نهوة ابن العم

❤️❤️❤️البارت الرابع ولاربعون ❤️❤️❤️

يا عسليّةُ العينينِ ماذا دهاك؟
تقتُلينَنِي بالحُسنِ حين أراك،
بديعةُ الجمالِ  كأن لا أحدَ سِواك
قاصِرةُ الطّرفِ  سبحانَ من سَواكِ... ♥️

اهداء لكل وحدة عيونهة عسلية 🤣🤣 بس للاسف  😂عيوني سود 😂اهم شي سلامة الخلقة ولاخلاق 😂😂😂

نور /هسة راح نطلع تانيني بنفس
المكان ونزلت اول ما نزلت لاكني
المعقد وما باوعتلة ابد نزلت
ودرت وجهي احس بي معصب
بس علة عنادة ما ابدل ولا امشي
بكيفة بعد درت وجهي لكيت لمار
تباوعلي وتضحك تدري بية اسوي
هيج اعناد بي 😂 هوة هاذة الفستان
صارلي قرن ملابستة لان شوية ضيگ
بس هسة اعناد بي االبسة وبكيفي 😂

شوية وشافتني ام فهد اخذتني علة
صفحة كالت
ام فهد/تعاي يمة اريد احاجيج

نور /ي عمة احجي اسمعج

ام فهد /يمة نور بدلي ملابسج
ترة والله مالي خلك مشاكل
وبس علي الله شاهد هوة
حيل ضيگ وعيب اطلعين
بي هيج لان جسمج كلة مببين
اذا عندي خاطر يمج ترحين
تبدلين وتنزلين

نور /عمة ترة اني جبيرة مو جاهلة
وادري بي ضيك بس هيج علة الاعناد
لبستة وما ابدلة وشيسوي خل ايسوي

ام فهد /جا علة الاعناد تحصلين حرام
يبنيتي وباجر الله يحاسبج علة هلبس
مالج

نور /استحي ارجعهة وهية تحجي وياي
كتلهة ها هية عمة راح ابدل بسرعة واجي
مو لخاطرة لخاطرج انتي

ام فهد /الله يرضة عليج ابنيتي

نور /رحت بسرعة بدلت ولبست غير
شي شوية احسن لبست فستان
يصير من فوك شوية مخصر ومن
جوة كلوش كلش حلو لونة بيجي
ونزلت من شافتني ام فهد ابتسمت
نزلت وكتلة علاوي جاهزة. 👌

علي /يلة مشينة لعد

فهد /ما ترحين هيج امسحي وجهج يالة
ترحين ما تمسحينة ما ترحين يلة بسرعة

نور /😤😤😤😤😤😤😤😤😤😤
ما امسح وجهي يلة علاوي خل نروح
ترة احتنكت هنا واباوع الفهد

فهد /يعني تكسرين حجايتي ?

نور /شتردين تعتبرهة اعتبرهة

علي /فهد قبل شوية شحجينة
ترة ميصير هيج

ابو نور /عمي فهد ترة هية بتنة
احنة نحاجيهة وهية هاي لبسهة
وهية مقتنعة احنة هواي حاجيناهة
وفهمناهة بس هية ما ترضة واحنة
منكدر نجبرهةة لان حتة رب العالمين
يكول (لا اكراه في الدين ) صدق الله
العظيم لذلك احنة منجبرهة لان اذا
تلبس وتححجب بلجبرة ما راح تنقبل منهة
خليهة هية من ذاتهة شوكت ما تقبل
وتقتنع يلة تلبس وهسة خليهة تروح
ترة اتاخرت