جلس على الكرسي بينما يرتشف بعضاً من القهوة المعبأة في كأس ورقية و ملامح وجهه منزعجة بشكل كبير جداً، نظر له صديقه باستغراب و سأل:
وائل: مالك ي مراد؟! وشك اتقلب كدة ليه؟
مراد: شوفت البت اللي قابلتها المرة اللي فات
ضيق وائل عيناه قليلاً ثم تذكر الفتاة التي يقصدها:
وائل: اللي خليت مناخيرها تنزف؟
مراد: ايوة هي
وائل: طيب و فيها ايه يعني لما شوفتها؟!
أرتشف من قهوتك مجدداً ثم أراح جسده على ظهر الكرسي:
مراد: هربت مني
وائل بصوت عالي: يعني وشك مقلوب القلبة دي كلها عشان هربت منك!! متخليش دمي يفور منك
مراد: دي اول وحدة تهرب مني
وائل: مش كل البنات شبه بعضها لازم تعرف ده كويس ي حلو
تأفأف بحنق و قال:
مراد: انا عايز اتجوزها
وائل: نعم؟!
مراد: اللي سمعته البت رشقت قلبي رشقة معرفش ازاي انا لما اشوفها تاني ان شاء الله هطلب منها رقم ابوها و عنوان بيتهم و اروح اتقدم هي مش امي كانت عايزة تفرح بيا و تشوف عيالي قبل ما اموت هحققلها الحلم ده
ابتسم بسعادة و ملامحه تحمل ملامح قراره الجاد ليفزع وائل من هذا المزيج في ملامحه، مد يده نحو عنقه ثم رفعها نحو جبينه ليجد درجة حرارة جسده جيدة:
وائل: انت مش سخن ولا حاجة
مراد: يووووه بقى انت بتفكرني بخترف صح؟
اومئ له وائل بصراحة شديدة لكنه ضحك قائلاً:
وائل: ايوة بس يلا الهداوة حلوة بردو يعني هشوفك و انت بتروح عش الزوجية بنفسك؟!
مراد: ان شاء الله
وائل: مبروك ي صاحبي مقدماً
مراد: الله يبارك فيك ي لولو
اتسعت عيناه و صرخ بصدمة:
وائل: ولد ايه لولو دي؟!
مراد: بدلعك جاتك نيلة
وائل: بلاش دلعك اللي زي السم ده
مراد: الحق عليا اني بدلعك
وائل موافقاً: ايوة الحق عليك
رن هاتف وائل فيجد المتصل أيمن رد عليه بسرعة:
وائل: السلام عليكم
ايمن: و عليكم السلام
وائل: في اخبار جديدة؟
ايمن: ايوة تعال انت و مراد دلوقتي عشان في مهمة جديدة
وائل: تمام مسافة السكة و هنبقى عندك
ايمن: مستنيكم، سلام
وائل: سلام
أغلق الهاتف ثم وضعه في جيبه ليسأله مراد:
مراد: في ايه؟!
وائل: في مهمة جديدة لازم نرجع المديرية دلوقتي
مراد: طيب يلا بينا و انت اللي هتسوق
وائل: مش مهم بس ربنا يستر عشان كان باين من صوته انها حاجة مهمة اووي
مراد: ان شاء الله خير
وائل يتمتم: ان شاء الله
امسك مراد سلاحه من على الطاولة هو و وائل في آن واحد ثم وقفا و ذهبا إلى السيارة في توقيت ممتاز بعد إعطاء بعض التعليمات الضرورية لشرطة المرور المتواجدة في نقطة التفتيش.
أنت تقرأ
|| ملاك ||™ 2020 سيتم التعديل قريباً
General Fiction#1 🥇في أخوات #4🏅 في أدهم ° من أجلها نسيت ذاتها° ° من أجلها كبحت جماح نفسها ° ° من أجلها عاهدت نفسها على الرضوخ و عدم التمرد مجدداً ° ° لكنها ذهبت في وقت خاطئ بسبب شخص لم تتوقعه أن يفعل هذه الكارثة ° ° من الذي يستطيع أن يسيطر عليها الأن؟؟ ° ° من ال...
