نهوة ابن العم

❤️❤️❤️البارت العاشر ❤️❤️❤️

نور /ها ها (نسيت اعرفكم علة بيبي وجدو
غير اتذكروني بلة اني نسيت انتم اشبيكم)
جدو/ اسمة كاظم عمرة 80 (هسة تكولون
80وعايش اي طبعا لاعمار بيد الله 😁)

وبيبي /اسمهة گمرة اتعرفون لاسما القديمة
بعد عمرهة 77 سنة

ترة الناس قبل تزوج من وكت يعني
بس يبلغون يتزوجون لذلك
اتشوفون جدو عمرة 80 وعندة
ابن عمرة 61 يعني جان عمرة 19
وتزوج وبيبي جان عمرهة 16 توهة

جان جدو هوة شيخ العشيرة مالتنة
بلبصرة بس من بعد ماكبر صار عمو جاسم
(ابو فهد )هوة الشيخ هسة تكولون ليش
ما عمو خالد هوة اخذ المشيخةة مو هوة
الجبير لان عمو خالد ميحب هلسوالف ومالة
بيهة لذلك عمو جاسم اتولة المشيخة
وبعدين عمو جاسم گبر وصار عمرة بلخمسين
فميگدر ايكمل لذلك سلم
المشيخة لابنة فهد الجبير والجبير الله

ونرجع لاحداث القصة
قبل لنوصل لبيت جدو بيوم
همة عدهم طبع يعني اذا اجة احد من
مكان بعيد كضيف خصوصن يعني
اذا جان منهم وبيهم كلهة تكون موجودة تستقبلة
ويتلگونة احسن ملگة

ويذبحون ذبيحة جوة رجلية ومدري
شنو من هلعادات طبعا همة ولا مرة شايفيني
من كبرت اخر مرة شايفين
بيهة من تزوجت غسق وهمينة مطلعت هواي لان اضوج من الهوسة وبوقتهة جنت اصغيرة

نور/ نسيت اكلگم شجنت لابسة
لبست فستان ازرگ علة رصاصي
ورفعت شعري كباية ولبست شوز
ابيض وجنطة ازرگ وبيهة ابيض مال جتف
حطيت بيهة تليفوني وسماعاتي وشاحنتي
وعلج وبس

فاول ما وصلنة جنت بس اشوف زلم
وما اعرف منو همة وكلهم يباوعولي باستغراب واني مذلك ما اعرف منو همة وصافنة لان هوسة بشكل
مو طبيعي وكلهم يحجون وي بابة وعلي وعمو
سلام وعباس واني ولمار
صافنين امي عادي تعرفهم لان هية جانت عايشة
وياهة بس فترة قصيرة وطلعت لبغداد هية وبابة

فاول ما دخلنة مامة لزمت ايدي
بمعني انو خلي كلشي طبيعي

فمن دخلنة الزلم راحو للديوان
فبقينة اني وامي ولمار وهدئ
وسجاد راح وي عباس للديوان

طبعا لمار من تطلع تلبس بدي
وبنطرون دائمن هية محجبة
بس يعني ملابسهة طوال ومستورات
ميطلع منهة شي

واني لا لبسي مشكل
كلشي يعجبني البسة

دخلت جوة. وامي بدت اتلسم عليهم
وحدة وحدة وخلصت اني ولمار متصنمين

لام /تعاي يمة سلمي علة بيت جدج وانتي لمار
هم تعاي سلمي

نور/رحت سلمت عليهن وحدة وحدة وما اعرفهن
وبعدين بس سلمت بدون اي شي كلت

نور/بلة زحمة اريد غرفة ارتاح تعبانة

شفت بنات كلش. يتشابهن
اجت وحدة منهن وكالت

علا/تعاي اني ادليج
علة غرفتج

نور/شكرا ودرت وجهي ومشيت
لان ميتة تعب ونعاس

رحت وبلطريق عرفتني عليهة
وكالت اسمهة علا واهنة اخوات ولاخت الثانية اسمهة
سها. وكالت

علا/
اعرفج علة الباقين بعدين لان اكيد
تعبانة كتلهة اي والله كلش

نور /اي والله كلش تعبانة

لكيت كنتور وعزلت بي اغراضي واشيائي
مال الرسم وملابسي مال مدرسة
وكلشي ورحت راسلت ميار شوية
وطمنت عليهة وسديتة التليفون
ورحت نمت نووومة طويلةةةةةةة

هسة نرجع لفهد /

فهد /اني حياتي كلعادة ضابط يعني
اداوم واخواني من ادوام همة يلزمون
الديوان بغيابي ومرات ابوي
الله يحفظة هوة صح عمرة جبير
بس حيلة ما شا الله وصحتة وعافيتة الحمد
لله تمام
وحياتي خلصانة بين الدوام والديوان
وماشية

الئ ان جدي كاظم الله يحفظة ويطول
بعمرة صادف يوم مريض كلش وكال
انو هوة يردينة مجتمعين كلنة وهذا جدي
مينرفضلة طلب وصدك وكلهة اجتمعت واجت
وشافاهم بس گال اريد اشوف عمك محمد
وعمي محمد عايش ابغداد فعمي سلام اطوع وكال
اني خلال اسبوع هيج اجيبة واجيكم
واني الي اعرفة انو عمي سلام
عندة 3ولد وثنين بنات. ولدة شايفهم كلهم
مرة عن طريق الواجب كم مرة صاير عندي واجب
بغداد ومرة نتخابر مكالمات وشايفهم لان يجونة
بس ابفترات كلش طويلةةةة بس ما تجي وياهم
بس غسق وجانوو من يجون ميجون كلهم لازم احد
يبقة يم اختهم الصغيرة وكلما اسئلهم انو ليش
متجي يكولون انو هية متحب الهوسة واتحب الهدوئ
وعدهة ندرسة واخر مرة شفتهة جانت ابعرس غسق
احنة اجينة بس جانت اصغيرة وجانت تخبل
ومن گالو انو لازم يجيبون عمو محمد گلت بلكي هلمرة تجي لان متحانات وخلصت قابل وين تبقة وحدهة
جانت امنيتي. تجي بس حتة اشوفهة بدافع الفظول
لا اكثر ولا اقل لان مشايفهة سنين
ومن اةجو نزلت بنية بس شنو اية من الجمال
ومبين عليهة فاهية وصافنة علينة مستغربة عبالك
هية تزلت من السيارة ولد عمي كلهم. يباوعولهة
استغفر الله من شفت ملابسهة فار دمي
جسمهة كلة بارز شلون اهلهة يخلونهة هيج
بعدين فتنة اني والولد جوة وهنة دخلن عرفت لي وياهة
مرت عباس ورة ربع ساعة هيج دخلت
لكيتهم كاعدين بلهول وسالت امهة

فهد /هاي نور ام عباس مو

لام /ي يمة هاي نور

فهد /ما شا الله كبرانة ومحلوة

لام /ي يمة جان هنة سنين مو شوية

فهد /والله. ما كلتي غير الصدگ
جا وينهة نور

لام /خطية تعبانة توهة خلصت اخر امتحان الهة انوب اجت ويانة گبل وسفر وطريق

فهد /ليش هية بلمدرسة

لام /ي يمة بلمدرسة صف سادس اعدادي

فهد /ها انة اترخص منج ام عباس

لام /مرخوص

فهد /رحت لغرفتي لان اريد اسبح تعبان
وجان اسمع صوت ابنية طالع من الغرفة الي بصف
غرفتي و
...................