رنا بصدمة : اييييييه ، ايه اللى حضرتك بتقوله دا ، دا مستحيل طبعا 🤨
باسم ببرود : هو دا الحل عشان تعيشي وأخوكى ميعرفش يوصلك ولو وصلك مش هيقدر يعمل حاجه 😌
رنا بعصبيه : بقولك لما بشوفه ببقى نفسي اخنقه تقولى اتجوزه ... ازاى يعنى ، لا انا اسفه وشكرا مش عاوزة حد يساعدنى ..انا اقدر اساعد نفسي 😒
رنا لسه هتقوم لقيت آدم جاى عليهم ومتعصب جداااا
وضرب باسم بالبوكس والناس اجتمعت حولهم
( طبعا انتو بتسألو ضربه ليه ... اكيد مش عشان الشغل ما يولع الشغل 😂 بس عشان كان غيران من باسم انه قاعد معاها 😁 نكمل عشان المرارة 😂)
آدم بغضب وزعيق : سايب شغلك وقاعد تحب ف ست زفته 😡
رنا بعصبيه وزعيق : ايه ست زفتة دى ماتحترم نفسك و ايه تحب دى كمان ،هو انت شايفنا مسكين ايد بعض وبنحب ف بعض 😡
ومتنساش انت هنا مش دكتور وانا طالبة عندك 🤨
يعنى اتكلم زى ما انا عاوزة واعمل اللى انا عاوزاه .
باسم دا كله بيتفرج عليهم وبيكتم ضحكته ومستغرب من آدم ازاى سكتلها كدا
آدم بتحذير : لما تتكلمى معايا صوتك ميعلاش عشان وربنا هنسي انك بنت وهزعلك حقيقي فاااااهمه
قال كلمته الاخيرة بزعيق
اتفزعت رنا من صوته بس حاولت تدارى خوفها : اقولك ع حاجه انت خسارة معاك الكلام
خسارة السعر الحرارى اللى هحرقه ف شتمتك 😌
آدم كان وصل لأعلى درجات الغضب ولاحظ ذلك باسم
آدم : يا بنت ال
باسم بسرعه : آدم كفايه كدا .. رنا هتبقى السكرتيرة بتاعتى وانا كنت بشوف الcv بتاعها 😌
آدم بغضب اكبر وزعيق : نعمممممم
اشمعنا هى بقى
باسم ببرود : نعم ! هو ايه اللى اشمعنا .. السي في بتاعها ممتاز ومجموعها على كمان ايه المشكله
باسم كان بيفكر ف فكرة معينه
آدم غمض عينه ويحاول ان يكتم غضبه : امال مى دى بتعمل ايه 🤨
باسم ببرود : لا ما رنا هتبقى سكرتيرتى الخاصة
آدم مفكرش غير ف أخر كلمتين وضرب باسم تانى : نعمممممم
باسم قام وهو بيضحك : استنى بس يافوزى هفهمك 😂
آدم كان لسه هيكمل عليه سمع صوت رنا
رنا بتحدى : وحضرتك مضايق ليه 🤨
استاذ باسم انا موافقه واتمنى نبدأ من النهاردة
باسم بإبتسامه ويحاول ان يعصب آدم أكثر : ملوش داعى استاذ الفرق بينا مش كتير قوليلي ياباسم عادى 😁
او بيسو عادى بردو وانا اقولك يارورو 😁
رنا بضحك تحاول كتمه : لا خليها استاذ احسن
كل دا و آدم بيتفرج عليهم ومتعصب جداا
آدم : اجيبلك اتنين لمون يابيسو انت والهانم رورو 😡
باسم بإستفزاز : لا هنشربه ف مكتبي 😌😂
رنا مكنتش قادرة تكتم ضحكتها اكتر من كدا بسبب تعبيرات باسم وكلامه : هههههههه
وسرح آدم ف ضحكتها
باسم بجديه : خلاص كدا كله تمام نقدر نبدأ من النهاردة
رنا بجديه : تمام
باسم يوجه كلامه لآدم الشارد : آدم ... آدم
سرحان ف ايه ..يلا عندنا meeting كمان نص ساعه
آدم : ها طيب يلا
ف منزل رنا
أحمد بزعيق : يعنى ايه هربت .. ع اخر الزفت دى تجيب لينا العار 😡
فاطمة بدموع : اخرس ..رنا محترمة و مستحيل تعمل حاجه واحشه
أحمد بزعيق : و دينى لألقيها وهتتجوز الحج عبده يعنى هتتجوزه
فاطمة بعياط : روح ربنا ينتقم منك ياشيخ
عاوز تجوز اختك لواحد قد ابوك عشان الفلوس
انت راجل انت
أحمد بعصبيه : الكلام دا مش هيغير حاجه هتتجوزه يعنى هتتجوزه
