حارة العشق «قيد التعديل»

الفصل التاسع..

نكمل روايتنا(حارة العشق)بقلم سلسبيل كوبك..
الفصل ال9..
آخر حاجة وقفنا عندها في الفصل ال8..
تليفون عدنان رن...الخط اتفتح..
بنت:استاذ عدنان؟!
عدنان:أيوه مين؟!
بنت:انا طالبة الدكتور قاسم هو..
عدنان(بقلق):ماله هو كويس؟!.
بنت:هو حاليا في المستشفي متصاب و..
عدنان(بخضة):إيه طب أقفلي انا جاي...
عدنان(بقلق):عم جوهر خليك معاهم و انتوا روحوا بأي توكتوك من هنا..
عدنان طلع جري بره المحل و هو في قمة قلقه و ركب عربيته,غصون طلعت وراه لقته هيسوق وقفت قدام عربيته..
عدنان(بعصبية):ما تبعدي..
غصون:هتسوق و أنت بالمنظر ده ازاي؟!
عدنان(بعصبية):ابعدي من وشي أحسن و ربي أدوسك..
غصون(برفعة حاجب):أعملها..
عدنان غمض عينه جامد بيحاول يهدئ نفسه لقي الباب اللي جمبه اتفتح و غصون بتركب جمبه..
عدنان(بحدة):راحة فين؟!
غصون:هأجي معاك ممكن تعمل حادثة بحالتك دي..
عدنان بص ل غصون و افتكر قاسم فبدأ يسوق ناحية القاهرة..
_عند الباقي..
زينة(بقلق):هو حصل إيه؟!
عهد:معرفش..
زينب:هتلاقي حصل حاجة في الشغل ضروري..
حنان:تعالي يا غصون شوفي ده..
حنان لفت ملقتش غصون موجودة و كذلك الباقي..
غيث:هي طلعت علطول ورا عدنان..
زينة و غيث طلعوا ملقوش عربية عدنان و لا غصون..
زينة:ممكن تكون راحت وراه؟!
زينب:أكيد بس ازاي كدة مينفعش..
حنان(بهدوء):عم جوهر ضيف دول للحساب..
جوهر:تمام..
بعد فترة بسيطة..
جوهر:اتفضلوا..
زينب:شكرا..
كلهم خرجوا بره المحل و وقفوا توكتوك زينب و حنان في واحد و استنوا لما جه توكتوك تاني و غيث و زينة و عهد في واحد بس غيث جمب السواق..
وصلوا للحارة و حنان ودت غيث شنطة الدهب..
حنان:خد دي وديها لأختك لما ترجع..
غيث:تمام..
غيث طلع الشقة و كان قلقان لأنه لوحده و خايف علي غصون,الباقي رجعوا بيتهم..
_عند غصون و عدنان..
عدنان كان مركز علي الطريق..
غصون(بخفوت):احنا رايحين فين؟!
عدنان لا رد..
غصون:بكلمك علفكرة..
عدنان(ببرود):انتي وافقتي تيجي من غير حتي ما تعرفي حصل إيه يبقي تسكتي طول الطريق مش ناقص كتر كلام....
عدنان مسك تليفونه و اتصل بالرقم اللي اتصل بيه من شوية...الخط اتفتح..
عدنان:الو..
بنت:الو يا أستاذ عدنان..دكتور قاسم حاليا نقلوه أوضة عادية..
عدنان:نسيت أخد عنوان المستشفي..
بنت:اه اه صح بعتذر..
عدنان:لا عادي اتفضلي..
بنت:مستشفي ***** اللي موجودة في شارع ال****..
عدنان:اه عارفها تمام...حضرتك الانسة إيه؟!
بنت:سندس..و الدكتور موجود في أوضة رقم 302..
عدنان:تمام شكرا يا آنسة سندس تعبتك معايا..
سندس:و لا تعب و لا حاجة..
عدنان قفل مع سندس و حط تليفونه قدامه و فضل مركز علي الطريق..
غصون اكتشفت أنها في القاهرة بدأت تخاف و تتوتر.
غصون(بتوتر):احنا جايين هنا نعمل إيه؟!
عدنان وقف بسرعة العربية و غصون اتحركت لقدام و كانت هتتخبط في تابلو العربية بس عدنان حط إيده قدامها..
غصون بصتله بغيظ و اتعدلت في قعدتها.
عدنان(ببرود):اربطي الحزام و دخلي لسانك جوا بوقك شوية..
