آدم بغضب وعصبيه وزعيق : ايه اللى عملتيه دا مش تفتحى
رنا : اوووبس معلش مخدش بالى والله
آدم بعصبيه : يعنى ايه متهببتيش اعمل ايه دلوقت انا
رنا بإبتسامه : ولا حاجه هروح اعمل غيرها طبعا 😁 عن اذنك 😁
رنا لسه هتمشي قام آدم بمسك معصمها بعصبيه : خدى هنا رايحه فين
رنا بغضب لفت له وقامت بصفعه
دا عشان تفكر تلمسنى تانى
كان آدم وصل إلى اعلى درجات الغضب و لسه هيضربها باسم مسك ايده ف هو جاء حتى يرى من اين هذا الزعيق ولكن كان يعلم انهم هم رنا وآدم بالطبع
باسم بعصبيه : ايه اللى بتعمله دا ياآدم 🤨
آدم بغضب شديد 😡 : سيبنى.. انا آدم الالفى واحدة زى دى تمد اديها عليا ...انا هوريكى
رنا بعصبيه : اعمل اللى تعمله ..انا مبخفش الا من اللى خلقنى
ودخلت رنا إلى المكتب ببرود وبدأت ف عملها
اما آدم ف ذهب من الشركة
دخل باسم مكتبه رأى رنا تعمل
باسم بجديه : ممكن اعرف ايه اللى حصل
رنا : ابدا انا ........
وقصيت عليه ما حدث
باسم بصدمه : ايه ، انتى تضربتى آدم بالقلم 😯
رنا : ايوة و ايه يعنى هو بيطير ولا ايه ماهو انسان عادى زينا وبعدين هو اللى غلط ويستاهل 😌
باسم : رنا اهدى شوية مع آدم ..آدم لما بيغضب حقيقي مش بيشوف قدامه
انا اصلا مستغرب ازاى ساكت ع كل اللى بتعمليه دا
رنا ببرود : وانا مغلطش فيه
هو غلط ويستاهل
باسم بجديه : تقدري تخلصى اللى بتعمليه وانا شوفتلك شقه عشان تعيشى فيها
رنا بتوتر : احم ههوا إيجارها كام
باسم بإبتسامة : متخافيش إيجارها بسيط
رنا بفرحه : بجد مش عارفه اشكر حضرتك ازى
باسم : انك توافقى ع كلامى
رنا بإستغراب : كلام ايه
باسم : تتجوزى آدم
رنا بعصبيه : تانى ! اسفه مش هقدر اعمل كدا
باسم : صدقينى انا عارف آدم كويس ..آدم مغرور وغروره دا هيخليه يعيش حياته كلها لوحده وانا مش عاوز كدا ارجوكى ساعديه
مهما كان قرارك انا هفضل اساعدك عشان بعتبرك اختى الصغيرة بالظبط
ظلو يعملو كثيرا حتى جاء موعد الغداء
باسم بجديه : يلا يارنا نروح نتغدا بعد كدا نكمل
رنا : لا يااستاذ باسم انا هخلص عالطول عشان اروح دا بعد اذنك طبعا عشان اشوف الشقه وكدا
باسم بإقناع : تمام ماشي براحتك
باسم كان هيخرج من المكتب
رنا بسرعه : استاذ باسم ...احم بصراحه انا بكرا عندى محاضرات ف هتبقى ايه المواعيد
باسم بإبتسامه : ولا يهمك خلصى وتعالى
رنا : متشكرة جدا لحضرتك 😊
(اوعدنا يارب بشغل زى دا 😂)
خلصت رنا عملها
وخرجت من المكتب ونزلت
امام الشركه
السائق : حضرتك انسه رنا
رنا بإستغراب : ايوة انا نعم
السائق : استاذ باسم قالى اوصل حضرتك للشقه ودى المفاتيح
رنا بإبتسامة : تمام متشكرة جدا يااا
السائق : محمد 😊
رنا بمرح : متشكرة ياحج ميدو 😁
السائق : ميدو 😂
رنا بمرح : ياجدع دا انت شكلك اصغر من صاحب الشركه نفسه بلا كلام فارغ 😁
السائق : يلا يلا اركبي عشان اوصلك قبل ما حد يسمعك ...دا انتى كارثه متحركه 😂😂
رنا بمرح : تسلم يابرووو 😂
ذهبت رنا إلى الشقه وظلت طوال الليل تحمد ربنا
وصليت فرضتها ثم نامت
( ايه البت دى هى مبتكلش خالص 😂)
اما آدم ف ذهب إلى المقابر
آدم بحزن : انتو واحشتونى اوى 😔
عارف يا بابا النهاردة كنت هغلط أكبر غلط ان امد ايدى ع بنت .
