب :يعني صار هسه الي يريد يساعد احد يحتاج يستشر يله يقدم المساعدة
ادهم :وانتي هالمساعدة ساعات وتنتهي لا هاي مسؤولية وهم عمر كامل بله انتي شتعرفين عن تربية الأطفال وانتي وين عندج وقت وشغلة ثانية مافكرتي هذا الطفل اشلون اجه اذا ابن حلال او حرام شعرفج شنو وراه كن بلاوي
ذهب :وليش تتوقعه ابن حرام
ادهم :جا شنو عبالج ابن حلال وحتى لو كان ابن حلال لابد واحد من اهله يجي عليه بس للاسف هذا ابن حرام ولوما ابن حرام ماينشمر هيج شمره المهم كافي حجي بهالسالفة اني تعبت منها
ذهب :اني اسفه تعبتك
ادهم :مو مهم تعبت او لا المهم هو كدرت اوصلج السالفة وخطروتها
أنت تقرأ
احفاد الشيخ عجاج
Misterio / Suspensoعندما يفني رجلٌ حياته في سبيل ان يبقي المبادئ والقيم التي تربى عليها يكون قد اتسم بالحكمة ورزانة العقل وقوة القلب فإنه يلد رجال عند الصعاب يكونو العصا التي يتوكأ عليها
