مأمّـني

9. تشتُت

أهلين من جديد ..

Tw ⚠️: البارت فيه جزء بسيط جداً من السيلف هارم وأفكار إنتحارية وأفكار سوادوية اللي يتأثر من هالشيء .. أتمنى يسوي سكيب للجزئية اللي بالنهّاية

اسّتمتعوا🤍

__________

"وجودك بالقرب منّي دائماً يُصالحني مع كُل الأيام السيئة"

____________

أيام العزاء..

تحمحم وبلعّ غصته وتقدم له: عظم الله أجركم في فقيدكم والله يسكنه فسيح جناته..

رفع عيونه المحمّره له وهز راسه لأنه ما قدر ينطق

للحين مو مستوعب أن أخوه توفى!

تنهد بأسى ومشى طالع..

حسّ بجواله يهتز أخذه ورد: "هلا؟"

:"وينك؟"

رد بصوت هادي:"رحت للعزاء.."

:"من جدك؟ اه تعال لي طيب"

همهم بهمس:" طيب جايك"

ومشى متحرك له..

وصل و ع طول صعد لفوق

وفتح باب الغرفة شافهم يطالعونه بأستنكار..

: ليه رحت للعزاء؟!!

__________

قبل يومين.. في المستشفى

صحى وهو مصّدع ومو مسّتوعب المحيط اللي حوله وبّبحة تكلم: شنو صار؟ وليه أنا هنا؟

راكان وراشد ألتفتوا له وواضح في وجيههم الأرهاق

والتعب..

نطق راشد بحذر: آسر لا تتحرك أخر مره صحيت وطنشت كلامي رجع يُغمى عليك

آسر للحين مو متذكر شنو صار: أغمى علي؟ أنا؟ متى؟