غصون(بغيظ):شايفني كلبة قدامك..
عدنان(بعصبية):كلمة كمان و هنزلك علفكرة..
غصون(بعصبية):إيه قلة الذوق دي ا..
عدنان(بحدة):بصي يا بنت الناس اتعدلي معايا كدة و صوتك ميعلاش عليا متخلقش لسة اللي يعلي صوته عليا..
عدنان(بحدة):مش عايز اسمعلك صوتك لغاية ما نوصل..
غصون بصت ناحية الشباك بضيق و عدنان بدأ يسوق ناحية المستشفي بعد فترة بسيطة كان وقف قدام المستشفي..
عدنان:خليكي هنا..
غصون:هتسبني لوحدي؟!
عدنان:مش هتتأكلي يعني..
عدنان نزل من العربية و ساب غصون فيها و هي بصاله بغضب شديد..
غصون(بغضب):مش عارفة ايه اللي خلاني افكر التفكير العقيم اللي ملهوش أي لازمة ده..
غصون(بغضب):كنت أروح بيتي معززة مكرمة و لا إيه اللي خلاني أوافق اتجوز ايه القرف ده؟!
عدنان دخل المستشفي و سأل عن الدور اللي موجودة فيه أوضة رقم 302..
عدنان وصل للأوضة لقي قدامها سندس و ماسة..
عدنان:السلام عليكم..
ماسة:و عليكم السلام..
عدنان:انا عدنان أخو قاسم..هو أخباره إيه دلوقتي؟!
ماسة:الدكتور طمنا عليه و قال هيفوق بليل..
عدنان:طب ممكن أعرف إيه اللي حصل؟!
سندس:هو ودانا المحاضرة و عدي اليوم بتاعنا عادي و كنا خارجين و هو راح ناحية عربيته..
سندس(بخوف):فجأة ظهر واحد لابس قناع أسود علي وشه ضربه بالسكينة في جمبه..
عدنان:محدش عرف يمسكه؟!
سندس(بخوف):لا..
عدنان:طب انتي تعرفيه او؟!
سندس(بذعر):لا لا و الله ما شوفت وشه..
عدنان(بابتسامة خفيفة):اهدي خالص حصل خير..انا بس بسألك..
ماسة:بعتذر لحضرتك بس هي بتخاف من الحاجات اللي زي دي..
عدنان:لا عادي...شكرا علي وقفتكم جمبه تقدروا تروحوا أنتوا بيتكم..
ماسة:لا..
عدنان:انا هقدر اهتم بيه تقدروا تمشوا..
ماسة:متأكد حضرتك؟!
عدنان:اه متقلقوش..
ماسة:تمام هنبقي نيجي نطمن عليه بكرة..
عدنان:تمام شكرا..
ماسة خدت سندس و خرجوا بره المستشفي مشيوا..
عدنان قعد قدام أوضة قاسم لفترة و بعدها أفتكر أن موبايله في العربية,عدنان قام و نزل للعربية فتح الباب ملقاش غصون..
عدنان خرج بسرعة من العربية و بدأ يبص حواليه بقلق في كل مكان لغاية ما لمحها جاية من بعيد..
عدنان جري ناحية غصون اللي اتخضت من منظره,عدنان مسك دراع غصون جامد و شدها ناحيته..
عدنان(بحدة):انتي بتستعبطي كنتي فين؟!
غصون(بقلق):كنت في الحمام..حصلت حاجة؟!
عدنان(بحدة):و مقولتيش ليا ليه؟!
غصون شدت دراعها من بين ايدين عدنان و ربعت ايديها و بصتله ببرود..
غصون:و أقولك ازاي و جنابك سايبني في العربية بقالي يعتبر ساعة و نص و كمان موبايلك موجود في العربية و اصلا مش معايا رقمك و معرفش انت فين في المستشفي..
عدنان شد التليفون بتاع غصون و سجل فيه رقمه و كان متعصب من ردة فعلها..
عدنان:تعالي ورايا..
غصون:مش شغالة عندك علشان تعمل كدة علفكرة..
عدنان(بحدة):علفكرة انا علي آخري شخص حاول يقتل أخويا و هو فوق مرمي علي سرير في المستشفي فانا مش فايق أصلا..
عدنان مشي و غصون مشيت وراه و هي متضايقة,عدنان طلع لأوضة قاسم و قعد قدامها و غصون قعدت جمبه و كان بينهم صمت تام...
