سارة بصدمه وشهقه عاليه ودموع : ايه دا
لقيت صور لها مع إبن عمها ف اوضاع سيئه
ساره بعياط : اعمل ايه دلوقت ، منك لله يافارس
ظلت هكذا مدة طويله ...خبط باب شقتها
سارة بخوف : مين
دون ان تفتح الباب
فارس : اتمنى تكون الهدية عجبتك ياسوسو
سارة بخوف وعياط : انت حيوان وانا هقول ل عمى ع اللى انت بتعمله دا
فارس بضحك : يامامى ..يامامى
طب ابقى سلميلى عليه
(طلع مش احمد بس اللى عاوز يتولع فيه 😂)
وظلت سارة تفكر ف حالها كثير
ثم ذهب إلى منزله
مامت باسم : خير يا باسم جاى بدرى ليه
باسم بضيق: معلش مصدع شويه
مامت باسم : مش ناوي بقى تسمع كلامى وتتجوز بنت سهير صاحبتى
باسم ببرود : قريب قريب جدا
مامت باسم بفرحه : بجد خلاص يبقى تشوفها
باسم بإستغراب : هى مين دى
مامت باسم : تاليا بنت سهير صاحبتى
باسم : لا طبعا ... انا بتكلم ع واحدة تانيه
مامت باسم : مين ومن عيلة مين ؟
باسم بسخريه من كلامها : من عيله مين 😒
باسم بضيق: بعدين بعدين ... انا طالع انام
مامت باسم : انا مش عارفه انت مش طالع زى ليه
باسم بضيق : ايوة طبعا لازم اطلع زيك اهتم بالنادى و بأصحابي ولازم يبقوا من مجتمع راقى غير كدا لا اسيب ابنى عادى ومهتمش بيه حتى لما اجى أتجوز المفروض اتجوز اللى انتى اخترتيها عشان مستواها الاجتماعى
باسم بزهق : ماما انا طالع انام
وذهب باسم إلى غرفته
مامت باسم : ماشي يا باسم كدا لازم احطك قدام الامر الواقع
ف مكتب باسم
كانت رنا اوشكت ع الانتهاء من العمل
رنا بتعب : لا بصراحه هموت نفسى انام ،كفايه كدا النهاردة وكانت ع وشك الذهاب
دخلت مى المكتب وتتحدث بقرف : فى ملفات كتير ولازم كلها تترجم قبل بكرا
رنا بتعب : لا طبعا مستحيل ، انا هموت وانام
مى بقرف مش قد الشغل بتشتغلى ليه
رنا بزهق : انا مش هرد عليكى واتوكلى ع الله بقى
وجلست رنا مرة أخرى تعمل حتى المساء
ف مكان أخر
شخص بغضب : يعنى ايه اتجوزت
أحمد بخوف : والله اتجوزت وانا شوفت الورقه بعينى
عبده : والفلوس اللى انت خدها منى ، دا انا اقتلك هنا
أحمد بخوف : اهدى بس انا عندى فكره حلوة
عبده : قول
أحمد : ايه رايك نلعب ع جوزها دا شكله كدا مرتاح مديا ، انا أخد الفلوس وانت حلال عليك رنا
عبده : وهنلعب عليه ازاى ياذكى
أحمد بشر : هقولك ......
عبده : فكرة جهنميه دا انت شيطان يااض
بس الخطه دى ممكن ماتدخلش ع الجدع دا
أحمد بزهق : عندك فكرة تانيه
عبده : ماشي خلينا ماشين وراك ،بس لو الخطه دى منفعتش اتشاهد ع روحك
أحمد بخوف : هتنجح هتنجح ...سلام وبكرا كله هيبقى تمام
(دا ايه الناس دى ماتسيبه البت ف حالها بقى يجيلكو شلل 😂)
ف مكتب آدم
آدم بتعب : ايه دا الساعه 10 دا انا محستش بالوقت
وقام من مكانه وخرج من المكتب ونزل ركب عربيته ولسه هيشغلها
لاحظ رنا نازله من الشركه وماشيه بتعب وقفت مستنيه تاكسي
آدم بإستغراب : بتعمل ايه لحد دلوقت
وقف قدامها بالعربيه
آدم بأمر : اركبي
رنا : نعم !!
آدم : قولت اركبي
رنا : لا شكرا ،انا مستنيه تاك..
