نهوة ابن العم

❤️❤️❤️ البارت الخامس والثلاثون ❤️❤️❤️

اتمـنئ ان لاأحـد يعنيه امࢪك شڪل عيناك ،ضحكتك ، ابتسامتك ،صوتك ، اتمنـئ أن يراك عادياً فأنــت لــىٓ .𓆩🤍𓆪.

نور /تدلل عمو ان شا الله منقصر وياك

ابو فهد /ان شا الله ابنيتي

نور رحنة اني والبنات كلمن راحت الغرفتهة
امي راحت لغرفتهة ونسوان عمامي كذلك
ولمار راحت لغرفتهم وعلا وسها كلمن بغرفتهة
واني رحت وبلطريق اتذكرت الموقف مال فهد

شلون وكعت شلون اجاني رزلني كلت هسة هوة
هناك واني اهنا ابتسمت لا اراديا من اتذكرت
مواقفة وانو هوة هسة بلمستشفة واني هنااا
فجاة صار كبالي غرفتة ما اعرف شنو اجاني
بس شعور حتة اروح اتفحص غرفتة ما ادري
لليش وردت بس بعدين ترددت هسة اذا احد

شافني شيكول علية وبعدين كلت هوة ياهوة هنا
خل اروح وان شا الله محد يشوفني لان كلمن
بغرفتة رحت علة السريع دخلت للغرفة صح
اني دخلتهة مررة بس جنت ما منتبهة الهة
ابد جنت داخلة علة مود كرار وطلعت عل
السريع بعد العركة الي صارت بيني وبينة
ما اعرف ليش اجاني احساس وكلت بعد
ما اخلي تصير بيناتنة عركات علة مود
ملابسي الي يرزلني عليهن لان من اتذكر
انو هوة اليوم بلمستشفة والبارحة يمنة
كلشي ما بي اكول ابداخلي ايجوز يجي

يوم هوة ميشوفني او اني ما اشوفة فلدنيا
ما تسوة احد يسوي عليهة مشاكل واحد من
عدنة يبقة زعلان وشايل بكلبة وضليت
اباوع علة تصميم غرفتة الوانة الحيطان داكنة
حيل رصاصي وماروني واسود ولمحة بياض
احس من دخلت وشفت لالوان كلبي يوجعني
تحس روحك داخل بسجن ومختنك عكس الوان
غرفتي من جنت بغداد الوان وردي فاتح سمائي

واحمر صارخ عبالك كاعد بحفلة مو بغرفة مزينتهة
بنشرات وهوة اشيا مزينة غرفتي بيهن بس هوة
لا كلشي سادة ما بي روح من تدخل للغرفة
تحس روحك ودك بس تشرد بس ما شردت
لان هاي الفرصة الوحيدة الي حتة اشوف واتفحص
بغرفتة ابأقل وادق تفاصيلهة.
انتبهت اكو جرار يم الجرباية مقسم علة جهتين
كل جهة بيهة 3جرارات. فتحت الجرارة الاولة
بيهة اغراض مالاتة تخص جناسي. ومعاملات

وهيج اشيا والجرارة الثانية جان بيهة البوم
صور. صار عندي فضول اشوف الصور فتحت
الالبوم. بلبداية صور كرار وهوة عمرة كم يوم
وهوة توه جاي للدنية وهوة شوية جبير واكبر واكبر
ولكل مرحلة بحياتة فد 6 صور اقل شي واباوع عليهن

يخبلن ولكيتلة صورة وحدة هوة ومرتة وابنة ومبين
كوة طاگهة من ورة خشمة لان عاگد حواجبة ومغندب
واول مرة اشوف مرتة يعني مو هلكد حلوة ومن شكلهة
مبينة وكحة ومتنكدر من وجهة امبينة شرانية وما اعرف
ليش ما ارتاحيت الهة وگوة خالة كرار بحظنهة عبالك
مرايدتة. وما قابلة بي بس هوة نسخة فهد الثانية من
كد الشبه