************************
-في مكان تاني...
_عند رامي و نور..
رامي:اللهم طولك يا روح..
نور:في إيه؟!
رامي:مفيش حاسس بخنقة..
مراد:إيه يا أبو نسب أوعي تكون متضايق مني..
رامي:هو حد يتضايق من وجودك يعني..
مراد:اه بحسب..
نور بصت ل رامي بضيق و قامت دخلت المطبخ و رامي دخل وراها حط ايده علي كتفها..
نور:وسع هصب العصير..
رامي:انتي زعلتي ليه؟!
نور:مزعلتش هو أنت بتزعل حد يعني؟!
رامي:نور..
نور:انت لو مش طايق أخويا هنا قولي و انا اتصرف..
رامي وقف قدام نور و ربع إيده و بصلها..
رامي:انتي شايفة كدة؟!
نور:انا مش شايفة غير كدة..
رامي(بحدة):نور إيه دماغك دي؟!ده انتي اللي عارفة بيني و بين مراد إيه ده أحنا أخوات و أكتر من كدة..
نور:بس..
رامي(بحدة):مش بس يا نور يا ريت دماغك تكبر..
رامي:روحي انتي ل مراد هصب العصير و أجي..
نور(بندم):رامي..
رامي(بحدة):روحي لأخوكي يا نور..
نور.خرجت قعدت جمب مراد,رامي صب العصير و خرج..
رامي:انا داخل أشتغل شوية في أوضة المكتب..
مراد:طيب يا أبو نسب..
رامي دخل أوضة المكتب مراد راح ناحية نور..
مراد:في ايه بينك و بين رامي؟!
مراد:حصل ايه بينكم؟!
نور:مفيش خناق بسيطة..
مراد:أكيد طبعا بسبب دماغك الصغيرة دي..
نور(بضيق):علفكرة مفيش حاجة من دي أنت فاهم غلط..
مراد:عليا برضو!! قومي يا نور قومي يا اختي ربنا يهديكي..
مراد:صالحيه..
نور:انا اللي تعبانة المفروض هو اللي يجي يصالحني حتي لو انا اللي غلطانة..
مراد(برفعة حاجب):و الله؟!
مراد(برفعة حاجب):تصدقي إنه خسارة فيكي..
نور(بشهقة):يا حيوان!
مراد:بقول الحقيقة..خليكي كدة بقي..
مراد ساب نور و دخل لاوضته و قفل الباب,نور قعدت تأنب نفسها كتير..
نور قامت راحت ناحية أوضة مكتب رامي و خبطت الباب..
رامي:ادخل..
نور دخلت ببطء و قربت من رامي و وقفت جمبه..
رامي:لو مفيش حاجة مهمة أخرجي..
نور:رامي..
رامي:اتفضلي؟!
نور:هتفضل زعلان مني كدة؟!
رامي:نور روحي نامي..
نور:طب..
رامي:روحي نامي يا نور..
نور:انت بتتقمص بسرعة علفكرة..
رامي رفع رأسه ل نور و بصلها برفعة حاجب,نور قربت منه بسرعة و باسته علي خده..
رامي ملامحه لانت تلقائي و خد نور في حضنه..
نور(بفرحة):بحبك..
رامي باس رأس نور و وطي شالها و خرج بره أوضة مكتبه...
رامي:طب ما كنتي تيجي من بدري..
نور ضحكت علي رامي و باسته علي خده تاني..
نور:حبيبي الوسيم انا..
رامي:خدتي الدواء بتاع؟!
نور:تؤ..
رامي:ليه؟!
نور:علشان خاطر حبيبي هو اللي بيهتم بيا و بمواعيد الدواء بتاعي..
رامي:يطلع مين حبيبك ده؟!
نور:اممم شاب وسيم و جميل و عسول كدة و لطيف بس بعيد عنك ساعة الغضب و الزعل يالهوي بيكون وحش أوي..
رامي:و الله؟!
نور:بس علي قلبي زي العسل..
رامي ابتسم علي نور و باس خدها و حطها علي السرير و راح جاب الدواء بتاعها و وداه ليها..
نور:شكرا..
رامي ابتسم ل نور و طفي النور و راح نام جمب نور..
رامي:عايزين نجوز اخوكي ده..
نور:اممم فعلا عندك حق كبر خلاص و عجز..
رامي(بضحك):يا ريته سمعك دلوقتي..
نور:أهون عليك يا حبيبي؟!