ذهب أحمد من المنزل
وظلت فاطمة تبكى ع حال ابنتها
ف الشركة
ف مكتب باسم
باسم بإستغراب : ايه ياآدم مش هتروح مكتبك
آدم ببرود : لا هفضل هنا
باسم : نعم !! هتفضل هنا ازاى يعنى
آدم بعصبيه : هو كدا
باسم بعد تفكير : تمام ... رنا انتى مكتبك هيبقى هنا ف مكتبي عشان التعامل يبقى سهل ، و مى هتبقي مكانها عادى
رنا بجديه : تمام يا استاذ باسم
آدم بغضب : دا ع اساس ان الشركه كلها مفيهاش مكاتب ف انت هتخلى مكتب السندريلا ف مكتبك 🤨
رنا بتحدى : وانت ايه مشكلة حضرتك 😌
باسم بإبتسامه ليستفز آدم أكثر : اهو السندريلا موافقه .. قصدى رنا موافقه
آدم : اللهم طولك ياروح
باسم بجديه : عالعموم انا عندى meeting دلوقتى
خدى يارنا ترجمى الثفقه دى عقبال ما نخلص ... يلا ياآدم
رنا بجديه : تمام
آدم بتمثيل : ها لا انا مصدع جدا ومش هقدر احضر روح انت وانا هفضل هنا عشان الصداع دا 😌
( بردو آدم طلع مش سهل 😒طلعت صايع يادومى 😂نكمل )
باسم بجديه : تمام
وذهب باسم إلى meeting
باسم : ربنا يستر ومرجعش الاقي المكتب مولع
ف مكتب باسم
آدم : احم ...احمممم
رنا بإستغراب : ف ايه
آدم ببرود : والله انا حر الشركه بتاعتى واعمل اللى انا عاوزه
رنا بهمس : لا اله الا الله ... ربنا خد من عقله وحطه ف طوله ..الزرافة دا
آدم : بتقولى حاجه
رنا بإبتسامه : بقول هشرب قهوة تشرب😁 ! ولا ملكش الا ف البارد 😌
آدم بغضب : بت احترمى نفسك
رنا بإستعباط : نعم هى المشروبات الباردة قريبتك ولا ايه ؟ انا بتكلم ع المشروبات 😌😁
وخرجت رنا من مكتب باسم قبل ما ادم يترك غضبه عليها
( هو هيخوفنا ابو طويله دا ولا ايه 😌... لا معلش بس احنا مش بنخاف من حد ..اجرى يارنا 😂 نكمل )
رنا ببرود : يااختااااه ممكن تجيبى بقيت ورق الثفقه دى عشان اخلص شغلى
مى بقرف : اختااه .. هو انتى جايه منين و ايه الاسلوب دا
رنا بتريقه : ايه الاسلوب دا
معلش اصل بعيد عنك عندى عقدة مع المياصه وبيجيلى كرشت نفس من الدلع 😒
مى : اووووف
خدى الورق اهو ..يلا امشي
رنا ببرود : مشش ف ركبك يابعيدة😒
الا هو انتى معكيش فلوس 😌
مى : افندم !! ليه بقى ان شاء الله
رنا بتريقه من طريقة كلمها وبتتكلم زيها : اصل فستانك مش كامل ف قولت أكيد معكيش فلوس تكمليه ولا حاجه
مى بقرف : لا يا حلوة هى دى الموضه 😌
رنا : لما تولعى ف جهنم قولى ان شاء الله
ابقى قولى دى الموضه وتركتها وذهبت
وظلت مى تلعن فيها
أخذت رنا الورق والقهوة وذهبت إلى مكتب باسم ولسه بتخبطت فتح ادم الباب والقهوة وقعت عليه وكانت سخنه
آدم بغضب وعصبيه وزعيق : .......
.................................................
كفايه كدا عشان تعبت 😁
عارفه ان البارت قصير بس والله كنت مضغوطه جدا النهاردة
وكان عندى كويز وحاجات ما يعلم بيها الا ربنا 😂
بس بإذن الله لو البارت دا عجبكووو هكمل عالطول والله
واتمنى كله يقول رايه عشان اعرف سواء أكمل ولا لاء
وياريت اللى تعجبو يقول رأيه واللى معجبتوش يقول بردو مش بزعل والله 😁
عاوزة اعرف ايه رايكو ف الشخصيات وايه اكتر شخصيه حبيتوها او كرهتوها لحد دلوقت وملحوظه لسه فيه شخصيات هتظهر تانى بس كله ف وقته 😁
Wr. Basma shaban