آدم بزعيق :قولت اركبي
رنا بخوف تحاول ان تداريه : ققولت لا
آدم بزهق : رنا الساعه 10 والوقت متأخر ف مش حلوة وقفتك دى ولا ايه واكمل بهدوء : يلا اركبي
رنا بتفكير ثم ركبت بهدوء
رنا بجديه : شكرا
آدم قرب عليها مرة واحده وهى انكمشت ف نفسها : اانت بتعمل ايه
آدم وهو قريب منها جدا : تصدقى حلوة وانتى خايفه كدا
رنا بتوهان : هاا
آدم بمرح : ها ايه بس
رنا بتوتر : مينفعش كدا ابعد بعد اذنك
آدم بخبث : ليه هو انا عملت حاجه
رنا بتوتر أكتر : ممكن بقى تبعد والا والله هنزل
ثم رجع لمكانه ثانيا
آدم بمرح : دا انتى دماغك شمال خالص
رنا بعصبيه : نعم
آدم بخبث : ايه كنت بربطلك حزام الامام
رنا بإحراج : انا كنت ممكن اعمله لنفسي عالفكرة
آدم : طبعااا عشان المردى تفضلى ترغى ومنروحش ف يومنا الهباب دا
رنا بهمس : انا مش عارفه ايه الحاجه الهباب اللى عملتها ف حياتى عشان تظهرلى
آدم ببرود : بتقولى حاجه
رنا : بقول عاوزة اروح
وصل آدم رنا إلى منزلها
رنا بجديه : متشكرة جدا
ولم تنتظر إجابته وذهبت
ذهب آدم إلى منزله
وذهب إلى غرفته وظل يفكر فيها ثم ذهب ف نوم عميق من الارهاق وهى ايضا
تااانى يوم الصبح
صحيت رنا ع صوت رنين الفون
رنا بنوم : الو ...ايوة ياسارة
سارة : ايه يابنتى مش هتروحى الجامعه ولا ايه
رنا : لا مش قادرة سبينى انام شويه قبل معاد الشغل
سارة : طيب ماشي ياحبيبتى سلام
قفلت رنا الفون وكملت نوم
ف منزل سارة
سارة :كدا هروح لوحدى يلا مش مشكله
وقامت لبست وبتلف الطرحه سمعت فونها بيرن
سارة بإستغراب: عمى والصبح كدا .. السلام عليكم
رأفت (عم سارة ) : وعليكم السلام .. اذيك ياسوو
سارة بإبتسامه : انا كويسه الحمد الله وحضرتك عامل ايه
رأفت : انا كويس ... عندى ليكى خبر
سارة : خير ياعمى
رأفت : انا نازل مصر قريب جدا
سارة بفرحه ع أمل ان ينقذها من فارس : بجد ياعمى تيجى بالسلامه إن شاء الله
رأفت : تسلمى ياسو ، وفيه مفاجأة تانيه بس خليها لما اجى احسن
سارة بفرحه : مستنيه حضرتك .. مع السلامه
ساره بفرحه : الحمد الله .. الحمدلله اخيرا هخلص من الحيوان دا
ثم ذهبت إلى الجامعه
ف منزل باسم
مامت باسم : باسم ... بااااسم قوم بقى عندنا ضيوف مينفعش كدا قوم سلم عليهم
باسم بنوم : ياماما دول صحابك انتى انا اقوم اسلم عليهم ليه
مامت باسم : باسم يلا قوم بقى بيسألو عليك أقولهم ايه يعنى
باسم بزهق : خلاص ياماما نازل
قام باسم وخد شاور ثم خرج من غرفته
باسم بجديه : صباح الخير
تاليا بدلع : صباح النور
سهير مامت تاليا : صباح النور يا باسم
كدا تبقى موجود ومتجيش تسلم علينا
باسم بزهق معلش كنت نايم اصل الساعه 9 الصبح ف طبيعى أكون نايم يعنى
سهير بإحراج : احم احنا كنا جايين عشان معاد الخطوبه
باسم بلا مباله : ف اى وقت.... ثوانى بس خطوبيه مين ان شاء الله
سهير بجديه : خطوبتك انت وتاليا
باسم بزعيق : نعممممم !!
