حارة العشق «قيد التعديل»

الفصل الثامن..

نكمل روايتنا(حارة العشق)بقلم سلسبيل كوبك..
الفصل ال8..
آخر حاجة وقفنا عندها في الفصل ال7..
غصون ابتسمت بهدوء ل حنان و بصت ل غيث...
زينب:بصي يا بنتي من غير لف و دوران احنا جايين نطلبك لابننا عدنان بس ال..
غصون كانت بتشرب من البيبسي تفت كل اللي في بوقها بصدمة و غيث بصلها بصدمة شديدة..
غصون شرقت و قعدت تكح كتير و غيث جري جاب ليها ماية و بدأ يطبطب علي ضهرها..
زينب و حنان بصوا ل بعض و بعدها بصوا ل غصون..
غصون:ابنكم مين؟جواز إيه؟أنتوا بتقولوا إيه اصلا؟
حنان:ابننا عدنان و زينب شيفاكي واحدة محترمة و واضح من معاملتك أنك متربية و..
غصون:و أنتوا بين كل البنات اللي هنا ملقتوش غيري..
زينب:حبيت جدعنتك معايا و مع البت منار و ساعتها عرفت أن لو عدنان في شدة تقدري تقفي جمبه..
زينب:و كمان انا مش عايزة أعرف كنتي فين و لا حصلك إيه كفاية عندي البي قولتيه..
غصون:اللي هو؟
زينب:والدك توفي و طردوكي من البيت..
غصون بصت ل غيث اللي قعد و كان منتظر رأيها..
حنان:عدنان ميتعابش في حاجة..
حنان:و خليكي عارفة أنك واخدة سيد الرجالة..و مش هتلاقي زيه في أي حتة..
حنان:و هيشيلك في عينيه..
غصون:هو عارف أنكم جايين هنا؟.
زينب(بتوتر):أيوه..
غصون:ا..
حنان:قدامك يومين تفكري فيهم يا بت الناس..يلا يا زينب..
زينب:فكري كويس يا حبيبتي..
زينب و حنان قاموا مشيوا و غيث وصلهم لغاية الباب لقوا ام عبده كانت واقفة بتتصنت..
أم عبده(بخضة):ست حنان..
حنان(بحدة):مش عيب يا أم عبده و لا إيه؟
أم عبده جريت علي شقتها علطول,حنان مشيت هي و زينب..
غيث:هنعمل إيه؟
غصون:هرفض طبعا..
غيث:طب..
غصون:عايز تقول إيه؟
غيث:ما تتجوزيه و..
غصون(بصدمة):أفندم أتجوز مين!
غيث:اسمعيني ممكن تتجوزوا و هو شكله عنده مركز هو و أبوه هنا و أكيد هيقدر يحمينا كويس و ممكن يرجع حقنا و..
غصون:أقفل علي الموضوع ده يا غيث لا..
غيث:ده حتي وسيم..
غصون:مين اللي وسيم ده أصلا؟ده شبه شبه..
غيث(بغمزة):شبه القمر..
غصون(بتريقة):لا مش شبه القمر يا خفيف..
غيث:براحتك..
غصون:و كمان في فرق في المستوي التعليمي..
غيث:انتي مش بتبصي ل كدة يا غصون..
غصون:لا أكيد هبص ل كدة أكيد يعني مش هتجوز واحد جاهل..
غيث:طيب براحتك..
غيث ساب غصون و مسك الشنط اللي حنان جابتها و لقي طبق حلويات و فاكهة و بدأ يأكل..
غصون:عيل همك علي بطنك..
غصون:انا نازلة الشغل..
غيث:طيب..
غصون قامت لبست هدومها و باست رأس غيث و نزلت للمكتبة و دخلت..
غصون:السلام عليكم..
عيسي:و عليكم السلام خشي يا حبيبتي...
غصون:شكرا يا عمو..
غصون و عيسي بدأوا يقفوا في المكتبة و بيتكلموا و لو جه حد غصون تبيعله..
غصون:كنت عايزة حضرتك في موضوع..
عيسي:قوليلي الاول أخوكي في سنة كام؟
غصون:في تانية ثانوي..
عيسي:طيب..
عيسي راح ناحية الكتب و بدأ يطلع الكتب الخاصة بتانية ثانوي و حطهم قدام غصون..
عيسي:هدية مني لاخوكي..
غصون(بصدمة):لا لا..
غصون:مينفعش حضرتك انا كنت هكلمك في كدة و كنت هقولك لو أدفعهم علي أجزاء..
