ساعات القدر بيأخد حاجه من حياتنا بتكون بالنسبالنا كل حاجه .... بس بنقول هننسي مع الوقت بس للاسف بتعدى سنين وسنين واحنا لسه فكرينها ولو حصل موقف زيها بتفتكر كل حاجه بالتفاصيل ..
آدم بزعيق : الو الو ... رناااا
رن آدم ع حد من هاتف المكتب : حولى كل كاميرات المراقبه ع الكمبيوتر بتاعى حالا وظل يقلب فيها وتفاجأ ب مى وأحمد مع بعض ثم
اتصل آدم بباسم
آدم : باسم تعالى مكتبي بسرعه
باسم : طب فيه ايه
آدم : يلا بسرعه
وصل باسم عند مكتب آدم ودخل عالطول
باسم : ف ايه ياآدم
آدم : مى ساكنه فين بالظبط
باسم : نعم !! هو دا الموضوع المهم
آدم بعصبيه : مى تعرف أحمد وكمان اديته رقمى وعنوانى وكل حاجه عنى وأحمد خطف رنا ياباسم
انا عاوزها حالا انت فاهم
باسم : ايه خطفها ازاى من بيتك
آدم بتعب : مش عارف ... باسم رنا لو حصلها حاجه انا مش هتحمل بعدها عنى والله
باسم : اهدى ياآدم وقولى عرفت منين انها مى
آدم : قبل ما ترفضها بيوم جالى جواب اللى انا قولتلك عليه واللى جابه أحمد ومى خديته منه وآديته ل يوسف وانا شوفت كاميرات الدور بتاعى محدش غريب طلع بس مى طلعت ولما شوفت كاميرات الدور بتاعك عرفت ان مى هى اللى خبطت ف أحمد بالغلط وهو سأل عنى وطبعا هى كانت عاوزة تنتقم من رنا ولما عرفت اننا هنتجوز بقيت عاوزة تخلص مننا أحنا الاتنين عشان كدا اتفقت مع أحمد
باسم : يابنت ال...
آدم : انا لازم الاقيها واعرف متفقه معاه على ايه بالظبط .
باسم : طب هو قالك ايه
آدم : عايزنى اروحله ،بس انا مش ضامن لو روحت هيسيبها ولا لاء
انا هروح وخلاص اهم حاجه الحقها
باسم : استنى جى معاك
وذهبوا كلاهما إلى منزل رنا
ف منزل باسم
ظلت سارة ف الغرفه ولكن كانت جائعه
سارة : انا جعانه اووى ، اعمل ايه دلوقت
انا هنزل اعمل سندوتشات وهطلع على طول
نزلت سارة وذهبت إلى المطبخ وكانت مامت باسم وتاليا قاعدين ف الريسيبشن وشافوها
مامت باسم بقرف : البيت دا بقى فيه كميه قرف
تاليا بخبث : عندك حق ياطنط والله ،طنط بصراحه انا جعانه وعطشانه
مامت باسم : ياروحى حاضر طبعا ،انتى يازفته ياللى ف المطبخ
سارة : نعم
مامت باسم : جهزى الفطار يلا وبسرعه
سارة : بس انا عندى امتحان ولازم اذاكر دلوقتى
الدادة : انا هحضره ياهانم
مامت باسم بزعيق : اخرسي انتى ، انا كلامى يتسمع ووجهت كلامها لسارة بقرف : سمعتى انا قولت ايه يلااا
سارة : حاضر
وبدأت سارة ف تحضير الفطار وذهبت لهم ووضعت الفطار امامهم
ومشيت سارة ولسه هتطلع السلم ، قامت تاليا بمسك سندوتش ووضعت فيه شطه كتير ووقفتها
تاليا بقرف : استنى ، احنا نعرف منين انك مش حاطه فيه حاجه
سارة : نعم !! خلاص متأكليش
مامت باسم : انتى قليلة الادب ولازم تتربي وقامت ضربتها بالقلم
تاليا بتمثيل : خلاص ياطنط حصل خير ، بس خليها تأكل دا عشان نتأكد ، يلا يا حلوة كلى دا كله
مسكت سارة السندوتش وكانت تبكى وظلت تأكل فيه بس إستغربت أنها محتطش شطه وازاى هو فيه
بس لو كانت سابته كانو هيقولو انها قاصدة تعمل كدا فيهم وخلصت السندوتش وطلعت غرفتها سريعاا
تاليا بضحك : ياحرااام تلقيها بطنها بتتقطع دلوقتى ،احسن تستاهل
مامت باسم : دا انتى مصيبه ياتاليا
تاليا بضحك : تربيتك ياطنط
ف غرفه باسم
سارة : اااه مش قادرة بطنى بتتقطع وذهبت للحمام
