رواية معشوقتي المجنونة الجزء الاول كامله

معشوقتي المجنونة الحلقه السادسه عشر

الحلقه السادسه عشر

مهيمن باستغراب او بمعنى اصح بصدمه : هي نايا عندها عيال؟!!!!
نايا تمثل الجديه : لو سمحت يا باشا خلينا نلحق الجري
مهيمن شدها من هدومها : هي نايا متجوزه
نايا ببرود : لا طبعا
مهيمن بعصبيه و الشيطين كلها بتتنطط قدام وشه : انت هتجننى؟ !! امال الواد ده جه من فين ؟
نايا تمثل عدم الفهم : واد !! واد مين ياكابتن نايا اختى انسه
مهيمن اتعصب و كان نفسه يمسكها يكسرها ميت حته ، كتم غيظه و فضل يضرب ايده في بعض (و طبعا ع اساس هو نضال ) و قال بحده : امشى غور من وشي
طلعت تجرى و بتكتم ضحكتها
مهيمن بغيظ : خد تعالى (اداله سلاح تقيل ) امسك ده ، اجري بقى يابتاع المخاطر
اول ما مسكته ايدها نزلت ل تحت
مهيمن جرى قدامهم
فادي بضيق : ما انتى لو بطلتي لك عمره ما هيعمل فيكي كده
نايا تمثل العياط : الحق عليا عايزه افرفشه
فادي : ده انتى الشلل ذات نفسه اجرى بقى و ورينى لايقتك
و فضلو يجرو و نايا لبست الحزام بتاع السلاح و ربطته حوالين جسمها و طلعت تجري ،عشان جمسمها يشيله و ميبقاش تقيل ع ايدها
بعد جري خمس ساعات
مهيمن : تمام كفايه كده يالا ارجعو
نايا بتعب : كابتن لو هنجرى تانى بكره انا ممكن استنى حضرتك هنا
مهيمن بصلها و مشي
نايا بصت ل فادي : شايف مابيردش عليا ازاي
فادي وهو بينهج : نفسي اعرف بتجيبى نفس من فين تتكلمي ، صح ستات مابتعرفش تسكت مهما حصل فيهم اهدي ياما علينا شويه احنا رجاله بنعمل حاجه واحده يا نشتغل يا نلك
فضلو ماشين ساكتين لحد ما فون نايا اتهز في جيبها طلعته : الحق ده لحق يوصل و بيكلمنى واتس
فادي : سيبك منه مترديش عليه
نايا زقته : انت مالك اصلا
مهيمن : قلب قلبي عامله ايه
نايا و هي تعبانه و تحاول تكتب : قلبك زعلان
مهيمن : لا مقدرش ع زعله
نايا : وحشتنى و ملحقتش اقعد معاك
مهيمن : والله النهارده حاولت اخلص شغل بسرعه عشان اكلمك
نايا بصت ل فادي : الحق ده بيقول خلص شغل بسرعه عشان يكلمنى
فادي بغيظ : كده خلص بسرعه ده نفخنى ، قوليله خلص اسرع من كده
نايا بضحك : انا مش اتنفخت بس انا اتفحت
مهيمن فضل دقيقتين مستنى تكتب : قلبي مش فاضيه
نايا بتريقه : هو انا ورايا حاجه غيرك انا طول النهار قاعده بفكر فيك مش بعمل حاجه خالص مالص غير بفكر فيك حتى زهقت من القعده قلت امشي رجلى شويه
مهيمن : ربنا يقدرنى و خليكى برنسيسه ع طول
نايا : يكفينى انى اكون برنسس قلبك
مهيمن : نايا هو انتى عندك ولد
نايا فضلت تضحك و من كتر الضحك ضربت الارض ب رجلها و بصت ل فادي : الحق ده صدق ان عندى ولد
فادي : و الله حرام عليكى هيلاحقها منك ولا منك بردو هنا
نايا بضحك و ترد ع مهيمن : ولد ! ولد ايه
مهيمن : اصل اخوكى بيقول عندك ولد
نايا بهزار : اخويا مين ؟
مهيمن : نضال
نايا : نضال بيحب يهزر شويه ماتخدش عليه
مهيمن : طيب هو مجنون؟!