عيسي:انتي فاكرة أول يوم شوفتك فيه هنا قولتلك إيه؟
غصون لا رد..
عيسي:انتي زي منار بنتي يعني لو ممار كان عندها ولد كنت أكيد هوديها الكتب و من غير مقابل..
غصون(باحراج):شكرا لحضرتك..
عيسي:متقوليش كدة..انتي بنتي..
رشدي:السلام عليكم..
عيسي:عليكم السلام يا حاج رشدي..
رشدي بص ل غصون بنظرة شاملة و بص ل عيسي..
رشدي:أخبارك إيه؟
عيسي:الحمدلله يا حاج رشدي و انت اخبارك و اخبار قهوتك..
رشدي:الحمدلله..
رشدي:مين الآنسة؟
عيسي:غصون الجارة الجديدة..قد بنتك علا يا حاج رشدي..
رشدي بص ل عيسي بغيظ و بص ل غصون..
رشدي:و ماله يعني؟! اهو تغيير..
عيسي:اخبار مراتك الرابعة إيه؟
رشدي:قرفاني و خلاص قررت اطلقها و يا بختها اللي تبقي مراتي..
غصون عملت نفسها مش واخدة بالها و فتحت الكتب بتاعت غيث و بدأت تلقي عليها نظرة سريعة..
غيث:غصون..
غصون:تعالي يا غيث..
غيث:بعتيلي ليه؟
غصون:معلش زعجت جنابك..خد يلا الكتب دي طلعها فوق..
غيث:طيب..
غصون:متنساش درس الساعة 5..
غيث:حاضر..
غيث مشي و رشدي بص ل غصون..
رشدي:اسمك إيه يا آنسة؟
غصون(بحدة):اسمي غصون و اللي بتفكر فيه انساه..
غصون(بحدة):عن أذنك يا عمو هشتري حتجة من بره و أجي..
عيسي:طيب يا حبيبتي..
رشدي(بخبث):نوع جديد..
عيسي:نفسي أعرف بتصلي ازاي انت؟!دي قد بناتك يا حاج رشدي اتقي ربنا..
رشدي:الشرع محلل اربعة..
عيسي:يعني تطلق واحدة علشان تتجوز تاني هتخرب بيت علشان واحدة..
رشدي:ملكش انت بس دعوة..انا هتصرف..
رشدي:بس البت جميلة..
عيسي(لنفسه):أستغفر الله العظيم..
رشدي:الحق انا هروح قهوتي..
عيسي:يا ريت..
رشدي مشي و عيسي بص مكانه و لقي غصون دخلت..
غصون(بحدة):شخص قليل الذوق متجوز اربعة و قال عايزني انا كمان..ده إيه التفكير العقيم ده..
عيسي:معلش يا بنتي..
غصون قعدت مع عيسي في المكتبة..
*************************
-في مكان تاني..
_في بيت العربي..
سوسن:انا قولتلهم لازم تأخدوا رأي عدنان الاول قالولي ملكيش دعوة..
زينة:اهدي يا مرات أبويا بقي..
زينة:لما يجيوا يا عدنان كلمهم بس براحة..
عدنان(بعصبية):هو للدرجة دي مليش رأي و لا إيه متعصبونيش..هو انا بت هتغصبوني علي الجواز..
حنان:قطع لسان اللي يقول كدة أنت راجل و سيد الرجالة..
عدنان:اومال إيه اللي أنتي عملتيه ده يا عمتي؟
زينب:اهدي بس يا عدنان أنت هتفضل يعني طول عمرك من غير جواز لازم يبقي في واحدة ست في حياتك..
عدنان(بعصبية):و انا مش عايز كدة..
حنان:الحاج شهاب وافق..
عدنان(بعصبية):انتوا يعني بتحطوني قدام الامر الواقع؟!
زينب:اهدي بس يا عدنان فيها إيه يعني...
عدنان(بعصبية):متقوليش اهدي دي تاني مش عايز أسمعها تاني..
عمر(بسخرية):ما تتجوز يا عم و أخلص..
عدنان(بحدة):عمر مش فايقلك..
عمر:يا تري مين العررس يا عمتي؟
حنان:جارتنا الجديدة.
عمر(بحذر):قصدك مين بالظبط؟!
زينب:غصون غصون يا عمر البنت اللي جت جديدة للحارة..
عدنان رفع رأسه بصدمة ل زينب و حنان..
عدنان:بين كل البنات ملقتوش غير دي..
حنان:يعبيها إيه؟أنت شوفت عليها حاجة وحشة لا سمح الله؟
عمر(بعصبية):و احنا نجوزه ليه واحدة منعرفش أصلها و لا أي حاجة عنها..
