نهوة ابن العم

❤️❤️❤️البارت الواحد والاربعون ❤️❤️❤️

(لا املك في الدنيا الا قلبي ،
وقلبي عزيز لاياخذه الا عزيز)

اتمـنئ ان لاأحـد يعنيه امࢪك شڪل عيناك ،ضحكتك ، ابتسامتك ،صوتك ، اتمنـئ أن يراك عادياً فأنــت لــىٓ .𓆩🤍𓆪.

نور /ولتصيح علية ترة مو جاهل كدامك
فاااهم

فهد /لا تخليني اكوم اكسر راسج اسكتي

نور /اي مو تايهتلك اني وتكسر راسي
والله يا الله

فهد /راح اخليج تحجين وحدج خليني
اسمع بيج مسجلة بذيج المدرسة وشوفي

نور /هممم نشوف بلة شتسوي من تسمع
بية مسجلة 😏😏

فهد /سهلة والله تكسرين حجايتي مو 😡

نور /هوة انتة منو واكسر احجايتك امي
ابوي اخوي الحمد لله كلهم عايشين
وما اسمحلك تدخل بعد بية فاااااهم

فهد /خوش يصير خير والله لاندمج علة
كل كلمة كتليهة

الجدة /اتسكتين ترة اكسر راسج
انة متشوفين الفرخ مفرفح علمودج
فوك ما يدور مصلحتج من كون كبر

عباس /نورررر كافي عيب احترمي ابن عمج
كافي وانتة فهد غير تفهمنة شبيهة المدرسة
حتة اذا مو زينة اني بنفسي ما اخليهة تسجل
بيهة بس احجي حتة نعرف

فهد /هاي لمدرسة سمعتهة مو زينة وبناتهة
استغفر الله حدث ولا حرج حتة من الشكاوي
الي اجت علة المدرسة ودونة انة وكم واحد
من الظابط علة اساس مدرسين فترة ونروح
حتة نشوف منو البنات الي يجيبن مخدرات
وياهن التعبانات لان هنة كلهن باختصار
تعبانات لذلك كلتهة لتروح للمدرسة تسجل
لان لا البنات نظاميات ولا لبسهن ولا
كلامهن ولا سوالفهن وبغض النظر الكوادر
التدريسة بيهة اكثريتهة استاذة وهمة منا
عيونهم زايغة ويشوفون البنات ياخذن
وينطن حتة حالات بنات حوامل بلمدرسة
استغفر الله ما ادري اهلهن وين عنهن لذلك انة
خفت عليهة وما ردتهة تسجل بيهة لان اعرفهة
هاي المدرسة كلش زين 😤

نور /حتلو هاي جان تكدر من سالتك تحجي هلكلام
مو سئلك عباس جاوبت اشو من سالتك كمزت بوجهي
لو هاذة حظي شسوي اني

ابو نور /بوية كافي عوفي هلحجي وسمعتي
كلام ابن عمج شلونة بعد ما نسجل بيهة نشوف
غير وحدة احسن

نور /بس عادي اسجل اني لان اعرف نفسي
شنو حتلو البنات تعبانات ومدرسين ميخالف
وبعدين همة عيونهم زايغة لو ما يشوفون
البنات تنطيهم عين وبعدين راح اسجل
اني وميار وبعدين اني جاي ادرس
ما جاي العب ولا جاي اباوع علة
المدرسين

فهد /هسة كتلج وشوفي بعدين انتي
كتلي انتي جاي ادرسين فباي مدرسة
اسجلج عادي لو الة تعاندين 😡