نايا : لا ، ليه؟
مهيمن : اقسم بالله مش طبيعى خالص
نايا بضحك : بس زي العسل شبه اخته
مهيمن : بس يا قلبي ماتقفلنيش منك ده عسل ده ، ده شلل ، فقع مراره و الله مستحمله عشانك بس هظبطهولك متقلقيش هرجعهولك حد تانى خالص
نايا بخضه ع نفسها : هتعمل فيه ايه ؟!
مهيمن : سيبك منه المهم انتى عامله ايه
نايا : كويسه طول ما انت كويس
مهيمن : انا كده هفضل كويس ع طول عشانك
نايا تكلم نفسها : يا لهوووي هو هيعمل فيا ايه اكتر من كده وتبص ل فادي : خد الفون و رد عليه عدل لحد ما ارجعلك
فادي شدها : بت رايحه فين ؟!
نايا : هشششش
نايا تدخل ع مهيمن و ببرود : كابتن هو عندنا تمارين تانى
مهيمن يمسح وشه بضيق : لا حول ولا قوه الا بالله
نايا : هو انا بقولك حد مات
مهيمن كتب ل نايا : اخوكى قدامى هيشلنى يا اما هتلاقي حد فينا جيلك مايت
فادي يكلم نفسه : اه يا بت ال ، اعمل ايه دلوقتى ارد اقوله ايه ويرد ع مهيمن : بعد الشر عليكم ، معلش هو غلس شويه اقصد شويتين اقصد كتير اووى اديلو طلقه و ريحنى منه
مهيمن يبتسم : يعنى مش هتزعلى عليه
فادي يرد : و الله هو اللى جايبلنا الكلام و بيجيبه لنفسه عايزه صوت الطلقه توصل لحد عندى
نايا بمشاكسه : ع فكره بكلمك بصلى هنا
مهيمن ابتسم و بص ل نايا : هو محدش طايقك خالص ليه؟!
نايا باستغراب : ليه يعنى ؟!
مهيمن : انت كنت عايز ايه؟
نايا : مش فاكر و مشيت اول ما وصلت ل فادي مسكها من هدومها و فضل يضربها
نايا بوجع : أ آه ، عملتلك ايه انا وسع
فادي : بت انتى ناويه تشلينا كلنا
نايا : لا ليه !!
فادي بعصبيه : رحتى تنيلي ايه عند كابتن مهيمن
نايا ب هيام : كان نفسي اشوف وشه و تعبيرات وشه وهو بيكلمنى
فادي : انتى مجنونه صح
نايا بحب تهز راسها ب اه : مجنونه بيه
فادي : لا انتى اكيد مش طبيعيه انا همشي من وشك خالص (و بعد شويه كلم دانيه)
دانيه : الو
فادي : ضي عيونى عامله ايه
دانيه بفرحه : الحمدلله فرحااانه اووى
فادي : طيب فرحينى معاكى
دانيه : فريده اتخطبت للى بتحبه
فادي : عقبالنا يا عيونى انا اول ما انزل لازم اكلم مامتك و مش هقبل اي اعذار
دانيه : و انا موافقه
فادي : اخيرا وافقتى اكلم مامتك
دانيه بضحك : معلش كان فيه ظروف و خلاص اتحلت الحمد لله
فادي : الحمدلله ، وحشتينى
دانيه اتكسفت : عملتو ايه النهارده
فادي طبعا خلاص حفظها لازم ينرفزها او يضايقها عشان تقول اللى جواها : عيونى اطحنت النهارده
دانيه : ليه كده ؟
فادي : كنا بنعدي اسلاك متكهربه واتكهربت كتير لدرجه ايدى
دانيه قاطعته : حبيبي مالها ايدك ؟
فادي بمشاكسه : هي ايدى هتفرق معاكى كتير
دانيه بتوتر : فادي طمنى عليك ايدك مالها
فادي بتمثيل الحزن : اتقطّعت
دانيه بدموع : حبيبي انت كويس ، حاسس بحاجه طيب ، انت عامل ايه دلوقتى؟
فادي : وحشتينى اووى
دانيه بصوت بيبكى : وانت والله وحشتنى اووى و نفسي اجيلك حالا
فادي بضحك : ايوه بقى لازم يعنى اقولك حاجه عشان اخد اللى عندك من احساس
دانيه بصدمه : انت بتهزر صح ؟ ايدك كويسه؟!