زينب:طب ما ده أفضل واحدة مقطوعة من شجرة و هتبقي كل حياتها لعدنان..
عدنان(بعصبية):طب أسمعوا انا مش عيل صغير علشان تقولوا ليا اتجوز فانا هتجوز...
عدنان(بعصبية):مفهوم؟
سوسن:تتجوز تتطلق تعيش تشتغل تموت حتي هي مش فارقة..
سوسن قامت مشيت و دخلت المطبخ..
عمر(بانفعال):انا مش موافق علي الجوازة دي..
زينب:ليه إن شاء الله؟!البت ميعبهاش حاجة..
حنان:معترض ليه يا عمر؟
عمر(بانفعال):انت مش هتوافق فاهم..
عدنان حط ايده في جيب بنطلون بهدوء و قرب من عمر لغاية ما بقي قدامه و ابتسم بخبث..
عدنان:انا موافق يا عمتي..اعملوا كل اللازم..
عدنان سابهم و مشي و عمر مسك أقرب حاجة ليه و كانت عبارة عن ڤازة إزاز كسرها في الارض و خرج ورا عدنان..
عمر(بغضب):استني عندك..
عدنان وقف مكانه من غير ما يلف ليه..
عمر(بغضب):أنت موافق علي إيه؟!
عدنان لف لعمر ببطء و قرب منه حط إيده علي كتفه..
عدنان:أظن أنك لازم تروح تكشف لو مسمعتنش انا قولت إيه..
عمر زق عدنان بغضب في كتفه عدنان رفع عينه ل عمر و بصلها ببرود..
عمر(بغضب):دي و لا..
عدنان:اشمعنا دي لا؟!و كمان مش أنت هتموت و تخليني أتجوز علشان اتلهي شوية بيها....
عدنان:و الصراحة بقي كدة يا هي يا بلاش و اعتقد ا..
عمر ضرب عدنان بوكس في وشه بغضب عدنان وقع في الارض رفع رأسه ل عمر..
عمر:هقف في وشك يا عدنان..
عدنان:معنديش مانع..و كمان الصراحة كدة انا متجوزها هي بالذات علشان اغيظك..
عمر(بغضب):و رحمة أمك يا عدنان ما هسيبك..
عدنان:انت يا ابني مش هتبطل كلام عمري ما شوفتك بتنفذ كلام خالص..
عمر(بغضب):طيب اصبر عليا عدنان اصبر عليا..
عدنان:طيب انا رايح بقي شغلي..
عدنان قام و هو بينفض هدومه و شهاب دخل عليهم.
شهاب:بتعملوا إيه؟
عدنان:مفيش يا حاج كنت بتكلم مع عمر شوية...
شهاب:عمتك رجعت؟
عدنان:أيوه..
شهاب:من غير لف و دوران أكيد عرفت إيه اللي حصل..
شهاب:مش عايز أسمع اعتراض يا عدنان الا لو مقنع يعني مثلا البن..
عدنان:متقلقش يا حاج انا عن نفسي موافق..
عمر سابهم و مشي شهاب بصله و بعدها بص ل عدنان..
شهاب:عرفت هي مين؟
عدنان:اه البنت اللي جت جديدة..
شهاب:هما ملقوش غير دي..
عدنان:انا موافق عليها يا حاج..
شهاب:طيب..و أخوك قاسم اختفي فجأة كدة ليه؟
عدنان:عليه شغل كتير في الجامعة..
شهاب:طيب..و اخوك عمر ده ماله؟.
عدنان:طبعه يا حاج طبعه..
شهاب(بتنهيدة):طيب يا عدنان روح شغلك يا ابني..
عدنان:عن اذنك يا حاج..
عدنان مشي و شهاب دخل البيت لقي حنان بتتخانق مع سوسن..
سوسن:و انا مالي ما هو كدة كدة كان هيعرف و لا كنتوا ناوين تخبوا عليه هو بت ر لا ايه..
حنان(بعصبية):في إيه يا بت سعدية ما تقفي عوج و تتكلمي مظبوط يا حبيبتي و لا إنتي عايزة تأخدي علقة من شبشبي...
سوسن:لا يا حنان انا بتكلم مظبوط جدا معملتش حاجة غلط و هو عرف و كمان وافق..متضايقة ليه بقي؟
زينب:اهدوا بس منك ليها..
زينة:حصل خير يا عمتو..
حنان:لا هي ناقصة تربية..
حنان قلعت شبشبها و كانت راحة ناحية سوسن...
شهاب(بحدة):حنان..