سهير : ف ايه يا باسم
باسم بعصبيه : ومين قالك انى هخطب السندريلا
سهير بإستغراب : نعم ! مامتك هى اللى قالت كدا
باسم بعصبيه ويحاول ان يكتم غضبه مهما كان والدته : اسف بس مفيش اى حاجه من دى
سهير بغضب : نعم ! ليه هو انا بنتى وحشه ولا حاجه
باسم بزهق : وانا مالى وحشه ولا حلوة انا قولت اللى عندي عن اذنكو عندى شغل
سهير بغضب : ايه دا يازينب هانم انتى جبتينا عشان نتهزق
زينب (مامت باسم ) : لا طبعا تاليا هتتجوز باسم يعنى هتتجوز باسم
تاليا بعياط : شوفتى ياطنط كان بيكلمنى ازاى
زينب : معلش ياروحى .. انا هقنعه متخافيش ، بس اهم حاجه ايه راي عروستنا
تاليا بكسوف : متكسفنيش بقى ياطنط
(قال يعنى البت وش كسوف اوى 😒)
ف منزل رنا
قامت مستعجله حتى لا تتأخر ع العمل وذهبت سريعا
وصلت الشركه وشافت عم محمد واقف امامها (فاكرينوا 😁)
رنا بمرح : اهلاااااااا اذيك يا عم ميدو
محمد بضحك : اهلا ياحبيبتى اذيك يارنا يابنتى ،صباح الخير
رنا بإبتسامه : صباح الفل عليك
وقربت من ودانه وقالت : تصدق بالله انت خسارة ف المكان دا ... اهرب قبل ماتلبس زيهم ... دا انت تدخل الشركه من هنا تلاقى نفسك ف كباريه النجوم مشاء الله وشويه شويه هيوزعوا خمرة مكان القهوة
محمد بضحك : بس يخربيتك هموت من الضحك
رنا بمرح : بعد الشر عليك ،ثم نظرت ف الساعه وقالت : هطير انا قبل ما يمسكونى الطبله
محمد بضحك : لا لا يلا بسرعه اجرى
رنا بإبتسامه : يلا سلمعليكوووو
محمد بحب : ربنا يرزقك يابنتى بإبن الحلال
وذهبت رنا إلى مكتب باسم
مى بقرف : اتأخرتى 10 دقايق
رنا بزهق : ذهبت لها وظلت تلف حولها
مى بإستغراب : بتعملى ايه
رنا ببرود بشوف فين زرار فصلك عشان افصلك
وذهبت رنا من امامها وظلت مى تلعن فيها
خبطت رنا ع مكتب باسم ودخلت
رنا : صباح الخير يافندم
باسم : صباح النور يا رنا
رنا بجديه : اسفه ع التأخير بجد
باسم بلا مباله : لا ولا يهمك .. احم رنا كنت عاوز منك خدمه
رنا : اتفضل
باسم : كنت عاوز رقم سارة
رنا بإستغراب : نعم ! اشمعنا ... اسفه بس انا مقدرش اعمل كدا ، حضرتك فاهم طبعا
باسم بإحراج : احم تمام
ذهبت رنا الى مكتبها
وبدأت ف العمل
ف منزل آدم
آدم ف غرفته يحدث نفسه : انا لازم اعمل كدا عشان احميها منه
آدم وهو ماسك صورة لوالديه : انا مش عارف بحبها ولا لاء بس اللى اعرفه انى عاوز احميها وخاصه من اخوها
ذهب آدم إلى الحمام وأخد شاور ثم ذهب إلى الشركه
ذهب إلى مكتب باسم
دخل دون ان يخبط كالعادة
باسم بجديه : ف ايه ياآدم
آدم بشرود وهو ينظر ل رنا التى تعمل : دا طلب عاوز سكرتيرة شخصيه
باسم بإستغراب : دا من امتى
آدم ببرود : من دلوقتى
باسم بجديه : خلاص هنزل إعلان ونشوف احسن واحدة هتقدم
آدم ببرود : بس انا لقيتها خلاص
باسم بإستغراب : مين بقى
آدم ببرود : الانسه رنا
رنا بصدمه : نعممم !!
ف الجامعه
كانت سارة جالسه ف الكافيه بتذاكر حتى موعد المحاضرة الثانية
: ممكن اقعد ياقمر معاكى
سارة بصدمه وخوف : ااااااااانت
فارس بخبث :مكنتيش متوقعه ان انا ولا ايه
سارة بخوف : انت عاوز منى ايه
فارس بخبث : انتى عارفه وغمز لها
سارة بعصبيه ودموع : انت قليل الادب
وقامت سارة من مكانها عشان تذهب ولكن مسكها فارس من معصمها وسحبها معه وهى تبكى ولاتنطق
إلى ان وصل إلى عربيته وحاول ان يركبها ولكن هربت منه وظلت تجرى كانت تريد ان تذهب إلى منزل رنا ولكن لا تعرفه ف ذهبت إلى الشركه وهى تبكى بشدة
مى بزعيق نسبيا : بقولك امشي من هنا قولتلك قبل كدا دا مش مكان للدردشه
سارة وهى تبكى ارجوكى خلينى اشوفها
مى بقرف وزعيق : انتى مبتفهميش
خرج باسم وآدم ورنا على صوت مى
باسم بعصبيه وزعيق : مى ...................
مى بصدمه : ايه ! انا
......................................................................
كفايه كدا 😁
اللهم صلى وسلم وبارك ع سيدنا محمد ❤
اتمنى يعجبكووو
البارت طويل اهو
ولو عجبكوو هطول البارت الجاى بإذن الله
وطبعا رايكو عشان اعرف هكمل ولا لاء 😁
وسواء سلب او إيجابى مش بزعل والله 😁
سمعليكووووو😂
Wr. Basma shaban