فادي : كويسه جدا
دانيه بدموع : ربنا يسامحك ، طيب ليه كده؟
فادي : امسحى دموعك احسن اركب الهوا حالا واجيلك امسحها
دانيه بضيق : حرام عليك ليه بتقلقني عليك
فادي : يا ضي عيونى انا ليا عندك مشاعر و مش بعرف اخد المشاعر دي غير ب كده
دانيه سكتت
فادي : لا اوعي تكونى لسه بتعيطى
دانيه بضيق : ليه بتكذب عليا
فادي : ليه سمتيه كدب ممكن نقول بضحك معاكى
دانيه :-
فادي : دانيتى ، طيب اقطعها بجد عشان ماكنش فيه اي اختلاف في وجهة النظر
دانيه ترد بسرعه : لا بعد الشر عليك
فادي بحب : منحرمش من لهفتك عليا
دانيه : ربنا يباركلى فيك ، روح يالا نام صوتك تعبان
فادي : ده انا همووت من التعب
دانيه : حبيبي ربنا يقويك ويعينك
فادي : اللهم امين
قفل و دخل الخيمه و نام
********
الصبح عند كرم اتصل ب مريم
كرم : معلش يا مريوم عندى شغل و مش هقدر اجيلك هبعتلك تاكسى يوديكى
مريم بزعل : يعنى كمان مش هتوصلنى ، انا خلاص مش هروح
كرم : لا ازعل منك لازم تروحى الامتحان و انا هحاول اجيلك اخدك
مريم بضيق : كمان هتحاول ، و شغل ايه اللى بدرى عندك كده
كرم : هبقى اقولك يالا انزلى التاكسي تحت
مريم بعصبيه : ماشي يا كرم سلام قفلت و نزلت لقت عربيه مرسيدس كبيره و السواق فتحلها الباب دخلت
مريم باستغراب : تاكسي ايه ده و فضلت ساكته لحد ما وصلت اول ما وصلت لقت صورها في كل مكان و مكتوب بحبك يا فراشتى و شافت كرم قاعد ع ركبه و نص و مادد ايده ب بوكيه ورد ، السواق نزل فتحلها و هي كانت متنحه ، نزلت يافطة كبيره فراشتى الجميله خطيبتى و مش هسمح ل اي حد يبصلها و انا بحبها و بموت فيها ، مريم نزلت من العربيه راحتله ادالها الورد و باس ايدها
بنات ورا تقول بحقد بنات : الواد موز خساره فيها
بنت تانيه عقله : ما هي كمان موزه و بطلو ترسمو ع الراجل طلع خطيبها و بيحبها
كرم لبسها خاتم : الدبله ان شاء الله اول ما مهيمن يرجع ( مسك ايدها و دخلها لحد باب المدرسه)
مريم من المفاجأه مانطقتش اصلا
(و للعم كان مستأذن من مدير المدرسه)
*****************
يوم جديد
في القوات الخاصه بعد تمارين كتير
مهيمن : مستعدين للنط من الطياره
نايا : طيب ده سؤال
مهيمن بعدم فهم : نعم؟
نايا : طيب الاجابه لازم تكون مجمله ولا اقول الصراحه
مهيمن باستغراب : ايوه نعم ؟
نايا : هو ايه اللى نعم نعم
مهيمن بلامبالاه : يالا يا شباب
نايا ماسكة فادي : انت هتنط
فادي بتريقه : مش قادر النهارده بفكر اروح اخد تان
نايا : انت هتهزر
فادى : حد قالك الجواب اختيارى
نايا : هي الاسئله دي من النوع الاجبارى
فادي هز راسه ب اه : بالظبط كده ممكن اعدى احسن اتنفخ
مهيمن بيكلم الطيار و المسئول عن البراشوتات و سكت اول ما شافهم
نايا مسكت فادي : بص سكوت كابتن مهيمن اول ما شافنى مش مطمنى
فادي : هششش هيسمعك
نايا بصوت واطى : ما يسمعنى هو انا هخاف
فادي : وحش يالا
نايا بصت لعمرو : انت ساكت ليه ؟
عمرو بتوتر : هششش
نايا : هو كل ما اكلم حد يقولى هششش انا بشحت منكم
مهيمن : اتفضلو البسو و بعد ما لبسو فضل يشرح ازاي يفتحو البراشوت و ازاي يستخدموه
ركبو الطياره و نايا فضلت تقرا قران
********
عند ويزو
تروح ل نضال
ويزو : عامل ايه