سوسن راحت ناحية شهاب و وقفت وراه..
سوسن:شوفت يا حاج كان هتعمل إيه؟!
حنان:علشان انتي قليلة الرباية بس..
زينب(بهمس):اهدي يا حنان اخوكي جه..
حنان:انت لازم قرار في مراتك دي يا اخويا دي ما بتصدق تعمل حريقة بين أي اتنين هنا..
حنان سابتهم و مشيت و زينة و زينب راحوا وراها..
شهاب:زينب استني..
زينب:حاضر يا حاج..
شهاب(بحدة):و انتي يا سوسن لسانك تقصريه احسن ما اقجصهولك(اقصه ليكي*)..
سوسن(بغيظ مكتوم):حاضر يا حاج..
شهاب:روحي يلا حضري الاكل..
سوسن مشيت و دخلت المطبخ تجهز الغداء..
شهاب:اقعدي يا زينب..
زينب:نعم يا حاج..
شهاب:عملتوا إيه؟
زينب:كنا رايحين ليها بس تعبت و قعدنا معاها شوية لغاية ما بقت حلوة و كلمناها و هي هتفكر...
شهاب:لو بتتعب بسرعة أو فيها حاجة وحشة فبلاش منها يا زينب..
زينب:متخافش يا حاج هو بس مجرد ارهاق لانك زي ما انت عارف يعني ابوها مات و هي جت هنا و أكيد مش معاها فلوس كتير يعني و..
شهاب:لو وافقت فخلي عدنان يجي معاكوا و تروحوا تشتروا الدهب..
زينب:حاضر يا حاج..
شهاب:طيب لما توافق قوليلي..
زينب:حاضر يا حاج..
شهاب شاب زينب و دخل أوضته المنفصلة غير بتاعت زينب و سوسن..
زينب دخلت لاوضة حنان و قعدت معاها..
زينة:تفتكروا هتوافق؟هي اصلا متعرفناش..
زينب:إن شاء الله هتوافق اهدي بقي و ادخلي من البلكونة..
زينة:استني شوية يا ماما..
زينة كانت واقفة بتبص علي محمود و هو ماشي جمب مامته بيشتري معاها الخضار..
حنان(بحدة):بتعملي إيه يا زينة ادخلي يلا..
زينة(بضيق):حاضر..
زينة دخلت و قعدت علي السرير بضيق شديد..
************************
-في مكان تاني...
_عند شهد..
شهد كانت قاعدة جمب أماني أختها اللي بتذاكر و هي بتفكر في غصون و عدنان..
الباب خبط..
شهد قامت فتحت الباب لقت أم عبده..
أم عبده:جيالك بخبر لوز..
شهد بصت لأم عبده و بعدها بصت لاماني فخرجت بره الشقة و ردت الباب وراها..
شهد:خير؟
أم عبده:بس..
شهد:حقك محفوظ...
أم عبده:ست حنان و ست زينب جم النهاردة..
شهد:لمين؟
أم عبده:للبيت عند اللي اسمها غصون دي..
شهد(بحذر):كانوا بيعملوا إيه عندها؟!
أم عبده:طالبين إيديها لاسطا عدنان..
شهد شهقت و حطت إيديها علي صدرها بصدمة كحركة شعبية..
شهد(بغضب):بت ال****..
أم عبده:انا جيت أقولك أهو علطول..
أم عبده:فين حلاوتي؟
شهد(بغضب):أخبارك سم زيك..
شهد(بخبث):بس لو عملتي اللي في دماغي هديكي 5 باكو و مش خسارة فيكي..
أم عبده(بلهفة):قولي و انا معاكي في أي حاجة..
شهد(بخبث):اسمعي..
شهد بدأت تتكلم مع أم عبده و تقوله تعمل إيه..
أم عبده:عيوني..
شهد:النهاردة قبل بكرة تعملي كدة..
أم عبده(بخبث):حالا..
_عند غصون..
غصون:همشي انا يا عم عيسي..
عيسي:طيب يلا اطلعي..
غصون سابت عيسي و طلعت شقتها قعدت علي أول كرسي قابلها بتعب..
بعد فترة غصون دخلت الحمام خدت دوش طويل تريح بيه جسمها و خرجت تغير هدومها..
"غصون لبست بنطلون رمادي بيتي و فوقه تي شيرت باللون الأسود ب ¾ كم قصير لغاية الخصر و لبست شراب أبيض و سيبت شعرها علي ضهرها"..
غصون خرجت من أوضتها بتعب و قعدت علي موبايلها شوية..
تليفونها رن...الخط اتفتح..