وبدأ يتعصب : بس هى اللى بتعصبي دى كفيله تعصب اى حد والله
انا كل ما اشوفها ببقى نفسي اخنقها بأيدى والله 😡
بس عارفين مش عارف ليه ببقى مبسوط وانا بنكش فيها كدا ...معقول أكون ......
لا لا مستحيل
دا انا مبكرهش ف حياتى قدها 🤨
انا همشى وهجيلكو تانى بس هروح ارتاح
(حرفيا شعور مقرف بجد وصعب انك تفقد حد فيهم
بيبقى نفسك تحكي ليهم كل حاجه بتحصل معاك وبتحكى فعلا ...بس بتبقى مستنى الرد منهم او انهم ينصحوك حتى 😔)
وذهب آدم إلى منزله ونام نوم عميق
تانى يوم ف الصباح
ف شقه رنا الجديدة
قامت رنا دخلت الحمام أخذت شاور ثم صليت فرضتها ثم ذهبت إلى الجامعه
رنا : يارب النهاردة مشفهوش خالص
ولكن للقدر أراء أخرى
دخلت رنا الجامعه
سارة بإبتسامه : رررررنا عامله ايه ..ايه فينك كدا برن عليكى فونك مغلق ..ايه اللى حصل
رنا بزعيق خفيف : طب استنى يخربيتك ايه بلعة راديو ع الصبح 😒
ساره معلش معلش 😁
رنا : اقولك انا فل يلا عشان المحاضرة هتبدأ
وذهبوا كلاهما إلى المحاضرة
كانت رنا تشعر بدوخه خفيفه ولكن تجاهلتها وكملت عادى
دخل آدم المدرج : احمم ...صباح الخير ..وبص ع رنا
( اهدى ياعم النحنوح مش كدا 😂)
رنا اصبحت تشعر بدوخه قويه
آدم بقلق وهو ينظر لها : احمم ...انا كنت جاى اعتذر عن المحاضرة النهاردة اتفضلو
آدم استنى لما يخرجوا
لم يظل سوى سارة ورنا
سارة بقلق : رنا انتى كويسه
رنا بتعب : ايوة ايوة انا كويسه متخا....
ثم اغمى عليها
قامت سارة بفزع من مكانك : رنا ...رنا
جرى آدم أتجاههم وقال بلهفه وخوف وقلق : ف ايه ...ايه اللى حصل ؟
رناااا ...رنااااا
قامت سارة لتجلب لها مياه
وظل آدم ورنا فقط
آدم بخوف : رنا ... رنا فوقى فوقى
لم يتحمل شكلها وهى بين يديه فاقدة الوعى فسقطت منه دمعه دون قصد : رنا انا اسف
جاءت سارة ومعها المياه
و قامت بالرش ع وجهها حتى بدأت تفيق
قامت رنا وامسكت رأسها : ف ايه .. هوا انا مت ودخلت النار كمان ..قالتها وهى تنظر لأدم بتعب : حتى ف النار جاى ورايا ياعم
آدم رغم فرحته انها فاقت الا انه غضب بسبب كلامها : تصدقى انا غلطان ..و قام من مكانه : اولعى 🤨
وذهب آدم
اما سارة كانت تكتم ضحكتها بسبب كلام رنا
رنا : ما خلاص ياعسل عجبتك اوى 😒
سارة بجديه : رنا انتى مفطرتيش صح
رنا بإستعباط : لااااااااا طبعا فطرت انتى تعرفى عنى كدا بردو 😁
سارة : يبقى مفطرتيش ..يلا نروح نفطر ...انا كدا كدا جعانه يلا
خرجت رنا وسارة وذهبوا للكافيه
رنا بصدمه وخوف : ااانت هنا بتعمل ايه وعاوز منى ايه ...سيبنى بقى ف حالى ياأخى
أحمد بخبث : فيه عروسة تسيب فرحها وتهرب
رنا بعصبيه : عروسه ف عينك ...انا مستحيل اجى معاك
أحمد هتيجى بمزاجك او غصب عنك
ومسك يداها وذهب وهى خلفه تبكى وتتوسل له ان يتركها : حرام عليك ...سيبنى بقى والنبي ف حالى
ولسه هيخرج من الجامعه وهى معاه
سيب أيديها 😌
نظر أحمد خلفه ليرى من يتكلم
أحمد : نعم وانت مين بقى ان شاء الله
آدم ببرود : جوزها 😌
.................................................
كفايه كدا 😁
هكمل البارت الجاى
حاولت اطول البارت دا اهو
اتمنى انه يعجبكو بجد😁
عشان أشوف هكمل ولا اروح انام احسن 😂
وعاوزة رايكو وياريت بصراحه + اى حد شايف points معينه او نقد معين يقول ومش بزعل والله 😁