نضال : الحمدلله انتو عاملين ايه و فوزى بيه اخباره ايه دلوقتى
ويزو : والنبى متفكرنيش حالته وحشه اووى و ماما مش بتبطل عياط
نضال : ربنا يهديها و ترجعلكم ع خير بصراحه كده الواد ده شكله مش مريحنى انا كمان
ويزو بزعل : ربنا يحفظها
نضال : هو احنا هنقلبها نكد انا قبضت النهارده و هشبرئك
ويزو بضحك : هتودينى فين؟
نضال : هاخدك ع الكورنيش و اشهيصك هناك تعالى بس تعالى متقاطعيش (و ركب معاها عربيتها )
*********
في الطيارة وصلو لمكان عالى
مهيمن : يالا يا نضال استعد
نايا :-
مهيمن : نضال يالا
نايا بخوف : استعد يا موكا
عمرو بان عليه التوتر
نايا بمشاكسه : ايه ده انتى خايفه يا لوزه
عمرو بحده : والا اطلع من دماغي مش نقصاك
نايا تتكلم في سرها : اذ كان عمرو خايف انا انط ازاي اه ياحستى البرونزي ياما، (و تكلم عمرو لانها مش عارفه تضيع الوقت من خوفها ازاي) عمرو يالا عشان هتنزل يالا يا بابا عشان تلحق الموت من اوله
عمرو بعصبيه : ياد انت ملكش دعوه بيا خالص وزقها و قام
نايا : الله ما تسلك شويه من جوه ده الدائري بقى سالك و انت لسه
مهيمن : خلصت غلاسه، يالا قوم استعد
نايا : بص يا كابتن لكل رجل طموح و لكل طموح هدف و لكل هدف حد بيسعى وراه و انا مش فاضى وربنا
مهيمن شاورلها تنزل : مطلبتش منك تتفلسف انزل
نايا : طيب اقول وصيتى ولا انط ع طول
مهيمن : انا مش مكتب محامى تسيب وصيتك عنده ، اقعد اول الطياره
نايا بتتشاهد
مهيمن بحده : اخلص
نايا : و الله هنط اقسم بالله هنط و ربنا هنط و كتاب الله هنط افصل شويه دي التلاجه بتفصل
مهيمن زقها
فادي وقف اتخض عليها
مهيمن بص للمسئول بتاع البراشوت ، المسؤال أخد واحد و نط بيه و مهيمن نط
نايا كانت بتقع مهيمن وصلها و فضل يشاورلها انها تعوم في الهوا عشان ماتنزلش بسرعه
نايا كانت خايفه اووى و مش راضيه تلمس مهيمن عشان من كتر خوفها ممكن تحضنه و سابت نفسها تقع
مهيمن ماسك ايدها و شاورلها تفتح البراشوت
نايا من الخوف مش قادره تسيطر ع اعصابها
مهيمن راح عند البراشوت و حاول يفتحه مش عارف يتحكم فيه شدها عليه و ماسكها
********
ع الكورنيش
نضال : ده انا هشهيصك النهارده
ويزو بضحك : و انا عايزه اتشهيص
نضال راح اشترى بطاطا و بيأكلها في بقها
ويزو بتقرف من اكل الشارع : عبودى مش هقدر
نضال : انتى هتعملى فيها بنت ناس افتحى بقك
ويزو بعد اول حته : دي طعمها حلو اووى و اخدت البطاطا كلها و شافت اجانب معديين،
احنا ليه مش زيهم
نضال : زيهم اللى هو ازاي؟
ويزو تبصله شايف حلوين ازاي و لا الجسم و تبصله بقرف
نضال : لا انا جايبك افسحك تفضلى تبصيلى كده ، انا حلو و زي الفل
ويزو بضحك : و انا طعمه و كايده الكل
نضاله بضحك : ما احنا زي الفل اهو سيبك منهم خلينا في نفسنا
ويزو : طيب هو ليه صحيح الاجانب احلى مننا
نضال بضحك : اكيد السؤال مش ليا، عشان اكيد الصوماليين احلى مني ، احمدى ربك يا ماما تاكلى دره
ويزو : بص بص طيب
نضال بص و تنح
ويزو خبطته : بتبص ع ايه
نضال : ما انتى اللى قولتى بص
ويزو : ما تبصش (و تبص هي عليهم تانى ) لا بقى بص دي كمان
نضال : و لما ابص تزعلى
ويزو : هما ازاي كده
نضال : هقولك عشان اريحك ، اللى احنا فيه ده دلوقتى بسبب الفراعنة
ويزو باستغراب : فراعنة !!