غصون:نور عاملة إيه؟!
نور:بخير الحمدلله و انتي يا حبيبتي عاملة إيه وحشاني أوي..
غصون:و أنتي أوي يا روحي..
نور(بدموع):هترجعي امتي بقي؟!
غصون:معرفش بس إن شاء الله قريب و كل الامور تتعدل..
نور(بدموع):يا رب يا غصون يا رب..
غصون:انتي احسن دلوقتي؟!
نور(بدموع):اه..
غصون:نور..
نور:إيه؟
غصون:عايزة أخد رأيك في حاجة؟!
نور:قولي في حاجة حصلت..
غصون:اه في عريس م..
نور(بصدمة):عريس لحقتي وقعتي عرسان من أسبوعين!!!
غصون(بضحك):أخرسي..
نور:طب شكله عامل ازاي و تعليمه و شغله و عائلته و معاه فلوس و لا لا؟
غصون:إنتي بتقولي إيه انا مش هوافق أصلا..
نور:ليه بس؟!
غصون:هتجوز واحد من حارة و منطقة شعبية يا نور مش هتأقلم و كمان متنسيش حياتي عاملة ازاي و إيه اللي مستنيني لو رجعت..
نور:طب رأي غيث إيه؟!
غصون:عايزني أتجوزه و أقوله حكايتي و يساعدني علشان عنده فلوس و غني...
نور:طب حلو ده..
غصون:انتي كمان ده إيه ده يا ربي؟!
نور:أهم حاجة الواد مز بو مز معنديش مانع خشي القفص..
غصون:انا بتكلم في إيه و انتي بتتكلمي في إيه؟!
نور:يا بنتي صعب تلاقي واد شعبي مز كدة..و هيعلمك الكلمات البيئة..
غصون:تصدق يا بيئة أنك بيئة و انا غلطانة إني كلمت واحدة بيئة زيك يا بيئة..
الباب خبط..
غصون:اقفلي يا بيئة هكلمك تاني..
غصون قفلت مع نور و قامت فتحت الباب لقت قدامها أم عبده..
أم عبده:أخوكي هنا؟!
غصون:لا في الدرس ليه؟!
أم عبده:علشان نعرف نشوف شغلنا..خشوا يا ستات..
غصون لقت خمس ستات دخلوا و زقوها لجوا الشقة و معاهم أم عبده واقف علي الباب..
غصون(بعصبية):مين دول؟!
أم عبده:دول هيظبطوكي يا عروسة قبل الفرح..
غصون رجعت ل ورا خطوة و الخمس الستات راحوا ناحيتها و وقعوها في الارض و بدأوا يضربوها و غصون بدأت تصرخ و تحاول تبعدهم عنها بس معرفتش..
غصون(بصريخ):الحقوني..
غصون(بصريخ):ابعدي عنك منك ليها..يا شوية حيوانات..
ست1:بقي احنا يا حيوانات يا زبالة الحارة..
الخمس ستات قعدوا يضربوها و هي بتحاول تحمي نفسها و وشها..
غصون غمضت عينيها جامد بس فتحتهم لما لقت باب الشقة بتاعها بيقع في الارض قدامها و بيظهر عدنان و علي ملامحه الجمود..
أم عبده أول ما شوفته اتوترت و رجعت ل ورا بسرعة و كذلك الستلت بعدوا عن غصون بخوف شديد من عدنان..
عدنان قرب من غصون و نزل علي ركبته و رفع رأسها من غير أي كلمة,غصون كانت بين الوعي و اللاوعي..
غصون كانت بين ايدين عدنان حاسة بوجع في كل جسمها و خايفة من الستات اللي قدامها..
الستات بأم عبده بدأوا ينسحبوا و يخرجوا..
عدنان(بصوت عالي مليان بالغضب):اقفوا عندكوا...
أم عبده(بخضة):يا اسطا عدنان ا..
عدنان(بغضب):قولت اقفوا عندكوا و الا هترجعوا بيتكم الليلة جثث...
زينة(و هي بتنهج):عدنان..
زينة كانت جت جري مع أماني اللي راحت قالت ل عدنان كل اللي سمعته من شهد لأم عبده علشان ينقذ غصون..
عدنان:تعالي يا زينة..
زينة راحت جري ناحية غصون و خدتها من ايدين عدنان اللي قام وقف و قرب من الستات اللي قدامه..
عدنان(بحدة):إيه اللي عملتوه ده؟!
أم عبده(بخوف):دول بس حبوا يرحبوا بيها و ا..
عدنان(بغضب):لولا أنك واحدة ست كان زماني مسحت بيكي بلاط الشقة كلها..
