رواية معشوقتي المجنونة الجزء الاول كامله

اجمل ريڤيو ❤️

السلام عليكم
ازيكم يا شباب

المره دي #ريڤيو⁦⁦✍🏻⁩✍🏻⁩جديد بس مش اي #ريڤيو⁦✍🏻⁩⁦✍🏻⁩ المره دي الريڤيو عن روايه كوميدى رومانسى حاجه كده قلت افصل بيها قبل ما اخش في الغويط ويبدا يجيلي تهيؤات🥴🥴.

طبعا الكاتبه قعدت تتحايل عليا عشان ما اتكلمش عن السرد😁😁 قال يعني عشان هي صاحبتي وحبيبتي🙈😍 بس never مش بسمه هي اللي تغير مبادئها⁦☝🏻⁩⁦☝🏻⁩.

وبعدين اذا ما كنتش اجي على اصحابي هاجي على مين يعني.😇😇

روايه النهارده هي الجزء الاول من روايه "معشوقتى المجنونه" للكاتبه "ابتسام محمود الصيري" الصادره عن دار نشر "المكتبه العربيه" للطبع والنشر والتوزيع.

هي الروايه غريبه شويه في احداثها تحسها قالبه على خيال علمي😂😂 بتحكي عن بنت اسمها نايت بتحب ركوب السكوتر وفي يوم ما يعلم بيه الا ربنا🥴 خبطت واحد وسبحان الله طلع ظابط قوات خاصه .. قوم ايه.. خير اللهم اجعله خير. الست نايت تتفزلك وتاخد ورقه وتقلعه هدومه وتروح هي مكانه.

اول ما راحت قابلت كابتن مهيمن وده الضابط اللي هيدربهم على العمليات الخاصه وسبحان الله رغم انها بنت لكن اثبتت تفوقها على كل الرجاله اللي موجوده -كالعاده طبعا⁦💪🏻⁩⁦💪🏻⁩وتقوم بقى قصه الحب اللي بينها وبين الكابتن وبتتعرف عليه على اساس انها اخت نضال اللي اخذت شخصيته وانه اخوها التوام وتكمل الاحداث على كده مش عايزه احرق الروايه بس في الاخر الكذب مالوش رجلين😒😒.

**اللغة**
عامي سرد وحوار وعشان هي روايه تعتبر كوميدي فانا فوتها بمزاجي😒😒 بس الحلو ان الكاتبه اخذت المغامره وبتكتب الجزء الثالث بسرد فصحى وحوار عامي وده كان الهدف الاساسي من الجروب اننا نرتقي بكتاباتنا.😍

وبما ان الروايه عاميه في انا هاكتب الريڤيو بالعامي.

نخش في الموضوع على طول😁😁.

**الحوار**
كان رائع في الروايه منمق ومتسلسل هي بس كانت ساعات بتدخل كلمات فصحى في وسط العاميه بس ضحكت من قلبي على الافيهات اللي كانت موجوده فيه الكتابه الكوميديه من اصعب الكتابات بعد الفانتازيا بس الكاتبه ابدعت فيها.

**السرد**
يعتبر ما كانش موجود قوي اكتفت بوصف الاماكن والانفعالات عشان كده بنقول ان العاميه متنفعش في السرد ⁦ابدا🤚🏻⁩⁦.

**الشخصيات**
الرئيسيه كانت مكتوبه بشكل كويس جدا بس انا عجبني شخصيه نضال وويزو وكنت الصراحه مسترخمه دور دانيه صاحبه نايا معجبنيش دورها بس عجبني دور فادي وعمرو وفريده وشادي

**الحبكه **
كانت الاحداث متماسكه بس غريبه شويه ..الروايه تعتبر خياليه ما بتحصلش في الحقيقه يعني حته تزوير الورق وتدخل القوات الخاصه وان مصر ولاول مره في التاريخ تكسب كاس العالم على يدي ابتسام 😂😂وان احنا نقدر نفجر اسرائيل دي كانت حاجه غريبه جدا وطبعا الرواية انتهت بالنهايه السعيده لجميع الاطراف.

**التسلسل الزمني للاحداث**
القصه كلها دارت في شهرين فكان التسلسل الزمني مظبوط ما فيش في مشاكل.

احلى حاجه في الروايه انها فيها عظه وعبره رغم انها كوميديه في بعض الشخصيات زي مريم ودكتور كرم وان الواحد مياخودش حد بذنب غلطه ملوش يد فيها ..وقصه رنا ومدحت وان الاهل دايما على حق مهما كان الحب فمرايته عميا.

كمان الروايه كوميديه جدا ضحكت فيها وانبسطت وانا بقراها ولسه في جزء ثاني جوه متقراش وابتسام اصرت اعمل نقد لكل جزء لوحده .. ربنا عالظالم 😭😭.

تقييم الرواية :3.5/5

الدرجه ونص دول لعده اسباب

١-الكاتبه ما ينفعش تخش تفسر الاحداث في وسط الحوار ماتدخليش في الروايه يا ابتسام اقعدي في بيتكوا ومتدخليش فيها😁😁.

٢-اي روايه هتتنشر ورقي لازم كانت تتراجع كويس الروايه اصلا كانت الكتروني وتحولت لورقي وكان فيها غلطات من الاكتروني موجوده كانها منقوله كوبي بيست ولخبطه كتير في الاسماء ده غير مقبول في روايه هتتنشر ورقي ودي مش غلطه الكاتبه دي غلطه المراجع والمدقق اللغوي واسمه غريب زيه مين "الشاعر الصغير" ده🤔🤔.

٣-اي روايه هتتكتب عاميه يبقى لازم نمشي على نفس النمط ماينفعش تدخل فصحى في وسط العاميه.

٤-مشاهد كانت قصيره جدا في بعض الفصول لدرجه ان المشهد مابيعديش سطرين ونخش على مشهد ثاني وممكن ده يتكرر اكثر من مره وده غلط جدا بتقطع الاحداث بطريقه غريبه وده مش مقبول يعني مش لازم اعرف مثلا نايا ومهيمن بيعملوا ايه في وسط مشهد لفريده وشادي.

٥-كان ممكن في المشهد بتاع كاس العالم يبقى كاس الامم الافريقيه او حتى مباراه دوري ابطال اوروبا عشان تبقى مبلوعه دانا دماغي هنجت وعملت error داحنا عايشن بحس الجون بتاع مجدي عبد الغني لغايه دلوقتي وناسيين ان محمد صلاح دخل ٢ 🥴🥴🥴.

٦-معلومه كده عالماشي.. البارود اللي في القنبله لو اتبل ما ينفعش يتعمل بيه قنابل تانيه.😠😠

وبكده اكون خلصت الريڤيو ويارب ابتسام متعمليش بلوك النهارده😂😂😂.

#هو_مال_الداخلي_بقى_خارجي_كده🙄🙄
#بوبو😱😱
#مال_صوتك_بقى_زي_اخلاقك😂😂
#هو_مجدي_عبدالغني_اللي_دخل_الجون_في_الروايه🥴
#ما_تديني_دولفين_يامهيمن_شالله_يخليك🐬🐬
#تقريبا_انا_قطر_خبطني🚃🚃🚂
#يارب_يكون_القطر_سليم😂😂
— مع ‏‎Princess Bosy‎‏.