نضال : ايوه و الله زي ما بقولك كده ما انا بكرههم ليه ، كانو البهوات بيجيبو احلى بنات من مصر و يرموهم في النيل، منهم لله مش عارف ليه ياخدو الحلوين و بيسيبو البنات الوحشين و (تبصله ويزو بغيظ )
نضال بخاف : او العاديين يعنى هما دول اللى اتجوزو و خلفو و عيالهم اتجوزو و خلفو و السلاله كملت لحد ما جينا احنا عرفتى ليه بقى بكره الفراعنه ، نفسى اعرف الناس ليه بتفتخر ب اصلها الفرعونى
ويزو : هو انت ما بتفتخرش ب اجدادك
نضال : و افتخر بيهم ليه
دول كانو رجاله و ستات لا مؤاخذه مش لابسين غير ورقة باربي و دي كانت بتدارى ايه ولا ايه و بعدين كانو بيأمنو ب حاجات غريبه جدا اله للحب الها للشجر و مش بعيد يكون عندهم الها للشاي الها للنسكافيه و ياريت يبقو توأم عشان ناس بتحبه بالحليب وناس بتحبه بلاك تعرفى لو كانو عايشن لوقتنا هذا كانو عملو الها للفيس الها للواتس
ويزو بضيق : هارك الوان الطيف ايه اللى انت بتقوله ده بتتريق ع حضارتك
نضال : و انتى اصلا عرفتى من فين الحضاره الفرعونيه دي كلها يا حبيبتى حضاره اصلها شقاوة عيال كان الواد يرسم ع الحيطه تيجى امه ضرباه ع ايده و تقوله كخ يا حبيبي روح ذاكر عشان بابا يجيبلك العجله الحربيه اللى انت عايزها ، لا و بيقولو الحمله الفرنسيه كانت عايزه تدمر تمثال ابو الهول لكن صلابة الفراعنه وقفت قدامه و ماتكسرتش غير مناخيره بس ايه الكدب ده ما يقولو كان فيه شوية عيال فراعين حريقة بانجو كانو يتلمو تحت التمثال و هاتك يا شرب و ابو الهول مستحملش و مكنش عارف يحط ايده ع مناخيره ماهو تمثال لحد ما مناخيره وجعت و وقعت ما تبطلو تبقو اوفر بقى
ويزو : بس بس انا مش عارفه ازاي ناسي كل شي يخصك و فاكر كل ده ايه الكره ده كله و الحقد ده
نضال : سيبك منهم تعالى لما ارميكى في البحر
ويزو : ايه!!
نضال : اقصد اركبك البحر يوووه يا ستى اقصد اركبك مركب قومى يالا
**********
عند نايا في الهوا
كانت خلاص قربت ع الارض و اول ما نزلو
مهيمن بعصبيه : انت متخلف يلا
نايا قعدت في الارض حطت وشها بين رجلها و مش قادره حتى ترفع راسها و لا تنطق
مهيمن : اللى انت عملته ده ممكن يموتك
نايا :-
مهيمن : انت ازاي عديت اختبار الثقه و انت بالمنظر ده
نايا :-
مهيمن بحده : ايه اتخرست دلوقتى
المسئول عن البراشوت وصل ع الارض و معاه فادي
فادي اول ما شافها جرى عليهم بقلق : هو ماله
مهيمن : ده مش طبيعى فعلا
فادي : بعد اذنك اتفضل انت و انا هشوفه
مهيمن قام مشي و كان متعصب جدا
فادي : نايا مالك انتى يا مصيبه ردى عليا
نايا :-
فادى رفع وشها و اول ما بص عليها اتخض
لقى مناخيرها بتجيب دم و عينها ورمه و بتعيط
فادي بخوف عليها : نايا ردي عليا ، بالله عليكى ردي انتى كويسه طيب هزى راسك
نايا بتعب : عايزه انام
فادي : انا لازم اقول ل الكابتن انك تعبانه
نايا بتفرد جسمها ع الارض : تؤ تؤ سبني انام
فادي : هتنامى فين هنا تعالى نركب العربيه اللى جابتنا
مهيمن كان في مكتب و قلبه وجعه اووى و من غير ما يعرف السبب
كل الفرقه نزلو بالبراشوت و كل واحد معاه مدرب براشوت حتى عمرو لما نزل كان دايخ و بيجيب دم من مناخيره و اغم عليه