عدنان(بغضب):طب اسمعي منك ليها دي هتبقي مراتي كمان كام يوم اللي هيقرب ليها بس يقول علي نفسه يا رحمن يا رحيم..
عدنان(بغضب):بره يلا..
أم عبده جريت علي شقتها و قفلت الباب,باقي الستات مشيوا بسرعة من قدام عدنان..
زينة(بغيظ):منهم لله..ربنا ينتقم منهم..
عدنان:تقدري تروحي يا أماني انتي..
أماني:حاضر بس..
عدنان(بحدة):روحي علي بيتك يا أماني و انتي عارفاني مش بأذي واحدة ست...
أماني مشيت و عدنان قرب من زينة..
غصون(بخفوت):انتي مين؟!
زينة(بابتسامة):انا زينة أخت عدنان يا حبيبتي..
غصون حركت رأسها الناحية التانية شافت عدنان ابتسمت ليه بامتنان..
عدنان:قادرة تقومي؟!
غصون(بخفوت):آه..
غصون بدأت تقوم بمساعدة زينة اللي قعدتها علي الكنبة و قعدت جمبها,عدنان وقف قدامها ربع ايده..
زينة:حاسة بوجع؟!
غصون:يومين و هخف..إيه الجديد يعني ما انا من ساعة ما جيت هنا و كل يوم مصيبة جديدة..
زينة:ربنا ييسر ليكي الحال..
زينة:هدخل أعملك حاجة تأكليها..
غصون:لا لا شكرا أكيد مش هتعبك.
عدنان طلع تليفونه و اتصل بشخص و قفل معاه..
زينة:مفيش تعب خالص اهدي انتي بس..
زينة:هقوم..
زينة دخلت المطبخ و بدأت تشوف تعمل أكل إيه ل غصون..
عدنان قرب من غصون و قعد قدامها علي الترابيزة..
غصون:شكرا..
عدنان:اعتبر دي موافقة علي جوازك مني؟!
غصون(بحدة):افندم!!و الله أشك انك انت اللي باعت الستات دي علشان تعمل الفيلم ده كله...
عدنان مسك ايد غصون و شدها ناحيته جامد و هي شهقت بصدمة و بصتله بحدة..
عدنان:انا مش هموت عليكي و مش هتجوزك علشان خاطر عينيكي دي..
عدنان:و كوني هتجوزك فده لمصلحتك يا بنت الناس انتي مش هتزيديني شئ...
غصون(بحدة):و انا إيه اللي يضمنلي أن مصلحتي معاك و كمان أنت متعرفش حكايتي و..
عدنان:ليه هو في حاجة غير اللي أنتي قولتي عليها؟!
غصون(بتوتر):لا مفيش..بس مسألتنيش كنت عايشة فين و أبويا مات ازاي و لا أي حاجة..
عدنان:ميهمنيش..
غصون:و انا من حقي أعرف عنك كل حاجة..
عدنان(بخبث):ليه لتكوني واقعة في حبي؟!
غصون(بحدة):انا أحبك!!!يه شايف نفسك راغب علامة..
عدنان:و حياتك انا أحلي منه..
غصون(بحدة):وسع كدة وسع إيدك دي..
خضير:اسطا عدنان..
عدنان:حط العدة عندك يا خضير و امشي..
خضير:حاضر يا اسطا عدنان..
خضير الصبي بتاع عدنان حط شنطة العدة في الارض و مشي..
عدنان:جهزي نفسك يا عروسة بكرة الصبح هنروح نشتري الشبكة..
عدنان قام وقف و راح ناحية الباب و بدأ يركبه هو..
غيث:انت!!
عدنان(بابتسامة):ازيك؟!
غيث:بتعمل إيه في بيتنا؟!
غيث(بلهفة):غصون..
غيث دخل جري البيت و راح ناحية غصون و خدها في حضنه..
غيث:انتي كويسة؟!
غصون:متخافش يا حبيبي..
زينة:انا جهزت الأكل...
غيث(بهمس):مين دي؟!
غصون(بهمس):أخت الكائن ده..
غيث(بهمس):و إيه اللي جاب الكائن ده هنا؟!.
غصون(بهمس):حصلت مشكلة بسيطة كدة..
غيث(بهمس و بغمزة):موافقة تتجوزيه يعني..
غصون(بهمس):اخرس..
غصون:شكرا ليكي يا آنسة..
زينة(بابتسامة):زينة يا روحي..
غصون:شكرا ليكي يا زينة..
عدنان:همشي انا بكرة جهزي نفسك..