رامي(بضحك):تهوني و نص..
نور:يا رخم..
رامي ضم نور لحضنه و باس رأسها و بدأ ينام و كذلك نور...
_عند مراد..
مراد كان بيتكلم في التليفون بصوت واطي..
مراد(بحدة):قولتلك لسة معرفش..
مراد(بحدة):يعني اعملك ايه رامي بيشيل الورق ده في الخزنة الخاصة بيه و محدش يعرف كلمة السر..
مراد(بحدة):قسما بربي لو قربت مني انا او اختي او رامي قول علي نفسك يا رحمن يا رحيم..
مراد(بحدة):خلاص فهمت يلا باي..
مراد قفل مع الشخص اللي كان بيتكلم معاه و رمي التليفون علي السرير بغضب..
مراد:اعرف بس منين رقم الخزنة!!
***************************
-في مكان تاني...
_عند شهد..
أماني كانت بتصرخ بسبب شهد اللي كانت بتضربها بغل و غضب..
شهد(بغضب):بقي انا يا أماني تبعيني ماشي يا بنت ال***..
شهد(بغضب):اه يا واطية..
الباب خبط..
شهد بِعدت عن أماني بأعجوبة و راحت ناحية الباب فتحته لقت أم عبده و رشدي..
أم عبده:اهدي كدة..
رشدي:صلي علي النبي يا شهد..
شهد(بعصبية):عليه أفضل الصلاة و السلام يا عم رشدي..ادخلوا..
رشدي:حرام عليكي عملتي فيها ايه؟!
شهد(بغضب):بنت ال*****.....تبيعني لعدنان..
رشدي:ليه كدة يا أماني؟!
أماني مسحت دموعها و زحفت لورا كذا مرة..
أماني(بعياط):كان حرام عليا اشوفها بتأذي واحدة برئية معملتش ليها حاجة و اقعد ساكتة..
أم عبده:ما البت تستاهل اول ما جت حطت عينيها علي اسطا عدنان..
ام عبده:انا مش مصدقة اني خلصت من اسطا عدنان كان زمانه قتلني..
شهد:اودي وشي منه فين بس يا ربي..
رشدي:اهدي يا شهد..
أم عبده:انا شوفتهم خرجوا النهاردة..
شهد:قصدك ايه يا أم عبده؟؟
أم عبده:يعني راحوا اشتروا الشبكة..
شهد(بغضب):بنت ال*******....و الله لاعرفها مقامها..
رشدي:ناوية تعملي ايه؟!
شهد(بغل):معرفش بس الموضوع مش هيكمل علي خير أبدا..
أماني بصتلهم و سابتهم و دخلت أوضتها...
**************************
-في مكان تاني...
_في بيت العربي..
عهد:البت جامدة..
زينب:قولي بسم الله ما شاء الله يا عهد..
عهد:بسم الله ما شاء الله يا ماما..
زينة:بس استغربت ان عدنان لسة مجاش..
حنان:شهاب لو عرف انهم مع بعص لحد دلوقتي لوحديهم هيطربق الدنيا علي دماغنا..
زينب:انا واثقة في أخلاق عدنان ابني انا اللي مربياه..
سوسن(بسخرية):علشان كدة نقلق..
حنان(بعصبية):بصي يا سوسن انا بستحمل سخافتك كتير بس المرة دي لا انا مش طيقاكي اخفي من وشي..
سوسن(بسخرية):من امتي و انتي طيقاني!
زينب(بقلق):هو قاسم مبيردش علي التليفون ليه و لا اتصل بيا؟!
زينة:متقلقيش يا ماما هتلاقيه مشغول بس..
زينب(بقلق):لا انا حاسة انه فيه حاجة..
حنان:متقلقيش يا زينب هو كويس متخافيش..
زينب:يا رب...يا رب يا حنان..
زينة:يلا نطلع نرتاح..
زينب:اطلعوا أنتوا هستني الحاج اشوفه لو محتاج حاجة..
سوسن:لا خليكي يا زينب انا هستني الحاج..
زينب لا رد..
زينب:اطلعوا انتوا دلوقتي يلا..
حنان قامت دخلت أوضتها و زينة و عهد دخلوا أوضتهم...
سوسن:مروحتيش ليه؟!
زينب قامت وقفت و قربت من سوسن وقفت قدامها.
زينب:بصي يا سوسن انا بسكتلك كتير و بأجي علي نفسي كتير و معنديش مانع بس لو فكرتي بس مجرد تفكير انك تبوظي موضوع عدنان و تبوظي الدنيا صدقيني هقف في وشك انا..
