مأمّـني

6. سَوداوِية

اهلاً .. كيفكم؟

اسّتمتعوا🤍
_________

"ظننتُ بأني حينما أحبسُ دمعي في جوف عيني سأنقذُ نفسي لم أكُن أعلم بأني سأغرق في حزني مهما فعلت"

________

اليوم اللي قبل .. شقة راشد .. الساعة ١٠:٠٠

صحى آسر بحالة الكَسل الصّباحية المُعتادة

وجلس يتأمل السقف بعيون ثابته واللي

يشّوفه بيقول أنه مهموم او غارق وسط افكّاره

لكن بالواقع هو بس ما له حيل يقوم يسوي شيء

وقاعد يقنع نفسه داخليًا يقوم يصحى ويجهز

ويرجع يكمل نومته بشقته..

__________

راشد اللي صاحي بدري من الساعة ٨:٣٠ الصباح

بما انه شخص يحب الصباح واجواءه..

رتب المكان وجهز الفطور وغطّاه وهو ينتظر

آسر يصحى من النّوم عشان يفطر معاه

بعد ساعة انتّبه أن آسر تأخر بالنوم وخاف عليه

لا يكون تعبان او صار له شيء وهو مايدري

فتوجه لغُرفة الضيوف بهدوء وفتحها

وهو يشوف المكيف شغّال بدرجة برودة عالية

(( شفيه ذا اهبل؟ احنا بالشتاء الناس يشغلون الدفايات وهو مشغل المكيف؟))

اخذ جهاز التحكم وقصّر ع البرودة شوي

وراح للسرير يشوف ليه آسر للحين مو صاحي

شافه منسدح ع بطنه وكل يد في مكان ونفس

الوضع بالنسبة لرجله، تأكد من تنفسه وانه بخير