عدنان مشي و زينة قعدت جمب غصون..
زينة:مش هتقوم تغير يا غيث؟!
غيث:اه طيب..
غيث قام دخل أوضته و زينة مسكت ايد غصون..
زينة:بصي يا قمر انتي قالوا عنك حكاوي كتير أوي..و اللي انا شوفته أنك واحدة قمر ربنا يحفظك..
زينة:بجد جميلة ربنا يحميكي..
زينة:بصي طبعا مفيش حاجة اسمها غصب في الجواز و احنا مش هنغصبك علي حاجة بس نفكر بالعقل..
زينة:عدنان شاب حلو و بيشتغل و عنده شهادة و معاه فلوس و عنده بيته اعتقد انه ميعبهوش حاجة..
زينة:و امشي اسألي أي حد في الشارع عن عدنان العربي هيقولك حكايات كتيرة عنه و عن أخلاقة و أدبه و عمره ما جه علي مظلوم و بيحافظ علي بنات الناس..
زينة:انتي و رأيك يا حبيبتي..همشي انا يلا باي..
زينة مشيت و سابت غصون تفضل تفكر طول اليوم..
***********************
-في الصباح الباكر..
_في بيت العربي..
زينب طلعت ل شقة عدنان و دخلت لأوضته بدأت تصحيه..
زينب:يا عدنان عدنان..
عدنان(بنوم):ماما سيبيني دلوقتي..
زينب:يا عدنان قوم نجيب شبكة عروستك..
عدنان فتح عينيه ببطء و بص ل زينب كان هينام تاني بس زينب صحته و هو قام قعد علي السرير..
عدنان(بنوم):قومت أهو..
عدنان(بنوم):مين جاي؟!
زينب:انا و عمتك و اخواتك البنات..
عدنان:طيب..
زينب:هو اللي زينة قالته صح؟!
عدنان:ايوه شهد بعتت ستات تشوه وشها..
زينب:كل البنات بتحبك يا عم و هيموتوا عليك..
عدنان:و انا مش عايز حد منهم..
زينب بصت ل عدنان بحزن و قربت منه..
زينب:عدنان يا ريت متزعلش مني من اللي عملته بس ده علشان انت فعلا مينفعش تقعد كدك من غير جواز و واحدة ست تشوف احتياجك..
عدنان:تمام يا امي..
زينب:طب يلا قوم...
عدنان:طيب اسبقيني علي تحت..
زينب نزلت ل تحت و عدنان دخل الحمام خد دوش و خرج غير هدومه..
"عدنان لبس بنطلون أسود و فوقه تي شيرت بكم باللون الرمادي و لبس كوتشي أبيض و لبس ساعته و حط البرفيوم بتاعه و سرح شعره"..
عدنان نزل ل تحت زينة و عهد أول ما شافوه جريوا عليه..
زينة:حلو اوي بسم الله ما شاء الله..
عهد:من امتي و انت حلو كدة؟!
عدنان ضرب عهد علي رأسها بخفة..
عدنان:ليه كنت معفن قبل كدة يا خفيفة؟!
عهد:لالا مش قصدي..أقصد يعني شكلك باين مرتب أوي عن كل مرة..
عدنان:طب مش يلا بينا..
حنان:يلا يا حبيبي..
سوسن كانت بتبصلهم بغيظ,عدنان خرج ركب عربيته و معاه الكل في نفس العربية..
عدنان ساق لغاية ناحية بيت غصون..
عدنان:انزلي يا زينة..
زينة:حاضر..
زينة طلعت ل شقة غصون اللي فتحت الباب..
زينة:إيه يا عروسة لسة مجهزتيش؟!هو مش عدنان قالك ان النهاردة هننزل نشتري شبكتك و لا إيه؟!
غصون وقف دقيقتين بتفكر و بعدها خدت قرارها..
زينة(بخفوت):إيه مش موافقة؟!
غصون(بابتسامة):لا موافقة..
غصون:اتفضلي..
زينة:لا هستناكي تحت يلا بسرعة..
غيث(بغمزة):وافقتي يعني؟!
غصون:لسة بفكر لسة...
غيث:طيب...
غصون:خش البس يلا..
غيث دخل غير هدومه"غيث لبس بنطلون أسود جينز و فوقه قميص أبيض و لبس كوتشي أبيض"..
غصون غيرت هدومها كذا مرة و معرفتش تلبس إيه..
غيث:خير؟!
غصون:محتارة..
غيث:محسساني أننا عندنا هدوم كتيرة يعني..
غصون:محتارة ألبس بنطلون و أي تي شيرت و لا فستان..