سوسن(بسخرية):انتي مش قادرة تدافعي عن نفسك هتدافعي عن عدنان ازاي؟!
زينب:ملكيش دعوة..
سوسن:يا تري العروسة تعرف ا..
شهاب:مساء الخير..
زينب:مساء النور يا حاج نورت..
شهاب قعد علي الكنبة اللي موجودة في الصالة..
شهاب:عملتوا إيه يا زينب؟!
زينب:روحنا عند عم جوهر الجواهجري و العروسة اختارت دبلتها و دبلة عدنان..
شهاب:بس كدة!!هي اختارت كدة بس؟!
زينب:اه يا حاج..بس انا و حنان اشترينا ليها كذا حاجة كدة جمب دبلتها..
شهاب:طيب كويس..عدنان رجع معاكوا؟!
زينب:لا جاله تليفون مهم و مشي..
شهاب:طيب جهزي العشاء يا سوسن...
سوسن:حاضر يا حاج..
سوسن:تؤمر بحاجة تانية؟!
شهاب:لا..
شهاب:حاجة حصلت هناك يا زينب؟!
زينب:لا..
شهاب:وصلتوها لحد البيت؟!
زينب:وصلنا اخوها بس..
شهاب:قصدك ايه؟!
زينب(بتوتر):ها؟!
شهاب(بحدة):زينب انتي مش بتعرفي تلفي و تدوري قولي الحقيقة..
زينب(بخوف):الصراحة يا حاج عدنان جاله تليفون مهم و خرج بسرعة و غصون جريت وراه و مشيوا مع بعض..و لغاية دلوقتي عدنان مرجعش..
شهاب(بعصبية):يعني هما لغاية دلوقتي مع بعض لوحدهم!!
زينب:اهدي بس يا حاج انت تعرف أخلاق عدنان كويس..
سوسن:الاكل يا حاج..
شهاب:مش عايز طفح..
شهاب:اتصلي بعدنان دلوقتي و حالا يا زينب..
زينب(بخوف):حاضر..
زينب مسكت تليفونها و اتصلت بعدنان بس الرقم مغلق رنت كذا مرة و الرقم برضو مغلق..
زينب:مغلق يا حاج..
شهاب(بعصبية):لما يجي حسابه كبير..
زينب:يا حاج انت عارف عدنان و أخلاقه و..
شهاب:مش عايز اسمع صوت..
شهاب سابهم و طلع لاوضته و سوسن بصت ل زينب بشماتة و سابتها و دخلت أوضتها..
زينب راحت لاوضة شهاب و خبطت الباب..
شهاب:ادخل..
زينب:يا حاج..
شهاب:عايزة ايه يا زينب؟!
زينب:متزعلش مني..
شهاب:تسيبيهم لوحدهم يا زينب؟!
زينب:احنا فجأة ملقنهاش..
شهاب سكت و بص قدامه و بعدها بص ل زينب..
شهاب:خلاص يا زينب...
زينب:همشي..
زينب ابتسمت ل شهاب و سابته و راحت أوضتها..
_عند عدنان..
عدنان موبايله كان فصل و قاعد منتظر ان قاسم يفوق,غصون كانت تعبت و قلقانة علي غيث..
غصون مسكت موبايلها و اتصلت ب غيث..
الخط اتفتح...
غيث:انتي فين يا غصون؟!
غصون قامت من جمب عدنان و بدأت تتكلم مع غيث..
غصون:معلش يا حبيبي..
غيث:انا مش عايز انام الا لما ترجعي..
غصون:لا يا حبيبي نام معرفش انا راجعة امتي..
غيث:طب انتي كويسة؟!
غصون:اه متقلقش..
غيث:طب حاولي متتأخريش..
غصون:حاضر..
غيث:يلا باي..
غصون قفلت مع غيث و رجعت قعدت جمب عدنان تاني..
عدنان(بهدوء):تحبي تأكلي؟!
غصون:لا..
عدنان(بهدوء):ا..
غصون:هنروح امتي؟!
عدنان:لما قاسم يفوق..الدكتور قال هيفوق بليل..
غصون:انت مش شايف احنا فين الساعة 11 بليل اتأخرنا..
عدنان:محدش قالك تيجي معايا..
غصون(بضيق):افتكرت حصلت حاجة و تسوق بتهور و تعمل حادثة..
