الشيخ : اسمك ايه ياابنى
:آدم الالفى
نظرو كلهم ناحيه الصوت
آدم ببرود : اسمى آدم الالفى العريس
رنا بفرحه : آدم
نظر آدم لها بحب وقرب عليها : متخافيش مش هسيبك
أحمد بعصبيه : انت بتقول ايه ... انت مش طلقتها
آدم ببرود : مين إلى قال كدا ثم أكمل بإستعباط هو انت سمعتنى
أحمد بعصبيه : أختى هتتجوز المعلم عبده
آدم بغضب شديد : وانا قولت أختك متجوزة اصلا ...بس انا بعمل كدا عشان يبقى قدامك
أكتب يامولانا الاسم آدم الألفى
عبده بغضب شديد : مش انا اللى حد ياخد منى حاجه انا عاوزها وانت ياأحمد حسابك معايا بعدين
وذهب عبده
احمد بعصبيه ويوجه كلامه ل رنا : انا مش هسيبك ف حالك
وقف آدم امامه ورنا خلفه وقال ببرود : كلامك معايا انا
نظر لهم أحمد بغضب ثم ذهب
الشيخ: فين الشهود
باسم : انا اهو ... مبروك يا رنا
محمد السواق : وانا اهو ...الف مبروك يابنتى
رنا بمرح : منور ياعم ميدو
نظر لها آدم بعصبيه وقال بالقرب منها بصوت واطى : ياريت نحترم نفسنا شويه ،وتلاحظى انى متهبب واقف
تم عقد قران آدم و رنا شرعا
واصبحت رنا زوجته بالفعل
(اهو عشان الناس اللى مضايقه انه اتجوزها غصب 😂)
آدم ببرود من بكرا هتيجى تقعدى ف الفيلا بتاعتى
رنا بتوتر : نعم! ليه ،انا مش هسيب شقتى
آدم ببرود : هى كلمة واحدة ، وياريت كلامى يسمع عشان نعرف نكمل مع بعض
رنا بعصبيه : لا ونكمل ليه انا اصلا مش عاوزة الجوازة دى ، واهو الشيخ لسه ماشي يعنى هنلحقه
باسم بإحراج : احم ، طيب ياآدم هستناك تحت
وذهب باسم ومحمد إلى الخارج
آدم بعصبيه وقفل الباب
رنا بخوف : اانت قفلت الباب ليه
آدم بخبث : ايه خايفه ، ما انتى بتخافى اهو امال فيه ايه
ولسه رنا هتتكلم قرب آدم عليها
ثم وضع يده ع فمها ونظرو ف عيون بعض
قال آدم بتوهان : صدقينى انا معملتش كدا عشان شفقه عليكى ولا حتى انتقام زى ماقولت
ثم أكمل كلامه بحب : رنا ... انا بحبك ، ايوة بحبك من اول يوم شوفتك فيه ف الجامعه لما خبطنا ف بعض
واتمنى انتى كمان تحبينى زى ما بحبك وتبطلى عند معايا
ثم قرب عليها وقام بتقبيلها من خدها واتصدمت رنا
آدم بإبتسامه ع منظرها : سلام ياااا رورو
وذهب آدم وترك رنا حائرة هل بالفعل يحبها ام قال ذلك حتى لاتشعر انها عبئ عليه
ثم وضعت يدها مكان تقبيله لها وظلت شاردة
عند آدم وباسم
باسم بشرود : تعالى ياآدم نقعد شويه ف الكافيه عشان مش عاوز اروح
آدم : ف ايه يا باسم مالك
باسم بزهق : مفيش ،بس عاوز اشم شويه هوا
آدم : طيب ماشي تعالى
وذهبو كلاهما إلى الكافيه
آدم : قولى بقى فيه ايه
باسم : بفكر أقعد لوحدى مش مع ماما
آدم بإستغراب : اشمعنا
باسم بزهق : كل يوم لازم تتكلم ف ام موضوع الجواز دا
آدم بخبث : طب ماتتجوز ايه اللى منعك
باسم بتوتر : ها لا ما انا مش حابب الموضوع دلوقتى
آدم بخبث : امممم هو فيه حد تانى ولا ايه
باسم بتوتر : لا ابدا انا بس مش لاقى الواحدة المناسبه ليا
آدم أراد ان يعصب باسم : اممم .. صحيح ياباسم عملت ايه ف موضوع سارة .. شكلها بتحب فارس ياريت متأذهوش
باسم بعصبيه وزعيق : نعم .. بتحب مين انا قولتلك قبل كدا انى لو عرفت كدا فعلا هقتلها وهقتله
آدم بجديه : انا عاوز اعرف انت تعرفها منين اصلا ،وليه مهتم بيها اوى كدا
باسم وهوا يحاول ان يهدأ : هقولك
فلااااش باك
نزل باسم من العربيه بعد ما خبط سارة
باسم بقلق : انتى كويسه
سارة بإبتسامه رقيقه : ايوة الحمد الله كويسه
باسم : اسف والله مخدش بالى
سارة : لا ولا يهمك
وجاءت سارة لتذهب سقطت منها محفظتها امسكها باسم وأعطه لها
سارة : متشكرة عن اذنك
ثم ذهبت سارة
وجاء باسم ليركب سيارته لمح صورة ع الارض
أخذها وكانت سارة ف الصورة
باسم بجديه : الو .. اذيك ياض عاش من شافك
كنت عاوز منك خدمه كدا ، هبعتلك صورة وعاوز اعرف كل حاجه عنها
ثم قفل باسم الهاتف وبعد قليل جاءت له رسالة بكل شئ عن سارة
بااك
باسم : بس هو دا اللى حصل
آدم بإستغراب : وانت ليه عملت كدا
باسم : عادى فضول مش أكتر .. عشان كانت ماشيه سرحانه
آدم : هحاول اصدقك
باسم يحاول ان يغير الموضوع : احم ، المهم هتعمل ايه مع رنا
آدم بشرود : مش عارف ... بس مستحيل اسيبها
باسم بخبث : ليه ، عالفكرة انت ممكن تطلقها عشان لو بتعمل كدا شفقه ولا حاجه وانا ممكن اتجوزها عادى
آدم بعصبيه : باسم انا مش بهزر دلوقت وكلمة طلاق دى متقولهاش تانى
باسم ببرود : ايوة ليه ماسك فيها اوى كدا مش فاهم
آدم بزعيق وعصبيه : عشان بحبها فهمت