غيث:الفستان ده هيبقي عليكي حلو..
غصون:طب أخرج هجرب..
غصون بدأت تغير هدومها و تلبس اللي غيث قال عليه...
"غصون لبست فستان بحمالة عريضة علي الكتفة و نازل لغاية بعد الركبة بشوية و فيه نقاط باللون الأحمر و الابيض و لبست كوشتي أبيض و لبست شنطة بيضة صغيرة و سيبت شعرها علي ضهرها"..
غصون خرجت ل غيث اللي صفر أول ما شفاها..
غيث:جميلة..
غصون:يلا بينا..
غيث و غصون نزلوا ل تحت كان عدنان بيبص في ساعته بغضب فرفع عيونه لقي قدام غصون و غيث..
عدنان بص ليها من تحت ل فوق بغضب و هي بصتله بضيق...
عدنان:تعالي يا غيث أنت جمبي..
حنان نزلت من جمب عدنان و غيث ركب جمبه..
عهد و زينة في الكرسين اللي ورا و قدامهم زينب و حنان مع غصون...
عدنان بدأ يسوق ناحية محل دهب بيتعامل معاه..
عدنان وقف قدام المحل و الكل نزل و دخلوا..
عدنان:عم جوهر..
جوهر(صاحب المحل):ازيك يا عدنان..
عدنان(بابتسامة):اخبارك؟!
جوهر:الحمدلله اؤمر..
حنان:عايزين كدة شبكة تليق بمقام عروستنا..
جوهر:مين هيتجوز؟!
حنان:عدنان..
جوهر:يا ألف مبروك..شوفوا أنتوا عايزين إيه اختاروا..
زينة:اختاري يا غصون..
غيث(بهمس):مالك واقفة كدة ليه؟!
غصون(بهمس):بفكر اشتري إيه..
عهد:يلا يا عروسة مكسوفة و لا إيه..
غصون:لا عادي..
غصون قربت من الجواهر اللي موجودة قدامها و بدأت تبص علي الدهب و لفت نظرها خاتم دهب شيك جدا شاورت عليه..
جوهر:ذوق خطيبتك حلو يا عدنان..
عدنان(بابتسامة مجاملة):شكرا ليك..
حنان:بس هو ده!!!!
غصون:أيوه خاتم و دبلة..
زينب:الناس تأكل وشنا..
غصون:اشمعنا..
حنان:دي هدية العريس لعروسته و لازم عدنان يقدملك احسن حاجة..
حنان:هاتلي 12 غويشة عيار 24 من عندك...
غصون(بصدمة):ليه ده كله!!!!.
غصون:لا طبعا..
غصون:لو سمحت هو الخاتم ده و هو يختار دبلته..
عدنان:أي حاجة من ذوقك يا عم جوهر..
جوهر:و انا واثق في ذوق خطيبتك..
غصون:شكرا لحضرتك..
غصون لقت كذا دبلة ل عدنان و اختارت واحدة من ضمنهم باللون الفضي شيك..
جوهر:تحب يا عدنان أكتب عليها حاجة؟!
عدنان:لا هي كدة..
غصون بصتله و بعدها بصت في الارض..
زينب و حنان بدأوا يختاروا كذا حاجة ل غصون تانية و معاهم عهد..
عدنان:احسب كل حاجة يا عم جوهر..
زينة:طب ما تتبادلوا الخواتم دلوقتي...
غيث:أه يلا يا غصون..
غصون بصت ل غيث بغيظ و بعدها بصت ل عدنان..
عدنان شد ايديها و هي بصتله بغضب و لبسها دبلتها..
زينة:دورك يا غصون..
غصون:هو متشلش زي ما لبسني يلبس نفسه..
عدنان بص ل غصون بغضب و قرب منها خطوة و هي رجعت خطوتين..
غصون(لنفسها):انا إيه اللي خلاني أواقف بس ده إيه الجنون ده يا ربي اهرب من مشكلة اروح ل مشكلة تانية برجلي..
تليفون عدنان رن...الخط اتفتح..
بنت:استاذ عدنان؟!
عدنان:أيوه مين؟!
بنت:انا طالبة الدكتور قاسم هو..
عدنان(بقلق):ماله هو كويسة؟!.
بنت:هو حاليا في المستشفي متصاب و..
عدنان(بخضة):إيه طب أقفلي انا جاي...
عدنان(بقلق):عم جوهر خليك معاهم و انتوا روحوا بأي توكتوك من هنا..
عدنان طلع جري بره المحل و هو في قمة قلقه و..
***************************
يتبع::::::::