باسم بعصبيه وزعيق : اطلعى برا
تاليا : ايه .. انت بتطردنى عشان دى ياباسم
وصفعها مجددا ، دى اسمها سارة وتبقى مراتى يعنى تحترميها ولو مش عجبك اتفضلى برا
ومسك ايد سارة وطلع على غرفته وقفل الباب خلفه
سارة بخوف منه لانها تذكرت عندما ضربها رأفت
وأول ما قرب منها حس برعشتها وخوفها ف بعد عنها سريعا وقال : ف ايه يا سارة و ايه الخوف دا كله
سارة بخوف : والله انا معملتش حاجه عشان تضربنى ...ارجوك متضربنيش
باسم بحب وقد فهم ما بها وانها تذكرت رأفت وهو يضربها حضنها بشدة ثم قال بحب : انا مستحيل اضربك يا سارة ....محدش يقدر يلمسك طول ما انا عايش فاهمه
ويلا عشان هموت وانام
سارة بتوتر : ها لا لا انا مش عاوزة انام
باسم : سارة انتى خايفه منى
بسارة بتوتر : احمم وهخاف ليه
باسم : انا عارف اننا لسه متجوزناش وانا عارف الحلال والحرام كويس ف متخافيش
انا هنام على الكنبه
وانتى هتنامى ع السرير
ثم تركها وذهب للكنبه وقال بمرح : أدى أخرة الحب وسنينه انام ع الكنب وظهرى يتكسر يصغنن ع المرمطه ياباسم
سارة بضحك : انت ممكن تبدل معايا
باسم : حد قالك انى سوسن
سارة : خلاص براحتك .... تصبح ع خير
باسم بحب : وانتى من اهلى
ابتسمت سارة ونامت بتعب وظل باسم صاحى طول الليل ومش عارف ينام ع الكنبه وعمال يتقلب
ف صباح يوم جديد
ف منزل آدم
صحيت رنا لقيت آدم حضنها ،ظلت تنظر له وهو نائم وتتأمل ملامحه وقبلته من خده ثم قالت بهمس : بحبك
: وانا بعشقك
رنا بخضه : انت صاحى
آدم : ومن بدرى كمان بس قولت اشوفك هتعملى ايه واهو كنتى بتتحرشي بيا وانا نايم
رنا بتوتر : عالفكرة انت بارد
ولسه هتقوم شدها آدم إلى حضنه ثانيا وقال : عالفكرة انا بعشقك مش بحبك بس
رنا بتوتر : آدم ابعد مينفعش كدا
آدم بخبث : لا انا مبسوط كدا
رنا : آدم ... يلا عندى امتحان
آدم : متخافيش كدا كدا هتشيلى
رنا ببرود : يكفينى المحاوله
آدم بضحك : يعجبنى ثقتك بنفسك
رنا : ممكن تبعد بقى
آدم : لما تقوليها تانى
رنا بإستعباط : اقول ايه
آدم : انك بتحبينى ...هو دا شرطى
رنا بتوتر : ومين قالك انى بحبك
آدم : انا اللى بقول كدا ... بدليل انك لسه كنتى بتتحرشي بيا من شويه
رنا بتوتر : لا مش بحبك
آدم : خلاص يبقى مش هبعد
رنا : يلا ياآدم هتأخر
آدم : انا قولت اللى عندى
رنا بهمس واغمضت عينها : بحبك
آدم : مش سامع بتقولى ايه
رنا : بحبك وجدا كمان واتمنى متسبنيش ابدا ومتكسرش قلبى ياآدم
آدم بحب : وانا مستحيل اعمل كدا عشان بعشقك يارنا مش بحبك بس
رنا : طب اوعى بقى عشان الهباب اللى عندى كمان ساعات دا عاوزة الحق اراجع
آدم : انا بقول مادام كدا كدا هتشيلى وفرى تعبك ونقضى اليوم نحتفل بأعتراف حبنا لبعض وغمز لها
رنا : لا طبعا يمكن أنجح يا عم ، بس انت متقرش عليا
آدم ببرود: واضح انك نسيتى انى انا اللى بديكى المادة دى
رنا بتذكر : ايوة صح ، طب يادومى يا حبيبي
آدم ببرود : لا انا قولت هتشيلى المادة يعنى هتشيلى المادة عشان بعد كدا تبقى تمسكى لسانك شوية
رنا بعصبيه خفيفه : ماشى ياآدم ماشى
وقام آدم وهو يضحك
وقامت بضربه بالمخدة
وظلوا يضحكون
ثم ذهب آدم إلى غرفته حتى يلبس
