نهوة ابن العم

❤️❤️❤️البارت الثالث والاربعون ❤️❤️❤️

التلميحات حلوه لو متأكد إنك المقصود

هيج جازيت اليحبك سبع يا عمي سبع ❤️❤️

‏عليك أن تعتذر لروحك أنها تقدمت أكثر من اللازم، عليها الآن أن تتوقف .

علي /صار تدللين يروحي

ابوي وابو فهد وعلي وعباس
وسلام والمعقد وسجاد واحمد
فاتوا للديوان اسمع ابوي يحاجي
فهد لان ظربني وهوة يكلة اعذرني
عمي من عصبيتي ما كمت اشوف
وظربتهة بس هية هم غلطانة تغلط
وتجاوز علية وتكلي ما عندك احساس

علي يكلة لو ما انتة ظاربهة تحاجيك
هيج ها بس ادري بيهة من يحترك
كلبهة كلشي تحجي سلام يكول اثنينهم
غلطانين ومن حجاية ومنا حجاية ابوي
كلة اذا ما تصير عليك زحمة بعد لا تدخل

بيهة احنة نعرفهة واذا غلطت احنة نحاسبها
لان هية من اول سبوع ضاجت اهنا لان اتكول
دائمن يدخل بية واني ما احجي لان اكول ابن
اخوي الجبير عيب ما تستاهل احاجي واكيد
هوة علمود مصلحتهة يسوي هيج واحاجيها
اني اكللهة ميخالف تحملي وهم بيت جدج مو
غربة تحمليهم الخاطري وهنة كم يوم ونرجع

وهوة ابن عمج يدورلج الزينة بس لهنا وبس
مال تمد اديك عليهة هاي ما اقبلهة حتلو
ابن عمها احنة اهلهة وعايشين وياهة المفروض
احنة لنحاجيهة مو انتة ولا تزعل مني بس
هاي الحقيقة مالك حق تمد ايدك بعد

عباس كال ها هية بعد باجر تخذهة لبغداد
احسن منما تبقة هنا علي كال ها هية
احسن ترجع هناك يم بيت خالي

وبعدين ما سمعت شكالوا رحت لغرفتي
تمددت كلت خل اتصل علة ميااار صارلي
كومة ما حاجية وياهة اتصلت بيهة

نور /ها ميار شلونج

ميار /زينة الحمد لله وانتي

نور /مو زينة وحجيتلهة عن فهد
وعن كلامي الكلتة الة وكلش شي
لان احسهة اعز من روحي ما اكدر
اضم شي عليهة ودائمن تنصحني
وهية كذلك اي شي يضوجهة
تكلي واحدة تنصح الثانية وتحاول
تلكة حل للثانية احسهة اختي
وكالت

ميار /نور ترة اثنينكم غلطانين
يعني مو بس هوة واذا رحتي
لبغداد معناهة انتي ضعيفة
وما تردين تواجهينة لمفروض
تسوين العكس لتصيرين
ضعيفة مالج شغل بي
وسوي التردينة ويمة حركي اعصابة
احسن منما تنهزمين منة

نور /اني لا اريد اواجهة ولا اريد
اي شي منة اريد ارجع لبغداد يم
بيت خالي وهذا قراري ما بي
رجعة ان شا الله

ميار /واني ياهو يمي بعد وانوب
هاذة ابن خالي اللزكة مهدي بويةةةة
شكد لزكة يشيب راسج وانتي كاعدة
هم بكلشي يدخل روحة لا اطلعين ولا تمشين.
مثل العندج يضووج فد مرة