رواية معشوقتي المجنونة الجزء الاول كامله

مفاجأة

قريباً_مع_دار_المثقف_للنشر_والتوزيع
#اقتباس_الأول_من_رواية_غرورها_جن_جنوني
وصلت لمقر التدريب ودخلت على تمرينها بدون حديث مع "حازم"، فاليوم تمرين فروسيه، فقال بعد أن ركبت الفرسه البيضاء، وهو يضع يده على ظهرها:
- افردى ضهرك وارفعي راسك.
- يا سافل يا قليل الأدب يا مش محترم.
قالتها "توتا" بدون تفكير بعد أن شعرت بيده تمشي على ظهرها واصيبها القشعريرة، فوقف يكبح غضبه وهو يضيق عينه بتساؤل واستغراب:
- كل ده أنا ؟! والله انتى هبله فعلاً، عملتلك حاجه يا مجنونة.
- أنا مجنونة؟ تحط ايدك اللى تنشل على ضهري ليه؟
قالتها وهي تنزل من على ظهر الحصان، وكادت تصفعه على وجنته، فأمسك يدها، فرفعت الثانيه أمسكها قبل أن تصل لوجهه، فوضعهما خلف ظهرها وأمسكهما بيد واحده، ناظرا لعينيها بتحدي:
- كلامك كنت هعديه بس أنك تفكري مجرد تفكير تمدي إيدك عليا، هقطعها المره الجايه، ودلوقتى لازم تعتذري.
كانت تحاول الافلات من بين قبضة يده القويه كالنمر، فترد عليه بتعالي:
- مستحيل أعتذر، وليك بالتحديد، سيبنى يا مش محترم.
- اللى أعرفه واتربيت عليه، هتغلط هتحط نفسك في مواضع تحرج، انما هتمشي عدل هيحتار عدوك فيك، ف انتى ببساطه كده، هتقولي يا حازم أنا آسفه ومكنتش أقصد، والا اقسم بالله اندمك على نفسك.
- لا أقصد واقصد اوي، وكفايه تعرض عليا أقول ايه؛ لأني لغيت من تلفوني القاموس عشان بتخنق من اللى بيقترح عليا كلمه مش عايزاها، ما بالك بقى من اللى بيقترح عليا جمل، وانت لو راجل مكنتش عملت كده.
- احترمى نفسك أنا راجل غصب عنك.
- طيب سيب ووريني رجولتك !
- ماتحاوليش مش هسيبك غير لما......
قاطعته وهي تقفز تضربه بالرأس على رأسه، تفاداها سريعاً وهو يركلها في قدمها أوقعها على الأرض، قائلا وهو يحاوط جسدها ورافعا حاجبه الأيسر:
- كده هتعتذري صح.
رفعت قدمها من خلفه وضربتة تحت الحزام، نهض وهو يغمض عينه من الألم، فقامت بسرعة فهد تركض، لكنه سبقها وأمسكها من زراعها مثل الصقر، حاولت أن تكرر فعلتها وتضربه بالرأس، لكنها فشلت مره ثانيه وأمسك شعرها، سحبت يدها من قبضته محاوله لكمه في بطنه، أمسكها ولم تنجح في إصابته، الغضب اعتري وجهها وصاحت بصوت عالي من الألم الذي ينتج عن مسك شعرها:
- سيبناااااي.
وقف بجانبهما رجل يصفق، على هذا العرض.
اكتسى وجه "حازم" الأحراج، وعينيها تلألأت بدموع، فتركها وأردف:
- حضرتك فاهم غلط.
- أمال إيه الصح.
يا هل ترى مين اللي قال اخر جملة🙈
#صح_هو_ببروده_وتقله_ونظراته_الصقريه
#مين_متشوق_يقرأ_الرواية❤️
#قريبا في معرض الكتاب الدولي بالقاهرة



رأيكم في الغلاف يهمني جدا
دمتم بخير😘