احفاد الشيخ عجاج

البارت الرابع والعشرين

#احفاد الشيخ عجاج
للكاتبة ضوء القمر

وانت بعيد..
وگبل لا انام افرشلك
(وأغطي افراشك بـروحي)

وأحاچي صورك تغطه
واذا تبرد اجيلك طيف اگلك صَلن جروحي

وانت بعيد..
اسولفلك على جروحي
(احسنك حرز خوفي)

وانت بعيد
امدد صورتك يمي
وأنام وطيف تاخذني لنده زلوفك

وافز واشتم عطر شعرك على چِفوفي
واگلك ليش؟لو مأخذ بعد شوفي
....
نايف :الف مبروك ان شاء الله الله يقدرني واكون بلسم الج وتكونين بلسم الي

وردة.اشكد جنت اكول فرحتي بخطوبتي الأولى جذب مثل هسه احس براحة ماادري ليش
..الله يبارك بيك ان شاء الله
..لحظات مااكدر اوصفها يمكن الإنسان الي يفقد الفرصه بحياة مرة يكدر يحصل على فرصه ثانيه .بس اني جنت اعرف نفسي الفرح ميدولمي لازم يصير شي ويخرب فرحتي
..
قبل.اسبوع
وردة.من بعد ماكعدت وياه وحجينه اخذ اذن انو يحجي وياي أكثر بعد حتى نتعرف على بعض أكثر وننطي فرصه أكبر للتفكير جان طريقة كلامه هادئة مو عصبي ولا من نوع الي يكون مستفز

نايف :ولو يمكن مو من حقي بس سؤال
وردة :تفصل اسأل الي ببالك
نايف :هم عندج ذكريات اله او هو حاول يتواصل وياج
وردة :ذكريات كلها حركتها وتبقى مجرد ذكريات والزمن جان كفيل حتى انساها وللابد وسالفة تواصل وياي حاول واهواي بس مالكه مني غير الصد

نايف :زين مافكرتي انو ممكن متندم واجه يطلب السماح منج
وردة :وبعدين راح ترجع ثقتي بي لو يكدر يرجع ذيج الليالي الي تغذبت علموده واصلا شكو يرجع هو مجرد شخص كان في يوم يعنيلي شي اما هسه هو تجربة فاشلة وبس
نايف :تفكيرج جميل اهنيج فعلا الإنسان لازم يتقبل الواقع الي عايشه حتى يكدر يكمل حياته
وردة :انت اخذت فترة طويلة حتى كدرت تبني نفسك
نايف :اني من جنت مجهز نفسي لعرسي باقل من اسبوع الكه نفسي دافنها مو شي سهل مااكلج متت وراها لا قابل هي اعز من امي لو ابوي عليه لا طبعا وخاصه هي جانت حبيبتي بس اكو سالفة وحتى من ماتت مكدرت انساها وهذا الشي يمكن هو الي خلاني اخذ وكت

وردة :اكدر اعرف هالشي
نايف :أي جانت عدها علاقة بشخص اني مانعها منه
وردة :تقصد خيانه
نايف :لا مو خيانه مثل ما الي ببالج لا جانت علاقتهم اصدقاء واني اتخبل منه رغم ماشفت منه شي من زين بس ماحبيته والف مرة منعتها لحد ماصارت عركه بينه قوية وقدمت العرس بس للاسف راحت قبل لا تتهنه بي جنت بيومها اريد ارضيها وهي هم جانت مجهزة لهذا الشي بس القدر جان أسرع منه

وردة :بس اتوقع انو هالشي عادي
نايف :لا وخليها ببالج اني الشي الي يخصني اتخبل واحد يشاركني بي مو عاد زوجتي سالفة الاصدقاء اتخبل منها
وردة :هو هالصفة بس مو كلشي مرات في أشياء مشتركه ومو من حقك تمنع احد يشاركك بيها