عدنان:انا بعرف أفصل كويس و بعرف أتصرف ازاي مكنش في داعي لتفكيرك ده..
غصون(بضيق):خلاص يا عم انا غلطانة ادي آخرة اللي يفكر في خير..
عدنان(بملل):متفكريش تاني اصلا..
غصون ضربت عدنان في كتفه بغيظ,عدنان اتصدم من حركتها..
غصون(بضيق):ده انت رخم..
عدنان لا رد..
الدكتور دخل لاوضة قاسم اطمن عليه و خرج ل عدنان اللي قام وقف..
عدنان:ها يا دكتور؟!.
الدكتور:هيفوق بكرة الصبح إن شاء الله..حاليا نايم..
عدنان:تمام يا دكتور شكرا..
عدنان قعد فترة و بعدها قرر انه يروح..
عدنان:يلا نمشي..
غصون لا رد..
عدنان لف ناحية غصون لقاها نايمة بعمق و سانده رأسها علي الحيطة اللي وراها..
_في الصباح الباكر...
غصون فتحت عينيها ببطء لقت ناس ماشية قدامها و ناس راحة و دوشة حواليها...
غصون رفعت رأسها شوية لقت عدنان و أنها نايمة علي كتفه قامت بسرعة مفزوعة..
غصون:اسفة مكنش قصدي..
عدنان مبصش ليها قام وقف و حط ايده في جيبه..
عدنان:خشي الحمام اغسلي وشك و اخرجي هنروح مشوار بسيط..
غصون:طيب..
غصون دخلت حمام المستشفي غسلت وشها كذا مرة,غصون رفعت شعرها ل فوق علي شكل ديل حصان و نزلت كام خصلة علي وشها..
غصون خرجت لقت عدنان ساند بضهره علي الحيطة و مربع ايده..
غصون(بخفوت):عيل بارد مغرور..
غصون:انا جاهزة..
عدنان(ببرود):مفيش داعي للنفاق ده ورايا يلا...
عدنان مشي و غصون وراه و هي متضايقة..
عدنان:افردي وشك مبحبش الستات النكدية..
غصون(بشهقة):يا رخم..مين اللي نكدية؟!
غصون:و انا مالي بتحب ايه و لا مش بتحب ايه؟!
غصون شهقت لما عدنان مسك ايديها و قربها منه..
عدنان:هكتفي بالدبلة دي مؤقتا لغاية بعد الجواز..
عدنان:أتمني تكوني فهمتي مبحبش برضو الستات الغبية اللي زيك بالظبط..
عدنان:و مبحبش الستات اللي بتتخض من أقل حاجة..
غصون شدت ايديها من عدنان بعنف و ربعت ايديها و بصتله بغيظ..
غصون:تحب العبلك في الاعدادات عندي قول قول اصل انا بزرار و طالما انت مش بتحب ده كله و ده كله موجود فيا هتتجوزني ليه؟!
عدنان(ببرود):مزاجي...و يلا انزلي وصلنا..
غصون بصت من الشباك لقت عدنان واقف قدام مول كبير فتحت الباب و نزلت و كذلك عدنان..
عدنان مسك محفظته و طلع ال criedt card..
عدنان:خدي دي و ادخلي اشتري كوتشي جديد بدل اللي اتقطع و اشتري حاجة محترمة تغطي اكتافك الحلوين دول لاني بعد الجواز مش هقبل بأي حاجة من دي..
غصون ربعت ايديها و بصت لايد عدنان و بعدها بصتله..
غصون:اولا انت واخدني كدة يبقي تتقبلني زي ما انا ثانيا انت لسة مبقتش جوزي علشان تصرف عليا ثالثا انت ازاي واحد زيك معاه الcriedt card..
عدنان:ماله واحد زيي يعني!!
عدنان:يا ريت توزني كلامك بالاضافة اني خطيبك و بمثابة جوزك يعني ادخلي و اسمعي الكلام..
عدنان مسك ايديها و وداها بطاقته و زقها بخفة ناحية المول,غصون دخلت المول و هي مستغربة شخصية عدنان و تفكيره..
غصون بدأت تلف في المول من غير ما تشتري أي حاجة...
غصون فجأة وقفت مكانها مصدومة أول ما لمحت عدي و هو معاه حراسه و بيتمشي في المول و في نفس الدور اللي هي فيه..
غصون شهقت و حطت ايديها مكان قلبها بوجع..
*************************
يتبع::::::